اليوم نحتفل بإنجازات الاسبوع 🎉
انشروا شغلكم وشاركوا الرابط في قروب الشات

أفضل الاعمال راح يتم اختيارها بناءً على جودة التنفيذ والالتزام الكامل بالتعليمات، وراح انشرها ستوري في الانستقرام

فالكم التوفيق 🩵🩵

تحدي هذا الاسبوع 📝

تطوير هويتك التجاريه كمصمم

هدف التحدي إنك توقف تأجيل وتطلع بهويه تعبر عنك فعلا ، مو مجرد اسم وحساب

المهام:

1. تحديث او تصميم شعار او افتار
يعكس شخصيتك كمصمم ويكون مناسب للاستخدام بكل المنصات

2. تصميم هايلايت للحساب
متناسقه مع اسلوب الهويه، مو شي عشوائي

3. اختيار الالوان
•لون اساسي واضح وبارز مثل: الأزرق، الأحمر، الأخضر، الموف، التركوازي، التيفاني .. الخ
• لون ثانوي داعم
الهدف الوضوح والقوه، مو الألوان الباهته

4. اختيار خط الهويه
خط يخدم اسلوبك ويكون عملي للاستخدام المستقبلي

5. إنشاء قوالب السوشال
• قالب بوست
• قالب ستوري
قابله للتكرار والاستخدام اليومي

6. انشاء ايقونات الهايلايت
بسيط، واضح، ومتناسقين مع الشعار والهويه

7. إنشاء حساب في بيهانس Behance

• إذا ما عندك حساب: انشئ واحد
• إذا عندك حساب حدثه بالهويه الجديده
• انشر كولكشن الشعارات اللي سويناه الاسبوع اللي فات 🔥
• ضيف اي هويه قديمه سبق وسويتها

وبكذا لما تنتهي تكون رتبت اعمالك وعرضت تطورك بشكل
يعكسك كمصمم محترف🩵🩵

مثل ماسويتوا بالاسبوع اللي فات، بعد ماتخلصون من تطوير هويتكم تنزلونها في بوست، تسوون منشن، وتشاركون الرابط في قروب الشات

وشاركوا روابط حساباتكم في بيهانس نضيف بعض وندعم بعض🩵

وحابه اقول ان في النهايه، المطلوب مو الكمال

المطلوب انك تتحرك ترتب نفسك، وتطلع بهويتك للنور

سو اللي تقدر عليه هالاسبوع، وعدل بعدين.

نصايح للتحدي:
عامل هويتك كأنك تصمم لعميل حقيقي، مو لنفسك


الشعار / الافتار
- يبان بوضوح كصوره بروفايل
- فكرته اقوى من زخرفته
- يعكس تخصصك كمصمم

الهايلايت
- جزء من الهويه
-نفس الاسلوب ونفس الخط

الالوان
- لون اساسي قوي وواضح
- لون مساعد
- خليك جريئ بالاختيار

الخط
بسيط، مقروء، وقابل للتكرار
لا تغيره مع كل مزاج

قوالب السوشال
تخدم المحتوى

بيهانس Behance

- انشئ حساب او حدثه بالهويه الجديده
- الحساب الفاضي اضعف من حساب فيه اعمال بسيطه لاتحذف شي من اعمالك القديمه حدثها وطورها
- انشر كولكشن الشعارات اللي اشتغلت عليه
- ضيف اي هويه قديمه سبق وسويتيها

نصايح النشر في بيهانس:
- عرض الصور داخل المشروع: 1400px
الطول مفتوح حسب المحتوى

-حجم غلاف المشروع (Cover): 808 × 632 px
- اهتم بجودة الصور وترتيبها
- صمم غلاف قوي لأنه اول شي ينشاف
- قبل النشر دور مشاريع ناجحه قريبه من شغلك
- لاحظ طريقة العرض والعناوين
- استخدم نفس الهشتاقات الشائعه مع تعديلها بما يناسب مشروعك

التاق تلاقونه تحت كل مشروع كذا

نهاية السنه فرصه نطلع بإنجازات
وعشان كذا سويت لكم تحدي
ننجز فيه المهام المؤجله
تحدي الاحد كان عن إنشاء حساب بيهانس ونشر كولكشن شعارات السنه

ومهمة تطوير هوياتكم او انشاء
هويتك كمصمم جرافيك
ومع ذلك معكم وقت لين الجمعة الجاية لإنهاء المهام
خلونا ندعم بعض نضيف بعض، ونرفع المشاهدات للأعمال المنشوره، ممكن يكون التحدي بدايه تعاون بينكم بالمستقبل 🩵

افضل 3 شركات تشتري منها جهازك للتصميم بتحصلها هنا بالمقاله ⬇️

https://desn.pro/p/illustratorneeds

وجميع ادواتي على هذا الرابط: https://hoo.be/sg.logs

مبارك عليكم قدوم الشهر، جعله الله بدايه خير وتوفيق علينا وعليكم، وكتب لنا فيه القبول وحسن العمل.

اللهم اعنا على صيامه وقيامه، وبارك لنا في ايامه ولياليه، وارزقنا فيه صفاء القلب وصلاح النيه، وبلغنا تمامه ونحن في عافيه ورضا.

اللهم اجعله شهر رحمه ومغفره وعتق من النار، واكتب لنا فيه نصيبا من كل خير، ويسر لنا فيه الطاعه، وتقبل منا صالح الاعمال

تصميم السوشال ميديا صار أسهل بكثير 🔥
لأنك تقدر تنشئ أي صورة بخيالك باستخدام هذا النموذج

بعد ماكان Midjourney مسيطر، طلع منافس قوي: Nano Banana Pro

القوة مو في الدقة بس
القيمة في وصفك للفكرة (Prompt)

طريقتي : إني أبني الفكرة
وبعدين أستخدم ChatGPT أو Gemini يساعدني أكتب الوصف بشكل احترافي

تقدرون تجربون من هنا:

Gemini (Google):
https://gemini.google.com

Freepik AI:
https://www.freepik.com

Higgsfield:
https://higgsfield.ai



سؤالي لكم:
ايش أول فكرة بتجربون تولدونها بالذكاء الاصطناعي؟

مواقع خطوط عربية مدفوعة استخدمها بمشروعك الجاي:

1.NoonFont
https://noonfont.com
متجر خطوط عربي احترافي فيه تصنيفات كثيرة (UI – Branding – Posters) وخطوط مستخدمة فعليًا في تطبيقات وشركات كبيرة


2.iwantype
https://iwantype.com
خطوط احترافية مناسبة للإعلانات والهويات التجارية

3. fontbundles

https://fontbundles.net/mostafa-abasiry/1899238-taroub-arabic-font

خطوط عربية تُستخدم في جميع المشاريع


4. Creative Market (قسم الخطوط العربية)
https://creativemarket.com/fonts/arabic
مكتبة ضخمة فيها خطوط عربية من مصممين حول العالم


5. abjadfonts

https://www.abjadfonts.com
ممتاز من ناحية السعر والتنوع


6. MyFonts
https://www.myfonts.com
أكبر متجر خطوط عالمي وفيه خيارات عربية كثيرة


7. Omar Type
https://omar-type.com
خطوط مبنية على قواعد خطية عربية أصيلة و بجودة عالية

موقع رهيب لتحميل الموك اب بشكل مجاني ، مليان موك ابز مميزه ولايف ستايل ،الرابط: 👇🏻

https://www.ls.graphics/free-mockups

نموذج ذكاء اصطناعي يولد لك بريف كامل خلال دقائق
تعطيه فكرة المشروع او طلب العميل، وهو يرتب لك كل شيء بشكل احترافي:
الجمهور المستهدف، الهدف، الرسالة، أسلوب التصميم وحتى المخرجات المطلوبه

يفيدكم لو:
تضيعون وقت في فهم طلب العميل
تجيكم مشاريع بدون وضوح
أو تبغون تختصرون مرحلة التخطيط


https://chatgpt.com/g/g-682b33ae1e0081919b0f4670d3e1e022-mukhtiwt-lbd-creative-brief-gpt

وقت المواسم تزيد طلبات التصميم
خصوصا الأعياد, وكثير عملاء يشتكون من تأخير التسليم وهذا عالاغلب بسبب ان بعض المصممين:

- ياخذون مشاريع فوق طاقتهم

- أو ما يعرفون يقولون "لا"

النتيجة؟ ضغط + جودة أقل
عميل مو راضي

طيب كيف تدير طلباتك كمصمم بدون ماتضر عملائك الحاليين:

1- اعرف حدود طاقتك
حدد عدد المشاريع اللي تقدر تنفذها
بجودة (3-1 مثلا)
ووقف عندها
لا تربط قراراتك بالحماس او الفلوس اللحظيه على حساب سمعتك كمصمم

2- اطلب المساعده
كون علاقات مع مصممين تثق فيهم، وتعاون معهم وقت الضغط بدل ماترفض كل شي او تقبل وتتورط!


3- سوي نظام الانتظار (Waiting List)
مو كل عميل لازم ترفضه اعرض عليه اقرب موعد متاح عندك واتركه يقرر هذا يعطيك تعامل احترافي ويخفف الضغط عنك

4- وضح مدة التنفيذ بسياسة الطلب لا تقول (حسب الشغل) او (نشوف)
حط مدة + هامش تأخير بسيط
نحسبا لأي ظرف

5- لا تستحي تقول لا (بأسلوب احترافي) رفضك أفضل من قبول يدمر سمعتك تقدر ترفض او تقترح بديل ، موعد ثاني
او مصمم غيرك.

بعض المصممين يتوقع ان:
رفض العملاء = خسارة
بس الواقع؟
القبول العشوائي هو الخسارة الحقيقية
لأنه يخرب تجربتهم معك + ويقلل فرص رجوعهم لك مستقبلاً.