#Pure_Medicine_PreMed
#Chemistry
#Videos

صباح الخير دكاترة المستقبل 👨🏻‍⚕️👩🏻‍⚕️

نقدم لكم تجميعة فيديوهات بيور ميديسن في الكيمياء العضوية #كورس_تسمية_المركبات_العضوية 🧪

💉 مقدمة & تسمية الهيدروكربونات

💉 تسمية الكحول والايترات

💉 تسمية الألدهيدات والكيتونات

💉 تسمية الحموض الكربوكسيلية والاسترات

💉 تسمية الأميدات والأمينات

كما نرفق لكم الملحق العلمي لتسمية المركبات العضوية الذي تم تناوله في الفيديوهات 👇🏻

مع تمنياتنا لكم بدوام التوفيق 💜

#Spread_Pure_Knowledge

الملحق العلمي لتسمية المركبات العضوية

الملحق شامل لجميع الملفات السابقة ويتضمن تسمية كل من :
⭕️ الهيدروكربونات
⭕️ الأغوال و الإيترات
⭕️ الألدهيدات والكيتونات
⭕️ الحموض الكربوكسيلية ومشتقاتها (الاسترات وهاليدات الأسيل )
⭕️ المركبات العضوية الآزوتية (الأمينات والأميدات)

"الملحق مشروح ضمن الفيديوهات"

#Spread_Pure_Knowledge

#Pure_Medicine_PreMed
#Biology

السلام عليكم ❤

مادتنا الجميلة على الأبواب 🤩 وأكيد الأغلب بلش الاستعداد الها 💪🏻

💫 لهيك هي الرسالة #تجميعة لملفات البيولوجيا المساعدة المتضمنة شرح لأصعب فقرات الكتاب بلغة سلسة مع صور موضحة :

🧬 الفصل الأول

🧬 الفصل الثاني

🧬 الفصل الرابع

🧬 الفصل الخامس

🧬 الفصل السادس

🧬 الفصل السابع

🧬 الفصل التاسع

🧬 الفصل العاشر

🧬 الفصل الحادي عشر

🧬 الفصل الثاني عشر


💫 ومنذكركم بفيديوهات جونيور نيرد عاليوتيوب :
https://youtube.com/playlist?list=PL8F90tkZ40k8fLhSdUf-cbMgJiHFygF0P


💫 وفي حال أحببتم تحلوا أتمتة بعد كل فصل ، بإمكانكم تستفيدوا من بنك أتمتة بيور :
https://t.me/PurePreMed/109

وختاماً منتمنى لكم كل التوفيق والفتوح بمعركتكم الأولى 😌❤

#Spread_Pure_Knowledge

#Pure_Medicine_PreMed
#Anatomy

التشريح 🫀

🌟 خلاصة التجربة وكيف احصل على علامة عالية ؟! 🌟

رح ابدأ من الاخر : مادة التشريح مادة #معدل بامتياز
_لازم نعرف شو يعني مادة معدل ؟!
مادة معدل مو يعني المادة سهلة ...لا ابدا يعني مادة اذا درستا صح حتماً لازم احصل على علامة عالية فيها
يعني ما ممكن يلعبو بالأسئلة وتكون تعجيزية بالاخير الموقع التشريحي انت لازم تحفظو

_الفكرة انا كيف لازم احفظ 🧠 :
حفظ المادة كتير صعب اذا ما عرفت تتعامل معها
حرفيا اول شي رح تشوفا طلاسم وهيك الكل اول ما بلش فيها شاف .. يعني حكي ناشف ما بينحفظ

🌟 رح اعطيك هلا طريقة الدراسة الصحيحة من دون ما تضيع وتضيع وقتك لان منكرر انو الوقت مهم .. مو فاضي تجرب ⏰

🪄 باختصار الفقرة لازم تتحول لصورة بالنسبة الك
لما أسألك عن معلومة لازم تتذكر الصورة وعن طريق هالشي رح تتذكر الكلام وبالتالي رح تجاوب

كيف رح تتحول المعلومة لصورة 🤔
لازم يكون عندي صور
رح اقرأ الفقرة واسقط كل كلمة عالصورة >> هيك بكون فهمت >> بعدا رح حاول عيد الحكي عن الغايب من تذكري للصورة

اول شي الموضوع رح يكون صعب طبيعي جدا .. هالحكي شوي شوي بتتعلم وبتحس حالك تقدمت وتاقلمت
بس صرت قادر تعمل هالحكي علامتك صارت فوق ال 90 بإذن الله ✅

📚 |مصادر الدراسة| : رح تسمع الف كلمة

رح يقلولك نتر للصور : النتر خارق بس مو لطالب تحضيرية .. ما بنصحك فيه بسبب ضيق وقتك

الحل الأنسب : تحط #الأطلس اللي عاملو الفريق عالموبايل أو اللابتوب ما بيفرق والكتاب

🌟 الأطلس : هو ملفات جمع الفريق فيها كل الصور اللي انت بحاجتا من المراجع متل النتر مشان ما تضيع وقتك بالبحث
افتح أطلس الفصل أنت وعم تدرسه وعلى فرض شفت معلومة واحتجت صورة لتثبتا وما لقيتا ..المعسكر مخصص لهالقصة مشان كلشي بتحتاجه

🌟 برامج التشريح : الاطلس او اسينشال اناتومي
شو بفيد ؟ بخليك تشوف المعلم ثلاثي الابعاد وهاد الشي رح يخلي المعلومة ترسخ بذهنك افضل

🌟 ولأن اول شي رح تضيع بالدراسة في فيديوهات للفصل التاني والتالت اللي هنن اصعب فصلين ..
بطريقة ثلاثية الأبعاد مع حدا عم يسقطلك المعلومات عالمجسم ..حرفيا رح يعلمك كيف تدرس والفيديوهات تمت بإشراف وتدقيق د.بيان السيد

🌟 مصدر آخر ممكن تستعين فيه : فيديوهات الدكتور بيان السيد دكتور التشريح بجامعة دمشق .. الدكتور غني عن التعريف والشرح بيسهل عليك الدراسة وخاصة الفصول 5 ، 10 ، 11

🌟 طبعا كالعادة الفريق اشتغل بنك أتمتة بيتضمن الدورات وأسئلة إضافية وبشكل نقي ومجاني

🔴 المحصلة \ المصادر :
كتاب + اطلس + برنامج + فيديوهات + بنك لاختبر حالي = 100 🔥

🌟🌟 منجي لآخر وأهم شغلة بالتشريح .. المصطلحات :
مهمة كتير كتير .. نص الأسئلة بالفحص مصطلحات
متل اي شي باولو بكون صعب وبعدا عالتكرار سهل
❌ بعمرك ما تفصل بين الانكليزي والعربي .. يعني وانت عم تدرس ادرس فوراً الكلمتين سوا
طبعا الفريق عامل شي كتير ظريف بخصوص المصطلحات عن طريق منصة #كويزلت يلي رح تساعدكم تختموا مصطلحات كل فصل وبطريقة تفاعلية

وهيك منكون عطيناكم فكرة عن المادة الجميلة والسهلة الممتنعة ❤
بالنسبة للمصادر يلي حكينا عنها من أطلس وفيديوهات وأتمتة وكويزليت للمصطلحات .. كلها رح ننشرها تباعاً إن شاء الله
لكن للي بيحب يطّلع عليها قبل ، كلهم موجودين على بوت الملفات @Pure_files_bot

📌رابط غروب المعسكر لتتابعوا معنا أول بأول:
https://t.me/joinchat/1RJ63o_VdqFjYmRk

#Spread_Pure_Knowledge

#Pure_Medicine_PreMed
#Pre7

مسا الخير 💜

منتابع معكم بسلسلة بوستاتنا التعريفة ورح نعرفكم بمادة ⭐️ اللغة الانكليزية2 ⭐️

طوق النجاة لمعدل الفصلين لمّا تندرس صح 💯😌

بدايةً الكل صار عنده فكرة عن هالمادة وأقسامها وكيف بتعتمد على خبرتك باللغة بالتالي لازم تشتغل عهالموضوع، كيف؟!

🧠 تحديد مستواك باللغة:

كل شخص أدرى بمعرفته باللغة ومستواه فيها، وعن طريق تحديد المستوى أنا عرفت اذا لازم ادرسها خلال الفصل أو قادر اتركها لوقتها، اذا كان مستواك متوسط فما دون يفضل انك تمرق المادة خلال الفصل وما تهملها، أما يلي مستواه فوق المتوسط قادر يهملها شوي.

💡مصادر الدراسة:

بتتعدد المصادر بهالمادة وبتختلف بين الطلاب حيث كل طالب بيختار المصدر يلي بيرتاح للدراسة منه بشرط شمولية هالمصدر (سواء كان كتابك، ملفات أو ملاحق الفرق...).
هالمادة فينا نمشي فيها كل قسم لحاله بحسب ترتيب ورقة الامتحان أو بترتيب الوحدات (أنا كنت فضل امشي بترتيب الوحدات).

🪄 الوسائل المساعدة:

في عنا فيديوهات جونيور نيرد عاليوتيوب + فينا نكتب اسم القاعدة يلي بدنا شرحها ومنلاقي شرح 🤩

⁉️ سؤال يطرح نفسه، ندرس نصوص الكتاب؟

إجابة غير متوقعة لكن، يُفضل قراءة نصوص الكتاب لأن أغلب الجمل يلي بيفكروها الطلاب خارجية بتكون منهم وهاد الشي استنتجتو بدراستي للنصوص (كنت اقرأهن بغرض الاستمتاع بدراسة المادة وكسر نمطيتها وجفافها).

📄 بالنسبة للامتحان:

متل ما شفنا الفصل الأول، 90 سؤال لكل سؤال 1.11 علامة، الأسئلة مقسمة كالتالي أول 10 أسئلة عن النص، 40 سؤال grammar، بعدا 20 سؤال vocabulary وأخيراً 20 سؤال writing.

🤔 كيف نتعامل مع امتحان اللغة ؟؟

كنت فضّل إني اترك النص للأخير، ببدأ حل من السؤال 11، بضمن هال 80 سؤال وبحبرن وبنتقل للنص بقرأ الأسئلة وببحث عن الإجابات بالنص skimming & scanning 🔍.

وأخيراً، لا تنسوا تزيدوا ذخيرتكم من المفردات خلال السنة هالشي بيسهل عليكم الحل وبيختصر وقت، حلوا دورات لتزيدو خبرتكم أكتر.

🪄 رابط فيديوهات جونيور نيرد لشرح القواعد عاليوتيوب:

https://youtube.com/playlist?list=PL8F90tkZ40k8fqlIBdBMfqvlQI5bDHXNK

جاهزين لاستقبال استفسارتكم وتقديم المساعدة الكم في أي وقت على غروب المعسكر وبوت التواصل 💜💪

https://t.me/joinchat/MB0zamwwy281NWJk

#Spread_Pure_Knowledge

#Pure_Medicine_PreMed
#Pre7

السلام عليكم ورحمة الله وبركاته
رجعنالكن اليوم بالتعريف عن مادة جديدة تعدّ من مركزيّات الفصل الثاني ،ومن أمتع المواد وأكتر المواد اللي بتحتاج جدّيّة واهتمام 💚
البوست طويل شوي .. لكن رح يعطيكم لمحة كافية إن شاء الله 😌

✨مادة الوراثة الطبية :Medical Genetics ✨
المادة عبارة عن ١٦ فصل
المحذوفات : الفصلين ١٢ و ١٥ وكل شي مكتوب بالأزرق.

1️⃣ الفصل الأوّل : الوراثة المندلية
مشابه جدّاً للشي اللي مرّ معنا بالبكالوريا ،رح ياخدنا برحلة مع تجارب ماندل على البازلاء وأهمّ النتائج اللي توصلّ الها خلال بحثه واللي شكلت حجر أساس لكتير علماء أجوا بعده، وبنهاية الفصل رح نشوف مجموعة من الأمراض الوراثية ومقدار انتشارها وأهمّ أعراضها
💠 تقييم الفصل : الفصل طويل وكثير الصفحات، بس معلوماته متوسطة الصعوبة، وجزء كبير منها مرّ معنا بالبكالوريا.

2️⃣ الفصل الثاني : الوراثة اللامندلية
أجوا العلماء من بعد مندل، واكتشفوا أنو الوراثة البشرية أعقد وأكثر اشتباكاً ممّا كان متوَقَّع ، بهاد الفصل الجميل رح  نكتشف ليش لون عيونك أزرق ولون عيون رفيقك بني؟
وكيف البيئة ممكن  توقف ضدنا وتساهم بتحريض أمراض وراثية!
وكيف بيقدر نيكليوتيد واحد فقط يغير لون شعرك للأشقر!
💠 التقييم : الفصل قصير،  متوسط الصعوبة، وممتع 💚

3️⃣ الفصل الثالث :  المادة الوراثية والصبغيات
معظم معلومات هاد الفصل معروفة بالنسبة إلنا، رح تسترجع ذكريات الفصل الرابع من البيولوجيا .
بهاد الفصل رح نحكي عن بنية ال DNA -هاد الجزيء العجيب اللي بيحمل سرّ الحياة- رح نغوص فيه على الصعيد الكيميائي و رح نشوف كيف رح نضغط هاد  الDNA المذهل بطوله  في مساحة لا تتجاوز بضع ميكرومترات.
💠 التقييم : الفصل يعتبر من أسهل فصول الكتاب، ومعظم معلوماته معروفة بالنسبة إلنا💚

4️⃣ الفصل الرابع : تضاعف (تنسّخ) الدنا
بنبدأ بأولى محطات حياة الدنا ، بهي المحطة رح نشوف الخلية لما تقرر تنقسم، شلون رح تقدر تورّث هويّتها ومعلوماتها الشخصية لبناتها القادمات، رح نخوض بالتفصيل بهي الرحلة المتقنة الدقيقة يلي بتستغرق الوقت الأكبر من عملية الانقسام لما فيها من حساسية و ما يترتب عليها من أحداث كتيرة.
💠 التقييم :الفصل متوسط الصعوبة، وممتع، رح نوقف عند مجموعة (معضلات) ونشوف كيف قدروا العلماء يلاقوا جواب عليها 💜

5️⃣ الفصل الخامس : الانتساخ
وصلنا للمحطة التانية من حياة الدنا و نشوف كيف رح نقدر ننتسخ هاد الدنا ،ونشفّرو على شكل رسالة  ونغلّف هي الرسالة ونأمنلها وسائل الحماية، الرسالة هي الرنا المرسال، اللي رح يغادر النواة وينطلق للأفق الأوسع (السيتوبلاسما ) لينقلنا لمحطة جديدة بنتعرف عليها بعد شوي..
💠 التقييم : الفصل متوسط الصعوبة، فيو بعض النقاط اللي بتحتاج تركيز وتمييز، ومقارنة متل طور إنهاء الانتساخ في بدائيات النوى وطور إنهاء الانتساخ عند حقيقيات النوى، لهيك بيحتاج نوعاً ما للدقّة.

6️⃣ الفصل السادس : الترجمة واصطناع البروتينات
المحطة التالتة والأخيرة من حياة الدنا،  بنجاوب فيها على هاد السؤال : كيف رح يتحول هاد الدنا اللي يُعتبر  (حروف مكتوبة ) لمركب يقوم بوظيفة حيوية،ويؤدي غاية خُلِقَ لها؟  بعد ما خرج الرنا المرسال من النواة ووصل لعالم جديد (عالم السيتوبلاسما) رح تستقبله الريبوزومات-معمل البروتين في الخلية- وتصنّع من خلاله بروتين وظيفي فعّال.
💠 التقييم : الفصل متوسط الصعوبة.

7️⃣ الفصل السابع : ضبط وتنظيم التعبير الجيني
الفصل يجيب عن سؤال بسيط :
ليش الخلية الكبدية بتختلف عن الخلية المعدية رغم أنو فيهن نفس المادة الوراثية تماماً؟!
ليش الخلية المعدية بتقدر تفرز حمض كلور الماء بينما الخلية الكبدية عاجزة تماماً عن ذلك؟
لنفهم جواب هاد السؤال رح نخوض رحلة مع جرثومتنا المحبوبة الإشريكية القولونية، ونوسّع نطاقنا فيما بعد، ونعرف أنو كل خلية رح تطفي جينات معينة وتشغل جينات معينة بما يتناسب مع هويتها ووظيفتها، وهاد هوي التعبير الجيني !💚
💠 التقييم : الفصل مخيف للطلاب ،ولكن صدقاً أنا أعتبره من أجمل الفصول وأمتعها إذا انفهم صح، ممكن ياخد شوية وقت بسبب ضخامته، ولكن كمعلومات يعتبر فصل رائع 💜

8️⃣ الفصل الثامن : تقانات الهندسة الوراثية
سمعنا كتير خلال هالفترة في ظلّ أزمة كورونا بفحص ال PCR ، وصار عنا فضول نعرف أكتر ، بهاد الفصل رح نعرف شو هوي ال PCR بالتفصيل ، ورح نشوف تقنيات أخرى عبقرية قدرنا من خلالها نصنّع الأنسولين البشري بسهولة بالغة ونعالج فيه ملايين مرضى السكري حول العالم، وكمان رح نشوف تقانات تانية أبدعها العقل البشري للكشف عن الأمراض الوراثية والطفرات..
💠 التقييم :  أصعب فصول الكتاب، بيحتاج لتركيز وإعادة وفهم عميق.

9️⃣ الفصل التاسع : المجين البشري
المكان الوحيد اللي فيه DNA خارج النواة هوي المتقدرات
بهاد الفصل رح نحكي عن المجين المتقدري ،وشو الجينات اللي بيحتويها، ولشو بترمز، وشو بيختلف المجين المتقدري عن المجين النووي، ورح نمرّ مرور سريع على الطفرات النقطية  Point mutation ونشوف كيف تغيير نيكليوتيد واحد في الدنا فقط كفيل بأنّه يولّد كوارث حقيقية وعواقب وخيمة على صاحبه.
💠 التقييم : الفصل سهل إلى متوسط إن شاء الله.

🔟 الفصل العاشر : التشوهات (الزيوغ الصبغية)
بهاد الفصل اللطيف رح نحكي عن تبدلات على مستوى أكبر، وعنا نوعين من هي التبدلات
١-   النوع الأول  تبدلات عددية : بزيد فيه عدد الصبغيات أو بينقص ، و رح نستعرض مجموعة متلازمات مترتبة على هاد النقص والزيادة متل : داون ،كلاينفلتر ، تيرنر..
٢-النوع التاني : تبدلات بنيوية : اذا انحذفت قطعة من الصبغي نفسه ،أو تكررت أو انقلبت رأساً على عقب شو ممكن يصير يا ترى؟
💠 التقييم : الفصل لطيف وسهل ، ومشابه للفصل العاشر بيولوجيا ،وجزء كبير من معلوماته بنعرفها

1️⃣1️⃣ الفصل ١١:  الاستنصاح الوراثي
بهاد الفصل رح نرافق المستشار الوراثي ونعرف ليش بيطلب الناس الاستشارة الوراثية، ونشوف شو الفحوصات اللي بيطلبها الطبيب للمرأة الحامل في حال شكّ بمرض وراثي عند الجنين، وكمان نتعرف على أنواع الاضطرابات الوراثية (سائدة /متنحية /مرتبطة بالجنس ..)
💠 التقييم: الفصل سهل ، طويل نسبياً، ومترابط إلى حدٍّ ما بالفصل الأول من المادة.

3️⃣1️⃣ الفصل ١٣: علم الوراثة الدوائي
بهاد الفصل الخفيف الظريف رح نشوف ترابط الدواء مع علم الوراثة، وكيف ممكن تعطي الدواء نفسه لشخصين مختلفين وتلاقي استجابات مختلفة تماماً.
رح نتطرّق لتجارب علمية انعملت على أرض الواقع جربنا فيها أدوية أبدت نجاح باهر بعلاج أمراض معينة عند أفراد، بالمقابل أخفقت إخفاق شديد بالنسبة لأفراد آخرين !
والسبب بكل بساطة ال DNA !!
💠 التقييم : الفصل متوسط الصعوبة ،وممتع وفيه تجارب حلوة

4️⃣1️⃣ الفصل ١٤ : علم الوراثة السرطانية
بهاد الفصل رح نتناول السرطان بمرور سريع، رح نشوف كيف ممكن تخرج الدورة الخلوية عن السيطرة بسبب الطفرات، ونستعرض بعض السرطانات الشهيرة والجينات الطافرة المسؤولة عنها.
💠 التقييم : الفصل سهل إلى متوسط، وصغير.

6️⃣1️⃣ الفصل ١٦: وراثيات الأمراض الشائعة
بهاد الفصل رح نعرّج على مجموعة من الأمراض الوراثية الشائعة ،أسبابها ،ومدى تواترها وانتشارها ..
💠 التقييم : الفصل قصير وسهل وأغلبه محذوف، المشكلة الوحيدة فيه كثرة الأرقام ولكن مع التكرار تُمتَلَك بإذن الله

وهيك بنكون انتهينا من تعريفنا لمادة من أضخم مواد السنة التحضيرية وأغزرها علمياً...
في حال عندكم أي سؤال ، بإمكانكم تطرحوه على كروب المعسكر .. وسنجيبكم إن شاء الله بكل سرور ❤
https://t.me/joinchat/MB0zamwwy281NWJk


#Spread_Pure_Knowledge

#Pure_Medicine_PreMed
#Pre7
#الإحصاء_الطبي

يسعد أوقاتكن جميعاً ❤️
نتابع معكم بسلسة تعريف بمواد الفصل الثاني
واليوم رح اشرحلكم عن مادة الاحصاء وطريقة دراستها ومصادر الدراسة والوسائل المساعدة في دراستها ورح أعطي لمحة عن كل فصل والأخطاء إلي بيوقعوا فيها الطلاب

منبلش ❤️❤️
🔶️ بدايةً الإحصاء هي مادة بالفصل التاني ... سهلة نوعاً ما .. ولكن اوعى تتركا لاسبوعا 🌚
مادة معدل اذا اندرست منيح واتركزت يعني فيها شوية نكشات بس مو صعبات وكل ما حليتوا تمارين أكثر كلما اتعودتوا ع النكشات
طبعا هالمادة من البري 5 صارت تجي فيها مسائل مثلا نحن البري 6 اجتنا 4 مسائل طبعا مو صعبين بس مجرد بيكتب لك فوق الاسئلة مثلا المسألة الاولى وطلبات متصلة شوي ببعضها يعني كل طلب بكون سؤال اتمته وعليه خيارات وهيك

طبعاً الحكي مو لخوفكن منا ابداً هي مادة حلوة وممتعة 😍❤️
بس حتى ما تستهينوا فيها 🔥

🔶️ المادة مؤلفة من 12 فصل
لكن اللي فيهن شغل فعلياً هنن الفصول 6-7-8-9

#الفصل_الأول : فصل كتيييير سهل (صفحتين 😂 )
بيحكي عن تعريف الإحصاء ونوعي الإحصاء الوصفي والاستدلالي

#الفصل_الثاني : كمان فصل سهل بيحكي عن المتغيرات العشوائية وأنواع سلالم القياس 🔥

#الفصل_الثالث : بيحكي عن مصادر جمع المعطيات ... كمان سهل (تلات صفحات )

#الفصل_الرابع : بيحكي عن وسائل تلخيص المعطيات وعرضا ... كلنا عنا فكرة مسبقة عنو (الجداول التكرارية .. المضلع التكراري ..مخطط الفطيرة .. مخطط الانتشار )
كمان فصل سهل جداً
بالمناسبة : الفصول الأربعة الأولى بيخلصوا بيوم 😁❤️

#الفصل_الخامس : هون بلشنا عملي ... القسم الاول نظري بيحكي عن اساليب جمع المعلومات وخطوات تصميم العينة وأنوع العينات
بالنسبة للقسم العملي لهل فصل كمان سهل وحلو 💙

#الفصل_السادس : أطول فصول الكتاب 🔥
انتبهوا قبل ما تبلشوا انو نصو الأول محذوف حتى ما تدرسوا شي محذوف وبعدا تكتشفوا 😂
يبيدأ بتعريف التوزيعات الاحتمالية بعدا بياخد كل توزيع احتمالي وبيشرحو بشكل مفصل نوعاً ما

#الفصل_السابع : مناخد فيه مجالات الثقة واختبار الفرضيات لتباين او متوسط متغير واحد

#الفصل_الثامن : متعلق بشكل كبير بالفصل السابع وبصير فراطة بس نهيتو السابع 🔥
مناخد فيو مجالات الثقة واختبار الفرضيات ولكن هون للفرق بين متوسطين أو تباينين

#الفصل_التاسع : بيحكي عن مدى الترابط بين عينتين .. حلو بس قوانينو شوي صعبة 😬
بدا شوية تكرار وبصير تمام 🔥😍

#الفصل_العاشر : هون رجعنا للنظري بيحكي عن مصادر جمع البيانات .. كتير سهل

#الفصل_الحادي_عشر : منحكي عن علوم السكان ومصادر جمع البيانات السكانية وبعض مقاييس السكان

#الفصل_الثاني_عشر : كمان سهل .. بيحكي عن السجلات الطبية وكيف نخرج مريض وهالقصص 🔥

🔶️ منجي هلأ لمصادر الدراسة والوسائل المساعدة :
الكتاب كتير ممتاز للدراسة برأيي
رح تكتشف شوية اغلاط بالكتاب مو مصوبة حتى بس بسيطة انشالله 😂❤️

🔶️ منجي للشي المساعد : عندك فيديوهات جونيور نيرد شارحين الفصول العملية من الخامس للتاسع 🔥
شاملة لكل أفكار الفصل ومفيدة للفهم
بالنسبة للنظري مو بحاجة شي كتير سهل 😂
بس ركزوه منيح ولا تنغروا بسهولتو .. لأنو لما قرروا يجيبوا نكشات نظري جابوا 🔥

🔶️ كيف ندرسا ؟
خصصلا يوم بالاسبوع (ممكن تكون مع الانكلش ما في مشكلة )
وحاول تخلصا كلا قبل اسبوعا 🔥
مهم تحل بإيدك الأمثلة المحلولة
بالنسبة لاسئلة نهاية الفصل ما كتير مهمين .. للتدريب مو اكتر .. لكن مو محذوفين

وأخيراً 🔥
أخطاء انتبهولا ‼️
❣ركزوا النظري منيح ... لأنو مضمون اكتر من غيرو ... منيح ركزوا النظري ها 🌚😂
❣ اهتموا بالحل بايدكن ولا تقروا الحل وكأنو شي مجلة 💔
❣ تدربوا ع الآلة الحاسبة وتعودوا ع السرعة
❣ لاسبوعا لا تتركوها 🌚

وبس هيك ...
موفقين جميعاً يا رب ‌❤️⁩‌❤️⁩

رابط غروب المعسكر لأي سؤال
https://t.me/joinchat/1RJ63o_VdqFjYmRk

#Pure_Medicine_PreMed
#Pre7
#Physiology

بختام سلسلتنا التعريفية بمواد الفصل الثاني .. رح نحكي اليوم عن مادة من أحلى مواد الفصل وأهمها .. 🌟 الفيزيولوجيا 🌟

🔺️بدايةً .. شو هي الفيزيولوجيا 🤔
هي علم وظائف الأعضاء ..يلي رح يشرح لنا عن الآليات الفيزيائية والكيميائية يلي عم تساعد أجهزة الجسم لتقوم بوظائفها المختلفة من هضم وتنفس وإطراح ..
رح نتبحر بكل جهاز بشكل مستقل .. وكيف كل عضو بهاد الجهاز بيقوم بعمله ، لنفهم بالنهاية شو بيصير بالجسم بشكل يومي .. و يا ترى اذا صار خلل بأحد هالآليات شو رح يترتب عليه ؟!

🔺️كيف بتندرس الفيزيولوجيا ؟
مفتاح المادة هو الفهم
الفهم ثم الفهم ثم الفهم .. وبالأخير بيجي الحفظ لبعض التفاصيل يلي بتحتاج حفظ
لكن إياك تبصم دون فهم ❌

🔺️مصدر الدراسة ؟
الكتاب بالتأكيد
الكتاب مؤلف من 12 فصل لكن الفصل التاسع محذوف
وكل فصل تقريباً رح يتناول جهاز معين

🔺️وكيف فيني اختبر حالي ؟
بالدورات وببنك أتمتة الفيزيولوجيا .. لكل فصل في أتمتة شاملة اله بتتضمن بعض أسئلة الدورات وأسئلة نكشات لتتأكد أنك أتقنت الفصل 💯

🔺️طيب بيور كيف رح تساعدني بهالمادة ؟
بإذن الله بيور رح تكون معكم ⭐ #بكورس_فيزيولوجيا ⭐ رح تنشرح فيه الفصول كاملةً بالتتابع بشكل #مجاني تماماً وبطريقة متاحة #للجميع على كروب الفريق على #التلغرام
ورح يكون الشرح من قبل محاضِرين مميزين ومنهم محاضرين قاموا سابقاً بشرح كورسات للطب البشري على كروبات الفريق الخاصة بالبشري🔥

💫 وقريباً إن شاء الله رح نخبركم عن تفاصيل الكورس الأخرى .. لهيك كونوا مستعدين وضيفوا أصدقاءكم 😌🤩

و بالختام .. استمتعوا بدراسة المادة وافهموها وأتقنوها لأنها بوابتكم للطب وتستحق منكم كل الاهتمام ❤

ولا تنسوا انه بإمكانكم تسألوا أي سؤال على كروب المعسكر أو بوت التواصل
https://t.me/joinchat/1RJ63o_VdqFjYmRk

ولا زلتم موفقين ❤

#Spread_Pure_Knowledge

مين بيحاول يطبق هالقاعدة #الذهبية بدراسته 🤔

كتطبيق عملي لهالقاعدة ، منقدم لكم المفاتيح #الذهبية لحل عقدة المصطلحات 😎🔥

#Pure_Medicine_PreMed
#Anatomy
#Quizlet

👨🏻‍⚕: لازم تحفظ مصطلحات التشريح وبيجي عليها أسئلة كثير

🙍🏻‍♂: ⁉️ طيب كيف ممكن نحفظ كل هالكلمات وما ننساهم 🤯

بيور عندها الحل 🤩

✅ من خلال منصة 🌟 كويزلت 🌟
يلي رح تساعدكم على حفظ المصطلحات لكل الفصول بطريقة #تفاعلية متطورة

المنصة تتضمن أساليب متنوعة وممتعة لحفظ المصطلحات
وهي معتمدة من قبل #جامعات_عالمية تعتبر من الأفضل على مستوى العالم منها ( اوكسفورد و هامبورغ و مشغن ... ) ✨

❗شاهدوا الفيديو للتعرف على المنصة وآلية التعامل معها.

كل ما عليكم بعدها هو فتح بوت الملفات
ثم ⬅️ Pure Terminology ⬅️ واختيار الفصل الذي تريدونه ثم الضغط على الرابط


⚠️ تنويه هام :
الرابط بحاجة كاسر بروكسي كي يعمل
لذا سوف نرفق لكم بالأسفل تطبيق السايفون وطريقة تشغيله

كما ننوه أنه يمكن تشغيل أي كاسر بروكسي آخر مختلف عن السايفون (vpn وغيره )

✨ لأي استفسار عن المنصة أو التشريح بشكل عام :
https://t.me/joinchat/1RJ63o_VdqFjYmRk


#Spread_Pure_Knowledge

برنامج السايفون

طريقة تشغيل السايفون

#Pure_Medicine_PreMed
#Anatomy

لا بُدّ أنّك سمعت ببرنامج التشريح 🤔
فما هي أفضل برامج التشريح ؟

بناءً على خبرتنا، فقد وجدنا أفضلها وأسهلها بالتعامل❤️✨ :

💠 برنامج_الأطلس :
وسنرفق بالأسفل : نسخة الأندرويد ، نسخة الآيفون ، نسخة الويندوز .
ننوه أن التطبيق يحتاج إلى فك ضغط بالنسبة للموبايل📱.
أما برنامج اللابتوب فهو لا يحتاج لذلك💻.

طريقة فك الضغط مرفقة بالأسفل على شكل فيديو.

💠 برنامج 3d Skull Atlas :
وهو برنامج للموبايل فقط... خاص بالجمجمة، وهو البرنامح المعتمد في فيديوهاتنا.

💠 برنامج Anatomyka :
الذي استعملناه في شرح الجذع والأطراف في فيديوهاتنا.
سنرفقه في الأسفل أيضاً.

⁉️ هل يتوجب عليّ تحميلهم جميعاً الآن ؟
مبدئياً ولدراسة الفصل الأول والقحف من الفصل الثاني، فأنت بحاجة للبرنامج الثاني فقط (تفاصيل الجمجمة أوضح في البرنامج الثاني مما هي عليه في الأول)
أما لاحقاً، فبرنامج الأطلس يكفي، لكن لمن أحب فبرنامج أناتوميكا متوفر أيضاً 😄❤️.

#Spread_Pure_Knowledge

#Atlas
#Android
💉 Human Anatomy Atlas 2020 apk
ملف تطبيق الأطلس (عليك أيضاً تحميل ملف الـobb )

#Atlas
#Android
ملف Obb

#Atlas
#iphone
https://www.iphonecake.com/app_1117998129_.html#
رابط تطبيق الاطلس للايفون 🔥❤️

#Atlas
#Windows
برنامج الأطلس للويندوز

#Atlas
طريقة فك الضغط لتطبيق الأطلس للموبايل ❤️

#3d_Skull_Atlas
برنامج تشريح خاص بالجمجمة و الذي تم استخدامه في فيديوهاتنا 💀❤️

#Anatomyka
رابط التحميل من غوغل بلاي :
⚠️نوّد التنويه أن العظام فقط متاحة ضمن البرنامج (الباقي مدفوع) :
https://play.google.com/store/apps/details?id=com.anatomyka.android&hl=en_US