ساعة وداعك
ذيج والمغربية
مثل اليجيها وليد
ويموت أبيه..
والله تعبني السهر
يوم أرد أنام
الشوارع فارغه
وراسي ازدحام

ليش يم عنگود حبنا
تعثر سلال الهوى ؟
جيلك وجيلي حبايب
ليش مانلتم سوه ؟
ليش خاويت الظلام
وروحي مليانة ضوه ؟

لِراحة عقلك وبالك ونفسيتك ،
أصمُت كأنكَ لم تفهم ، وتجاهل كأنكَ لا ترى .

مو كُل شخص يقرّب منك يستحق يشوف كُل تفاصيلك، ولا كُل واحد لازم يتعود إنك تتنازل أله بكُل مرة حتى ترضيه.

من البداية خلّي إلك حدود واضحة، لأن الحدود مو قسوة ولا تكبّر، بالعكس هي أحترام لنفسك ولمكانتك.
أكو ناس إذا شافوك ساكت عن كُل تصرف، يفسرون سكوتك على إنه موافقة، ويتعودون يتجاوزون أكثر وأكثر.
ولمن تجي توكفهم عند حدهم، يكُلبون الموضوع عليك ويكولون إنو أنتَ تغيّرت، مع إنو أنتَ بس قررت تحافظ على كرامتك..

لا تخلي لطفك ينفهم ضعف، ولا مجاملاتك تصير باب يتجاوزون بتصرفاتهم عليك. الشخص اللي يقدّرك راح يحترم حدودك، واللي يزعل منها عمره ما چان يحترمك من الأساس..

جَبار رشيد ، وزيَد السومري .

هوَ مچان مُجـرد خدش صَـغير !
هوَ خدش مـن أصلِ خدوشٍ عشناها عُمر كامل ..

_

أنة تعبَان من أهلي
وأجيتك خِيط
علیمن چَا تکسرُوني
حتىٰ بنومِي ما شبعَان
أظل يمك وكوه مفتح عيُوني
شسولفلك بَعد ؟
مو وَاصل بتفكِير
أشنق روحِي نص الليل
خَاطر ما يشوفونِي .

البَارحة بالحلم جني الهلِي ردِيت

عفتك للزمن ما شايل عليك
الزمن يتكفل بجبر الخواطر
مِن تنكسر مرة وترجَع تعيش
بخور تحسِه دخان الجكاير .

هذا السوَاد الجَوه عِيني الشايلَه
مُو مِن السهَر مِن الحَجي لمَاگايله .

؛

ما فكرت بيه ، ماصار عِندك نقص
من فجأة تترك شخص وياك يوميه
من توكع بمشكلة ماترجع الذاكرة ؟
وتحتاجني شوية ..
هسَه انـه خلنفترض أيامي تنساهن
ماعِندي يمك صور بالصدفة تلگاهن ؟