🚨 ရာဖာ လီအိုရဲ့ အပြောင်းအရွှေ့အတွက် စိတ်ဝင်စားသူတွေ ပိုများလာပါတယ် ။

Galatasaray အပြင် ဆော်ဒီကလပ်အသင်းများကလည်း Rafa Leão ရဲ့ ကိုယ်စားလှယ်ဘက်နဲ့ ဆွေးနွေးမှုတွေ စတင်ဖို့ ပြင်ဆင်နေပါတယ်။

AC Milan ကနေ ထွက်ခွာနိုင်ခြေကတော့ အခုထိ ရှိနေဆဲဖြစ်ပြီး၊ သုံးပတ်ခန့်အကြာက Fenerbahçe ကလည်း ခေါ်ယူဖို့ ကြိုးစားခဲ့ဖူးပါတယ်။ Leão ရဲ့ အနာဂတ်ကတော့ ဒီနွေဈေးကွက်ရဲ့ စောင့်ကြည့်ရမယ့် အဓိကအပြောင်းအရွှေ့တွေထဲက တစ်ခုဖြစ်လာနေပါတယ်။

🔴 MLS — ကမ္ဘာ့အကျော်ကြားဆုံးကြယ်ပွင့်တွေ နားခိုရာ လိဂ်ဖြစ်လာပြီလား?

အမေရိကန်ရဲ့ Major League Soccer (MLS) ဟာ အခုနောက်ပိုင်းမှာ ကမ္ဘာ့ဘောလုံးလောကရဲ့ နာမည်ကြီးကစားသမားတွေ အဆုံးသတ်ကာလမှာ လာရောက်ကစားတဲ့ လိဂ်တစ်ခုအဖြစ် ပိုမိုထင်ရှားလာနေပါတယ်။

လက်ရှိ MLS မှာ နာမည်ကြီးကစားသမားတွေ အများအပြား ရှိနေပြီး—

• Robert Lewandowski — Chicago
• Lionel Messi — Inter Miami
• Alexis Sánchez — CF Montréal
• Marco Reus — LA Galaxy
• Thomas Müller — Vancouver Whitecaps
• Antoine Griezmann — Orlando City
• Son Heung-min — LAFC
• Casemiro — Inter Miami

ဒီလို ကမ္ဘာ့ထိပ်တန်းအဆင့် ကစားသမားတွေ တစ်နေရာတည်းမှာ စုစည်းလာတာကြောင့် MLS ရဲ့ လူကြိုက်များမှုနဲ့ ကမ္ဘာ့အာရုံစိုက်မှုကလည်း တဖြည်းဖြည်း မြင့်တက်လာပါတယ်။

🚨 ဂျူလီယန် အယ်လ်ဗာရက်ဇ် မနက်ဖြန်ကစားမယ့်ပွဲမှာ မကစားနိုင်သေး

အက်သလက်တီကို မက်ဒရစ်နည်းပြ ဒီယေဂို ဆီမီယိုနီ က ဂျူလီယန် အယ်လ်ဗာရက်ဇ်ဟာ မနက်ဖြန်ကစားမယ့်ပွဲမှာ ဝင်ကစားဖို့အတွက် ကြံ့ခိုင်မှုအခြေအနေ မပြည့်စုံသေးဘူးလို့ ပြောကြားခဲ့ပါတယ်။

ဒါပေမယ့် လာမယ့် ၄ ရက်အတွင်း အခြေအနေ ပိုမိုကောင်းမွန်လာပြီး အသင်းလိုချင်တဲ့ ကြံ့ခိုင်မှုအဆင့်ကို ရောက်ရှိလာမယ်လို့ မျှော်လင့်ထားကြောင်း ဆီမီယိုနီက ပြောပါတယ်။

🚨 Al Hilal က Ollie Watkins အတွက် Aston Villa ထံ ယူရို €45 သန်းတန်ဖိုးရှိ တရားဝင်ကမ်းလှမ်းမှု ပြုလုပ်လိုက်ပါပြီ။ Add-ons တွေလည်း ပါဝင်ပါတယ်။

Watkins ကိုယ်တိုင်ကတော့ Al Hilal ကို ပြောင်းရွှေ့ဖို့ စိတ်ဝင်စားနေပြီး နောက်ဆုံးဆုံးဖြတ်ချက်ကတော့ Aston Villa ဘက်မှာ ရှိနေပါတယ်။

Al Hilal ဘက်က ယခင်က ကမ်းလှမ်းမှု ၂ ကြိမ် ပြုလုပ်ခဲ့ပေမယ့် Villa က ပယ်ချခဲ့ပြီး အခုတော့ တရားဝင်ကမ်းလှမ်းမှု ရောက်ရှိလာပြီ ဖြစ်ပါတယ်။

🚨 José Mourinho က ရီးယဲလ်မက်ဒရစ်ရဲ့ ပြီးခဲ့တဲ့ရာသီအခြေအနေအပေါ် သုံးသပ်ပြောကြားခဲ့ပါတယ်။

Mourinho က Xabi Alonso နဲ့ Arbeloa တို့ဟာ ပြီးခဲ့တဲ့ရာသီက ရလဒ်မကောင်းမှုတွေအတွက် အပြစ်ပုံချခံခဲ့ရပေမယ့် ပွဲနိုင်၊ ပွဲရှုံးဆိုတာ နည်းပြနဲ့ ကစားသမားတွေရဲ့ စွမ်းဆောင်ရည်တစ်ခုတည်းပေါ် မူတည်တာမဟုတ်ဘူး လို့ ဆိုပါတယ်။

အသင်းရဲ့ မအောင်မြင်မှုမှာ နည်းပြနဲ့ ကစားသမားတွေအပြင် အသင်းအတွင်းက တာဝန်ရှိသူတွေနဲ့ အခြားအဖွဲ့ဝင်တွေလည်း တာဝန်ရှိကြောင်း Mourinho က ထောက်ပြပြောဆိုခဲ့ပါတယ်။