#አሁን 👆 #LIVE

ቦሌ አራብሳ የጋራ መኖሪያ ቤቶች የቤዝ ኮርስ ስራ እየተከናወነ ነው።

ጠቅላይ ሚኒስትር ዐቢይ አሕመድ (ዶ/ር) እና ጠቅላይ ሚኒስትር ላውረንስ ዎንግ በእድገት እና አመራር ልምዶቻቸውን ለመለዋወጥ ለእሳት ዳር ወግ ተቀምጠዋል።

መለያችንና የኢኮኖሚ ዋልታችን በሆነው ቡናችን እያስመዘገብነው ያለውን ስኬት በጥራትና በፍጥነት አጠናክረን መቀጠል አለብን።

ዛሬ የኢትዮጵያ ቡና እና ሻይ ባለስልጣን የ2017 በጀት ዓመት የእቅድ አፈጻጸም የባለድርሻ አካላት የእውቅና መርኃ ግብር ላይ ተገኝተናል - ምክትል ጠቅላይ ሚኒስትር ተመስገን ጥሩነህ

መንግስት የውጭ ጉዳይ ሚኒስትሩ ጌዲዮን ጢሞቴዎስን የኮፕ 32 ተወካይ ፕሬዝደንት አድርጎ መመደቡን አስታወቀ

የጠቅላይ ሚኒስትር ጽህፈት ቤት ባጋራው መረጃ እንዳስታወቀው፤ "በተባበሩት መንግሥታት የአየር ንብረት ለውጥ ማሕቀፍ ኮንቬንሽን መሠረት፤ የኢትዮጵያ የኮፕ 32 አስተናጋጅ ሀገር መሆኗን ተከትሎ የኢትዮጵያ መንግሥት የውጭ ጉዳይ ሚኒስትር የሆኑትን ጌዲዮን ጢሞቴዎስን የኮፕ 32 ተወካይ ፕሬዝደንት አድርጎ መመደቡን" አመላክቷል።

"ዶክተር ጌዲዮን ከሀገር ውስጥ የሥራ ኃላፊዎች፣ ከተባበሩት መንግሥታት አካላት እና አለምአቀፍ አጋሮች ጋር በመተባበር የኮፕ 32 ዝግጅትን የሚመሩ ይሆናል" ሲል ጠቁሟል።

ይህ የተገለፀው ኢትዮጵያ በውድድር በተሞላበት የአህጉር አቀፍ ሂደት ፣ የተባበሩት መንግስታት የአየር ንብረት ለውጥ የድርጊት ማዕቀፍ ስር የሚካሄደውን 32ኛው የተሳታፊ አካላት ጉባኤ (ኮፕ32) ለማስተናገድ የአፍሪካ ኅብረትን ድጋፍ ካገኘች በኋላ ነው።

ይህ ውሳኔ ከህዳር 1 እስከ 11 ቀን 2018 ዓ.ም በቤሌም ብራዚል በተካሄደው የኮፕ30 ጉባኤ በሁለተኛው ቀን ይፋ የተደረገ ሲሆን፣ በብራዚል የኮፕ30 ፕሬዝዳንት የተረጋገጠ ነው።

የኢትዮጵያ መንግሥት “ከዓለም አቀፉ የአየር ንብረት ማኅበረሰብ ጋር በቅርበት በመተባበር” የመጀመሪያውን የተባበሩት መንግሥታት የአየር ንብረት ጉባኤ ለማካሄድ ዝግጁ መሆኑን ገልጿል።

በአፋር ክልል ሃይሊ ጎቢ ተራራ ላይ አዲስ የተከሰተው እሳተ ጎመራ 
በሰሜን ምስራቅ ኢትዮጵያ የሚገኘው የሃይሊ ጉቢ እሳተ ገሞራ ፈንድቷል!

ፍንዳታው ለሰዓታት የቀጠለ እና ከፍተኛ የጭስ እና የአመድ ብናኝ ወደ ሰማይ ለቋል። እንደ እድል ሆኖ ግን በአካባቢው ምንም አይነት ጉዳት አላደረሰም።

የሃይሊ ጉቢ እሳተ ጎሞራ ዳግም መነቃቃት አስገራሚ ክስተት ነበር ። ምክንያቱ ደግሞ እሳተ ገሞራው ምናልባትም ላለፉት 12,000 ዓመታት አንቀላፍቶ ነበር።

ምንም እንኳን ከአካባቢው የተገኘ መረጃ አነስተኛ ቢሆንም፣ እሳተ ጎሞራው ለመጨረሻ ጊዜ ንቁ የነበረው መቼ እንደሆነ በእርግጠኝነት ማወቅ አስቸጋሪ ነው።

ነገር ግን በምስራቅ አፍሪካ ታላቁ የስምጥ ስርዓት ጫፍ ላይ በሚገኘው በዚህ በጣም ንቁ የሆነ የእሳተ ገሞራ ክልል ውስጥ እንደዚህ ያሉት ፍንዳታዎች በርግጥም  ይጠበቃሉ።

- ስምጥ ሸለቆ በጣም ግዙፍ እና አፍሪካን ለሁለት እየከፈለ ነው

ለመንግሥት ገቢ መሆን የነበረበትን ከ100 ቢሊየን ብር በላይ በመሰወር ወንጀል የተጠረጠሩ የስፖርት አወራራጅ ድርጅት ባለቤቶችና ተባባሪዎቻቸው በቁጥጥር ስር ዋሉ።

የብሔራዊ መረጃና ደኅንነት አገልግሎት ለፋና ሚዲያ ኮርፖሬሽን በላከው መግለጫ እንዳመለከተው÷ በቤቲንግ የስፖርት አወራራጅ ድርጅቶችና ፊንቴክ ወይም አግሪጌተር በሚባሉ የገንዘብ ክፍያ ስርዓት አቅራቢ ተባባሪ ተቋማት ዙሪያ ጥናትና ክትትል ሲከናወን ቆይቷል፡፡

ፈቃድ ያላቸውና ከሚመለከታቸው የመንግሥት አካላት ጋር በገቡት ውል መሰረት የማይሠሩ፣ በሕገ-ወጥ ድርጊት ተሰማርተው በመገኘታቸው ፈቃዳቸው የተሰረዘባቸው እንዲሁም ምንም አይነት ፈቃድ ሳይኖራቸው በስፖርት አወራራጅነት ተሰማርተው የነበሩ አካላት በዓለም አቀፍ የኢንተርኔት ትስስር አማካይነት በሕገ-ወጥ ድርጊት ተሰማርተው መገኘታቸው ተገልጿል።

የብሔራዊ መረጃና ደኅንነት አገልግሎት፣ የፋይናንስ ደኅንነት አገልግሎት፣ የኢትዮጵያ ፌደራል ፖሊስ፣ የአዲስ አበባና የድሬዳዋ ከተማ አስተዳደሮች የፀጥታ አካላት እንዲሁም በኅብረተሰቡ ትብብር አማካኝነት 24 ተጠርጣሪዎች በቁጥጥር ስር መዋላቸውን መግለጫው አስታውቋል፡፡

በተለይ በሕጋዊነት ሽፋን ፈቃድ ያወጡት ድርጅቶች ላይ ክትትል ለማድረግ ሙከራ በተደረገበት ወቅት ሁሉም ፈቃድ ሲያወጡ ይዘውት ከነበረው ቢሮ መልቀቃቸውና አድራሻቸውን መሰወራቸው ተረጋግጧል፡፡

የቤቲንግ የስፖርት አወራራጅ ድርጅቶቹ ፊንቴክ ወይም አግሪጌተር ተብለው ከሚጠሩ የፋይናንስ ስርዓቶችን ከሚያሳልጡላቸው የሀገር ውስጥ የክፍያ ስርዓት አቅራቢ ተቋማት ጋር በመመሳጠር በአጠቃላይ ሲያንቀሳቅሱት ከነበረው የገንዘብ መጠን መንግሥት በተለያዩ የገቢ አማራጮች ማግኘት የነበረበትን 100 ቢሊየን ብር በላይ መሰወራቸው እንደተደረሰበት አመላክቷል፡፡

የቤቲንግ የስፖርት አወራራጅ ድርጅቶቹ በተለያዩ የገንዘብ ክፍያ ስርዓቶች አማካይነት የሚሰበስቡትንና የሚያዘዋውሩትን የገንዘብ መጠን ያማከለ ግብር አለመክፈላቸው እንደተደረሰበት የጠቆመው መግለጫው÷ በክሪፕቶከረንሲ እና በተለያዩ ዓለም አቀፍ የሃዋላ ገንዘብ ማስተላላፊያ አማራጮች አማካኝነት የሚያገኙትን ገቢ በውጭ ምንዛሪ በመቀየር ሲሰውሩና ከሀገር እንዲወጣ ሲያደርጉ መቆየታቸውን አስታውቋል፡፡

ፊንቴክ ወይም አግሪጌተር የሚባሉት የሀገር ውስጥ የገንዘብ ክፍያ ስርዓት አቅራቢ ተቋማቱ ከብሔራዊ ባንክ ፈቃድ በመውሰድ የሚንቀሳቀሱ ቢሆንም፤ የደንበኛን ምስጢር መጠበቅ የሚል ሙያዊ አሠራርን እንደ ሽፋን ተጠቅመው የቤቲንግ የስፖርት አወራራጅ ድርጅቶች የሚያንቀሳቅሱትን የገንዘብ መጠን ከሚመለከታቸው የመንግሥት አስፈፃሚ ተቋማት በመደበቅ ወይም አሳንሶ በማቅረብ በግብር ስወራ እንዲሁም ከፍተኛ የሀገር ሀብትን ወደ ውጭ በማሸሽ ወንጀል ላይ ተሳትፎ እንዳላቸው የአገልግሎቱ መግለጫ አብራርቷል፡፡

የተለያዩ ሀገራት ዜግነት ያላቸው ገለሠቦች ጭምር ከኢትዮጵያ ውጪ ሆነው ሀገር ውስጥ ለሚገኙ ተባባሪዎቻችው ውክልና በመስጠት ሕገ-ወጥ ድርጊቱን ሲፈጸሙ መቆየታቸው እንዲሁም ውጭ ሀገር የበለጸጉ ሶፍትዌሮች ጥቅም ላይ መዋላቸውና ድርጅቶቹ ቋሚ አድራሻ የሌላቸው መሆኑ ወንጀሉን ውስብስብና ለቁጥጥር አስቸጋሪ አድርጎት ቢቆይም የደኅንነት ተቋሙ ከሌሎች የመረጃና የጸጥታ አካላት ጋር በመተባበር ባደረጉት ስምሪት ተጠርጣሪዎቹ መያዛቸው ተመላክቷል፡፡

በሕገ ወጥ ድርጊቱ ከሀገር ሲሸሽ የነበረው ከፍተኛ ገንዘብ ሽብርተኝነትንና ጸረ ሰላም ቡድኖችን በገንዘብ ለመደገፍ፣ በሕገ-ወጥ መንገድ የተገኘን ገንዘብ ሕጋዊ ለማስመሰል እንዲሁም ለኮንትሮባንድ ንግድ ማካሄጃ እንደሚውል የጠቆመው መግለጫው፤ ሀገራዊ የማክሮ ኢኮኖሚ ማሻሻያውን በመጻረር የኢትዮጵያን ብሔራዊ ደኅንነትና ጥቅሞች ስጋት ላይ ለመጣል የሚደረግ እንቅስቃሴ አካል በመሆኑ ዜጎች ማንኛውም አይነት ተመሳሳይ እንቅስቃሴዎች ሲመለከቱ ለደኅንነትና ጸጥታ አካላት የሚሰጡትን ጥቆማ አጠናክረው እንዲቀጥሉ የብሔራዊ መረጃና ደኅንነት አገልግሎት በመግለጫው አመላክቷል፡፡

ኢትዮጵያ እ.ኤ.አ በ2028 የሚካሄደውን 96ኛውን የዓለም አቀፉ የፖሊስ ድርጅት ኢንተርፖል ዓመታዊ ጠቅላላ ጉባኤ እንድታዘጋጅ  ተመረጠች

ኢትዮጵያ እ.ኤ.አ በ2028 የሚካሄደውን 96ኛውን የዓለም አቀፉ የፖሊስ ድርጅት ኢንተርፖል ዓመታዊ ጠቅላላ ጉባኤ እንድታዘጋጅ በሙሉ ድምፅ የተመረጠችው በሞሮኮ ማራካሽ ከተማ ሲካሄድ በቆየው 93ኛ የኢንተርፖል ዓመታዊ ጠቅላላ ጉባኤ ነው።

ከሦስት ወር በፊት እ. ኤ.አ 2025 በነሐሴ በደቡብ አፍሪካ ኬፕታውን ከተማ ተደርጎ በነበረው 26ኛው የኢንተርፖል አፍሪካ ሪጂናል ኮንፈረንስ ኢትዮጵያ ቀጣዩን  በ2027 የሚካሄደውን 27ኛውን የኢንተርፖል አፍሪካ ሪጅናል ኮንፈረንስ እንድታዘጋጅ መመረጧ ይታወሳል።

በከፋ ድህነት የተዘፈቁ 10 ቀዳሚ የአፍሪካ ሀገራት

(በቀን ከ3 ዶላር በታች የሚኖሩ በፐርሰንት)

1. ኮንጎ ሪፐብሊክ፡ 85.3%
2. ሞዛምቢክ: 82.2%.
3. ማላዊ ፡ 75.4%
4. ብሩንዲ፡ 74.2%
5. ዛምቢያ፡ 71.7%
6. መካከለኛው አፍሪካ ሪፐ. 71.6%
7. ኒጀር: 60.5%.
8. ኡጋንዳ: 59.8%.
9. ዚምባብዌ፡ 49.2%
10. ኬንያ፡ 46.4%

ምንጭ፡- Africa is Home

🪂 104 የፓራሹት ዘላዮች በተናበበ የአየር ላይ አሰላለፍ የ18 ዓመት የዓለም ክብረ ወሰን ሰበሩ 👏👏👏

ከ20 ሀገራት የተውጣጡ ተሳታፊዎች በፍሎሪዳ ሰማይ ላይ ፍፁም የተናበበ የአየር ላይ አሰላለፍ በመፍጠር ከዚህ ቀደም በ100 ሰዎች ተይዞ የነበረውን ክብረ ወሰን ሰብረዋል።

ይህ አስደናቂ ትርዒት የዓለም አቀፍ ታዳሚዎችን ቀልብ የሳበ ሲሆን ቪዲዮው በማህበራዊ ትስስር ገፆች በስፋት እየተሰራጨ ይገኛል።

🤔🤔🤔🤔🤔🤔🤔🤔🤔

በመደመር መንግሥት እይታ፣ የዘርፎች እምርታ ክፍል አንድ

https://youtu.be/EMZ3VARtIWQ?si=4B0ee5eA0LzEsWUr

"ይትኀፈሩ ወይግብኡ ድኅሬሆሙ ኵሎሙ እለ ይጸልዕዋ ለጽዮን (ጽዮንን የሚጠሉ ኹሉ ይፈሩ ወደ ኋላቸውም ይመለሱ)" መዝ 128:5

በመልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ

ህዳር 21 ቀን በኢትዮጵያ ኦርቶዶክሳዊት ተዋህዶ ቤተክርስቲያን የእመቤታችን ታቦት (ጽላት) ባለበት ሁሉ የምናከረው በዓላችን ጽዮን ማርያምን ነው።

የተወደዳችሁ የእግዚአብሔር ልጆች ይህ በዓል እንደ እንግዳደራሽ እንደ ውሃ ፈሳሽ በዓል አይደለም። ብሉይ ኪዳን ጥላ ሐዲስ ኪዳን አካል፤ ብሉይ ኪዳን ትንቢት ሐዲስ ኪዳን ፍጻሜ ነውና የኅዳር ጽዮን በዓላችንን በዚህ ቀን ስናከብር ከእመቤታችን ጋር ምን ያገናኘዋል? የሚል ጥያቄ ሊነሳ ይችላል። እውነቱ ግን አማናዊቱ ታቦት አማናዊቱ ጽዮን እመቤታችን ናትና ነው። በዚህ አርዕስተ ጉዳይ በሊቃውንቱ እንኳን ተጽፎ ተነግሮ ከማያልቀው ምሥጢር በጭልፋ እነሆ እላለሁ።

ľጽዮን ማለት" ተጸወነ ከሚል የግእዝ ግስ የተገኘ ቃል ሲሆን ይኸውም "ተጸወነ" ማለት ተጠጋ ማለት ሲሆን ጸወን ማለት መጠጊያ ማለት ነው። ጽዮን ማለት ደግሞ ጥግ ማለትነው። በመጀመሪያ ጽዮን የሚለው መጠሪያነት በኢየሩሳሌም ደቡባዊ ምሥራቅ ኮረብታ ላይ የምትገኘውና ኢያቡስ ተብላ ለምትጠራው የኢያቡሳውያን የተመሸገች ከተማ የተሰጠስ ያሜ ነበር።

ንጉሥ ዳዊት ከተማዋን ከያዘ በኋላ ቤተ መንግሥቱን በዚያ ስለገነባ "የዳዊት ከተማ" ተብላ ትጠራ ጀመር (2ሳሙ 5:7,9 )

ታቦተ ጽዮንን ወደዚያ ካመጣት ኋላ የእግዚአብሔር ታቦት አድሮባታልና ጽዮን "ለእግዚአብሔር የተቀደሰች ተራራ" ተብላ ተጠርታለች።

በኋላም ጽዮን የሚለው ሥያሜ በሞሪያ ተራራ ላይ የተገነባውን ቤተ መቅደስ፣ አንዳንድ ጊዜ መላውን የእስራኤልን ከተማ፤ ሕዝቡንም ጭምር የሚያካትት ሆኗል።

ጽዮንን ማራት ሲል ሕዝቡን ማለቱ ነውና ነው። በግሪኩ ቅዱሳት መጻሕፍት ጽዮን የሚለው ቃል አብዛኛውን ጊዜ የተሰራበት ምሳሌያዊ በሆነ መንገድ ነው። 1ጴጥ2:6 ፤ ራዕ14:1 ለጊዜው በእንዲህና በመሳሰሉ መንገድ ሲያገለግል:- ፍጻሜው ግን ለአማናዊቱ ጽዮን ለድንግል ማርያም ምሳሌ ነው።

ሁለተኛው የታቦተ ጽዮን ትርጓሜ ግን ታቦት ማለት "ታቦተ አምላክ" ታቦተ ሥርዓት ወሕግ: ምስማከ ሥጋ ወነፍስ: ማኅደረ አምላክ: ማኅደረ መለኮት ማለት ነው:
የድንግል ማርያም ምሳሌ የሆነችው በጥበበኛው ባስልኤል እጅ የተቀረጸችው ታቦተ ጽዮን በድንኳን 600 ዓመት ከኖረች ኋላ የዳዊት ልጅ ሰሎሞን ቤተመቅደሱን በ4500 ዓ.ዓ ሠርቶ በመቅደሱ ተቀምጣለች። 1ነገ 8:2

ጌታ ባወቀ የናቡከደነፆር ምርኮ ሳይደርስ፣ ሰሎሞን የሠራው ቤተ መቅደስ ሳይፈርስ በቀዳማዊ ምኒልክ ዘመን ታቦተ ጽዮን በ 4518 ዓ.ዓ ክርስቶስ ከመወለዱ አስቀድሞ በ982 ዓመት ወደ ቅድስት ሀገራችን ኢትዮጽያ መጥታለች። አስቀድሞ ጠላት የተሸነፈባት ባሕር የተከፈለባት ታቦት ህዳር 21 ቀን በኢሎፍላውያን መንደር ልዩ ልዩ ገቢረ ተአምራት በማድረግ ተመልሳለች።

ይኸውም እንዲታወቅ መጽሐፍ ማኅደረ ሰይጣን የሆነ የዳጎንን ኃይል አውርዳ፣ አዋርዳ /ጥላ ቀጥቅጣ ለእስራኤል ተድላ ደስታ ያሰማችበት ለኢሎፍሊያውያን ደግሞ የእባጭ ቁስል፣ ለእህላቸው አይጥና ፍልፈል ያመጣችበት ነው ። 1ሳሙ 5:6

በዚች ቀን" አመ ዕሥራ ወአሚሩ ለዝ ወርህ ጽዮን ተቅዋመ ማሕቶት ዘርእየ ዘካርያስ" ይላል ዘካ 4:1 መቅደመ ተአምር ደግሞም ልበ አምላክ ዳዊት ነግሶ ፣ ልብሰ መንግስቱን ለብሶ ዘውዱን ደፍቶ እመቤታችን ታቦተ ጽዮንን ከቤተ አቢዳራ ስትመለስ በእልልታ በይባቤ በዝማሬ በቃለ ቀርን የተቀበለበት ፤ ዕዝራኒ ርእያ ወተናገራ እንዲል ቅ/ያሬድ ዕዝራ በአምሳለ ብእሲት /በሴት አምሳል/ ጽዮንን ያየበት ዕዝ.ሱቱ 9:24-26 ፤ ዘካርያስ ወልደ በራክዩ ሔዶ ዓይቶ የብርሃንን ፋና በብርሃን መቅረዝ ተቅዋመ ወርቅን የመሰለበት ቀን ነው። ዘካ 4:1 እስራኤላውያን በመበደላቸው፣ አፍኒንና ፊንሐስም ሕግ በመሻራቸው በአንደኛና ሁለተኛ ጦርነት ከእስራኤል 34 ሺህ ሰዎች ወድቀው ታቦተ ጽዮንም ተማርካ ነበረ። እግዚአብሔር ከሕዝቡ መጣላቱ በዚህ ይታወቃል። ላስተዋለው ሰው እግዚአብሔር ሲቀጣ /ሲፈርድ፣ የማያዳላ፣ ኮናኔ በጽድቅ፣ በእውነት የሚፈርድ መሆኑን ያጠይቃል። ሊቁ ቅዱስ አትናቴዎስ በቅዳሴው "ኢየኃፍሮ ለባዕል እንበይነ ብዕሉ፤ ወኢይምህሮ ለነዳይ እንበይነ ንዴቱ፤ ለእመ ብነ ኢኮነ መሥመሪ ሎቱ" እንዲል እግዚአብሔር ሲቆጣ ደግሞም ቅጣትን ሲያመጣ ታቦቱን ታቦት፣ ጳጳሱን ጳጳስ፣ መነኩሴውን መነኩሴ፣ ቄሱን ቄስ፣ መቅደሱን መቅደስ አይለውምና ተማርካለች፡፡

በብሉይ ታቦተ ጽዮን በሐዲስ ድንግል ማርያም ናት። ለዚህም ማረጋገጫችን ከብዙ በጥቂቱ

1.በብሉይ ኤልያስ በሐዲስ ዮሐንስ እንደተባለ ት/ ሚል 4:5 /ማቴ 17:10 በብሉይ ታቦተ ጽዮን በሐዲስ አማናዊቱ ታቦተ ጽዮን እመቤታችን ናት። መዝ 9:11፤ ሉቃ 2:6
2. ታቦተ ጽዮን ወደ ምድረ ፍልስጥኤም ገብታ ዳጎንን እንደ ሰባበረችው ሁሉ 1ሳሙ 5:1-21 አማናዊቱ
ታቦት (ጽዮን) እመብርሃን በስደቷ ወደ ግብጽ ስትገባ በዚያ የነበሩ ጣዖታት ሁሉ እንደተሰባበሩ ያጠይቃል። ይህንንም የጽጌ ማሕሌት ደራሲ ሊቁ አባ ጽጌ ድንግል
"ታቦተ አምላከ እስራኤል ጽዮን ማርያም ዘነገደት ምድረ ኤሎፍሊ፤
ወቀጥቀጠቶ ለዳጎን ነፍሳተ ብዙሃን ማኅጎሊ፤
አመ ነገደት ቁስቋመ በኃይለ ወልዳ ከሃሊ፤
ተሰብሩ/ወድቁ/ አማልክተ ግብጽ መናብርተ ሰይጣን ሀባሊ፤
ወተሐፍሩ ኩሎሙ ዘቦሙ አስጋሊ" ብሎ (ወደ ኢሎፍሊ ምድር ተማርካ የኼደች የእስራኤል አምላክ የቃል ኪዳኑ ታቦት ታቦተ ጽዮን የብዙሃንን ነፍሳት ያጠፋ ዳጎንን ሰባበረችው፤ በዚህች ታቦት የተመሰለች ድንግል ማርያምም ኹሉን ማድረግ ከሚችል ከልጇ ጋር ግብጽ ወደሚባል አገርበ ኼደች ጊዜ የሐሰተኛ ሰይጣን ዙፋን የኾኑ የግብጽ ጣዓታት ፈረሱ/ተሰበሩ/ወደቁ ጠንቋይ አስጠንቋይ ያላቸው ኹሉ ዐፈሩ") ብሎ አነጻጽሮ የአማናዊቱን ጽዮን የድንግል ማርያምን የአምላክ ማደሪያ ታቦትነት በግልጽ ያስቀምጣል።

3.አንድም ታቦቲቱ ወደ ምድረ ፍልስጥኤም እንደተሰደደች እመቤታችንም ወደ ምድረ ግብጽ ተሰድዳለችና።
4.ታቦተ ጽዮን ወደ ዳዊት ስትመጣ ንጉሥ ዳዊት እየዘለለ እንዳመሰገነ ሁሉ አማናዊት ጽዮን ድንግል ማርያም ወደ ኤልሳቤጥ ቤት ስትደርስ በኤልሳቤጥ ማሕጸን ያለ ጽንሱ እየዘለለ የማመስገኑ ምስጢር ነው።

5.ዳዊት የእግዚአብሔር ታቦት ወደ እኔ እንዴት ይመጣል ሲል 2 ሳሙ 6:9-10 ኤልሳቤጥ የጌታዬእናት ወደ እኔት መጪ ዘንድ እኔ ምንድነኝ? ለማለቷ ምሳሌ ነው። ሉቃ 1:43-44

6.ታቦቲቱን በድፍረት የነካ ዖዛ ተቀስፎ ሲሞት፤ ለታቦቱ ክብር የሰጠ ዳዊትን ያቃለለች ሜልኮል መካን ሁና ስትቀጣ የአማናዊቱን ጽዮን የድንግልን በድን (አስከሬን) ለማቃጠል የመጣው ታውፋንያ ለመቀሰፉ ምሣሌ ነው።

7.በታቦተ ጽዮን ዐሥሩ ትዕዛዛት ተጽፈውባት ነበረ። ድንግልም ዐሥሩን ሕግጋት የሰጠውን አካላዊ ቃል
ለመሸከሟ "ማርያም ጽዮን ታቦተ ቃለ ጽድቅ መንፈቀ እስራ [ የኻያ እኩሌታ የሆኑ ዐሥሩ የጽድቅ ቃላት የተጻፉብሽ ጽዮን ታቦት ነሽ]" የሚል አብነት ይገኛል (መልክዐ ማርያም)