МОХЛАРОЙИМ ГУЛИМ🌹🌹

#ТЎҚНАШУВ:
МУАЛЛИФ ШАМСИНУР
202-қисм
Алининг гаплари Зарнисанинг қалбидаги оғриқни бироз босгандек бўлди, лекин Маматбойнинг қилмишлари ҳақидаги ҳақиқат барибир уни ич-ичидан кемирарди. Воқеалар ривожи янада чигаллашиб кетаётганини ҳис қилди. Суҳбатга якун ясашни истади.
Зарниса машина эшигини очиб, тушишдан олдин Алига қаради. Унинг нигоҳида ҳам миннатдорчилик, ҳам чексиз бир соғинч бор эди.
— Раҳмат, Али ака. Лекин қўрқув шунчаки хаёл эмас, у менинг уйимда яшаяпти, — деди-ю, тез юриб дарвозадан кириб кетди.
Али машина рулини маҳкам қисди. У Маматбойнинг “янги ҳуштори“ кимлигини тахмин қила бошлади. Наҳотки бу одам ҳеч нарсадан тап тартмаса? Хотинининг вафоти, уйининг ёниши ва ўғлининг хароб аҳволи уни тўхтата олмаяптими?

Сардор уйғонганида боши ғовуллаб оғрирди. Кечаги Соҳиба билан бўлган суҳбат тушга ўхшарди, лекин телефондаги “қабул қилинган қўнғироқлар“ рўйхати ҳаммаси ҳақиқат эканини тасдиқлаб турарди.
Ювиниб бўлгач, нонуштага ҳам қарамай, тўғри Маматбойнинг олдига борди. Маматбой ҳовлида ким биландир телефонда паст овозда гаплашарди.
— Ҳа, дедим-ку! Ҳаммасини ҳал қиламан. Пул керак бўлса, бераман, фақат оғзингни юмиб юр... — Маматбой ўғлини кўриб, гапни шартта кесди. — Ҳа, Сардор? Бунча вақтли турдинг?
Сардор отасининг кўзларига тикилди. Бу кўзларда на пушаймонлик, на қайғу бор эди. Кечагина уйи ёниб, умр йўлдоши вафот этган одамга ўхшамайди.
— Ота, Соҳиба ҳомиладор экан, — деди Сардор кутилмаганда.
Маматбойнинг юзи бирдан ўзгарди, лекин бу сафар ғазаб эмас, истеҳзоли бир кулги пайдо бўлди.
— Эшитгандим. Ўша тирранча кеча менга ҳам қўнғироқ қилди. Ишонма, ўғлим. У сени тузоққа туширмоқчи. Унақаларнинг боласи кимданлигини худо билади.
— Агар меники бўлса-чи? — Сардор овозини кўтарди. — Агар у менинг қоним бўлса, уни кўчада қолдираманми? Сиз шуни истаяпсизми? Худди бошқа нарсаларни яширганингиздек, буни ҳам йўқ қилмоқчимисиз?
ДАВОМИ БОР...

SHAMSINURIJODI

Бизлардан узоқлашманг 🍃🌸
Рамазон ойини б и з б и л а н бирга м а р о қ л и ў т қ а з и н г🫶

Реакция босамиз ❤️

⬇️Линкни босиб каналга обуна бўлинг!⬇️
❤️СИЗ ҚИДИРГАН КАНАЛ
┄┅┅✿🍃❀🌺❀🍃✿┅┅┄
Мохларойим Гулим Канали
https://t.me/joinchat/AAAAAFTHOz5ReZeUiwwLMA

❤64🔥8🕊1

10.8K views06:09