رفعت نفسي ععن هزيلين الافعال
وحشمت نفسي عن الهروج الدنيه

ماجـور يا لساني عن الهرج لا طال
ومحشوم عن نقل العلوم الرديه

الا يا نديبي فوق جمسٍ عليه سطاب
ليا حاسب السـواق تولع مواخيره

صنايع بياطير الكفر لابسين كاب
عصاة اليهود اللي مشاريبها بيره .

يا ربي عساني مااتوانى بفعل الخير
واعنّي على نفسي واعنّها على ذكرك

انا عبدك اللي ماعصمته عن التقصير
وياقف على شرعك وينصاع تحت امرك.

في هذه الأجواء لا يتطلب الأمر إلا :
قهوةٍ غايب شيطانها ماتقدم الا لطويلين الاعمار.

على الله يا مشاوير الضيّاع وعثرة الاقدام
‏يعين الله على عوج الدروب وباقي أياميّ .

عسى المقبله فيها من الجود هبة ريّح
‏وعسى الماضيه تغفر من الله خطاياها.

‏ناخذ لنا من طّيب الوقت تذكار
‏وحمل الرفيق ليا نصانا نشيله .

‏جعل الصاحب إللي على صويحبه ذرى
‏مايوجعه ضيم الليالي على مر السنين .

‏" اللي مشى لك شبر قم و أمش له باع
‏و نفس الرخيص بسومه الرخص بعها ".
‏__محمد الاحمد السديري رحمه الله

على حسب ما مرني ومن تجارب الاولين
وجهة نظر ويجوز فيها الاتفاق والانقسام

اترك مسافه بينك وبين الاخرين
بعض البشر ودك حدود المعرفه معهم سلام

أصمت ولاتحرص على كثر الكلام الصمت زين
الي سكوته ساتره يمكن يعريه الكلام

واذا تكلمت احذر تكون اطول المتكلمين
السالفه لاطولت يقل معها الاهتمام

وأمزح ومزح باللسان أخير من مزح الايدين
مزح الرجال العاقله على حدود الاحترام

وأضحك ولاتضحك برفع الصوت رفع الصوت شين
من الادب والذوق عند الضحك ضحك بابتسام

وأكرم وبيبان الكرم واجد ولا يحتاج دين
ترا الرجال إكرامها ماهوب في كثر الطعام

وأحلم ولا تعجل ولاتغضب ولاتشري بدين
شاور ولو رايك معك لاشرت عداك الملام

واذا شريت بدين لاتبطي على المتجملين
كلٍ حلاله غالي عنده ولو هو مايسام

لاجاك مديونك معه بعض الوفاء وبعضه لحين
استد بالي جاك وش دراك لله الدوام

ترا التغافل فيه لذه وانشد المتغافلين
لاجات كلمه توجع أطلقها مع سرب الحمام

وارضى اذا جاك الرضى لو العذر ماهو سمين
ترا التسامح ميزة الساده رفيعين المقام

صادق واذا صادقت ماجربت ماصدقت لين
أما يطول بك السهر ولا يطيب لك المنام

أصدق مع نفسك وتلقى نفسك من الصادقين
النفس خيل بليس لاتعطيه نفسك واللجام

اذا نصحت أنصح خفى لاتفضحه فالحاظرين
ترا الرجال يقودها لين الحكي قود الخطام

ولاتواضع في حظور العالم المتكبرين
تعامل بنفس الطريقه معهم ونفس النظام

وأخلاقك وتواضعك عامل بها المتواضعين
نصف الادب مجامله جامل ولاتجامل لئام

واذا تسولف عن طموحاتك للمتفرغين ؟
كنك تسولف لنصارى فالحلال وفالحرام

والعمر ماهو فرصة وحده ولافرصتين
مع كل مطلع شمس لك فرصه وخطوه للامام

هذا ولا زلنا تعلمنا اللليالي والسنين
والعلم خير من الجهل والنور جلاي الظلام .

- علي بن رفده .

القصيده المسكّته .

عن كل دربنّ عليه النفس أمّاره
‏تردنا شيمه الشيبان و لحاها.

وصييِة :
أن كان ما ضويت علمٍ يجمل
فلا تضوي علم يحرج قبيله .

وفق الله صاحبٍ بـ الرفاقـة ما يبور .

عسى الله يعطي كل طيب على ظنه .

‏نرتجي من صادق غيوم الوصل وسميه
‏تنعش إللي مدهرٍ قلبه وحاله ذاوي .

‏طويلين بال ودايم نسامح الغالين
‏ولا حنا من اللي لا زعل دوّر الزله .

‏"عسى المدلهم الحادر البارق الرعاد
‏تدلا على دار الوليف هماليله".
ㅤㅤ

خيّل على نجد قاصيها ودانيها
‏البرق يبرق وخير المزن همالي .

‏" نطيب لو عيّت ليالينا تطيب
‏بفضلٍ من اللي جمّل الحال و لَطف ".

‏اهل العلوم البايخه والتبجاح
‏اوحيت او ما اوحيتهم خلف متني

‏علي من العراف خلان الامداح
‏اللي من هروج القفيا حمتني .