⚡️Шавкат Мирзиёевтиң суў мәселеси бойынша айтқанлары

«Түркменстанлы досларымыз бенен биргеликте «Түйемойын» гидроузелиниң «Султан Санжар» дамбасын беккемлеў есабынан 1 миллиард куб метр қосымша суў резерви жаратылады.

Бул 50 жыллық мәселе. Биз трансшегаралық суў бассейнлеринде биргеликте ислеймиз. Жақында Түркменстан Президенти елимизге сапар шеңберинде келеди».

Каналымызға ағза болың 👉 @kknews_uz

Видео. Президент Шавкат Мирзиёев қарақалпақ тилинде сөйледи

Президент Шавкат Мирзиёев Бозатаў районында сайлаўшылар менен ушырасыўында сөзге шығып, қарақалпақ тилинде сөйледи:

«Ҳүрметли жасыүлкенлер! Әзиз апа-сиңлилер! Наўқыран жаслар!

Каналымызға ағза болың 👇
https://t.me/joinchat/AAAAAERIzOESrE0olZr7Ng

Қарақалпақстандағы 422 мәҳәлледе «ҳәким жәрдемшиси» лаўазымы енгизиледи

Шавкат Мирзиёевтиң усынысына муўапық, олар мәҳәлледе исбилерменлердиң жойбарларына жәрдем береди, кәсип-өнерге оқытыў, қыйтақ жер, бос жер ҳәм имаратлардан нәтийжели пайдаланыўды шөлкемлестиреди. Бул арқалы жаңа жумыс орынларын жаратыў, адам санына туўра келетуғын дәраматты көбейтиў ҳәм кәмбағаллықты қысқартыўға жуўапкер болады.

Ҳәким жәрдемшилериниң қолында бюджети болады, мәҳәллеге бириктирилген салық, банк, жол ҳәм басқа мәкемелердиң хызметкерлери менен бирге ислейди.

Ҳәким жәрдемшилери салық, банк, экономика, инвестиция, қаржы мәкемелери, ҳәкимиятта ислейтуғын билимли ҳәм пидайы жаслар арасынан сайланады.

Олар жаңа система бойынша жумыс ислеўге оқытылады ҳәм жумысының нәтийжесине қарай жақсы айлық төленеди. 2-3 жыл мәҳәлледе ислеп, жақсы нәтийжеге ерискен ҳәким жәрдемшилери алдағы ўақытларда ҳәким және министр лаўазымларына қойылады.

Каналымызға ағза болың 👇
https://t.me/joinchat/AAAAAERIzOESrE0olZr7Ng

⚡️Келеси жылдан баслап Қарақалпақстанда баслаўыш класс оқыўшылары ушын бийпул түслик бериў жолға қойылады

Бозатаў районында сайлаўшылар менен болып өтип атырған ушырасыўда Шавкат Мирзиёев келеси жылдан баслап Қарақалпақстанда 1-4-класс баслаўыш класс оқыўшылары ушын бийпул түслик бериў жолға қойылатуғынын атап өтти.

Буның ушын бюджеттен жылына 100 миллиард сум ажыратылыўы мәлим етилген.

Каналымызға ағза болың 👇
https://t.me/joinchat/AAAAAERIzOESrE0olZr7Ng

Қарақалпақстанда келеси 5 жылда қалайынша жаңа жумыс орынлары жаратылады? Мирзиёевтиң жобалары қандай?

- 14 мың гектарлық пахта ҳәм ғәлле майданлары қысқартылып, халыққа ашық түрдеги таңлаў тийкарында, 1 гектарға шекем узақ мүддетли ижараға бериледи ҳәм бул арқалы 50 мыңға шамалас жумыс орны шөлкемлестириледи;

- 6 мың жумыссыз адам ушын киши көлемли ыссыханалар қурып бериледи;

- халықтың қыйтақ жерлериниң суў тәмийнатын жақсылаў арқалы 12 мың пуқараның бәнтлиги тәмийинленеди;

- мәҳәллеге кирген ирригация системасын тиклеў арнаўлы қоры шөлкемлестириледи. Бул қорды Фермерлер ҳәм дийқанлар кеңеси барлық районларда шөлкемлестирип, өзи басқарады. Бюджеттен ҳәр бир район қорына 10 миллиард сумнан өткерип бериледи;

- 422 мәҳәллениң қәнигелесиўинен келип шығып, шаңарақлық исбилерменлик бағдарламаларына ҳәр жылы 650 миллиард сумлық кредитлер ажыратылады;

- Мойнақ районындағы жергиликли санаат, аўыл хожалығы ҳәм хызметлер тараўындағы исбилерменлер ҳәм пуқаралар ушын келеси 10 жылда жер, мүлк, суў салығы, социаллық, пайда, дәрамат ҳәм айланба қаржылардан алынатуғын салық ставкалары 1 процент етип белгиленеди;

- 50 миллиард сумға тең болған жойбарлар бойынша электр, тәбийғый газ, суў ҳәм жол тармақларын өткерип бериўди мәмлекет толық жуўапкершилигине алды;

- 45 жаңа киши санаат зонасы қурылады ҳәм буған бюджеттен дәслепки басқышта 100 миллиард сум бериледи, дерлик 25 мың жаңа жумыс орны жаратылады;

- санаат тармақларында 5 миллиард 100 миллион долларлық 2 мыңнан аслам инвестициялық жойбарлар шеңберинде 76 мың жаңа жумыс орны шөлкемлестириледи.

- аймақтың экспорт көлемлери кеминде 4 есеге көбейтилип, 500 миллион долларға жеткериледи.

Каналымызға ағза болың 👉 @kknews_uz

Ҳәр еки жылда бир мәрте өткерилетуғын Аралбойы Халықаралық форумын өткериў усыныс етилди

- Қарақалпақстанда инновациялық жойбарларды әмелге асырыўға, жедел инвестицияларды және халықаралық жәмийетшиликтиң итибарын қаратыў мақсетинде, 2022-жыл сентябрь айында Аралбойы Халықаралық форумын өткериўди усыныс етемен. Усы илажға сырт еллердиң ҳүкиметлик ўәкиллери, абыройлы шет ел компаниялары ҳәм инвесторлар, халықаралық қайырқомлық қорлары және қаржы шөлкемлериниң басшылары мирәт етилип, нәтийжеси бойынша анық бағдарлар, жойбарлар ҳәм басламаларды қаржыландырыўға ресурслар қаратылады, - деп айтып өткен Шавкат Мирзиёев.

Каналымызға ағза болың 👇
https://t.me/joinchat/AAAAAERIzOESrE0olZr7Ng

Келеси жылы Қарақалпақстанды раўажландырыў ушын 43 триллион сум ажыратылады

Бюджеттен – 10 триллион сум, халықаралық қаржы шөлкемлеринен – 19 триллион сум, банк кредитлери – 14 триллион сум.

Бул қаржылардан нәтийжели пайдаланыў, экономика ҳәм инвестиция тараўында гөзленген шеклерге ерисиў ушын Ҳүкимет, орайлық экономикалық мәкемелер ҳәм Министрлер Кеңесиниң жумыс стили толық өзгереди.

Бунда Ташкенттеги министрлер ҳәм тармақлардың басшылары Министрлер Кеңеси менен биргеликте жумыслардың нәтийжелери бойынша ҳәр шеректе Жоқарғы Кеңесте есап береди.

Бул мәселе Сенаттың айрықша қадағалаўында болады ҳәм турақлы түрде орынларға барған ҳалда додаланып барылады.

Каналымызға ағза болың 👇
https://t.me/joinchat/AAAAAERIzOESrE0olZr7Ng

Бул ҳеш бир статистикада жоқ еди. Мен ҳүжданым алдында қарақалпақ халқының медициналық жағдайын бойынша көрсеткишлерди анықластырдым – Шавкат Мирзиёев

Өткерилген мониторинглар нәтийжесинде Қарақалпақстанда жоқары қәўип топарына киретуғын халықтың 70 мыңында – жүрек-қан тамыр, 42 мың – эндокрин, 35 мың – дем алыў жоллары, 33 мың – асқазан-ишек, 19 мың адамда бүйрек созылмалы кеселликлери бар екенлиги анықланған.

Әсиресе, жүрек-қан тамыр кеселликлери – Нөкис қаласы, Елликқала, Шымбай районларында, қантлы диабет – Нөкис қаласы, Қараөзек, Мойнақ районларында, дем алыў жоллары кеселликлери – Кегейли, Шымбай, Қараөзек, Тахтакөпир районларында көп ушырайды.

Сонлықтан, ҳәр бир мәҳәллеге бириктирилген «медициналық бригадалар» ҳәм шаңарақлықлық поликлиникалар созылмалы кеселликлерди ерте анықлаў бойынша зәрүр қураллар менен тәмийинленеди.

Шавкат Мирзиёев Қарақалпақстандағы онкологиялық жағдай бойынша да тоқталып:

Жылына ҳәр 100 мың халыққа 66 онкологиялық кеселликлер анықланыўы бизди тәшўишке салыўы тәбийғый.

Сол себепли, 12 район ең заманагөй компьютер томографлары менен тәмийинленеди.

Бирлемши буўында ҳаяллар онкологиялық кеселликлерин ерте анықлаў ушын тийисли медициналық мәкемелер 3 мобиль маммограф пенен тәмийинленеди.

Соның менен бирге, халықаралық стандартларға толық жуўап беретуғын 175 орынлық заманагөй онкологиялық орай шөлкемлестириледи.

Қарақалпақстанның 500 ден аслам жас шыпакерлери ең алдынғы сырт ел клиникаларында тәжирийбе арттырыўға мәмлекет есабынан жибериледи.

Усы жылы Ташкенттеги қәнигелескен орайларға емлениў ушын Қарақалпақстаннан 3,5 мыңнан аслам пуқара мүрәжат еткен. Олардың 1,5 мыңы елеге шекем нәўбет күтип турыпты, 604 адам болса жоқары технологиялық операцияларға мүтәж.

Адамлар айыплы емес, олардың нәўбетте турғаны ушын бизлер айыплымыз. Наўқасларды емлеўге 40 миллиард сум ажыратылады ҳәм операциялар бийпул өткериледи. Гәп шыпакерлерде емес, медициналық үскенелер, технология жоқ.

Аралбойы халқына жоқары технологиялық медициналық хызметлерди қаржыландырыў ушын айрықша қор шөлкемлестириледи, - деди Ш.Мирзиёев.

Каналымызға ағза болың 👉 @kknews_uz

Шавкат Мирзиёевтан ҳәзил: «Рухсат бериў менде емес, сенде ҳәзир»

Каналымызға ағза болың 👉 @kknews_uz

Қарақалпақстанды таза ишимлик суўы менен тәмийинлеўге жылына 200 миллион доллар ажыратылады

Келеси жылдан баслап 1 миллион гектарлық аймақта Аралқум миллий тәбият бағы шөлкемлестириледи. Ҳәр бир жасыл аймаққа жуўапкерлерди анықлап тапсырамыз. Урра-урра деп бүгин тереклерди егип, ертеңине таслап кетиўге болмайды, - деп айтып өтти Ш.Мирзиёев.

Сондай-ақ, Шавкат Мирзиёев Қарақалпақстанды таза ишимлик суўы менен тәмийинлеўге жылына 200 миллион доллар ажыратылатуғынын атап өтти. Буның ушын айрықша қор шөлкемлестириледи. Келеси 5 жылда Қарақалпақстанда 2,6 мың километрлик ишимлик суў тармағы тартылып, 70 суў сооружениеси қурылады. 250 мәҳәлледеги 300 мың турақ жай таза ишимлик суўы менен тәмийинленеди.

Каналымызға ағза болың 👉 @kknews_uz

Шавкат Мирзиёев Нөкис қаласындағы жаңа инновациялық клиниканың балалар бөлимине барды

Президент Нөкис қаласында Қарақалпақстан медицина институты жанындағы жаңа инновациялық клиниканың балалар бөлимине барды. Бул ҳаққында Президент баспасөз хаткери Ш.Асадов мәлим етти.

Мағлыўмат орнында атап өтиў керек, усы клиниканың ирге тасы 2017-жылы мәмлекетимиз басшысы тәрепинен қойылған еди.

Каналымызға ағза болың 👇
https://t.me/joinchat/AAAAAERIzOESrE0olZr7Ng

Президент кутилмаганда кортеж йўналишини ўзгартириб, Нукус шаҳрида ўтаётган Ёшлар фестивалига ташриф буюрди.
—
Президент незапланированно изменил маршрут следования своего кортежа и приехал на фестиваль молодежи, проходящий в Нукусе.

Facebook|Instagram|Twitter

#Бүгин_туўылған_күн

Бүгин Республикалық Руўхыйлық ҳәм ағартыўшылық орайы Қарақалпақстан бɵлиминиң Кадрлар ҳәм халық мүрәжатлары бойынша жетекши қәнгигеси Ешчанов Султан Ендировичтиң туўылған күни.

Усы мүнәсибет пенен Султан Ендировичке беккем денсаўлық, шаңарағында қут-берекет ҳәм тараў системасында алып барып атырған ийгиликли жумысларында тасқын-табыслар тилеймиз!

Руўхыйлық ҳәм ағартыўшылық орайы Қарақалпақстан бɵлими жәмәәти

✏️Республикалық бөлимниң рәсмий каналы 👉 @QR_Ruwxiyliq