"أهمية وجودك تكمن بما تقدمه لمن حولك"
وهو سبب وجودنا هنا ❤
فريق بيور ميديسن بما يحمله من نقاء وروح التعاون والعطاء يتواجد الآن معكم بقسم السنة التحضيرية ..

فما هو ذلك القسم ⁉️

هو القسم الذي يستهدف طلبة السنة التحضيرية للكليات الطبية .
عبارة عن قناة وغروب المعسكر المرتبط بها بالاضافة الى بوت التواصل وبوت الملفات

💉القناة:
تتوافر فيها جميع اعمال الفريق الخاصة بطلبة التحضيرية من ملفات PDU مساعدة للكتاب الاساسي المتوفر وفقرات اكسترا لبعض الافكار المبهمة إضافة الى صور توضيحية وفيديوهات بعضها على شكل انيميشن لزيادة الفهم اكثر وأتمتة شاملة وموثوقة لكل من مادتي الكيمياء وبيولوجيا الخلية في الفصل الاول ومادتي الفيزيولوجيا الطبية والتشريح العام في الفصل الثاني .

💉الغروب :
هو عبارة عن معسكر دراسي حيث يتم فيه تنظيم الوقت والمناقشة في كل من مادتي الكيمياء وبيولوجيا الخلية في الفصل الاول والفيزيولوجيا الطبية والتشريح العام في الفصل الثاني،حيث سنكون متواجدين معكن في هذا الغروب للاجابة ع استفساراتكم .

💉بوت التواصل :
يكون فيه اعضاء الفريق المتطوعين بهذا القسم متواجدين خلال 24ساعة للاجابة على جميع الاسئلة العلمية .

💉بوت الملفات :
وهو الطريقة الاسرع للوصول الى اعمال الفريق التي تم ذكرها سابقا.

🩸كطالب تحضيري شو بتستفيد من متابعتنا ⁉️
💉توفير العبء المادي والنفسي التي تواجهه من كثرة الآراء حول هذه السنة وتعداد المصادر والتشتيت ،حيث أعمالنا موثوقة ومدققة من قبل أساتذة الكلية ومجانية تماما .

💉رح تطلع بقاعدة قوية بالمواد الاساسية في هذه السنة من خلال متابعتنا ومناقشتنا ب جميع الاسئلة العلمية والطبية المتعلقة بالمنهاج الدراسي المطلوب.

👨‍⚕️👩‍⚕️ خلوا عينكم على بيور بما تحضره لكم من مفاجآت دوما .

ولكن الآن!
من المؤكد قد خطر على بالكم هل تنتهي بيور هنا ⁉️

نبشركم بأن بيور مستمرة معكم ك طلبة طب بشري بشكل خاص وبقية الافرع الطبية بشكل عام ..
بالعديد من المشاريع والأعمال التثقيفية والتعليمية..بمقالات علمية، كورسات طبية، جلسات مناقشة وحالات سريرية وغيرها الكثير إن شاء الله...

ولا زلتم موفقين ❤

نذكركم متابعينا بمنصاتنا الرسمية :
➖➖➖➖➖➖
🌀🌀🌀 على الـتـيـلـيـغـرام 🌀🌀🌀
🟠 الـجـزء الـتّـثـقـيـفـيّ: (رسالة التعريف به)
📎 القناة
📎 البوت للتواصل
〰️〰️〰️〰️〰️〰️
🔵 الأكـاديـمـيّـة:
📎 القناة و رسالة التعريف بها
📎 البوت للتواصل
📎 الغروب التابع لها: (رسالة التعريف به)
Pure Support Group
〰️〰️〰️〰️〰️〰️
🔴 الـمـشـفـى:
📎 القناة و رسالة التعريف به
📎 الغروب التابع له (رسالة التعريف به)
Pure2 Support Group
〰️〰️〰️〰️〰️〰️
🟣 القسم الخاص بالـسّـنـة الـتّـحـضـيـريّـة:
📎 القناة و رسالة التعريف بها
📎 البوت للتواصل
📎 الغروب التابع له:
Pure Pre-Med Support Group

〰️〰️〰️〰️〰️〰️
🌐 بوت الملفات : (شامل لجميع أعمالنا)

➖➖➖➖➖➖
🌀🌀🌀 على الـفـيـسـبـوك 🌀🌀🌀
📎 الصفحة
📎 الغروب

➖➖➖➖➖➖
🌀🌀🌀 على الـيـوتـيـوب 🌀🌀🌀
📎 القناة

➖➖➖➖➖➖
*للانتقال إلى الرابط اضغط على الكلمة الملونة.
*لنسخ رابط قناة ما (أو غروب أو صفحة أو الخ..) اضغط مطولاً على الكلمة الملونة وحدّد "نسخ".

#Spread_Pure_Knowledge

#Pure_Medicine_PreMed
#Pre7

بهاد البوست رح نحكي عن مادة فينا نوصفها بكلمتين ( السهل الممتنع ) ...
🌟 مادة الكيمياء 🌟 اللي بيعتبروها الطلاب من اسهل مواد الفصل الاول دراسةً واصعبها اسئلةً ..

🧪 هي المادة عبارة عن قسمين :
اول قسم منسميه الكيميا البنيوية وهي عبارة عن 13 فصل ( اول عشرة والفصول 17و 18 و19)
وتاني قسم هيي العضوية وهيي عبارة عن 8 فصول ( من 12 ل 16 و 20 و21 و 22)
اما الباقي محذوف ...
القسم الاول هوي القسم الادسم من ناحية النكشات والأسئلة والو النصيب الأكبر من الأسئلة ...

💡ما تخافوا من كلمة كيميا.. الأفكار قريبة كتير من اللي اخدناه ومالوفة كتير علينا ولا يخلو الأمر من التوسع بس حتى التوسع مفهوم ...

📚 مصدر الدراسة بهالمادة الكتاب
للصراحة الكتاب كتير مرتب وشارح حالو.. اي حدا بيقرأ الفصل لازم يفهمو ✔
كتابنا مترجم عن كتاب الكيميا اللي عم يدرسوه طلاب جامعة كامبريدج يعني شي فاخر ...

📚 طيب شو المصادر اللي نحنا فينا نستعين فيها لنفهم المادة 🤔
هون رح ننبه ع شغلة.. بأي مصدر انت ممكن تستعين فيه بأي محاضرة لفريق أو اي دكتور شارح المادة مستحيل يوصلك لعلامة تسعينية بهالمادة اذا انت ما اشتغلت لحالك ...
حكينا قبل انو الكتاب مفهوم يعني ما حدا رح يقدملك اكتر من الشي اللي انت قادر تفهمو لحالك
بس الفكرة مين بركز اكتر بدراستو ..ينتبه عالتفاصيل والنكشات ..ويتدرب يستخدم الآلة الحاسبة بسرعة ويدور عالاساليب اللي بتخليه يحل السؤال بسرعة ...
هالاشياء ما فيه حدا يقدملك ياها غير حالك ...
( وفريقنا مجهز بنك أسئلة أتمتة بتشمل أسئلة دورات وأسئلة جامعة كامبردج رح تفيدكون بأنو تختبرو حالكن و دراستكون اذا صح ♥️⁩ ...)

رح نحكي شوي عن الامتحان وليش يعتبر رعب للي ما محضر حالو ⁉️
امتحان الكيميا متل اي امتحان عبارة عن مية سؤال بساعة ونص
في عندكم أسئلة نظرية ومسائل
( المسائل بكيميا التحضيرية مو متل البكالوريا ابدا هيي اسهل بكتير كتير ومضمونة )
المسائل كتير سهلة بس الفكرة مين بيقدر يوفر وقتا ويتعامل معا بسرعة ..هاد الشي بيجي من التدريب ع الالة الحاسبة وأساليب سريعة
في كتير طلاب بتحكيلك انو الوقت ما كفاها وشلفت اخر 20 سؤال لهيك رح تلاقي علامة السبعين علامة شائعة بهالمادة
هاد الحكي ما بيعني انو هيي ما معدل وانو علامتك فيها سبعين ..
بالعكس تماما انت فيك تخلصا بوقت قليل وتجيبا تسعين اذا تدربت منيح ومشيت فيها صح ...

📝 شو افضل شي ممكن اختبر حالي منو 🤔 للصراحة افضل شي الدورات وأسئلة كامبريدج واي سؤال بيوازي الأسئلة الامتحانية (( كتابنا مترجم عن كتاب الكيميا بجامعة كامبريدج لهيك كمان في اسئلة لهي الجامعة ..طبعا في فرق مترجمتا ..هي الاسئلة محبوبة جدا بالدورات وهيي أسئلة قوية وجيدة جدا للتدريب ))

#هامش_1 : كيف رح يساعدكم الفريق بالكيميا ؟
عن طريق فيديوهات للأفكار الصعبة وملفات شرح مساعدة...بالإضافة لبنك الأسئلة المؤتمتة الموازي لأسئلة الامتحان ويلي بيتميز بالتصحيح التلقائي وبيعطيك علامتك فورا مع توضيح مفصل للأسئلة الصعبة والنكشات 🔥
و لا تنسوا انه المعسكر والبوت مفتوحين لأي سؤال بيخطر لكم
#هامش_2 : اول درس طويل نوعا ما ورح تحسو صعب لان هوي اول درس وانت مو متعود مو لان صعب لهيك اصبر ولا تتشاءم من الاول المادة فعلا سهلة...
#هامش_3 : ما تترك الكيميا وتركز ع باقي المواد خصصلا وقت واتدرب عليها منيح اكيد رح تلاقي نتيجة💯

#هامش_4 : ما تنسى انك بحاجة الة حاسبة علمية ( بتحتاجا بالكيميا فصل اول والاحصاء فصل تاني )
#هامش_5 : في عندك أسئلة ضمن الدرس بعنوان اختبر معلوماتك كتير مهمة وبيجي منها لا تهملا❌ ( موجود الحل في كتير فرق حاللتا )
#هامش_6 : أسئلة نهاية الفصل يقال انو محذوفة و الغالبية العظمى ما بتقرب عليها ..انت اقرأها بقلب الفصل وتعرف على أفكارها ..اذا حسيت في سؤال مهم أو فكرته غريبة حط عنده إشارة ..مشان بأسبوع الامتحان بس تحله بدون ما تضيع وقتك بالباقي
((( وملاحظة اختبر معلوماتك أهم بكتير من أسئلة الفصل )))
#هامش_7: مربعات للحقيقة كتير مهمين واجى عنهن كتير دورات ( يعني لازم تدرسون 😂 )

رح احكيلك سر عن هي المادة ...كتير قالوا انو بدورتنا اجت الأسئلة سهلة مو متل باقي الدورات ... للصراحة الأسئلة كانت متل الباقي بس الفرق أنو نحنا الدفعة الخامسة يعني النكشات وهالقصص كنا متعودين عليها ومنعرف افكارا جابوها نفسا بس غيرو شوي ..يعني بالمختصر شوف الدورات و ركز عالافكار الصعبة بحيث تكون مطلع ع كل فكرة وتعرف كيف تحلا باقل وقت ممكن ...وهيك انشالله ما بتتفاجأ ب شي ❤️
حاولنا نشمل كلشي.. اذا لسا عندك استفسار اكتبوا لنا ياه ...
لا تنسوا انو نحنا هون لنساعدكون ‌❤️
وان شاء الله رح نكون موجودين معكن لاي شي بتحتاجوه

رابط غروب الفيس❤
https://www.facebook.com/groups/1511332539054473/?ref=share
رابط غروب المعسكر على تلغرام❤
https://t.me/joinchat/MB0zamwwy281NWJk
رابط قناة بيور ميديسن للتحضيرية❤
https://t.me/PurePreMed

#Pure_Medicine_PreMed
#Pre7

وهلق صار دور نحكي عن مادة من مواد الفصل الأول وهي ⭐ تاريخ الطب ⭐ او متل ما بيقولوا عنها مادة ال💯 بامتياز.

_من اسمها هي بتحكي عن تاريخ الطب📜📜 كيف بدأ من زمان بالشعوذة و السحر لحتى صار يتطور مع الأيام لحتى وصل لكل هاد التطور يلي نحن في اليوم.

المادة هي عبارة عن خمس فصول :

1⃣_الفصل الاول بيحكي عن الطب كيف كان من زمان وكيف كان كل شعب يداوي المرضى مثل العلوم الطبية عند الهنود والصينيين و الآشوريين

2⃣_الفصل التاني اطول فصل وبيحكي عن العلوم الطبية عند العرب وكيف تطورت من العصر الجاهلي للإسلامي للأموي للعباسي.

3⃣_الفصل التالت بيحكي عن تطور العلوم الطبية في اوروبا و امريكا.

4⃣_الفصل الرابع بيحكي عن تطور الطب والصيدلة وطب الاسنان.

5⃣_الفصل الخامس بيحكي عن أشهر الأطباء وبداية ظهور المجلات والجامعات.

المادة هي مادة بصمية بحت ‼️‼️

✔️ _بس على مدى خمس سنين كانت طريقة الحفظ على شكل#قصة هي أفضل طريقة للحفظ بدون نسيان وللتمييز بين الأسماء الكتيرة وأشهر العلماء.

❌_كتير من طلاب ما بتدرسها لاسبوعها بس هاد شي مو صح هي مادة معدل ولازم نستغلها و نرفع معدلنا فيها💆💆‍♀💆.

✔️_ممكن نعطيها اربع ساعات بكل أسبوع وهيك بتخلص المادة برياحة قبل فترة الفحص.

_إزا خلصناها كلا قبل أسبوع الفحص فالوضع ممتاز وبنكون إن شاء الله بالسليم.

_في حال ما خلصنا منا كم فصل بيتلحقوا بس يمكن ننضغط شوي🥺.

وما ننسى أنو الدراسة بتختلف من شخص لشخص بس المهم نقدر نجيبا معدل💪💪

_المادة لا تحتاج لحضور أبدا بس فريقنا مستعد يجاوب ع أي استفسار أو سؤال ع البوت : @PureMedicinePre_bot

أو المعسكر المخصص لمناقشة اسئلة طلاب التحضيري :
https://t.me/joinchat/MB0zamwwy281NWJk

📚 رابط قناة بيور ميديسين للتحضيرية :
https://t.me/PurePreMed

📚 رابط غروب الفيس:
https://www.facebook.com/groups/1511332539054473/?ref=share

#Pure_Medicine_PreMed
#Pre7
بسم الله الرحمن الرحيم

مادتنا لليوم هي ⭐ البيولوجيا الخلوية ⭐ مادة من أمتع المواد و هي الأمتع بالفصل الأول بسبب أنو هي الاقرب للمواد الطبية بين مواده

طيب هل المادة جديدة كلياّ علينا 🤔
أكيد لاء المادة هي توسع كبير لمعلومات مرقت معنا خلال فترة الاعدادي و الثانوي
المادة مفتاحها شغلتين الأول هو الفهم الكامل و التاني هو الدقة و الحفظ.. امتلاكك لمفتاح واحد من هدول المفتاحين بس غير كافي❌

🔍 من شو بتتكون المادة ؟
المادة مؤلفة من 12 فصل منها يلي بيحتاج وقت قصير 😌ومنها يلي ممكن يتطلب منكن أيام 🤕
الكتاب ببساطة هو ممكن اعتبارو قصة عم تدور أحداثها داخل خلايا جسمنا و عم توصفلنا شو بتحوي هي الخلية و شو هي مكوناتها و عناصرها سواء مكتنفات خلوية او أغشية و شو هي العمليات و الاحداث يلي بتصير فيها و شو وظيفة كل عنصر و توصيفه
ويلي بزيد من حلاوة المادة انو الها عملي حتتعرفوا فيه على المحضرات و الخلايا وحتتعلموا كيف تستخدموا المجهر 🔬
ولا ننسى فرم البطاطا و البندورة 🍅🥔 لتحضير المسحات😂

📚 شو هي مصادر الدراسة ؟
الكتاب 📖 أولاّ و آخراّ هو المصدر الأساسي للدراسة و بصراحة كافي و وافي.. لا يخلو الامر من وجود أفكار بدها شوية شرح بس لا تخافو بيور جاهزة لتوضح كلشي😎

💫 طيب و بيور شو حيقدم بمادة البيولوجيا ؟
بيور حتكون معكن على مدار الساعة من خلال بوت التواصل أو من خلال غروب المعسكر لتستقبل اسئلتكم و تجاوبكن
و نحنا مجهزين لكم بنك أسئلة مؤتمتة شاملة 📝 لنكشات الكتاب و أسئلة الدورات ليكون وسيلة بنهاية دراستكن لكل فصل يساعدكن بتثبيت الافكار و اختبار دراستكن طبعا البنك مجاني مية بالمية و متاح للجميع
بالإضافة لملفات شرح مساعدة لكل فصل ..بتحوي شرح وتوضيحات للأفكار المبهمة

شو هي الطريقة الأفضل لدراسة هي المادة 🤔
1️⃣ اول شي مناخد نظرة بسيطة عن الفصل من خلال قراءة سطحية ما بنبذل فيها اي مجهود
2️⃣ بعدين بتبلش المرحلة الحقيقية للدراسة وهي القراءة المعمقة و محاولة فهم كلشي و تسطير المعلومات يلي انت بتشوفها مميزة
3️⃣ المرحلة الثالثة هي مرحلة التمكين و الترسيخ و مرحلة مابين السطور بهي المرحلة رح نقرأ الفقرة يلي نحنا دارسينها و فهمانينها منيح وناخد قلم وورقة و نبلش ندون ملاحظاتنا و نلخص الفقرة باسلوبنا
4️⃣ المرحلة الاخيرة هي مرحلة الاختبار و تحديد مستوى الدراسة من خلال البنك يلي حكينا عنو فوق

💠 وبالإضافة للكتاب والملفات المساعدة، الفصول الدسمة ( 2 , 3 , 8 ) والفصل الأول مشروحة بفيديوهات من قبل فريق جونيور نيرد ، جميعها موجودة عاليوتيوب ..شوفوها انتو وعم تدرسوا الفصل بتسهل عليكم الفهم 💯
https://youtube.com/playlist?list=PL8F90tkZ40k8fLhSdUf-cbMgJiHFygF0P


وهيك بنكون وصلنا لنهاية رحلتنا مع مادتنا البيولوجيا

رابط غروب الفيس❤
https://www.facebook.com/groups/1511332539054473/?ref=share

💉 رابط غروب المعسكر على تلغرام
https://t.me/joinchat/MB0zamwwy281NWJk

💉 رابط قناة بيور ميديسن للتحضيرية
https://t.me/PurePreMed

ولا تنسوا تضيفوا رفقاتكم من البري ٧ لتعم الفائدة 🤩

#Pure_Medicine_PreMed
#Pre7

السلام عليكم 🌹
رح نكمل معكم بسلسلة البوستات التعريفية بمادة ⭐ اللغة الانكليزية ⭐
الانكليزي من أحلى مواد السنة ..موجودة بالفصلين يعني انكليزي 1 و 2 😌.. مادة معدل بامتياز للي بيدرسها صح و بيعرف كيف

💐باسم الله نبدأ 💐

🌸أول شي رح نحكي عنه:
لازم تكون بتعرف مستواك باللغة الانكليزية (يعني تعرف أنت وين و أنت مين تجاه الانكليزي) لأن هي الأساس اللي رح يرسملك طريقة دراستك.

🌸تمام ؛هلق اللغة الانكليزية كمادة تتفاوت آراء الطلاب عنها تبعاً ل مستواهم في اللغة ،و طريقة دراستهم سواء جيدة أو لا ، و كيف انضباطهم النفسي بالامتحان و تركيزهم خلاله...

و منه اللي مستواه ضعيف نوعاً ما أو تحت المتوسط يفضل يدرس خلال السنة شوي ولا يهملها أياً كان مصدر دراسته

🌸بالنسبة لأساليب الدراسة و طرقها و مصادرها ف هي تتعدد عند الطلاب حسب ما بيرتاحوا .في عالم حبت تدرس عن الكتاب و في عالم حبت تدرس عن ملفات و ملحقات فرق ....
ممكن تدرسوا بالترتيب كل وحدة بوحدتها أو كل قسم لحال grammar و vocabulary و writing و ... هيك حسب أقسام أسئلة الامتحان .

🌸بالنسبة للامتحان: أكتر شي العالم بتخاف منو هو #النص و #writing و #الوقت
الامتحان 90سؤال + النص ، و الوقت 90 دقيقة

شايفين كيف!

عندكن أول شي النص بعدين 10 أسئلة عليه (هدول كل سؤال عليه علامتين) بعدين 40 سؤال grammar و mini grammar بعدين 20 سؤال vocabuary و آخر شي 20 سؤال لقسم writing ....
🤔 إذا بدنا نحسبها: في 80سؤال فيك تحل أغلبهم منيح إذا مو تمام ،بيبقى ال 10 تبعون النص اللي ممكن يلبكوك او ياخدو وقت ..

🔹️النص ك نص مستواه عالي شوي ف انت مشان ما تتلبك بالامتحان:
بتبلش من السؤال 11 (مو من أول الأسئلة ولا من آخرها ..بتبلش من ال 11) بكون يمكن أول سؤال بقسم vocabulary
هاد الشي بيخليك تحل أكبر قسم من الأسئلة و بتضمن قسم كبير من العلامة🤓 و ما بتضيع وقت 😊
آخر شي بترجع للنص و هون لازم تكون مركز وانت عم تقرأه (النص بكون مقسم لفقرات صغيرة) و الأسئلة تبعه غالبا مقسمة كمان، بس انت لازم تفهم السؤال و تكون فهمان قسم منيح من النص (اذا شفت كلمات ما فهمت معناها حاول تفهم معنى قريب من السياق) [بيكون كتير منيح اذا شفت نصوص أسئلة الدورات مشان تشوف كيف نمط الأسئلة و كيف نمط النص و مستواه]

🌺شغلة مهمة عن الwriting :
النص بقسم ال writing وال useful language , هدول لازم تحفظوهن حفظ مع كلشي فيهم من علامات ترقيم و فواصل و حتى أحيانا بيجيك أنو الكلمة إذا أولتها حرف كبير ولا لا .... فلهيك بكون منيح إذا بتعرفوا مثلا انو اكيد بعد النقطة حرف كبير و كذا ......
أحيانا بتجي أسئلة فيه الجملة مانها موجودة بحرفيتها بالكتاب بس غالبا بتنحل عالمعنى او حسب القاعدة اللي بكونوا حاطينها بالقسم تبع الخيارات الموجودة

🌺بالنسبة لل vocabulary : ادرسوا ال glossary كمان لا تنسوهم كتير مهمين ومضمونين

🌺نصوص الكتاب اكتر شي بتستفاد منهم ك مفردات و هيك

شو في شي يساعدنا بالدراسة 🤔
المادة سهلة بشكل عام وفيك تدرسها لحالك بالبيت ..ممكن تجرب تحضر بالجامعة واذا استفدت تكمل
وبالنسبة للغة 2 ..فريق جونيور نيرد شرح القواعد بفيديوهات عاليوتيوب فيكم تستعينوا فيها أيضاً
https://youtube.com/playlist?list=PL8F90tkZ40k8fqlIBdBMfqvlQI5bDHXNK

الفريق جاهز لأي استفسار عالبوت❤

موفقين وين ما اتجهتم 💫

المعسكر المخصص لمناقشة اسئلة طلاب التحضيري ❤
https://t.me/joinchat/MB0zamwwy281NWJk

رابط قناة بيور ميديسين للتحضيرية ❤
https://t.me/PurePreMed

رابط غروب الفيس ❤
https://www.facebook.com/groups/1511332539054473/?ref=share

#Pure_Medicine_PreMed
#Pre7

يسعد أوقاتكم Pre 7 🌺
💉رح نختم سلسلتنا التعريفية بمواد الفصل الاول بالحديث عن مادة ⭐ الفيزياء الطبية ⭐

💉أكيد سمعتو كتير حكي أنها صعبة وما بتنجاب معدل عالي، هل هاد الكلام صحيح؟؟؟ رح نعرف الجواب بآخر البوست لهيك كملو للأخير..

💉مادة الفيزياء الطبية هيي جزء من الفيزيا لكن ضمن المجال المتعلق بالطب،، مثلا رح ندرس الضوء، الأشعة السينية، تحت الحمراء... الخ وبعض من تقنيات التصوير الشعاعي متل الصورة الشعاعية العادية والليزر وال ct scan و الايكو والرنين وغيرهم و طبعا بالتفصيل
هاد المجال بالتحديد بيبدأ من الفصل التالت أما أول فصلين فهني عبارة عن فيزياء رح تمهدكم وتأسسلكم معلوماتكم لفهم البقية..

💉مصادر الدراسة 📚 :
الكتاب بالدرجة الاولى
فيديوهات جونيور نيرد عاليوتيوب أو سلايدات وتسجيلات الدكتور محمد حلبي "تشرين"
وبالنسبة للأتمتة ف أفضل شي هيي : أتمتة د محمد الحلبي + الدورات (فقط فقط فقط)

💉طريقة الدراسة 🤓 :
فهم بالاول وبعدها حفظ بشكل عام وبصم الأفكار الرئيسية متل أطوال موجات الاشعة واستخداماتها وغيرهن... طبعا وقت رح تدرسو كل فصل وتشوفو الدورات رح تعرفو شو بدو فهم وشو بدو حفظ

💉المدة بتختلف من طالب لتاني بس عموما في فصول بتخلص بنص يوم وفي منها بدو يوم وفي البعض بدو يومين متل الاول والتالت والتاسع

💉منرجع للسؤال بالاول اذا قادرين نجيبها معدل او لاء... بحال أي طالب بخلص المادة كاملة بتركيز وفهم لازم تكون علامته فوق ال 80 💯

💉المادة بشكل عام تصنف ضمن المواد الصعبة إن لم تكن الأصعب بأول فصل لهيك لازم تبلشو فيها من البداية وتتمكنو منها وما تراكمو شي لبعدين ❌

موفقين يا رب ❤ ولا تنسوا تضيفوا رفقاتكم 😌

المعسكر المخصص لمناقشة اسئلة طلاب التحضيري ❤
https://t.me/joinchat/MB0zamwwy281NWJk

رابط قناة بيور ميديسين للتحضيرية ❤
https://t.me/PurePreMed

رابط غروب الفيس ❤
https://www.facebook.com/groups/1511332539054473/?ref=share

من فريق بيور ميديسين ألف مبروك لزملاءنا الجدد طلاب السنة التحضيرية 💜
خبرونا كنتو نيردات وداومتوا اليوم أو لسا آخدين بريك ؟ 🙃

لا تنسوا تضيفوا رفقاتكم لتعم الفائدة 💜
رابط قناة بيور ميديسين الخاصة بطلاب السنة التحضيرية 💜
https://t.me/PurePreMed

المعسكر المخصص لمناقشة طلاب السنة التحضيرية 💜
https://t.me/joinchat/MB0zamwwy281NWJk

سنبدأ غداً معسكر مادة بيولوجيا الخلية 🔬

حيث سنقوم بإرسال المقرر الدراسي صباحاً مع كل الوسائل المساعدة لفهمه

وسننتظر أسئلتكم على غروب المعسكر لتوضيح أي شيء مبهم بالنسبة لكم 💜

انتظروا صباحاً رسالة المقرر حتى تتمكنوا من المتابعة معنا
لا تنسوا تضيفوا رفقاتكم لتعم الفائدة 💜
رابط قناة بيور ميديسين الخاصة بطلاب السنة التحضيرية 💜
https://t.me/PurePreMed

المعسكر المخصص لمناقشة طلاب السنة التحضيرية 💜
https://t.me/joinchat/MB0zamwwy281NWJk

#Pure_Medicine_PreMed
#Pre7
#Biology
#معسكر_البيولوجيا
صباح الخير 🤩
سنبدأ اليوم معسكرنا الدراسي للسنة التحضيرية
في الفصل الأول من مادة بيولوجيا الخلية ❤

لمن يرغب بالمتابعة و معرفة تفاصيل المقرر والسؤال عن المادة يمكنه الانضمام إلى غروب المعسكر .
https://t.me/joinchat/MB0zamwwy281NWJk

#Pure_Medicine_PreMed
#Pre7
#Biology
#معسكر_البيولوجيا

صباح الخير 🤩
نتابع اليوم في معسكرنا الدراسي لننهي الفصل الأول من مادة بيولوجيا الخلية 🔥💪.

لمعرفة تفاصيل المقرر والسؤال حول المادة انضموا إلى غروب المعسكر .
https://t.me/joinchat/MB0zamwwy281NWJk

#Pure_Medicine

قلْ للبـلاغة غُضّي الطّـرف واحتشمـي ** فـمدحُ أحمـدَ يعلو هامـة الكَلِـمِ


من أعتق الأسرى بتعليمهم للأطفال ..
من بلغ في حبه للعطاء درجة الكمال الإنساني ..
خير الورى .. من تبقى الحروف عقيمةً في وصف كمالك .

✨من بيور ميديسن نهنئكم ونهنئ أنفسنا بذكرى مولد قدوة العطاء ونبي الرحمة .. حبيب الله .. صلى الله عليه وسلم

✨أخبرنا حديثاً عن الرسول صلى الله عليه وسلم ترك أثراً في نفسك✨

اللهم صلّ على سيدنا محمد وعلى آله وصحبه وسلم 💛

#Pure_Medicine_PreMed
#Pre7
#Biology
#معسكر_البيولوجيا

السلام عليكم 💜
سنبدأ اليوم بدراسة الفصل الثاني من مادة بيولوجيا الخلية، وهو فصل يتطلب همّة عالية .🤩💪

لمعرفة المقرر المطلوب والسؤال عن المادة يمكنكم الانضمام إلى غروب المعسكر .

لا تنسوا تضيفوا رفقاتكم حتى تعم الفائدة 💜
https://t.me/joinchat/MB0zamwwy281NWJk

#Pure_Medicine_PreMed
#PDU
#Biology
#شرح_مساعد

Cell Biology Chapter / 1 /🔬

#Spread_Pure_Knowledge

#Pure_Medicine_PreMed
#PDU
#Biology
#شرح_مساعد

Cell Biology Chapter / 2 /🔬

#Spread_Pure_Knowledge

#Pure_Medicine_PreMed
#Pre7
#Chemistry
#معسكر_الكيمياء

صباح الهمّة والنشاط 🤩

نبدأ اليوم معكم بمعسكرنا الدراسي للفصل الأول من مادة الكيمياء الممتعة .🧪

للسؤال عن المادة ومعرفة تفاصيل المقرر المطلوب والوسائل المساعدة على الفهم انضموا إلى غروب المعسكر .💜

https://t.me/joinchat/1RJ63o_VdqFjYmRk

#Pure_Medicine_PreMed
#Chemistry
#Videos

💉تعد مفاهيم #الكتل_والمولات من أساسيات علم الكيمياء التي يجب إتقانها وفهمها جيداً 💯

💉 لذلك وكما وعدناكم #بمفأجاة لمادة الكيمياء 🤩 نضع بين أيديكم فيديو


🧪🧪🧪🧪🧪🧪الكتل والمولات🧪🧪🧪🧪🧪


💉والذي يتناول هذه المفاهيم ويشرحها بطريقة مبسّطة بما يتلاءم مع ما ورد في كتابكم خلال #دقائق_قليلة ❤️.

💉وتحرياً للدقة تم ذلك بإشراف من #أستاذة المادة في جامعة دمشق ..

💉رابط الفيديو :
https://youtu.be/7UN7qya1Rl0


نرجو لكم الفائدة ولا زلتم موفقين ❤