يلا عادي تكبر وتنسى
هلجملة الي الكل سامعها طبعاً بكل بساطه المقابل يكدر يكولها لان ميعرف حجم الالم او الصدمة الي مريت بي فـ بداعي التخفيف يكولك هلكلمه بس بلحقيقة ماكو شخص من عدنا يكدر ينسى الأشياء الصعبة الي مر بيها وشلون واجه الظروف وخدشت روحه يلا عبرها مهما كبرنا ومرت السنوات راح يبقى بداخلنا مكان متراكمة بي كل الاشياء المؤذية والي غيرتنا صح ممكن نتغافل عنه او نتخذه درس النه بس مستحيل ننساها مستحيل 🤍.

لمن احد يتغير لـ افضل ماله داعي كل شوي ها تذكر من جنت هيج ها تذكر شجنت تسوي شسالفه؟ اي انسان يغلط وبعدها ينضج ويتغير كل انسان بينه يمر بمرحلى الفوضى مايعرف شيسوي ما يعرف هذا غلط لو صح فـ لمن بعدها يتغير مالها داعي اتصيرون براسه نبي كلنا نغلط ونتعلم من غلطنا وكلنا عدنا مرحلى بحياتنا مليانه عيوب فـ كافي لمن تشوفون احد تغير لـ احسن شجعوو بدل ما كل شوي تذكر ها وها ترى يعرف هو شنو جان يسوي وكلش كافي انو الواحد يوعى على الغلط الي يسوي اذا الله بنفسه غفور رحيم منو انتو ؟ حتى تظلون تعيرون الواحد بـ غلاطه وانتو مليانين اغلاط فـ بطلو تتخاذون دور الرب 🤍.

مرات تحسَون بالشخص اتغير بس بنفس الوقت متعرفون شنو تغِير بيه بس هلحساس دائماً صح ومايخطأ ، بالاخص اذا چان هلشخص تحُبو شعور يمَرد الگلب حرفياً .

ترا كسر الخواطر كلش موسهل یعنی مو بس کلام
صدگوني شايفين حركة كلب الشخص اذا مر بموقف يكسر
خاطره خاصه اذا چان هالکسر سببه شخص ثاني صدگو مراح
يرتاح كل عمرة ( كما تدين تدان) الله يرجع اله حركة الگلب
نفسها الدمعه الى نزلت من شخص بسببك الخنگه الى صارت
بصدره الخيبه الى صارت اله الامال الى انهدمت الغصه الي
بنص الكلام كلها رب العالمين ديشوفها والله ( يمهل ولايهمل)
كلها ترجع الك ولو بعدحين خلو اثركم طيب حتى يرجعلكم
اضعافه

وحدة من الأشياء اللي تصبرك على الحياة هو الصوت المخفي اللي ينحجي بداخلك وانت بأسوء لحظات حياتك صوت يكلك انت قوي يكلك انت كدها يكلك على القليل انت نضيف من داخلك يكلك كافي جهد وتعب ومشاعر ويا ناس ممقدرة صوت تحسه يطبطب عليك ويلزم ايدك ويشد عليها صوت يكلك انت متماسك وثابت ومراح تستلم هذا الصوت ممكن يكون صوتك انت صوت نفسك ممكن يكون دعمك انت حبك لذاتك قوتك انت مرات نحتاج دعم من نفسنا اكثر من أي احد ثاني وبمرحلى معينة و حياتك راح تعرف بيها انو حاجتك لنفسك اكثر بهواية من حاجتك لأي شخص ثاني بهاي الدنيا نحتاج نفسنا تنقذنا من أي مرحلى سيئة نمر بيها وعلمود هذا مرات ندور عليها ومنلكيها لأن تكون ضاعت ويا ناس خطأ دائماً خلي الأفكار الإيجابية عن نفسك هي اللي تنخزن بداخلك ديربالك تسمح لأي شخص يأذيك ويخليك تحس أنك قليل لأن انت مو قليل واللي يأذيك هو اللي قليل وقليل جداً 🤍.

دائما من تشوف الشخص الي
تحبه يسترخص مشاعرك من
يعرف انو انته تغار من كذا
شغله بس ماهمه غيرتك يرجع
يسويها ويعيد بيها مثل الي
يكولك اني مامهتملك بس بغير
طريقه تشوفه يسوي شغلات انته
حاچيله انو هيه تضوجك بس
هو مستمر بيها تأكد ياعزيزي
انو هلشخص بعمره ماحبك ولا
راح يحبك بس يحب يشوفك
حزين ومتأذي من تصرفاته
ويحب يشوفك مكسور وهو
السبب بكسرك؟

رسالة اليوم
بالنهاية هي هاي الدنيا مو كلشي
تريده يصير الك
ولا كلشي تحبه راح يبقى وياك
وكلشي بي حكمة ربانيه
يجوز انت تحس نفسك ضعت بس
يجي يوم وتلكه
نفسك بمكان الي انت تستحقه ويا
الاشخاص الي يستحقوك وبالشعور
الي يطمنك

أول ما تحس انك لازم تشرح للمقابل بالتفصيل شلون المفروض يتعامل وياك
انهي علاقتك بي.

كل علاقة بالدنيا تمر بلحظات صعبة، اَي علاقة بالكون اطرافها يرتكبون اخطاء تنهي كل محبة وأيام عاشوها، العلاقات الحقيقية هي التستمر وتبقى أصلب، المزيفة تنهار لأن ماتحتمل الاختبارات، المشاكل ممرغوبة بس حكمة وجودها تنطيك يقين مادام كادر تكمل بيها فأنت صح بصحبة الإنسان الردته
الإنسان اليستحق الواحد يصبر علموده.

𝟮𝟬𝟮𝟯/𝟯/𝟭𝟳💔.

عذروني
عذروني تره وضعيتي تعبت
حياتي مخربطه ومافاهم اي شي
مبينلكم قوي بس اني منهار
بعد ماريد امثل رايد امشي
تره الكتمان يوصل حده مرات
بس المشكله شتريد تحجي
المايكدر يسولف يبجي يرتاح
انه حتى بجي ماكادر ابجي

يجيك يوم وراح تنام اخر نومه الك
وانت لسه بكلبك الف كلمة الف عتب الف زعل الف
"ليش.؟ الف شعور لسه ماجربته راح تنام ومتكعد
رح يكملون بدونك ناسك واهلك وجيرانك وحبيبتك
راح تبقى مجرد ذكرى كأي ذكرى بذكرياتهم راح
يحزنون عليك اسبوع ويرجعون يعيشون ، مثل ما
انت هسه عايش رغم خساراتك لناس تحبهم راح تنام
نومه طويلة ولأول مره راح تنام بدون ما تنكسر
بدون تفكير مراح تدري بشي راح تبقى سوالفك
التعبانه وهوستك وصوتك لوحدهم مثل ما نمت
وحدك ، انت وحدك بكلشي حتى بموتك

اعرف هذا الشعور
بين الاريد احجي والما اريد
اذا حجیت شنو يتغير ، واذا سكتت شنو
رح اعيش لوحدي من مشاعر !
اعرف شعور الي يروحون بلا رجعة
لاني جربته هواية ، واعرف شعور الي
يرجعون بـ عسى ولعل الوضع يكون
احسن ، اعرف لمن مايوسعكم مكان ولا
روح احد ، ولا صحتكم ولا قدرة
تعبيركم ، ان الدنيا وناسها وحتى نفسك
جاي يتلملمون عليك ، اعرف ان حفظنا
طريق الروحه والرجعه ، واعرف شگد
نعاهد انفسنا تكون الاخيرة وماتكون ،
والمصيبة اني اعرف والي يعرفون
يتعبون ، المعرفة هلاك يشوية صُحاب
الجهل طلع نعمة ، ولاني اعرف ردت
اكلكم بمنفعة وحدة من معرفتي انتوا مو
لوحدكم بهالمعرفة لا تنسون ، وتعلموا
تعدون وقتكم المتعب وي ناسكم مثلما
تعلمته او رح احاول اتعلم
دمتم بخير💜،

مااحاول اضم الجانب المشوه من شخصيتي ولا احاول اخفي سلبياتي بأي علاقة اجتماعية تصادفني .. لان اكبر خطا ممكن يوكع بي اي انسان ان يحاول يبرز الجانب الايجابي ويبين الحالة المثالية العايش بيها حتى يبقى المقابل يشوفة بعين الرضا وبالتالي بعد فترة رح يتضايق من القناع اللابسة ويضطر ينزعة حتى يتنفس!! وهنا المقابل مراح يتحمل شخصيتك الجديدة ورح يتشوه حتى الجانب الايجابي من شخصيتك..
لذلك عندي قناعة تامة انه كمال الانسان يكمن بنقصة .. والجانبين ( السيء والجميل) يمثلون منظومة متكاملة لشخص طبيعي💜،

اليوم ميخلص إلا بمسج لطيف ، ضحكه حلوه
مكالمه مع ناس تحبهم ويسمعونا كلام يزرع بداخلنا حب وامان ، ذولي الاشخاص حنيتهم دائما تفوز ، فـ شكراً لكل شخص يسوي هالاشياء ويصنع يومنا ويخلينا نحب حياتنا ، الله يسعد كل شخص يكول النا كلمه حلوه ، يمكن هو ميعرف تاثير هاي الكلمه ، بس دائما كلمه وحده تكَدر طيرنا للسماء
هاي الكم لان اني محروم من هواي اشياء✨.

الي يحب يضحي بكلشي لخاطر الشخص الي يحبه الي يحب يهتم لادق تفاصيلك وميهملك ولا يبتعد عنك مهما كان الي يحب يشوفك اجمل شخص بعيونه ويغار عليك من اقل شي الي يحب مستحيل بيوم مِـטּ الايام يتخلى عن محبوبه والمواقف الي راح تصير وياكم وراح يسندك بكلشي أنـتَ تريدة وميحاربك ولا يكلك هذا الشي اني ماريد تسوي وانتَ بنفسك تريد تسوي وهواي اشياء ومن خلال معاشرتك اله راح تعرف هو شنو اختارو اشخاصكم بعناية لان اليوم مو كل شخص يستحق يكون بحياتكم الحب حلو بس ويه الشخص الصح اليوم من اكتبلكم اني هل كتابات لاني مجربه هل شي ومو دائمــاً الحب يكون موجود وبالنسبه الي عندي الشخص الي يفهمني مقدس لان مدام فهمني راح يكدر يحبني 🫶🏻🤍.

وحده من قوانين الحياة..
الدرس الي ما تستوعبه،ينعاد بفترة من فترات حياتك .. راح تبقى وَحدك!
ومن اقصد وَحدك بالمعنى الحَرفي
وحتى لو عندك صديق ، اخ ، حبيب ..
يفتهمك ، راح يبدي ما يفتهمك راح تحس نَفسك وحيد ، وحيد بطريقة غريبة
الدرس من هذا كلة .. بَس حتى توزع حَبك بالشكل المطلوب وحسب الأهمية!
الرب بـ المرتبة الأولى،العائلة بـ الثانية
وتبدي تَصنيفَك حَسب حياتك ..
وذا بيوم منل أيام تحاول تلعب بهَل قانون
فاا ابشرك الدرس راح ينعاد عَليك!
وراح تحس نفسَك وحيد وانتَ وسط الناس اليي تحبههم ..

اي شخص أطلعه من حياتي مراح اكون ندمان ولا راح احس بذنب اتجاهه لان اني اعرف بنفسي انطي كل طاقتي لهذا الشخص ان كان صداقه وكلشي راح انطي فرص هوايه بس ميدري ياهيه تكون فرصته الاخيره راح اضل ويا لحد ما انسحب بكل هدوء من حياته أعرف بنفسي مراح اقصر تجاه اي شخص لذلك اذا اجه يوم واختلفنا راجع نفسك لان اني ما اغلط بحق احد وعندي ثقه ۱۰۰۰ انو شكو شخص طلع من حياتي هو چان سبب،

ميهمني بعد منو يحبني ومنو يكرهني میهمني منو يبقى وياي ومنو يتركني ميهمني إذا عندي الف صديق او واحد میهمني رأي الناس من قوة البرود اللي بداخلي ماكو شي يستفزني بعد ومن يسألوني عن شخص اختصرها بكلمه
(مادري ما عرفه)
ماحجي على أي شخص حتى لو جان مأذيني وصلت لهاي المرحله وعرفت انو مريت ب ايام كلش صعبه وانصدمت من ناس عمري ما توقعت انصدم منهم ماريد ادخل بسباقات الحياه وميهمني اكون احسن من أي شخص إلي يهمني نفسي كل الي اريده أهذب روحي ادخل سباق وياها واكون باجر احسن من اليوم

بيوم جنت كلي اغلاط جانت الناس كلها يمي وبيوم الصرت صح وعدلت كلشي بيه كلها اختفت اكتشفت شي واحد بس بهل الدنيا الناس تحب الي يضحك عليها تحب الي يخونها تحب الي ما يقدر نصيحه اذا جنت غلط خليك غلط واذا جنت صح صلح نفسك وصير غلط حتشوف التغير وحتشوف الناس كلها يمك وتحبك 🫂❤️‍🩹،