በጠ/ሚ/ዶ/ር ዐቢይ አህመድ የሚመራው የመደመር መንግስት እያከናወናቸው ካሉ ታላላቅ የልማት ፕሮጀክቶች መካከል ኢትዮጵያን በአፍሪካና በአለም የአየር ትራንስፖርት ዘርፍ የበለጠ ተወዳዳሪ ለማድረግ የታቀደው ግዙፍ አለም አቀፍ የአየር ማረፊያ ግንባታ አንዱ ነው።

ሀገራችን ኢትዮጵያ በአፍሪካ ከፍተኛ የኢኮኖሚ እድገት እያሳዩ ከሚገኙ ሀገራት መካከል አንዷ በመሆኗ ይህንን እድገት ለማስቀጠልና አለም አቀፍ ተወዳዳሪነቷን ለማጠናከር ዘመናዊ ቀልጣፋና ከፍተኛ አቅም ያላቸው የትራንስፖርት መሰረተ ልማቶችን መገንባት ወሳኝ ነው።

ይህ ግዙፍ አለም አቀፍ የአየር ማረፊያ ግንባታ ሙሉ በሙሉ ሲጠናቀቅ በአመት ከ110 ሚሊዮን በላይ መንገደኞችን ለማስተናገድ የታቀደ አቅም ያለው ፕሮጀክት ነው።

ይህም ኢትዮጵያ በአፍሪካ የአየር ትራንስፖርት ዘርፍ ያላትን ሚና ከፍ ለማድረግና የአህጉሪቱ ዋነኛ የአየር ትራንስፖርት ማዕከል ከሆኑ ሀገራት ግምባር ቀደም ሀገር ያደርጋታል።

የተባበሩት መንግስታት ድርጅት በኢትዮጵያ ጉዳይ ነገ በዝግ ሊሰበሰብ ነዉ።

የተባበሩት መንግስታት ድርጅት (ተመድ) የጸጥታ ጥበቃ ምክር ቤት ነገ ማክሰኞ ጥቅምት 3፤ 2019 በወቅታዊ “የአፍሪካ ቀንድ ሁኔታ ላይ” በዝግ ሊመክር ነው።

የዝግ ስብሰባው የተጠራው፤ “በሰሜን ኢትዮጵያ ያለው ሁኔታ መባባሱን” ከግምት ውስጥ በማስገባት እንደሆነ ተገልጿል።

የነገው ስብሰባው እንዲካሄድ የጠየቀችው በጸጥታው ጥበቃ ምክር ቤት ድምጽን በድምጽ የመሻር ስልጣን ያላት ዩናይትድ ስቴትስ እንደሆነች “ኢትዮጵያ ኢንሳይደር” ጉዳዩን በቅርብ ከሚያውቁ አንድ የዲፕሎማቲክ የመረጃ ምንጭ ለመረዳት ችላለች።

አስራ አምስት ሀገራትን በሚይዘው የጸጥታው ምክር ቤት፤ ከአፍሪካ በተለዋጭ አባልነት የተካተቱት የኢትዮጵያ ጎረቤት ሶማሊያ፣ ዴሞክራቲክ ሪፐብሊክ ኮንጎ እና ላቤሪያ ናቸው። 

በትግራይ፣ አፋር እና አማራ ክልሎች የተቀሰቀሰው ውጊያ ሶስተኛ ሳምንቱን በሚደፍንበት ዕለት በሚካሄደው በዚህ ስብስባ፤ ከተባበሩት መንግስታት ድርጅት የፖለቲካ እና ሰላም ግንባታ ጉዳዮች ክፍል የሚጋበዙ ባለስልጣን ማብራሪያ ያቀርባሉ ተብሎ ይጠበቃል። በሰሜን ኢትዮጵያ ካለፈው መስከረም አጋማሽ ጀምሮ ውጊያ ከተቀሰቀሰ ወዲህ የመንግስታቱ ድርጅት ጉዳይ “እጅጉን እንዳሳሰበው” በተደጋጋሚ ሲገልጽ ቆይቷል።

የተመድ ዋና ጸሀፊ አንቶኒዮ ጉተሬዝ ባለፈው አርብ በቃል አቃባያቸው በኩል ባወጡት መግለጫ፤ በትግራይ፣ በአፋር እና በአማራ ክልሎች ያለው ውጊያ፤ አጠቃላይ ቀጠናውን ወደ በለጠ አለመረጋጋት ሊያሸጋግር እንደሚችል አስጠንቅቀው ነበር። ጉተሬዝ በዚሁ መግለጫቸው፤ “የኤርትራ ወታደሮች ወደ ኢትዮጵያ ግዛት ገብተዋል” የሚሉ ሪፖርቶች እንደሳሰቧቸውም ገልጸዋል።

#ከሃዲዎቹ_ተከድተዋል

ህገወጡ የህወሃት ቡድንና ሻዕቢያ እናት ሃገራቸውን ኢትዮጵያን ከድተው ከከሃዲዎቹ ጎን ከተሠለፉ ዘመናት ተቆጥረዋል።

በተለይ ሻዕቢያ የኤርትራ ህዝብ ከእህት ወንድሞቹ እና ከእናት አባቶቹ እንዲነጠል ያደረገው የፈርዖኖቹን ድብቅ ሴራና ፍላጎት ለማስፈጸም እንጂ የኤርትራን ህዝብ የልማትና የሠላም ጥያቄ ለመመለስ አይደለም።

ሁለቱ ጽንፈኛ ቡድኖች ለረጅም አመታት በብሄር ስም የነገዱ ነገር ግን የገዛ ብሄራቸውን ለዘመናት የጨቆኑ ፣ በድህነትና በኋላ ቀርነት ውስጥ የጣሉ ናቸው።

ሻዕቢያ እና ህገወጡ ህወሃት የትግራይንና የኤርትራን ህዝቦች ከእህት ወንድሞቻቸው ለመነጠል በርካታ ነጠላ እና ሃሰተኛ ትርክቶችን ለዘመናት ሲሰብኩ ኖረዋል።

አንዳንድ የፖለቲካ ተንታኞች እንደሚገልጹት ከሆነ ሻዕቢያና ህገወጡ የህወሃት ቡድን ለኢትዮጵያና ኢትዮጵያዊነት ክፉ ጥላቻ ያላቸው ሲሆን እሳቤአቸውም ከዘረኝነት የሚቀዳ ነው።

የትግራይም ሆነ የኤርትራ ህዝብ በሻዕቢያና ህገወጡ ህወሃት ከፋፋይ እና ዘረኛ እሳቤ ምክንያት ከኢትዮጵያ ህዝብ የመነጠልም ሆነ ሃገራቸውን የመክዳት ፍላጎት እንደሌላቸው ነው የሚገልጹት።

ይልቁንም ጽንፈኛ እና ዘረኛ እሳቤአቸውን በማውገዝ ለኢትዮጵያና ኢትዮጵያዊነት ያላቸውን ጽኑ ፍቅር እና ክብር በተለያዩ መንገዶች በማስመስከር ላይ ይገኛሉ።

በመቶ ሺዎች የሚቆጠሩ ኤርትራዊያን የሻዕቢያን ግፍና ስቃይ መሸከም አቅቷቸው ወደ ኢትዮጵያ የተሰደዱት እና ሠላማዊ ኑሮ በመኖር ላይ የሚገኙትም ለኢትዮጵያ እና ለኢትዮጵያዊነት ካላቸው ጽኑ ክብር እና ፍቅር ብቻ ነው።

በኢትዮጵያና በኤርትራ ህዝብ ዘንድ እንደ ከሃዲ የሚታዩት ሁለቱ ተላላኪ ሃይሎች በግብጽ ፖለቲካና ረብጣ ዶላር ተጠልፈው የገዛ ወገኖቻቸውን ለድህነት እና ለከፋ የሠላም እጦት አሳልፈው የሸጡ የክፍለ ዘመናችን የክህደት ተምሳሌቶች ሆነዋል።

ፈርዖኖቹ የሚደሰቱት በኢትዮጵያ ውድቀት ፣ መቁሰልና መፈራረስ እንጂ የኤርትራ መልማትም ሆነ መፍረስ ምንም ትርጉም አይሰጣቸውም።

ኢሳይያስ አፈወርቂ ረብጣ ዶላሮችን ከግብጽ እጅ የሚቀበለው ስንዴ ገዝቶበት የኤርትራን ህዝብ ለመመገብ ሳይሆን የጦር መሳሪያ ገዝቶ የኢትዮጵያን ህዝቦች ለመውጋት ነው።

የካይሮ ቤተመንግስት በቢሊዮን የሚቆጠሩ ረብጣ ዶላሮችን ለሻዕቢያ እና ህገወጡ ህወሃት እየመደበ የሚልከውም የኢትዮጵያን ልማት እና እድገት ለማደናቀፍ እንጂ አስመራን ወይም መቀሌን ለማስዋብ አይደለም።

ሁለቱ ጽንፈኛ ሃይሎች የፈርዖኖቹን የጥፋት ተልዕኮ ለማስፈጸም ኢትዮጵያ የባህር በር እንድታጣ ፣ የጂኦ ፖለቲካ እስረኛ እንድትሆንና ኢኮኖሚዋም እንዳያድግ እንቅፋት በመሆን ከሃዲነታቸውን አስመስክረዋል።

ወደ ካይሮ ቤተ መንግስት በመመላለስ የፈርዖኖቹን የጥፋት ሰይፍ ተንበርክኮ የሚቀበለው ከሃዲው ኢሳይያስ አፈወርቂም ጽምዶ የሚባል ጥምረት በመፍጠር በብሄርና በሃይማኖት አጀንዳዎች የበርካታ ንጹሃን ዜጎችን ህይወት በመቅጠፍ ከሃዲነቱን አውጇል።

የሻዕቢያ የበኩር ልጅ የሆነው ህገወጡ ህወሃትም የሻዕቢያንና የግብጽን የጥፋት ተልዕኮ ለመፈጸም የሰሜን ዕዝን በግፍ ጨፍጭፏል።

ታላቁ የኢትዮጵያ ህዳሴ ግድብ እንዳይገነባ የተለያዩ ድብቅ ሴራዎችን በመፈጸም ከሃዲነቱን አረጋግጧል።

መሬቶቿን እና ማዕድኖቿን ጨምሮ የኢትዮጵያን አንጡራ ሃብትና ንብረት በጠራራ ጸሃይ በመዝረፍ ታሪክ ይቅር የማይለውን በደል ፈጽሟል።

ተላላኪው ህወሃት ጽምዶ የሚባል ጥምረት በመፍጠር ሰሞኑን በኢትዮጵያ ላይ የከፈተውን ጦርነት ተከትሎ ጀግናው የሃገር መከላከያ ሠራዊት የህግ የበላይነትን በማስከበር ሥራ ላይ የሚገኝ ሲሆን የአካባቢው ህዝቡም በተወሰደው እርምጃ ደስታውን በመግለጽ ላይ ይገኛል።

በርካታ የሁለቱ ሃይሎች ታጣቂዎችም በግብጽ ባርነት ስር መኖር በቃን በማለት ለሀገር መከላከያ ሠራዊት እጅ በመስጠት ላይ ይገኛሉ።

በቅርብ የወጡ መረጃዎች እንደሚያረጋግጡት ከሆነ ደግሞ ሁለቱ ኢትዮጵያ ጠል ሃይሎች በህዝቡ ብቻ ሳይሆን በፈርዖኖቹም እየተከዱ ናቸው።

ፈርዖኖቹ ከሻዕቢያና ከህገወጡ ህወሃት ጋር የተወዳጁት በውክልና ጦርነት ኢትዮጵያን እንዲወጉላቸው ሲሆን አሁን ላይ ሁለቱ ኃይሎች የግብጽን የጥፋት ተልዕኮ የማስፈጸም ቁመናና ብቃት የላቸውም።

በዚህም ምክንያት ፈርዖኖቹ ከኢሳይያስ አፈወርቂና ከጽምዶ አመራሮች ላይ ፊታቸውን አዙረዋል።

#ጀግና_አይፎክርም❗️ብለህ ፃፍበት✍️

ዘንድሮማ በዝምታ ታጨዱ 😂🤣😂

#ኦነግ የመንግሥትን የባሕር በር
ጥረት እንደሚደግፍ አስታወቀ።

ኦነግ ዛሬ ባወጣው መግለጫ የመንግሥትን የባሕር በር የማግኘት ጥረት በቅንነት እንደሚደግፍ አስታውቋል። የኢትዮጵያ ህዝብ ቁጥር በከፍተኛ ሁኔታ እየጨመረና ኢኮኖሚዋም እያደገ መሄዱን የገለጠው ኦነግ፣ ለዚህ ደሞ የባሕር በር ማግኘት አማራጭ የለውም ብሏል።

ሁሉም የኦሮሞ የፖለቲካ ኃይሎች የሀሳብ ልዩነታቸውን ወደ ጎን በመተው ለኦሮሞ ሕዝብ ጥቅምና ደኅንነት በጋር የሚሠሩበት ጊዜው አሁን ነው ሲል ኦነግ ጥሪ አቅርቧል።

"ወደ ኤርትራ መሸሽ ወደ ሲኦል እንደመሄድ ነው" TPF

የሕወሓት ከፍተኛ አመራሮች በኢትዮ ኤርትራ ድንበር ተከማችተው እንደሚገኙ ቲፒኤፍ ይፋ አደረገ፡፡ አመራሮቹ ወደ ኤርትራ እንሻገር አንሻገር በሚለው ዙሪያ ለሁለት ተከፍለዋል ብሏል፡፡

የቲፒኤፍ ኃይል ማምሻውን መግለጫ ሰጥቷል፡፡ በመግለጫውም የሕወሓት ከፍተኛ አመራሮች የት እንዳሉ እንደሚያውቅ ይፋ አድርጓል፡፡ የቡድኑ ቃል አቀባይ በጋዜጣው መግለጫቸው፣ ‹‹የተሸነፈው የሕወሓት ቡድን ባሁኑ ወቅት በኢትዮ-ኤርትራ ድንበር ላይ ተሰብስቦ እንደሚገኝ እናውቃለን›› ብለዋል፡፡ የቡድኑ አመራሮች ‘ወደ ኤርትራ እንሻገር’ በሚሉና ‘አንሻገርም’ በሚሉ ኃይሎች ለሁለት ተከፍሎ ከባድ ውጥረት ውስጥ ገብተዋል ብለዋል፡፡

‹‹በሕይወት እያሉ ደደ ኤርትራ መሸሽ ወደ ሲኦል መሄድ ማለት ነው›› ያሉት ቃል አቀባዩ፤ ‹‹ስለዚህ በኢትዮ-ኤርትራ ድንበር ላይ ተሰብስባችሁ የምትገኙ የፈትለ-ፅዮን ቡድን ታጣቂዎችና ካድሬዎች አገራችሁን ጥላችሁ አትሂዱ፤ የትግራይ መጻኢ ዕድል ብሩህ ነው፤ ተስፋ ሰንቃችሁ፣ ምሕረት እንደሚደረግላችሁ ተረድታችሁ በሃገራችሁ እንድትቆዩ እና ወደ አሃዶቻችሁ በመሄድ እጃችሁን እንድትሰጡ ይመክራል›› በማለት ተናግረዋል፡፡

ይህ በእንዲህ እንዳለ፣ መከላከያ ሰራዊቱ አድዋን ተቆጣጥሮ ራማን ለመቆጣጠር ከጫፍ ደርሷል፡፡ በተመሳሳይ የሕወሓት ኃይሎች አክሱም ከተማን ለቀው ወጥተዋል፡፡ በዛሬው ዕለት በአዲግራት ዙሪያ ከባድ ውጊያ ሲደረግ ውሏል፡፡ በርካታ ከባባድ መሳሪያዎችም ተማርከዋል፡፡

መከላከያ ዛሬ ከጠዋት ጀምሮ በአዲግራት ዙሪያ ከቀርሳበር እስከ ፊያ ቀሺ በተባለ ቦታ የነበረውን የጠላት ሀይል አይቀጡ ቅጣት በመቅጣት በርካታ ወታደራዊ ቁልፍ ቦታዎችን ተቆጣጥሮ ወደ ፋፂ እየገሰገሰ ይገኛል፡፡ ህወሃት በዛሬው ዕለት በርካታ ተሽከርካሪዎች የተቃጠሉበት ሲሆን መድፍን ጨምሮ የተለያዬ ዓይነት ተተኳሽ ተማርኳል።
የ155 ሚ ሜ መድፍ ጥይት
የ130 ሚ.ሜ መድፍ ጥይት
T55 እና T72 ታንኮች ጥይት
የዲሽቃ ጥይት
የብሬን ጥይት
የስናይፐር ጥይት
የክላሽ ጥይት
01 መድፍና
2 ዲሽቃ በቁጥጥር ስር ውሏል።

የቀይ ባሕር አፋር ዴሞክራሲያዊ ድርጅት
ፕሬዚዳንት ኢሳይያስ ለፍርድ እንዲቀርቡ ጠየቀ

የቀይ ባሕር አፋር ዴሞክራሲያዊ ድርጅት (ቀባአዴድር) በአፋር ክልል ሎጊያ ከተማ ያካሄደውን ሕዝባዊ ጉባኤ አጠናቋል። ድርጅቱ ባወጣው መግለጫ የኤርትራው ፕሬዚዳንት ኢሳይያስ አፈወርቂ እና የህግደፍ መንግሥት በአፋር ሕዝብ ላይ ለፈጸሙት በደልና ሰብአዊ ጥሰት ተጠያቂ እንዲሆኑና ለፍትሕ እንዲቀርቡ ጥሪ አቀረበ። በተጨማሪም የሕዝቡ የራስን ዕድል በራስ የመወሰን መብት እንዲከበርና በኤርትራውያን ላይ የሚፈጸሙ እስራቶች እንዲቆሙ ጠይቋል።

ድርጅቱ ባለፈው አንድ ዓመት ውስጥ የፖለቲካና የወታደራዊ አቅሙን ሲገነባ የቆየ ሲሆን፣ በቅርቡም አዳዲስ ታጋዮችን ማስመረቁንና የባሕር ኃይል አቅሙን ለማጠናከር እየሰራ መሆኑን አስታውቆ ነበር። እንዲሁም ከዓለም አቀፍ ማህበረሰብ እና ከእስራኤል እገዛ ለማግኘት ያደረጋቸው እንቅስቃሴዎች ትኩረት አግኝተዋል። ድርጅቱ ህግደፍ ተደምስሶ የሕዝቡ መብት እስኪረጋገጥ ድረስ ትግሉን እንደሚቀጥል ገልጿል።

ይህ ጉባኤ የተካሄደው በኢትዮጵያና በኤርትራ መካከል ያለው ውጥረት በከፍተኛ ሁኔታ በጨመረበት ወቅት ነው።

ሁለቱ ሀገራት ዲፕሎማሲያዊ ግንኙነታቸውን ያቋረጡ ሲሆን፣ ኢትዮጵያ የኤርትራ ኃይሎች ድንበር አልፈው ወረራ ፈጽመዋል ስትል ለተባበሩት መንግሥታት የጸጥታው ምክር ቤት አቤቱታ አቅርባለች።