Абдураҳмон ибн Абу Бакр оталарига: «Эй отажон, ҳар тонгда уч марта ва кечқурун уч марта:

اللهُمَّ عَافِنِي فِي بَدَنِي، اللهُمَّ عَافِنِي فِي سَمْعِي، اللهُمَّ عَافِنِي فِي بَصَرِي، لا إلَهَ إلاَّ أنْتَ. اللهُمَّ  إِنِّي أَعُوذُ بِكَ مِنَ الكُفْرِ وَالفَقْرِ، اللهُمَّ إِنِّي أَعُوذُ بِكَ مِنْ عَذَابِ القَبْرِ لاَ إِلَهَ إِلاَّ أَنْتَ

«Аллоҳумма ъафиний фий баданий, Аллоҳумма ъафиний фий самъий, Аллоҳумма ъафиний фий басорий, лаа илаҳа илла анта. Аллоҳумма инний аъузу бика минал куфри вал фақри, Аллоҳумма инний аъузу бика мин ъазабил қобр, лаа илаҳа илла анта» деяётганингизни эшитаман», дедилар.

💬Абу Бакр Сиддиқ розияллоҳу анҳу: «Мен Расулуллоҳ соллаллоҳу алайҳи васалламнинг шундай дуо қилганларини эшитганман ва мен у зотнинг суннатларига амал қилишни яхши кўраман», деб жавоб бердилар.

🟢Маъноси: “Аллоҳим, баданимни, қулоғимни ва кўзимни офиятда қил. Эй Раббим, Сенинг номинг ила куфрдан, камбағалликдан ва қабр азобидан паноҳ тилайман. Сендан бошқа илоҳ йўқ”.

Абу Довуд ривоятлари.

Каналга уланиш учун босинг
http://t.me/QUBOUZ

✅ Исроф
“Исроф” сўзи асли арабча бўлиб, “ҳисобсиз тарзда ишлатиш”, “ҳаддидан ошиш” каби маъноларни англатади. Исрофга йўл қўйган одам Аллоҳ белгилаб берган чегарадан чиқиб, У Зотнинг неъматларини ўрнига сарфламаган ёки ҳожатдан ташқари ишлатган бўлади. Тилимизда ушбу сўз “увол қилиш”, “неъматни қадрламаслик” каби маъноларни англатади.Муқаддас динимиз Исломда исроф қаттиқ қораланган. Аллоҳ таоло Ўз Каломи мажидида:
...وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ (31)
”Енглар, ичинглар, аммо исроф қилманглар. Зеро, У исроф қилгувчиларни севмас”, деб айтган (Аъроф, 31). Бундан келиб чиқадики, Аллоҳ берган неъматларни исроф қилиш, уларни қадрига етмаслик гуноҳдир.

Каналга уланиш учун босинг
http://t.me/QUBOUZ

✅ ​​АРАФОТДА АЁЛЛАРНИНГ НАМОЗИ
#Ҳаж_умра

САВОЛ:: Арафотда аёлларнинг пешин ва асрни жамлаб ўқиш тартиби қандай?

💬 ЖАВОБ: Бисмиллаҳир Роҳманир Роҳим. Арафотда аёллар пешин ва аср намозларини эркаклар билан бир хил тарзда, яъни пешин вақтида пешин ва асрни жамлаб ўқийдилар. Ёлғиз ўқишлари ҳам ёки имомга иқтидо қилиб, жамоат билан ўқишлари ҳам мумкин. Мазҳабимиз уламолари ҳар иккисига ҳам рухсат беришган. Фақат жамоат бўлгандаги шарт шуки, имомликка ўтаётган киши аёлларга ҳам имом бўлишни ният қилган бўлиши лозим. Валлоҳу аълам.

Ўзбекистон мусулмонлари идораси
Фатво маркази @diniysavollar

Каналга уланиш учун босинг
http://t.me/QUBOUZ

✅ Саҳийлик ва бахиллик

Абдуллоҳ ибн Аббосдан ривоят қилинади, Расулуллоҳ соллаллоҳу алайҳи ва саллам шундай дедилар: «(Одамлардаги) сахийлик Аллоҳ таолонинг сахийлигидан бир қисмдир. Саҳоват қилинглар, Аллоҳ сизларга саҳоват қилади. Огоҳ бўлингизким, улуғ ва қудратли Аллоҳ сахийликни яратди, кейин уни инсон сувратига киргизиб, бошини (жаннатдаги) Тубо дарахтининг илдизи узра мустаҳкамлади ва новдаларини «Сидратул мунтаҳо», яъни жаннат четидаги Нилуфар шоҳлари билан боғлади. Саҳоват дарахтининг баъзи шоҳлари дунё оламида осилиб туради. Кимки бу шоҳни маҳкам тутса, шу шоҳ уни жаннатга элтади. Огоҳ бўлингизким, саҳийлик иймоннинг белгиси, иймон эса жаннатдадир. Аллоҳ таоло бахилликни Ўз ғазабидан яратди ва унинг бошини (жаҳаннамдаги) Заққум дарахтининг илдизи узра мустаҳкамлади. Бахиллик дарахтининг айрим шоҳлари дунё оламида осилиб туради. Кимки шу шоҳга ёпишса, бу шох уни дўзахга олиб киради. Огоҳ бўлингизким, бахиллик куфрдан, куфр эса жаҳаннамдадир».

Каналга уланиш учун босинг
http://t.me/QUBOUZ

✅ Ҳажнинг маъноси

«Ҳаж» сўзи луғавий жиҳатдан (бирор ишни) «қасд», «мақсад қилиш», «ният қилиш», «юзланиш» маъносида, шаръий истилоҳда эса, махсус амалларни маълум бир жойда, муайян вақтда адо этишни қасд қилишдир. «Аллоҳнинг уйи»ни зиёрат қилиш, мусулмонларга буюрилган фарзлардан бирини адо этишни билдиради.
Махсус жой Каъбатуллоҳ ва Арафот, муайян вақт эса ҳаж мавсуми, яъни Шаввол, Зулқаъда ойлари ва Зулҳижжа ойининг илк ўн кунидир.
Махсус амал эса Байтуллоҳни тавоф қилиш ва Арафотда туришдир.

👆 Яқинларга ҳам улашинг!

Каналга уланиш учун босинг
http://t.me/QUBOUZ

#ЭСЛАТИНГ
Эртага 22.05.2025
Зулқаъда ойи - 24
ПАЙШАНБА!

Маҳбуб амалларингиз кўтарилишини истайсизми?

Ечим: Ҳафтада икки кун рўза тутинг:

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

Сиз ҳам қодир бўлсангиз, рўзадорлар карвони билан бирга бўлинг! Агар қодир бўла олмасангиз — бошқа диндошларимизга эслатинг!  Зеро,  сизнинг эслатишингиз туфайли қанча инсонлар рўза тутар экан! Сиз сабабли рўза тутган киши баробарида сизга ҳам савоб ёзилсин Иншааллоҳ!🤲

⏰Саҳарлик ва ифторлик вақти: 22.05.2025 (Андижон вақти билан)

Саҳарлик тугаши: 03:05
Ифторлик бошланиши: 19 :40

Ният: Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).

🔗 Каналга уланиш:  @QUBOUZ

#xabar #haj
🗣Мино ва Арафотдаги шароитлар шинам бўлишига эътибор қаратилди

⏺Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, ҳаж делегацияси аъзолари ва Ишчи гуруҳи вакиллари Макка шаҳрида жойлашган Мино ва Арафот водийларида яратилган шароитлар билан яқиндан танишдилар.

📌Мино водийсида зиёратчилар учун кенг ва текис ҳудуддаги алоҳида чодирлар ажратилган. Уларда гиламлар тўшалган, юмшоқ ўринлар, ёстиқ-чойшаблар, махсус совуткичлар билан жиҳозланган, коммунал хизматлар билан таъминланган ва санитария-гигиена талаблари ҳам инобатга олинган.

🔺Жорий йилдаги қулайлик шуки, делегация талабларига мувофиқ Арафот ҳудудидаги ҳар бир чодир иссиқ ўтказмайдиган замонавий сендвич панеллар билан тўлиқ ўралган ва ёруқлик учун ойналар ўрнатилди. Мазкурларда “Sofa bed” (ёстиқ ва тўшак), “Martaba” (тўшак), совуткич сингари қулайликлар ҳозирлангани роҳат билан ибодат қилишга хизмат қилади.

✅ Шунингдек, уч маҳал иссиқ овқат, мунтазам чой-салқин ичимликлар билан таъминлаш ва тиббий хизмат кўрсатиш учун ҳам барча шароитлар ҳозирланган.

🌙 Айниқса, ҳожиларнинг чодирларда вақтларини ғанимат билиб, доимо тоату ибодатда бўлишлари мақсадида, таниқли уламоларнинг суҳбатлари, машҳур қориларнинг қироатларини етказиш учун микрафон ва овоз кучайтиргичларни барчага етарли даражада ташкил этишга эришилди. 

✅Таъкидлаш жоизки, мўмин-мусулмонлар талаб ва истакларини инобатга олган ҳолда бу йилги ҳаж мавсумини сифат, мазмун ва хизматлар савияси жиҳатидан эг юқори даражада бўлишига ҳаракат қилинмоқда.

✅ Ўзбекистон мусулмонлари идораси
Матбуот хизмати

Каналга уланиш учун босинг
http://t.me/QUBOUZ