Куннинг иккинчи яримида Санъат саройининг ёзги дала шийпонида ички ишлар ҳодимлари, фаол ёшлар иштирокида “Жаҳолатга қарши маърифат” мавзусида учрашув ўтказилди. Учрашувда ҳавфсиз маҳалла обод маҳалла доирасида амалга оширилиши керак бўлган ишлар бўйича тушунтиришлар берилди. Шу билан аҳолини китобхонликга қизиқтириш ва китоб мутолаасини ривожлантириш мақсадида  тумандаги Ахборот кутубхона марказида  “Энг намунали китобхон ички ишлар органи ҳодими” танлови ўтказилди.

Шундан сўнг, соғлом турмуш тарзини ривожлантириш мақсадида “Янги Ўзбекистон - Маърифатли жамият”шиори остида спортнинг мини футбол йўналиши бўйича “Маънавият кубоги” ўтказилди. Бу мусобақада Элликқалъа тумани, Тўрткул тумани ҳамда Беруний туманининг ички ишлар ходимлари қатнашди.

Мусобақани Элликқалъа тумани ҳокими, Маънавият ва Маърифат Кенгаши раиси  С.Авезов очиб берди.
Якуний натижалар асосида мусобақада Элликқалъа тумани жамоаси биринчиликни қўлга киритиб “Маънавият кубоги”ни қўлга киритишди ҳамда туман ҳокимлиги ҳамда Ички ишлар бўлимининг қимматбаҳо совғалари топширилди.

Элликқалъа тумани ҳокимлиги ахборот хизмати