⚜خدمة عشاق الاسطورة تقدم:
📜القصيدة: [ اجيتك ]
✒للشاعر: [ سعيد الصافي الرميثي ]
https://t.me/eshaqalestoora/27628

اجيتك اخدمك واني ممنون 
لگيتك مرادي واجري مضمون 
فرض عندي زيارتك
عمري فدوه الخدمتك 
واني ممنون 
📌📌📌📌📌
اجيتك باعتقادي وخالص النيه 
عبد ما بين اديك وآمر عليه 
اجي اعله الراس اذا ما تكفي رجليه 
إلك خادم اضل لآخر نفس بيه 
شعوري اسمعك يا هلا تگول 
سروري موالي وقصدي مقبول 
وانحسب من شيعتك
عمري فدوه الخدمتك 
واني ممنون 
📌📌📌📌📌
شفت كل الحوائج حلها يم بابك 
صبح واجب عليه اسجد على اعتابك 
سجين وراهب وطاموره محرابك 
بعد يا دمعه ما تنزل على مصابك 
بچيتك ولو ما تكفي الدموع 
نعيتك نواعي الگلبه مفجوع 
حزن روحي امصيبتك
عمري فدوه الخدمتك 
واني ممنون 
📌📌📌📌📌
امدحك من ردت يا موسى ابن جعفر
رجف گلبي واحس الساني يتعثر 
اذان الحق سمعته ابمرقدك كبر 
لون تدري ابفضل هذا الغصن شثمر 
صفاته مسامح غيضه مكضوم 
حياته قضاها ابسجن الهموم 
من سمعت ابقصتك
عمري فدوه الخدمتك
واني ممنون 
📌📌📌📌📌
اذا جدك محمد وامك الزهره 
اصل غصنك فرع من شجرة القدره 
على المثلك قليله الدمعه والحسره 
غريب ولا معين المن هله ايحضره 
دعائه حزين ويجرح الصوت 
رجائه تقرب ساعة الموت 
والله ينظر حالتك
عمري فدوه الخدمتك 
واني ممنون 
📌📌📌📌📌
من سجن السجن لمن ينقلونه 
اگول ابيا ذنب چانوا يطلبونه 
تحت امر الخليفه الطاغي يردونه 
و على بغض الوصي حيدر يبغضونه 
ظلمهم ورث من ظلم الاعراب 
خصمهم محمد يوم الحساب 
من يقدم شكوتك
عمري فدوه الخدمتك 
واني ممنون 
📌📌📌📌📌
كتاب الله ابسجن هارون تأويله
ولا يگدر نهاره ايميزه من ليله 
سجن مظلم غدت حيطانه تبچيله 
ولا نندل مكانه وحته نمشيله 
يشيعه وبعد ما ندري بالصار 
فجيعه اجتنه اتگول الاخبار 
كل املنه ابطلعتك
عمري فدوه الخدمتك 
واني ممنون 
📌📌📌📌 📌
والمبشر اجانه ابخبر ونسمعه 
يشيعه ايگول يوم الموعد الجمعه 
طلعنه الشوفته نركض فد طلعه 
ما ندري الغريب ايريدنه انشيعه 
فزعنه نشوفك جينه بالحال 
رفعنه جنازه او بيها اغلال 
ردنه نحضر ابشوفتك
عمري فدوه الخدمتك 
واني ممنون 
📌📌📌📌📌
يناعي بالصحن هذا الغريب امنين 
ليش اعله الجسر وين اهله راحو وين 
غريب الما تشيع ابو اليمه احسين 
ولا تنشف على امصابه دموع العين 
ضحايه اخوته وكل الاصحاب 
سبايه عياله ابولية اجناب 
يالرثينه ابدمعتك
عمري فدوه الخدمتك 
واني ممنون 
📌📌📌📌📌
*━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba             
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة اجيتك اخدمك📝👆

⚜خدمة عشاق الاسطورة تقدم:
🎵القصيدة : ماتت دللول الولد
📝للشاعر : علاء العيساوي
https://t.me/eshaqalestoora/27630

ماتت دللول الولد
والحضن فارغ والمهد 
بغيابك مضيعه شمس
يوليدي چف امك برد 
📌📌📌📌📌
عبد الله للشم رگبتك
يوليدي مو مالت جرح 
طبع الورد بآخره نفس
ينزف عطر من ينذبح 
مناغاتك آذان الخيم
چانت تفززني الصبح 
چم شهر عمرك يالولد
واشچم سنه عمر الرمح 
كلش ترف نحر الورد
ميت واخافن تنحسد 
گمت اهمس بنحرك همس
يوليدي چف امك برد  
📌📌📌📌📌
فوگ الرمح يمه شفت
ينزل سوه الدم والدمع 
ويحرك الرگبه الهوه
بس السهم ماينشلع 
گاطع ضحكتك يا سهم
تضحكلي بس ماتنسمع 
اتمنه اجر بيدي السهم
بس خوفي نحرك ينگطع 
فوگ الرمح راسه ابتسم
بس حرك الرگبه السهم 
وابالي چم ضحكة عرس
يوليدي چف امك برد 
📌📌📌📌📌
گماطين اگمطك يالولد
عبد الله مو واحد جبت 
اگماط اشده اعله النحر
خاطر بعد ماتلتفت 
نحرك يطيح امن الرمح
لو ضربوا اگبالك اخت 
نحرك فلا يثبت اذا
باگوا تراچيهن شفت 
فوگ الرمح ماتنتظر
لو جر تراچيها الشمر 
وادري الدمع ماينحبس
يوليدي چف امك برد 
📌📌📌📌📌
يوليدي للزهره اعتني
والمحسن اهوايه انتظر 
تلوليلكم خاطر سوه
هم عمره مثلك چم شهر 
بالباب كسرولچ ضلع
والطف ظهر لأمي كسر 
صدر الحسين بكربلا
الخيل بي حفرت حفر 
وبصدره نابت چم سهم
بس عينه ضلت عالخيم 
شيصير بخيامه يحس
يوليدي چف امك برد 
📌📌📌📌📌
گللها مشتاق انشبگ
ماغمضت بالطف جفن 
والرمل حار بكربله
وعالغبره باقي ابلا دفن 
واحسين طعنات انترس
واسهام بيه ماينحضن 
ماسالم بجسمه كتر
كل ما اشبگه ايضل يون 
ما غمضت ليل وصبح
ياذيني اذا انام الرمح 
وفراشك اذكر بي امس
يوليدي چف امك برد
📌📌📌📌📌
*━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba             
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة ماتت دللول الولد📝👆

⚜خدمة عشاق الاسطورة تقدم:
📜قصيدة: فاطمة ويانه
✒للشاعر : علي الخفاجي
🔖١٤ جمادى الأول ١٤٣٩ _ العاشور
https://t.me/eshaqalestoora/27629

فاطمة ويانه تقيم ..... هاي الشعائر
⁦▪️⁩⁦▪️⁩⁦▪️⁩⁦▪️⁩⁦▪️⁩
من زينب احنه و فاطمة اتعلمنه
خط الشعائر يبقى يسري بدمنه
شيعة علي و كلشي لعلي قدمنه
ميهمنه لو نخلص ذبح ميهمنه
يالزهره كلنه نصيح .... فدوة المناحر
⁦▪️⁩⁦▪️⁩⁦▪️⁩⁦▪️⁩⁦▪️⁩
لابد نصيح و يسمع العادانه
منبر حسين اعله الشرف ربانه
هاي الشعائر نرخصلها ادمانه
و اللي يحاربنا نقص السانه
ما سكت بالتاريخ .... صوت المنابر
⁦▪️⁩⁦▪️⁩⁦▪️⁩⁦▪️⁩⁦▪️⁩
ما نجوز من هذا الامر و نعوفه
لو طاح كل شيعي و قطعتوا جفوفه
عباس علمنه بنشيد حروفه
شباج ابو اليمه ابدمعنه نطوفه
كربله للاجيال .... ثورة ضماير
⁦▪️⁩⁦▪️⁩⁦▪️⁩⁦▪️⁩⁦▪️⁩
صوت المواكب و اللطم يجمعنه
شيعة و الف حجاج ما يمنعنه
خل اليعادينه يجي و يسمعنه
لحسين من يوم المهد وقعنه
للأمم قبر حسين ..... ثورة مشاعر
⁦▪️⁩⁦▪️⁩⁦▪️⁩⁦▪️⁩⁦▪️⁩
خدامك احنه اعله العهد تلقاها
و بمحبتك رب العرش وصاها
ما تنسه ثارك شيعتك معناها
جلمة خلود و للزمن نقراها
لا تظن يالمحبوب .... عنك تهاجر
⁦▪️⁩⁦▪️⁩⁦▪️⁩⁦▪️⁩⁦▪️⁩
اخذوها هاي قلوبنا و شوفوها
و احيوا الشعائر للابد احيوها
كربله البيها حسين ما يمحوها
يا شيعته ابكل اللغات احجوها
ما بدر عن حسين ..... يمنعنه كافر
⁦▪️⁩⁦▪️⁩⁦▪️⁩⁦▪️⁩⁦▪️⁩
وي مجلسك عشرة عمر يدروني
و الناس خادم منبرك سموني
هيهات عنك سيدي يبعدونه
انعه المصابك حتى لو ذبحوني
حتى اقهر الشمات .... لجلك اكابر
⁦▪️⁩⁦▪️⁩⁦▪️⁩⁦▪️⁩⁦▪️⁩
*━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba             
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة فاطمة ويانه📝👆

⚜خدمة عشاق الاسطورة تقدم:
📜قصيدة : نعش الوفية انشال - طهران
✒للشاعر المبدع : علي السقاي
🎵طور لحن : شلون أصبر على الآه
٩ جمادى الثاني١٤٣٨ - الأكراد الفيلية
https://youtu.be/x_1_yAuDDys

نعش الوفیه انشال والکل یراقب
اربع زوایا إترید اربع غوالب
موقف حزین وین البنین
والکل یراقب
🍁🍁🍁🍁🍁
من يوم الإجه الناعي
كل يوم بسنه تحسبه
تريد الموت يلفيها
تحس چن عايشه بغربه
كل ما تحمل القرآن
تشوفه حسين وتحبه
شكثر بچتها هالآيه
فمنهم من قضى نحبه
من المؤمن رجال صدقوا عهدهم
ام البنين تريد تقضي بعدهم
هاج الحنين وين البنين والكل يراقب
🍁🍁🍁🍁🍁
إنعلن هذا الخبر إلنه
الوفيه ماتت بهاليوم
فلا حول ولا قوه
إلا بالعلي القيوم
انعادت ذكريات الطف
ذكرنا مصيبة المظلوم
بنعيها صرنا نتوهم
نشم ريحة حرق ودموم
حين النعش جابوه شفنا الزوايا
طفحت عيون الناس بدمع الرزايا
يامشيعين وين البنين والكل يراقب
🍁🍁🍁🍁🍁
ثلاث سنين عقب الطف
قظتها بحرقه و بلوعه
إلى أن فاضت الأنفاس
بعدها الروح مفجوعه
نعشها والچفن مطبوق
لاچن تذرف دموعه
تمنينا يشيعها
البدينه الرايه مرفوعه
مايحضر العباس ندري بظروفه
ادري القمر مطبور مقطعه چفوفه
بدال الجبين وين البنين والكل يراقب
🍁🍁🍁🍁🍁
الممات اليوم وافاها
حزينه وعايفه الدنيا
فقط لو قلنا بيها حسين
مو عجبه ترد تحيا
يشيال النعش صحنا
نريده نريض المشيه
انتظر عبدالله يحضرها
ويجي من كربله بسعيه
عبدالله ريته اليوم يحضر دفنها
لچن بعد هيهات مذبوح ابنها
بقطع الوتين وين البنين والكل يراقب
🍁🍁🍁🍁🍁
بصرخة واحسينا
وبيا حسين نشيع الجثمان
ونقرا الفاتحة وياسين
وهيه بذمة الرحمن
نظل نتلفت بحسره
منو يواريها بالتربان
يريت ويانه لو موجود
ونعظم أجر عثمان
نتمسك بأحلام كلش بعيده
نتذكر بعاشور قطعوا وريده
حسره وأنين وين البنين والكل يراقب
🍁🍁🍁🍁🍁
اليراقب لا بعد ينطر
الجسد خل ينزل المضجع
أكيد بعالم البرزخ
يجوها الچنه نتوقع
النعش اربع زوايا بيه
وهي عدها بنين أربع
وندري برابع اخوانه
مثلهم طاح بالمصرع
واللي سأل ويقول چا وينه جعفر
نرد الجواب عليه جسمه تعفر
مرمي وطعين وين البنين والكل يراقب
🍁🍁🍁🍁🍁
صحنه ياسلام الله
على النامت قريرة عين
هاي اللي بواچيها
حفرت عالوجن نهرين
بچت أحبابها هاليوم
عقب لهفتها مجتمعين
لچن حتما ولا شك
أولهم إجاها حسين
كل السؤال عليه حتى بأجلها
يبني تقله حسين ويمه يقلها
لو تسألين وين البنين والكل يراقب
🍁🍁🍁🍁🍁
*━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba             
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة نعش الوفية انشال📝👆

⚜خدمة عشاق الأسطورة تقدم:
📜قصيدة: الحب لمن خلق الحب
✒الشاعر :نادر التتان
https://t.me/eshaqalestoora/27627

الـقـلـبُ  لِمن زَرعَ القلبَ و روّاه 
 والحبُ لِمن خلقَ الحبَ و سّواه
بـيـديـكَ قـلـوب فبمن سَتذوب
 والحبُ لِمن خلق الحبَ و سّواه
🍃🍃🍃🍃🍃🍃🍃
شـعـورك لـو غُـمـر الـوجـود 
بـدون الـنـيـة مو موجود
تـظـن  الأجـود يـنـفـعـك 
بـدون الله الـكـرم و الـجود
تـظـن الـحـب إلـه مـعـنـه 
إذا يـبـعـد عـن الـمـعبود
تـرى الـمـاي الـلـي مـا يـصـفه 
صعب يروي عطش الورود
إذا شـفـت السمه إتخيلها من ألماس 
في نظرتها الغنه يفرق عن الإفلاس
إذا  حـبيت  أحد حبه بأعف إحساس 
وإذا مو لله حبك لا تحب الناس
الـمـركـبُ لـو غابَ يعودُ لمِرساه
 هل تهجرُ مرساكَ و دربُكَ تنساه
لـكَ ألـفُ مـسـيـر فـلأينَ تسير 
والحب لمن خلق الحب و سواه
🍃🍃🍃🍃🍃🍃🍃
جـمـال الـنـاس إذا شـفـتـه 
 قـبـل لا تـعـشـقـه تأمل
أكـيـد الـهـا الـحـسـن خـالـق 
و أكـيـد اللي خلق اجمل
تـقـاسـيـم  الـقـمـر  كـمـلـت 
ويـظل رب السما أجمل
تـمـل مـن كـل نـجـم عـيـنـك 
وربـك نـوره مـا ينمل
أذكـرك بالنبي يوسف قمر يعقوب
غلب شوق الملأ شوقه إرتمه مغلوب
جـمـاله الجنن إعقول و سحر القلوب 
إذا يذكر جمال الله ابحنينه يذوب
هـذا  لـكَ تـركـضُ يُـسراهُ و يُمناه
هذا لكِ ترمُشُ باللهفةِ عيناه
ألِـكـلِ جـمـيـل بـهـواكَ تـميل 
والحب لمن خلق الحب و سواه
🍃🍃🍃🍃🍃🍃🍃
خـذلـت الـحـب و قـلـبـك مـال 
لـدنيا من الذهب و المال
نـسـيـت الله الـغـنـي وحـبـه 
بـنـيـت اعله الفلس آمال
إذا  بـكـرة إنـخـتـم عـمـرك 
شـيـضـل عندك تحت الرمال
فـقـيـر  وثـروتـك راحـت 
رصـيـدك صـفـحة الاعمال
كثر ما تضحك الدنيه بحشم و اقصور 
كثر ما تحفر وترمي بوسط القبور
إذا صرت بنعيم إحذر مرض الغرور 
سخائك و التواضع يرشَحك بالنور
أحـبـبـتَ  حـياتكَ للمظهرِ والجاه 
 والشكلُ متى نفعَ العبدَ و نجّاه
هـي  ذاتُ عـمـاد أتُـحِـبُ رماد 
والحب لمن خلق الحب و سواه
🍃🍃🍃🍃🍃🍃🍃
صـديـقـك  لـو فـي حـبـك ذاب 
 بـعـد سأله عن الأسباب
إذا مــا قــربــك لــلـه 
 بـلا شـك هـذا حـب چذاب
كـم حـب عـشـتـه و إحـسـاسـك
مـجرد فتنة لو إعجاب
لأن  حـب الله يـكـشـف لـك 
 نـقـاء الـصحبة و الأصحاب
عـجـيبة  تصادق الكل تعشق الخلان 
ولا إتكون علاقة فاطر الإنسان
صـديقك  لو زعل ما تتركه زعلان
وربك ما يهمك راضي لو غضبان
الـكـلُ  يـهـمـكَ  في الوصلِ فترعاه 
و الكلُ يغركَ للسعي بمسعاه
🍃🍃🍃🍃🍃🍃🍃

*━━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba                   
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة الحب لمن خلق الحب👆📝

⚜خدمة عشاق الاسطورة تقدم:
📜قصيدة :قبل الارض ناح العرش
✒الشاعر:السيد عبد الخالق المحنه
📌📌📌📌📌
قـبـل الأرض ناح العرش والسبعه
نوحي يـزيـنـب هذا يوم الدمعه
واللي ترك جراحه يستاهل النياحه
يـزيـنـب يـزيـنـب
📌📌📌📌📌
ودعي يزينب صبرج إويه البضعه
والودّع أمه يا دمـوع إتـنفعه
يا زينب الراح إبنعش شيرجعه
يبجي الحسن وحسين يبجي و ينعه
دارج خليه و موحـشه هالليله
واليفـقـد أمه من زغر يا ويله
واليرحل بصباحه يستاهل النياحه
يـزيـنـب يـزيـنـب
📌📌📌📌📌
يم الحـزن عمر الـورد عمرها
بـيـن الـمدامـع والجرح ذكرها
تركـت إلـج ونـه و ألـم كسرها
تركـت عـبـايـتـها و أثر عطرها
إمصلايه تـركت لج تصلي إعليها
إنـتي الوريـثـه و لازم إتـمثليها
واليحمل السماحه يستاهل النياحه
يـزيـنـب يـزيـنـب
📌📌📌📌📌
لازم سـمعت إمن إنكسر ضلعها
محـسـن جـتيل و منظرج فجعها
أسـأل يزيـنـب حـيدره سمعها
من صاحت و جف النذل صفعها
لاذت وره الـباب و حـمت خدرها
عالحايط الظالم إجه و عصرها
والينكسر جناحه يستاهل النياحه
يـزيـنـب يـزيـنـب
📌📌📌📌📌
بـيـمـن توصيج العزيزه الحره
قالت لي وإتهل المدامع عشره
بـالطـف أخوج حسين قبلي صدره
قدمي له سـيفه يالعقيله و مهره
قالت إخوج حـسين يبقه ضامي
وأكـبـر مـصـيـبه ينذبح قدامي
تـسجد عليه رماحه يستاهل النياحه
يـزيـنـب يـزيـنـب
📌📌📌📌📌
وصتني لو عباس مارد لينه
روحي ييمـه وقبلي جفينه
إنتي إعذريه خل تعذره إسكينه
وبهـيده طلعي له السهم من عينه
لو شفـتي جوده ويمنته ويساره
كفي العتـب وإتقبلي إعتذاره
وإبجـي بلايه راحه يستاهل النياحه
يـزيـنـب يـزيـنـب
📌📌📌📌📌
قولي يزينب آخر الوصيه
بـيمن توصي فاطمه الزجيه
قالت لي وصتني على رقيه
طـفله ويتيمه وعالهزل سبيه
لـو رادت إتـشـوف الإبـو ودعوها
ميته ييمه إعله الطشت تلقوها
والميت إبمناحه يستاهل النياحه
يـزيـنـب يـزيـنـب
📌📌📌📌📌
خلي يزينب للطفوف الحسره
لمن إخوج حـسـين ينحز نحره
وإخيامج إبنار الحقد مستعره
وإنتي يمدلولة علي متيسره
راس الحـسـيـن إعله الرمح يبرالج
يزينب إهناك الحزن يحلالج
جرحي إنسمع صياحه يستاهل النياحه
يـزيـنـب يـزيـنـب
📌📌📌📌📌
*━━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba                   
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة قبل الارض ناح العرش👆📝

aqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

⚜خدمة عشاق الاسطورة تقدم:
📜 قصيدة :[ ظلمتوني ]
👈🎤الرادود: باسم الكربلائي
👈✒الشاعر :[ عبد الخالق المحنه ] 

هظمتوني .. ظلمتوني .. واذا ابجي منعتوني
كسرتوني بكسر ظلعي .. كسرتوني
سطرتوني على وجهي .. سطرتوني
ظلمتوني
ظلمتوني
📌📌📌📌📌
وصية طه بينه شو نسيتوها
كتاب الله وعترتي لا تعوفوها
ينادي فاطمة روحي وسمعتوها
تأذون الله واني من تأذوها
يعالم ام ابيها لا تجرحوهة
عزيزة فاطمة واجب توقروها
يوصيكم على الزهراء ... عرف بيكم اهل غدره
تعرفوني انا بت من .. تعرفوني
سطرتوني على وجهي .. سطرتوني

📌📌📌📌📌
هل نسيتُم وصايا طه ؟
وظلمتوني بأشد ظلمٍ
ومن الركلة سقط جنيني المحسن
قُتلتْ وردتي ذات الستة أشهر بلا ذنب
وذهبت ثمرة عمري أدراج الرّياح
وصرخ الظالم في وجهي
بضربةٍ كسرت الباب وسحقت وردتي
هَمُ حيدر بقلبي .. هَمُ حيدر
خلف الباب قتلت .. خلف الباب
📌📌📌📌📌
عزيزة الروح بس جان الاعز ستري
وره بابي لذت وتحجب بصبري
ثكَيلة الباب واندفعت على صدري
نبت مسمارها وسيل الدمه يجري
كسر ضلعي يسمعه او جنة ما يدري
صحت وينك يبويه وسلمت امري
سمع صوتي صحت حيدر .. دفع بابي عليه اكثر
نكرتوني انا وحيدر .. نكرتوني
سطرتوني على وجهي .. سطرتوني
ظلمتوني
📌📌📌📌📌
ابذلُ عمري دون حجابي
الركلة اخذت صبري وعزمي
استغثتُ ولكن لم يغيثوني
سآخذ من الظالم ثاري
الذي ضحك علي عندما رأى اضظرابي
وقد رأى حُمرةُ عيني الدامِية
الحَسنُ يلطم على رأسهِ وينادي وا اُمّاه
وصار مضطراً حُسيني .. صار مضطراً
خلف الباب قتلت .. خلف الباب
ظلمتوني
📌📌📌📌📌
صحت يامن اجيت وجاي ترهبني
شلك عندي يظالم بيش تطلبني
اذا عندي ذنب يفلان جاوبني
عصرني ابقوته وتبسم وسبني
سطرني شلون سطره أو عالأرض ذبني
يناس بيا ذنب جتلي وجتل ابني
اجت زينب كَبل فضه .. ولا بيه بعد نهضه
كتلتوني انا وابني كتلتوني
سطرتوني على وجهي .. سطرتوني

📌📌📌📌📌
لما هجمَ الظالمَ بشُعلة النار علَيّ احترقَ شعري
والعجيب من اللعين عديم الحياء إنه كسرَ ضلعي
وبقيَ أثر السوط في عضدي
شرارةُ الباب سقطت على حاجِب عيناي
سَقطتَ على الارض وسقطت الباب فوقي
سَل الباب على آثار كسر عِظامي
ما حال حيدر لا اعلم .. ما حال حيدر
خلف الباب قتلت .. خلف الباب
ظلمتوني
📌📌📌📌📌
حركَتوا الباب ليش ابنار غدرتكم
تيتمون الحسن وحسين غايتكم
حقدكم من زمان وميته غيرتكم
تكَيدون الأسد بحبال صحبتكم
عجيبه بالحرب ما شفنه صولتكم
تلوذون بعلي يالبعتوا ذمتكم
بطولتكم حركَـ بابي .. مراجلكم على اعتابي
على الحايط بلا رحمة .. عصرتوني
سطرتوني على وجهي .. سطرتوني

📌📌📌📌📌
من هذا الظلم تحيرت اطفالي
الحسنُ رآني واطرافي مدميّة
وقنفذ بحقده ويركضُ خلفي
السماء والارض في حالة بكاء على حالي
وانا في عويل وبكاء على غربة علي
لماذا فاتحُ خيبر صار غريباً بلا ناصر
إلى الرسول سأبث شكواي .. إلى الرسول
خلف الباب قتلت .. خلف الباب
ظلمتوني
📌📌📌📌📌
من هذا الظلم تحيرت اطفالي
الحسن رآني واطرافي مدميّة
وقنفُذ بحقده يركضُ خلفي
السماءُ والارض في حالة بكاء على حالي
وانا في عويل وبكاء على غُربة علي
لماذا فاتح خيبر صار غريباً بلا ناصر
إلى الرسول سأبث شكواي .. إلى الرسول
خلف الباب قتلت .. خلف الباب
ظلمتوني
📌📌📌📌📌
ترة لوله الوصية ما وصلتونه
علي شطار مرحب ما تكَيدونه
نعم شيعتنه قلة ومارحمتونه
يجيكم يوم وصبعكم تعضونه
تصير الشيعة كثرة واليحبونه
يثاري وثار محسن ما يعوفونه
يبغضونه اليواليكم .. يوالونه اليعاديكم
يبغضوكم لأن انت .. بغضتوني
سطرتوني على وجهي سطرتوني
ظلمتوني
📌📌📌📌📌
بين النار والدُخان ظَهرت كربلا
أرى الحُحسين بِلا مُعينٍ وحيداَ
وطفلهُ ذبيحٌ في حُجرههِ
زجنب العَلقمي ساقي العُطاشى دامٍ
والحُسينُ موزعٌ بلا كفنٍ في الصحراء
والعسكرُ همهُ سلْب النساء
على القنا رأس الرضيعُ وأمهُ تنظُرُ إليه
من النحرِ يأتي النداء ..من النحرِ
خلف الباب قتلت .. خلف الباب
ظلمتوني
📌📌📌📌📌
اعيش ابعين كل شيعي أنا الزهره
أو تصير الفاطمية إثلاثه مو مره
على طول السنة يحيون هالذكره
ينصبون العزه ورادودهم يقره
يسطرون الوجه رداً على السطره
لأن حمرة جفوني اصدورهم حمره
أظل اشكي إلى المهدي .. يقص ايده السطر خدي
تشوفوني مع المهدي .. تشوفوني
سطرتوني على وجهي .. سطرتوني

📌📌📌📌📌
تزوروني أعاهدكم .. تعرفوني شفيع إلكم
أساميكم أسجلهة .. اساميكم
هلا بيكم يزواري هلا بيكم ..
تزوروني أعاهدكم .. تعرفوني شفيع إلكم

📌📌📌📌📌
*━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba             
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/esh

📜قصيدة ظلمتوني👆📝

⚜خدمة عشاق الأسطورة تقدم:
📜قصيدة: كربلاء يا كربلاء
✒الشاعر: كرار حسين الكربلائي
🍁🍁🍁🍁🍁
ننتظر هذا اللقاء
كربلاء يا كربلاء
🍁🍁🍁🍁🍁
يا مليك احساسنه
يا أمير أنفاسنه
قسم بالله
ايذّبحون انحورنه
انصيح من اقبورنه
واحسيناه
للأبد باقي العزاء
كربلاء يا كربلاء
🍁🍁🍁🍁🍁
يا حلم دنيانه
ظل يعيش ويانه
بين العيون
تنتظر أرواحنه
نلتقي بمصباحنه
عِلت الكون
إحنه أرباب الوفاء
كربلاء يا كربلاء
🍁🍁🍁🍁🍁
ننذبح منبالي
للحسين الغالي
احنه أحرار
خطوة لا ما نرجع
والله لو نتقطع
نبقه أنصار
هذا ميثاق السماء
كربلاء يا كربلاء
🍁🍁🍁🍁🍁
بهالعشق جنينه
بالدمه خطينه
حبنه وياه
انتابع بمشورانه
ثار الله و ثارنه
اشلون ننساه
نكتب ابغيرة دماء
كربلاء يا كربلاء
🍁🍁🍁🍁🍁
والله ما نتبدل
وبسواه ما نقبل
صحنه هيهات
بكل سمه وكل وادي
صوت دمنه اينادي
يا لِثارات
هذا ثار الأنبياء
كربلاء يا كربلاء
🍁🍁🍁🍁🍁
بجبهة الريحانة
المصطفه و قرآنه
حي نشوفه
احنه حته بموتنه
ظل يردد صوتنه
ما نعوفه
قبلة العز و الإباء
كربلاء يا كربلاء
🍁🍁🍁🍁🍁
بساعة النتقدم
احنه ما نتكلم
تحجي السيوف
منهو يلوي اذراعنه
شيعة من أطباعنه
يرجف الخوف
إلنا ما يركع لواء
كربلاء يا كربلاء
🍁🍁🍁🍁🍁
الدنية تقره احروفنه
والزمان ايشوفنه
ما نطخ راس
بينه غيرة حيدر
بينه زود الأكبر
وزود عباس
ننزل اعليهم بلاء
كربلاء يا كربلاء
🍁🍁🍁🍁🍁

*━━━━━━━━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba                   
📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة كربلاء يا كربلاء📝👆

⚜خدمة عشاق الاسطورة تقدم:
📜القصيدة: لو شفت همك كبر
✒الشاعر : عبد الخالق المحنه

لو شفت همّك كُبر  من الزمانِ و جوره
إقصد الباب الوفه  سبع الدجيل و زوره عند أبو الحاجات تنتهي المأساة
🔸️🔸️🔸️🔸️🔸️
هذا   روح   الهادي   و إبنه   و بمقامه
هذا     ينبوع     المكارم    و الشهامه
يرتوي     بفكر    الرساله    و الإمامه
هالله    هالله    اشهالكرامه    يا    كرامه
مقتبس  من  والده  كل  هيبته  و أفكاره
يا  علم  يوصل  بعد  ضفت  بحر  أسراره
إنخه   بالشدات  تنتهي  المأساة
🔸️🔸️🔸️🔸️🔸️
كل    دمع   عيني   بعثته   وي   سلامي
سيد    محمد    نخيته    و قلبي   دامي
اشما   أمدحك   آنا   أقصر   في  كلامي
أخ  إمامي  و  إبن  إمامي  و عم  إمامي
تايه  ابوسط  البحر  و  اتلاطمت  أمواجه
مركب   أحزاني  رسه  يمك  يباب  الحاجه
غاية   الغايات  تنتهي  المأساة
🔸️🔸️🔸️🔸️🔸️
سافرت    بضعون    همي   حزني   يحدي
و  آنا  كل  اجروحي  تصرخ  ها  يمهدي
أنتهي     بيمن    يمهدي    بيمن    أبدي
سيدي   بمصاب   عمك   شكوه  عندي
غايب  و  عصر الفتن هذا و بدينه انعيشه
ما  تجي  يبن الحسن خصمك تقدم جيشه
ارفع  الرايات  تنتهي   المأساة
🔸️🔸️🔸️🔸️🔸️
سيد     محمد    أحلفك    بالزجيه
انت   عم   الغايب   انت   و تدري  بيه
يطلع    المهدي     دقلي    ابيا    مسيه
يا    مصيبه    الأنتظرها    و يا    رزيه
و  النبش  قبر الولي حجر و تعده احدوده
ينتظر   ردت   فعل  للمنتظر  و  اجنوده
اطلب  الثارات  تنتهي  المأساة
🔸️🔸️🔸️🔸️🔸️
هذي     أول    حملة    ضدنه    نفّذوها
آنا   كل   خوفي   اعله  زينب  لا  يجوها
بالله    لو    نبشوا    قبرها   و طلّعوها
يا    عذر    ينفع    يمهدي    من   أبوها
لو  يظل  سكته الوضع هم باجر اينبشونه
كلمن   ايوالي   علي   لازم   يقاتل  دونه
أدري بالثورات   تنتهي  المأساة
🔸️🔸️🔸️🔸️🔸️
أشتكي  السبع  الدجيل  و دمعي  يجري
زينب   أسمعها   تنادي   خدري   خدري
ذمة    برقاب    الروافض    هذا    قبري
اليا    وكت   زينب   غريبه   آه  يدهري
ما   يهدمون   القبر   شيعة  علي  حراسه
هذا   بو  اليمه  فزع  شايل  علم  عباسه
أول  الحملات  تنتهي  المأساة
🔸️🔸️🔸️🔸️🔸️
سيد       محمد       سكتنه      بالبدايه
و الله    يستر    لو    سكتنه   بالنهايه
احنه   ذو   الفقّار   عدنه   و عدنه  رايه
احنه   خدام    العقيله   و الحمايه
ما  يجي  الزينب  شمر  كلمة شرف قلناها
عيشة  الذل  و الهضم لا و الله ما ردناها
لو  نذل  هيهات  تنتهي  المأساة
🔸️🔸️🔸️🔸️🔸️
*━━━━━━
━━━━━━━━━━*
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 *Whatsapp:*
🇧🇭+97336385115
🇧🇭+97339274488
🇮🇷+989371659815
📲 *Telegram:* *⇓قناة عشاق الاسطورة⇓*
https://telegram.me/eshaqalestoora
📝 *Telegram:* *⇓قناة القصائد المكتوبة⇓*
https://telegram.me/Qasaedmaktooba                                                                         📷 *Insta:*
https://www.instagram.com/eshaqalestoora/
🖥️ *Facebook:*
https://www.facebook.com/eshaqalestoora/
*•● لاتجعلها تقف عندك انشرها وساهم بإيصال صوت أهل البيت عليهم السلام ●•*

📜قصيدة لو شفت همك كبر 📝👆

بالتعاون مع خدمة العبرات الحسينية
تقدم خدمة عشاق الأسطورة :
القصيدة: خجلانه هواي
✒الشاعر: عبد الخالق المحنه
🔹🔹🔹🔹🔹
خجلانه هواي يا جاري الماي
والغالي ما وفيته
همه اربعه شنطيته
🔹🔹🔹🔹🔹
والله اخجل من اسولف عن وفايه
ادري ولدي اربعتهم مو كفايه
منهو اني منهو يذكرني بحكايه
من خدمته الله رافع مستوايه
لو كل الناس صارو عباس
فدوة لوقار لحيته
همه اربعه شنطيته
🔹🔹🔹🔹🔹
آني ولدي صح اخوته بس عبيده
كل شرفنه من نحصل بوسة إيده
والمصايب الي راحت والجديده
ما تساوي قطره وحده بدم وريده
ولدي الاكبر خدام زغار
ومقصره ما جازيته
همه اربعه شنطيته
🔹🔹🔹🔹🔹
شما تضحي حتى نحرك من تگطعه
ما يعادل شوغه وحده بگطع إصبعه
ولا يساوي النظرة أخته من تودعه
لا تقارن بحر هايج ويه دمعه
شما تغلى الروح لأجدامه تروح
والمستحه خاويته
همه اربعه شنطيته
🔹🔹🔹🔹🔹
آني أشعر هوه أبني وما گلتها
من عرفته مات ضامي سولفتها
هيه كلمه لأبو فاضل وصلتها
هذا إمامك تاج راسك اكدتها
لأجل الأسياد فدوه الأولاد
بس يقبل تمنيته
همه اربعه شنطيته
🔹🔹🔹🔹🔹
ما نجازي نظره وحده لطفلة
ما نجازي واعله صدره الشمر يگعد
ينظر أخته مره تسكت مره تنشد
گلها ردي وهيه ظلت تمشي وترد
ما نسوه نبوس صدره المرفوس
أخجل اذا حاجيته
همه اربعه شنطيته
🔹🔹🔹🔹🔹
لا تسولف عن عطائك والخدامه
ما يساوي سهم واحد من سهامه
شنهو دمك شنهو راسك شنهو قامه
ما يعادل ونه وحده عاليتامه
صدره الينداس يسوه شچم راسه
والضامي ما رويته
همه اربعه شنطيته
🔹🔹🔹🔹🔹
كل مشيكم بأربعينه لو تقيّم
يساوي خطوه من الشريعه للمخيم
والمآتم هذي كلها تساوي مأتم
تقيمه سكنه وي رقيه بالوجه دم
مأتم أيتام يم نار خيام
بدموعي ما داويته
همه اربعه شنطيته
🔹🔹🔹🔹🔹
الأمه كلها وكل عملها من تعده
ما يساوي بيوم عاشر سجده وحده
خده مصحف بي جلاله نور جده
وسفه تالي خيل أميه تدوس خده
يسلبنه گلوب ثوبه المسلوب
برموشي ما غطيته
همه اربعه شنطيته
🔹🔹🔹🔹🔹
لا سبحتك لا صلاتك لا صيامك
لا حضرتك لا جنابك لا مقامك
لا علومك واجتهادك واحترامك
ما يساوي رفسه وحده بصدر امامك
وين احنه و وين نوصل لحسين
هذا العلي وتربيته
همه اربعه شنطيته
🔹🔹🔹🔹🔹
ما نجازي تضحياته شما نطينه
مو كفايه لا لطمنه ولا بچينه
اله نعرف شنهو النه والعلينه
لو صفينه رايه وحده يرضه بينه
رايد تغيير يد وحده نصير
افهم عمق تضحيته
همه اربعه شنطيته
🔹🔹🔹🔹🔹
*يـسرنـا متابعتكم لنا على حـسابـاتـنـا الرسـميـة لـخـدمة عــشـاق الاسـطــورة:*
📲 Whatsapp:
🇧🇭+97336385115
🇧🇭+97339274488
🇮🇷+989371659815
📲 Telegram:
https://telegram.me/eshaqalestoora 📷 Insta:
https://www.instagram.com/eshaqalestoora/