يالله أنا طالبك خاطر سمح و طول بال
‏يسعفني أسايـر زماني واقوى بلاويّـه

‏وقفنا على باب الأمل وقفت المحتاج
‏ورجينا كريمٍ ماهوب يصكّ بيبانه

‏يناجيه عبده وما يرده سحا واحراج
‏ويطلبه من فضله ومدّته واحسانه

‏عسى مقبلات الأيام يسر ورخا وافراج
‏وعسى ما مضى يمحاه عفوه وغفرانه

‏كرام النفوس اليا لحقها خطا الّغالين
‏تطوف خطا الغالين من عّز ومروه .

‏بيتٍ بلا شيبّان يا شينه وقل حلاه
لو إنه يتبارق ما تحلى تباريقه .

‏في دبرة الوالي تزين التصاريف
‏يالله عسى كل المقابـيل خيره .

‏طالبك يالله جهدٍ بذلته لايضيع
‏ياكريمٍ مايخيب رجاء عبدٍ رجاه .

‏ماسفَهت من العقول الا الخلي
‏وما حقرت من الكلام الا النبيح .

نحيا حياة أحرار ، راضين النصيب
‏ونموت ، ما توطا لنا الدنيا على طرف .

ان طعتني لاعاد تشره على الناس
من جاك رحب به ومن راح خلّه

لا تجرح الغالي ولا تقطع الياس
واضحك ولو بالقلب ستين علّه

لاتنقل الهرجه ولا تصير بلّاس
حتى ولو تملك عليها الأدله

واحذر تصير انسان ضايق و حساس
وتبالش العالم على كل زلّه

وان صرت طيب خل طيبك له مقياس
الطيب في بعض المواقف مذلّه .

‏اللي ما يقدر وجودك لاا تعظّمم غياابه.

الله كفيل أهل الصدور المغاليق.

‏جعل من يحب الطيب يبطي وراسه حي
‏و خيره كثير . . وجاير الوقت ما ضامه

‏بعض العرب طبعه صراحه يحير
‏ليا تركته جاك وإن جيت خلاك

‏و بعض العرب مثل الذهب ماتغير
‏مادام له عندك قدر صعبّ ينساك .

‏من باعنا بعناه بـاللي يسده
‏مانشتري الا واحدٍ يشترينا

‏ومن حدنا جعل الليالي تحده
‏نجفاه ولو انه عزيزٍ علينا .

حمانا الله وإياكم من قصر الذراع وقلّة الحيله وخذلان الاصحاب والعدو الشمّات.

الحمدلله مهما سَاء الحال وضاق البَال .

يقطع الله غناة ما تسر الصحيب
‏و يقطع الله صحيبٍ ما يذري ذراه .

‏خلك على النيه تجيك التوافيق
‏لو أغلب قلوب المخاليق ظلما .

أوهبنا مقـامٍ يـرفعه قوّ ديـن وحظ
‏يامن ترفع حظوظ الأوادم وتنهضها .

صيتنا من قديم الوقت سيلٍ نحاوي
‏سيرة الطيب واضحه و محدٍ جهلها

‏بين عز الشموخ و بين طيب العزاوي
‏ما تليق المكارم غير و الله بـ أهلها .

‏ظروف الليالي خلها بين ضرس وناب
‏وخل المثل عندك يادنيا من انتي له

‏وتجمل مع الاجناب واكسب غلا الاصحاب
‏ ودنيا بدون الطيب بالله وش هي له (: