❌Akeekkachiisa

🌟Namoota baay'ee jelaa dhiheenya kanatti accountiin telegram baay'een hack jelaa ta'aa jira.

🌟Kunis liinkii namni isin beektan irraa ykn namni isin hin beekne irraa isiif ergama. Isinis linkii san yoo kan tuqxan ta'e battalumatti accountiin keessan hack ta'ee isin jelaa bada.

🌟Kanaafuu linkii isiniif ergame yoo jiraate tuquu irraa of qusadhaa. Sababni isaas liinkicha kan isiniif ergu nama san osoo hin taane namoota acountii keessan  hack gochuu barbaadan san irraa kan isiniif ergameedha.

🌟Linkiin fake(soba) ta'eefi fake hin taane fotoo  irraa post isiniif ta'e kan irraa ilaalaa.

💠Linkiin tokko
https://t.me jedhe kan eegalu linkii qulqulluudha

💠Garuu linkiin https://t.me jedhee hin eegalle yoo ta'e linkii bilbila kee si jelaa hack gochuuf siif ergameedha.

🌟Hiriyyootaa fi nama beektan maraaf share gochuun wal beeksissaa cyber attack kana irraa of ittisaa.

#qubeetutorial
╓⩶⩶⩶⩶⩶⩶⩶⩶⩶⩶╖                                              
⟣   🎓@QUBEETUTORIAL🎓   ⟢
╙⩶⩶⩶⩶⩶⩶⩶⩶⩶⩶╜

🚨Hubachiisa 🚨

Galmeen barnoota bara kanaa xumuramee jira.

Barattoonni hedduun keessan galmeedhaaf qarshii ergaa jirtu.
Kanaafuu galmee bara barnootaa 2018 ykn bara kanaa xumuruu keenya isin beeksifna.
Kunis kan ta’eef barattoonni kutaa 12ffaa qoruumsa isaanii waan xumuraniif, galmee barnoota bara kanaa xumurree, galmee bara itti aanuu ykn 2019 eegaluufi.

Maarree guyyoota muraasa keessatti galmee kan eegallu yoo ta’u, guyyaa galmee karaa social media keenyaa hundaan kan isin beeksifnu ni ta’a.

Hubannoo fi deeggarsa keessaniif guddaa galatoomaa 🙏🏾.


#qubeetutorial
╓⩶⩶⩶⩶⩶⩶⩶⩶⩶⩶╖
⟣ 🎓@QUBEETUTORIAL🎓  ⟢
⟣ 🎓@QUBEETUTORIAL🎓  ⟢
╙⩶⩶⩶⩶⩶⩶⩶⩶⩶⩶╜

📢 Entrance barataan cimaan kufee, dadhabaan maaliif darba. 🤔

Yeroo baay'ee barataan kutaa barnootaa keessatti cimaa jedhaman entrance yommuu kufan ni agartu, garuu barataan ati lazy ykn dadhabaa jettuun entrance yommuu darban ni argitu.
Sababni maaliidha? Saaykooloojiin hoo maal jedha? 🧠

Barataan baay'een
1. Qoruumsa fi barnoota golaa irratti guutumatti focus kennu, kun immo haala qoruumsaa fi uumama qormaata biyyoolessa akka dagatu isa godha. 📖
2. Yommuu duubbistan, waan dubbistan hubachuu dhabuu ykn concept osoo hin fudhatiin irra darbuu. 💡
3. Yeroo qormaataa sodaa of keessatti uumuu. Barataan cimaan yeroo baay'ee sodaa of keessaa qaba, kun immo confidence isaa harkaa ajjeesuun qormaata irratti akka burjaaja'u isa taasisa. 😰
4. Systema qormaataa hubachuu dhabuu.
Qormaatni bifa ittiin ba'u qaba, kanaafuu qormaata darban dalaguun qofti gahaa miti, akkaataa fi bifa qormaatni ittiin bahu hubachuu qabna. 📝
5. logically reason gochuu ykn qormaata xiinxaluu. (Ingiliffaan gaaffii guutuu sirritti hubachuu dhabuun sababa yeroo baay'ee barataan qoruumsa ittiin kufu keessaa isa tokkoo. Gaaficha hubachuun nutti ulfaatus, xiinxalliin ilaalanii gaaffiin maal akka jechuu barbaade hubachutu nurraa eeggama.) 🔍

Akka saaykooloojiin ibsutti kunniin sababa yeroo baay'ee barataan cimaan qoruumsa biyyoolessa ittiin kufuudha.
Barataan ati dadhabaa jettuun yommuu kanniin hubate qormaata dalaguun daran salphaa isaaf ta'a. ✅

Maarre Qubee Tutorial barattoota keenyaaf yaada kanniin hubannoo keessa galchuudhaan, barnoota bara 2019 bifa mijataa ta'een barsiisuuf harcaatii tokko malee qophii guutuu xumuree jira. Kanaafuu barataan kamis kana booda firii xaarii isaa akka argatuuf isin waliin akka jirruu fi deeggarsa barbaachisu hundaa akka isiniif goonu isin beeksisuu barbaadna.

➡️ Share wolii gochuun hiriyyoottan keessaniin wol dhageessisaa.

#qubeetutorial
╓⩶⩶⩶⩶⩶⩶⩶⩶⩶⩶╖
⟣ 🎓 @QUBEETUTORIAL 🎓 ⟢
⟣ 🎓 @QUBEETUTORIAL 🎓 ⟢
╙⩶⩶⩶⩶⩶⩶⩶⩶⩶⩶╜

📚 Kitaaba dubbisuun qofti gahaa miti. ❌

🔬 Qorannoo saayinsiin mirkanaa'e kanniin hin beektu yoo ta'e, osoo hin bariin, dubbisa gonkumaa hin eegaliin.

😴 1. Hirriba
Hirribni waan sammuun kee guyyaa barate ykn qu'ate gara yaadannoo yeroo dheeraatti jijjiira.
Halkan guutuu osoo hin rafiin dubbisuun yaadannoo kee ni laamshessa ykn humna yaadachuu keetii ni xiqqeessa.
Kanaafuu guyyatti yoo xiqqaate sa'aatii 7 hanga 8 hirriba gahaa argachuu qabda.

⏰ 2. Yeroo qoqqooduu
Waan dubbiftu yeroo adda addaatti irra deddeebitee dubbisuun, yeroo tokko keessatti sa'aatii hedduu walitti qabdee dubbisuu caalaa bu'aa guddaa qaba.
Kanaafuu waan dubbiftu yeroo adda addaatti qooduun irra deddeebiin dubbisuun sirritti waan dubbifne san akka yaadannu nu gargaara.

🧠🖼 3. Seenaa fi fakii
Sammuun namaa seenaa fi fakii salphaatti yaadata.
Sammuun namaa waan tokko bifa seenaatiin ykn bifa fakiitiin yoo dubbise irra deebi'ee waan san yaadachuun ni salphataafi.
Kanaafuu yommuu dubbiftan bifa kanaan dubbisuun memorize gochuuf ykn yaadachuuf karaa isa salphaadha.

☕️ 4. Boqonnaa
Yeroo dubbistu boqonnaa gabaabaa gidduu gidduutti fudhachuun sammuun kee waan dubbiste akka gaariitti akka fudhatu taasisa.
Yeroo dheeraa ta'e osoo addaan hin kutiin dubbisuu irra, gidduu giddutti boqonnaa fudhachaa itti deebi'uun, cinqii tokko malee akka dubbisnuuf nu fayyeda.

👨‍🏫 5. Waan hubatte barsiisuu
Waan dubbifte tokko nama biraa barsiisuun ykn dubbisiisuun. Haalli yaadannoo keetii saffisaan akka cimu taasisa. Waan dubbiste sanis yeroo dheeraaf akka yaadattuuf si gargaara.

📝 6. Yaadannoo qabachuu
Yeroo dubbiftu jechoota ijo ijoo yaadannoo irratti bifa ati ittiin booda yaadattuun qabachuun, booda deebitee yommuu dubbiftu karaa salphaan waan dura dubbiste san akka yaadattuuf si gargaara. Kanaafuu yommuu dubbistu yaadannoo qabachuun amala dubbisa keetii keessaa isa tokko ta'uu qaba.

⏩ Hiriyyoottan keessaniif share gochuun wal dhageessisaa.

#qubeetutorial
╓⩶⩶⩶⩶⩶⩶⩶⩶⩶⩶╖
⟣ 🎓@QUBEETUTORIAL🎓  ⟢
⟣ 🎓@QUBEETUTORIAL🎓  ⟢
╙⩶⩶⩶⩶⩶⩶⩶⩶⩶⩶╜