#Chilonzor_kecha!

Tarix so‘zlaganda — Novzaning metroli kunlari...

🚇 Sobiq #Hamza metro bekati — bugungi #Novza.
Chilonzor yo‘nalishining muhim bekatlaridan biri bo‘lgan bu maskan 1977-yilda yo‘lovchilar uchun o‘z eshiklarini ochgan. O‘sha yillarda metro Toshkent hayotida yangi davrni boshlab bergan, #Novza hududi esa shahar taraqqiyotining muhim nuqtalaridan biriga aylangan.
Yillar o‘tdi. Bekat nomi o‘zgardi — “Hamza” bugun “Novza” nomi bilan ataladi. Ammo uning devorlari, yerosti yo‘laklari va har kuni undan o‘tib borayotgan minglab yo‘lovchilar ortida Toshkentning yarim asrlik tarixi mujassam.
Bugungi zamonaviy #Novzaga qarar ekanmiz, uning har bir bekatida kechagi Toshkentning nafasi, bunyodkorlik va taraqqiyot izlarini ko‘rish mumkin.

Vaqt o‘tadi, nomlar o‘zgaradi, shahar qiyofasi yangilanadi. Ammo tarix saqlanib qoladi. Novzaning kechagi kuni — bugungi Chilonzorning bebaho tarixiy xotirasidir!

#Chilonzor_24

#NOVZADA OILALAR O‘RGANILDI

Bugun Chilonzor tumani hokimi #Novza mahallasida mahalla yettiligi bilan birgalikda ijtimoiy reyestrga kiritilgan oilalar holatini o‘rgandi.
Dastlab mahalla yettiligi bilan amalga oshirilgan ishlar, erishilgan natijalar va galdagi vazifalar muhokama qilindi. Shundan so‘ng ijtimoiy reyestrga kiritilgan oilalar xonadonlariga tashrif buyurilib, ularning muammo, ehtiyoj va takliflari tinglandi.
Muloqot davomida har bir oilaning imkoniyati va xohish-istaklaridan kelib chiqib, daromadlarini oshirish bo‘yicha aniq takliflar bildirildi. Ayrim masalalar joyida hal etilib, kelgusidagi vazifalar belgilab olindi.

Asosiy maqsad — har bir oilani qo‘llab-quvvatlash, muammolarini manzilli hal etish va barqaror daromad manbaiga ega bo‘lishiga ko‘maklashish.