🚨 Rodri ဟာ Barcelona ကို ပြောင်းရွှေ့တော့မှာဖစ်ပါတယ် ။

Manchester City က စပိန်ကွင်းလယ်ကစားသမား Rodri ကို Barcelona ထံ ရောင်းချဖို့ နောက်ဆုံးကမ်းလှမ်းချက်အပေါ် Green Light ပေးလိုက်ပြီးနောက် နှစ်ဖက်အသင်းကြား သဘောတူညီမှု ရရှိသွားပြီဖြစ်ပါတယ်။

ဒါကြောင့် Rodri ဟာ Manchester City ကနေ ထွက်ခွာပြီး Barcelona အသင်းထံ ပြောင်းရွှေ့တော့မှာဖြစ်ပြီး၊ အပြောင်းအရွှေ့ကိစ္စအားလုံး သဘောတူညီပြီးစီးသွားပြီလို့ Fabrizio Romano က အတည်ပြုဖော်ပြထားပါတယ်။

🚨 ရာဖာ လီအိုရဲ့ အပြောင်းအရွှေ့အတွက် စိတ်ဝင်စားသူတွေ ပိုများလာပါတယ် ။

Galatasaray အပြင် ဆော်ဒီကလပ်အသင်းများကလည်း Rafa Leão ရဲ့ ကိုယ်စားလှယ်ဘက်နဲ့ ဆွေးနွေးမှုတွေ စတင်ဖို့ ပြင်ဆင်နေပါတယ်။

AC Milan ကနေ ထွက်ခွာနိုင်ခြေကတော့ အခုထိ ရှိနေဆဲဖြစ်ပြီး၊ သုံးပတ်ခန့်အကြာက Fenerbahçe ကလည်း ခေါ်ယူဖို့ ကြိုးစားခဲ့ဖူးပါတယ်။ Leão ရဲ့ အနာဂတ်ကတော့ ဒီနွေဈေးကွက်ရဲ့ စောင့်ကြည့်ရမယ့် အဓိကအပြောင်းအရွှေ့တွေထဲက တစ်ခုဖြစ်လာနေပါတယ်။

🔴 MLS — ကမ္ဘာ့အကျော်ကြားဆုံးကြယ်ပွင့်တွေ နားခိုရာ လိဂ်ဖြစ်လာပြီလား?

အမေရိကန်ရဲ့ Major League Soccer (MLS) ဟာ အခုနောက်ပိုင်းမှာ ကမ္ဘာ့ဘောလုံးလောကရဲ့ နာမည်ကြီးကစားသမားတွေ အဆုံးသတ်ကာလမှာ လာရောက်ကစားတဲ့ လိဂ်တစ်ခုအဖြစ် ပိုမိုထင်ရှားလာနေပါတယ်။

လက်ရှိ MLS မှာ နာမည်ကြီးကစားသမားတွေ အများအပြား ရှိနေပြီး—

• Robert Lewandowski — Chicago
• Lionel Messi — Inter Miami
• Alexis Sánchez — CF Montréal
• Marco Reus — LA Galaxy
• Thomas Müller — Vancouver Whitecaps
• Antoine Griezmann — Orlando City
• Son Heung-min — LAFC
• Casemiro — Inter Miami

ဒီလို ကမ္ဘာ့ထိပ်တန်းအဆင့် ကစားသမားတွေ တစ်နေရာတည်းမှာ စုစည်းလာတာကြောင့် MLS ရဲ့ လူကြိုက်များမှုနဲ့ ကမ္ဘာ့အာရုံစိုက်မှုကလည်း တဖြည်းဖြည်း မြင့်တက်လာပါတယ်။