Клиент дос болмай, қас болса

Бұл 1992 жылы болған оқиға. New Mexico штатында тұратын 79-жасар зейнеткер Стелла Либек McDonald’s дәмханасына тамақ ішуге келеді. Жоқ ол чизбургер алам деп келеген жоқ. Ол тек бұл дәмханада ұсынылатын дәмді кофе үшін келген. Бұл күн көп күннің бірі болып қалар еді, әттең Стелла байқамай ыстық кофе құйылған стақанды үстіне аударып алды. Әрине ол күйіп қалды … және атақты ресторанды сотқа тартты. Нәтижесінде McDonald’s Либек ханымға 640 мың доллар компенсация төлеуге мәжбүр болды. Бұл белгілі даугерлік үлгілерінің алғашқысы ғана.

АҚШ-та осындай жосықсыз даулар толып жатыр, тіпті өздері кінәлі болған жағдайда да клиенттер компанияларды сотқа тартуды әдетке айналдырған секілді. Мысалы, көптеген адамдар пиццерияда пицца жеп отырып, аузын күйдірсе де сотқа арыз беруге асығады. Әрине бізге бұл оғаш көрінеді, дегенмен осындай дауқұмарлар шынымен шағын пиццерияларды сотқа тартып, сол сотта ұтып, тиісті ақша сомасын иеленеді, әрине ол сомалар кейде тіпті айтуға тұрарлықтай емес, әйтседе кейде олар 640 мың долларға дейін жетеді, оған дәлел Стелла Либектің жағдайы.

Практикаға жүгінсек, осындай адамдар көп жағдайда дауда жеңеді. Туристік компаниялар бір-біріне өзара келісім бойынша осындай адамдар туралы хабарлап отырады және сол адам қандай да болсын туристік компанияға келген кезде олар әйтеуір бір сылтау тауып оған қызмет көрсетуден бас тартады.

Дегенмен жосықсыз жағдайлар қай жерде болмасын кездеседі. 2004 жылы Висконсин штатының тұрғыны Тимоти Диумушел бір телекомпанияны сотқа тартты, сондағы қойған айыбы мынадай – компания кесірінен олар отбасымен таң ертеңнен кешке дейін телевизор көріп отырады екен. Диумушелдің айтуынша дәп сол себептен оның зайыбы толып кетті, ал оның өзі темекі шегіп, арақ ішуге дағдыланды. Осының барлығы телекомпания кесірінен болды деп тұжырымдаған.

Ал 2002 жылы АҚШ-та Ричард Боукеннің атынан қозғалған әйгілі іс қарастырылды. Боукен өкпе рагы ауруына ұшырағандықтан Philip Morris компаниясын сотқа тартты. Бұл ауруға Ричард көп жылдар бойы темекі тартқан салдарынан душар болды. Темекі өндірушілерге қойылған айыбы мынадай еді: Ричардтың жас шағында темекі қораптарында темекіні тарту денсаулыққа өте зиян деген жазу жоқ болатын. Былай қарасаңыз жосықсыз іс. Алайда, іс жүзінде Боукен Philip Morris компаниясынан компенсация ретінде 100 миллион доллар алды. Айтарлықтай сома, солай емес пе?

Дауқұмарлар сотқа беру үшін әртүрлі сылтау іздейді . Кейбіреулер тіпті әдейі үстіне ыстық шай аударып, немесе құжаттарды мұқият қарап, тауардың анықтамасында компания жіберген кез келген қателерді қадағалап отырады. Өткен жылы көп адам атақты Apple компаниясына наразылықтарын білдіріп, сотқа арыз берген. Оған себеп болған атышулы коммуникатор iPhone еді. Apple компаниясының жазығы тек осы тауар жарнамасының тым белсенді болғанында. Мысалы бір Шотландия тұрғыны қойған шағымда Apple компаниясы ұсынған iPhone 3G жарнамасында «жарты бағасына екі есе жылдам» жұмыс істейді делінген, ал шынында ол бұрынғыға қарағанда екі есе емес одан гөрі төмендеу жылдамдықпен жұмыс істейтіні туралы айтылған.

Дегенмен барлық жосықсыз даулар жеңіске жетеді деген ойдан аулақпыз. Іс қозғау үшін нақты себеп керек. Мысалы қазіргі кезде McDonald’s ұсынатын барлық ыстық тағам – шай мен кофе болсын, тоқаш болсын қораптарында «Байқаңыз! Өте ыстық!» деп жазылған. Осының өзі келешекте күйіп қалғаны жөнінде компаниямен дауласудың алдын алады. Өйткені компания клиенттерін алдын-ана ескертті.

Кешкі уақытта телеграмыңыз Қазақстандағы бұғаттауларға байланысты істемей жатса Proxy server-ге қосылып алыңыз ол үшін төмендегі сілтемені басып қосыла аласыз. Proxy server-дің VPN-нен артықшылығы интернетке қосылған сайын іске қосып отырмайсыз, әрқашан телеграмға кіргенде өздігінен қосылып отырады.

https://t.me/proxy?server=mtproto5.codeo.kz&port=9443&secret=06e11cbe76fa1fddb49ad9fb6c775336

Өнім туралы тәмсіл

Ертеде бір ұста болыпты. Оның үш досы бар екен, кітап сатушы, балықшы, үшіншісі - эзотерик.
Ұста станок арқылы металдан куб жасауды үйреніпті. Сөйтіп қаланың орталық алаңына хабарландыру іліп, темір кубиктерін сатылымға шығарыпты.

Бірнеше күн өтеді, апта өтеді, металл кубиктер еш өтпей қойыпты.

Содан ол өзінің достарын шақырып алып, көмектесуін өтінеді. Ертесіне достары ұстаның өнімдерін алып сатуға шығыпты. Кітап сататын досы, металл кубтарды сөредегі кітаптарға тіреуіш ретінде. Балықшы досы, ау мен қармаққа ілетін зіл тас ретінде. Ал үшінші эзотерик досы, кубиктерді медитация кезінде қарап, күш алатын зат ретінде сатады.

Арада біраз уақыт өтеді. Кітап сатушының және балықшының кубиктері өтпей, сатуды тоқтатады. Тек эзотерик досының ғана саудасы жүріп, үлкен компания ашып алады. Ол енді медитацияға арналған идеал формадағы геометриялық фигураларды сата бастайды. Тек қана металлдан емес, ағаштан, шыныдан, бағалы тастардан.

Ал ұста болса шеберханасында жұмысын істеп, кешке қарай ұрттап қойып, өміріне өкініп жүреді. Налиды, өзі сияқты ақылдының қоғамда бағаланбайтынына ренжиді...

Бірінші түйін: Өнім - жасағаның емес, сататының.
Екінші түйін: Өнімнің иесі оны жасаған адам емес, оны кімге, қалай сату керектігін білетін адам.

Бұл суреттен көп нәрсе түсінуге болады. Не түсінуге болады? Білімді кәдеге жарату үшін сол білімді біраз уақыт тəжірибеде қолданғанда нәтиже шығады, ал егер креатив болсаңыз тəжірибеге уақыт құртпай ақ сол білімді қолдану арқылы тез нәтижеге жетесіз немесе жаңа нәрсе ойлап табасыз.

Ішкі қытайдың шығыс жағында бір түрлі бамбук өседі. Ол жердегі дихандар бар пейілімен барлық жерге осы бамбук ұрығын егіп баппен баптайды. Бамбук ұрығы бүршік жарып шыққаннан бастап төрт жылда әрең үш сантиметр ғана өседі. Басқа жерден келген адамдар бұл дихандарға таңдана қарап: Өспейтін, өнбейтін шаруамен айналысқанша астық неге екпейсіңдер? - деп сөгіп кететіндері де болыпты.
Бірақ бұл бамбук бес жылдан кейін әр күніне 30 сантиметрлік қарқынмен өсіп алты аптада 15 метр биіктеп, көзді ашып-жұмғанша жасыл бамбук бағына айналады. Сонымен тұтас бір ауыл бамбук бизинсімен шұғылданып бай-бақытты ғұмыр кешіпті.
Сонда 4 жылда 3 сантиметр өсіп, 6 апада адам таңғаларлық баққа айналған бамбук негізінде төрт жылда неше жүз квадрат метр тамыр тартқан екен.
Айналамызда осындай адамдар көп. Олар қанша тырыссада нәтижесі көзге көрінбейді. Басқалардың назарында ақымақ есептеледі. Уақыты келгенде олар басқалар ойлап көрмеген биіктерден көрінеді.

Бәлкім қазір істеп жатқан жұмысыңыздан ешқандай нәтиже шығара алмай жатсаңыз оқасы жоқ. Есіңізде болсын сіз тек қазір тамыр тартып жатқан бір тал БАМБУК!!!

Еркін адамдар еркін сөйлей алады.

Егер сіз сөйлеуге қорықсаңыз, сіз еркін емессіз.

Қайнары: https://twitter.com/TheStoicEmperor/status/1124904441281253376?s=19

Бұл гормондар біздің емоциямызға қалай әсер ететінін көрсетеді.

Ағылшын тілін білмейтін кісілер үшін:

Адам көңіл күй сезімдері:

Happiness - бақытты болу
Anxiety - мазасыздану
Depression - депреция
Love - махаббат

Бақыт гормондары:

Dopamine - допамин
Serotonin - серотонин
Oxytocin - окситосин

Нейрология: Адам миының есте сақтау қабілеті шамамен 2.5 петабайтқа тең. Салыстыра айтар болсақ Google 2009 жылы күніне шамамен 24 петабайт деректер өңдеген екен. Басқаша түсіндірер болсақ стандарт бойынша басылып шығарылған 1.25 триллион параққа жазылған текстіге тең немесе әрқайсысы 300 килобайт болатын 9 миллиард суретке немесе жақсы сападағы 750 мың сағат (86.8 жыл жасаған адам өмірі) видеоға тең. Бұл әрбір адам өте өте үлкен мүмкіндікке ие деген сөз. Бірақ видеода көргендеріңіздей адам өте көп ақпарат қабылдап алса да оның азғантай бөлігін ғана қорыта алады екен. Адам миында шамамен 100 триллион нейрон бар, әрбір нейрон басқа 10 мың нейронмен байланысқан. Біздің миымыз біз ойлағаннан 100 есе қуатты екен. Пайдасыз ақпараттармен миыңызды толтыра бермеңіз, миыңызды аяңыз 😃. Бірақ бұл пайдасыз ақпарат емес 😚😊. Бұл адам ми туралы сандық деректер, келесіде ми туралы басқа да деректермен бөлісемін.

Бақытсыз, бейбақ, сәтсіздіктен көз ашпайтын адам болудың 10 себебі

1. Сіз уақытты қадірлемейсіз

Сәтсіздіктен қашық адамдар өз уақытын мүлде қадірлемейді. Жетістіктің шыңын бағындырған адамдар, уақыт – сіздің ең басты құнды қорыңыз екенін айтады. Табысқа жеткен адамдар ақшадан бұрын уақытты жоғары бағалайды. Ал сіз? Twitter-ді оқып, Facebook- дегі суреттерге лүпіл басумен әлексіз.
Дегенмен сіз жыл сайын жоспар құрасыз. Жыл сайын «осы жылы мен аянбай еңбек етемін, өміріме өзгерістер енгіземін» деп өз-өзіңізге уәде бересіз. Бірақ баяғы жартас – сол жартас. Жоспарларыңыздың іске асуы екіталай. Себебі тапсырмаларды орындауға қажетті уақытты бөлмейсіз. Өз уақытыңызды басқарып үйреніңіз, қажетсіз нәрсеге «жоқ» деп айтуды үйреніңіз – бұл табысты болуға жол бастаудың жақсы қадамы болады.

2. Мақсаттарыңызға сай келетін заттарды жасамайсыз

Құндылықтарыңның не екенін білгенде шешім жасау қиын емес. Рой Дисней

Аутсайдерлер жұмысбастылықты өнімділікпен шатастырады. Өнімділік жұмысбастылыққа тікелей байланысты деп қателеседі. Соныдықтан бейбақтар кез келген іске білек сыбана кірісіп кетеді. Барлық іс-шараға қатысады. Нәтижесінде бар күшін мақсаты мен құндылықтарына жұмсаудың орнына, болмайтын нәрселерге жұмсайды.
Мақсаттарыңызды жазыңыз және оған жетудің стратегиясын құрыңыз. Бұл күшіңізді нақты неге жұмсау керектігін түсінуге мүмкіндік береді.

3. Мойыныңызға жауапкершілікті алмайсыз

Иә, бастығыңыз жаман адам, жұмысыңызды да жеккөруіңіз мүмкін. Бірақ бұл ісіңізді жартылай жасауға себеп емес. Сізге жұмыста болып, жұмысыңызды сапалы істеуіңіз үшін жалақы төлейді. Қандай жағдай болмасын мінсіздікке ұмтылу керек. Бұл кемелденудің, өсіп өнудің және даналықтың белгісі. Бейбақтарды жаман баға да қанағаттандырады. Және олар мықты болуға тырыспайды да. Өмірдің басты қағидаларының бірі: не ексең – соны орасың.

4. Сіз өз-өзіңізді шектейсіз

«Мен сандардан жиі қателесемін», «Тіл үйрену маған өте қиын», «Миым бағдарламалуды қабылдай алмайды», «Кәсіпкерлікпен айналысуға мінезім келмейді, тым жұмсақпын» — мұның бәрі сәтсіз адамдардың сөзі. Олар өз-өздерін шектейді. «Білімім жетпейді», «мен оны оқымадым ғой» дегендерді ұмытыңыз. Елдің бәрі сізден ақылдырақ деуді доғарыңыз. Ерінбей еңбек етіп, барынша тырысыңыз. Сонда сіз сәтті боласыз.

5. Өзіңізді ақтап алудың шеберісіз

Сәтсіз адамадар өзідерінің сәтсіздіктерін логикалық жолдармен ақтауға тырысады. Бірдеңені істемеуге себеп және сылтауларды іздеп табады. «Реалист болу» дегенді асырып жібереді. Оның орнына оны істеп көру керек. Миыңыз өзін ақтап алуға айла іздей бастағанда оны тоқтатып, әрекет етуге ынталандыратын механизді ояту керек.

6. Сіз адамдармен қарым-қатынас жасай алмайсыз

Адамның мінезі жайлы білгіңіз келсе, оның өзіне пайда әкелмейтін адамдармен қалай сөйлесетініне назар аударыңыз. Иоганн Гёте

Бейбақтардың әлеуметтік машықтығы жоқ. «Ең болмағанда мен шындықты айтып тұрмын», «Мінезімнің бары осы, қандай болсам, солай қабылда» — мұндай сөздерді тек бейбақ адамдар айтады. Жолы болмаған адамдар өздерін негізсіз тәкаппар ұстайды. Мұндай адамдар кімге ұнасын? Сол себепті ондай болмаңыз. Ұнататын адамыңмен сыпайы, жарқын сөйлесе аласыз ғой, сол сияқты сізге ешқандай пайда әкелмейтін адаммен де емен-жарқын болып көріңіз.
Адамның мінезін тексерудің жақсы тәсілі – кезекте тұрған кезіндегі әрекетін және қызмет көрсетушілерге жасаған мәмілесін көру. Адамды танудың тағы бір тәсілі – сіз оның киімін бүлдіріп алған кездегі оның іс-әрекетін байқау.

7. Сіз бәрін кейінге қалдырасыз

Бейбақтар уақыттың құндылығын мүлдем түсінбейді. Оларды кешегі күнмен өмір сүру қанағаттандырады. Бейбақтар тағы бір өмірі бар сияқты өмір сүреді. Бірақ шын мәнінде ешкім уақытты тоқтатып немесе кері қайтару мүмкіндігіне ие емес. Туған күннен бастап өлімге қадам басып келеміз. Әр күн – бұл сый. Ештеңені ертеңге қалдырмаңыз – ертеңгі күн тумауы да мүмкін.

8. Сіз әрекет етпейсіз

Бүгін істеп тастаңыз. Өзіңізге ертесіне рахмет айтасыз. Лес Браун

Бұл бейбақтар үшін тым қарапайым қағида. Бейбақтар ойлануға құмар, бірақ әрекет етуге емес. Әдемі сөйлейді, әдемі армандайды және жоспар құрады. Бірақ бейбақ адамдарға әрекет етуге түрткі жетіспейді. Армандауды доғарып іске кірісіңіз!

9. Сіз қиындықтармен күресе алмайсыз

Аңыз-әңгіме мысалында келтірейік. Бір бойы кішкентай, батырлықтан ада бақташы өмір сүріпті. Ол алыпқа: «Мен сені жеңіп, басыңды шауып аламын!» деп, дәл солай істепті. Өміріңіздегі сынақты қаншалықты қиын деп елестетсеңіз, ол соншалықты қиын болады. Бейбақтар осыны түсінбей, тез беріледі. Жағдай күрделеніп бара жатқанда олар беріле салады.
Сынақтар бізді мақсатымызға жақындатып қана қоймай, арманымыздағы адам болуға септігін тигізеді. Қорқыныштардан қорықпаңыз, олармен күресіңіз. Бұл сізге жаңа белестерді ашады. Иә, біз тағы жайлы шекарадан шығуды айтып отырмыз. Күшіңізді сынау үшін айқасып көру керек.

10. Сіз енжарсыз

Сіздің өз пікіріңіз жоқ, және сіз шешім қабылдай алмайсыз. Тұщымды ойлар айтылып жатқан әңгімені өрбіте алмайсыз, сіз түсінбейтін тақырыпта ойыңызды ашық айта алмайсыз. Бейбақтар бәрі сол сияқты ойлауы тиіс деп ойлайды. Жолы болмайтын адамдар мектептен кейін кітап оқымайды, білімін жетілдірмейді. Бәрі сияқты ЖОО бітіреді, себебі «бәр солай істейді». Олардың қуаныш пен ғажайыптар әлемінде іші пысып жүреді.
Айтпай келетін өлім – ол енжарлық. Бірдеңеге қызығып, сонымен айналысыңыз. Бұл үшін сізге ақы төлемесе де. Әзірше. Дарыныңызды байқап, соны дұрыс бағытта пайдаланыңыз.

Уақыт жоспарлау уақыттыңыз шығын болуынан сақтаудан басқа өнімділігіңізді артырады. Бұл кестеде шұғыл маңызды істерді дәл қазір жасау керектігі көрсетілген.

Маңызды және шұғыл емес істерді жоспарлау керек.

Маңызды бірақ шұғыл істерді басқаларға тапсыру керек.

Маңызды да емес шұғыл да емес істерді мидан шығарып тастау арқылы ең маңызды және шұғыл істерге назарымызды және уақытымызды көбірек бөле аламыз. Маңызды да емес шұғыл да емес істерге әлеуметтік желілерді себепсіз шұқылау жатады
😉

Иона комплексі

Америкалық әйгілі психолог Абрах Маслоу бұл ұғымды психология ғылымына енгізді. Бұл комплекстің тамыры өзінің қабілет-қарымын толық ашудан қашудан, қорқудан көрінеді. Индивид өзінде әзірге бар нәрсесінен айырылып қалудан қорқады, өзін шектейтін, бірақ үйреншікті тіршілік ету тәсілін қабылдайды. Бұл комплекс адамның өзін-өзі актуализациялауына басты кедергі. Аңыз бойына Иона пайғамбар жауапкершіліктен қашып өз миссиясынан бас тартқаны белгілі. Құдай беріп тұрған қабілетті пайдаланбайды. Яғни, өз мүмкіндіктерін толық қолданудан бас тартқан, жауапкершілік пен тәуекелден қауіптенетін адамдарды Иона комплексі бар делінеді. Адам үлкен табысқа жетудің орнына болмашы мақсаттар қойып өзін көрсетуден қашқақтайды. Сөйтіп өз талантының бір бөлігін ғана жұмсайды, нәтижеде керекті уақытын өткізіп алады, көп жай кеш болып іштей өмірі өкінумен де өтуі мүмкін. Темірді қызған кезде соғудан қашса - ол темір суып кетуі әбден мүмкін. Өмірге батылдау жаңа буын келеді. Олардың амбициялары ескі мамандардан анағұрлым зор. Көбі батыста оқып білім алғандықтан бойларында еш комплекс жоқ.

Бұл инфографиканың қазақша мағынасы жер бетіндегі адамдардың 83 %-інде ешқандай мақсаты жоқ 14- %-інде мақсаттары миында сақталған, ал тек 3- %-інде ғана жазылған мақсаттары бар екен. Мақсаты жазылған адамдар мақсаты жоқ адамдарға қарағанда 30 есе жиі жетістікке жетеді екен, ал мақсаты ойында жүретін адамдар мақсаты жоқ адамдарға қарағанда жетістікке жету мүмкіндігі 10 есе жоғары болады екен.

Бағзы заманда ел аралап, күнін көруге дағдыланып алған ағамыздың көзіне бір күні айдалада ырымға ауыл кезікпей әбден діңкелейді. Арып-ашып, әбден әлсіреп, бір төбенің басына шыққанда, тәлейі таусылмапты, бір байдың күздеуде отырған жері көз ұшында көлбеңдейді. «Өлтіре көрмеңдер, бір кесе ағарған берсеңдер жетеді» деп төбенің басынан он екі қанат байдың үйіне дейін зарлап келген ағамыз есіктің сол жағына жайғасады. Төрде отырған қожайын қызын айранға жұмсаған сәтте ағамыз басқаша сайрап қоя берсін: «Әй, айраныңды өзің іш, мен сенің қызыңды қатындыққа алып кетуге келіп отырған адаммын». Ал, керек болса!
Үй иесі өте ақылды болып шығады. «Сенің әңгімең дұрыс екен. Кел, менің қасыма жақын келіп айтшы, айтарыңды» депті. Ағамыз екі өкпесін қолына алып, қасына жетіп барады. «Ал, енді айтшы» депті бай тағы да. Сонда жаңа ғана қоқаңдап отырған қонақ: «Айранымды ішем де кетем. Қарын аштықтан басым айналды ма, байқаусыз аузымнан шығып кетіпті. Сөзімді қайтып алдым, байеке!» деп әзер құтылыпты. Сөйтсе, бай бүкіл алтынын қонағы отыра кеткен табалдырықтың сол жағына көміп қойған екен. Міне, байлықтың будының құдіреті!

Hong Kong-тағы 7 адамның біреуі миллионер деп хабарлайды Business Insider. Сенгіңіз келмей ме?
Өткен жылы Hong Kong-та миллион миллионер тіркелген! Бірақ АҚШ доллары бойынша миллионер ме әлде Hong Kong доллары бойынша миллионер ме ол жағы нақты айтылмаған.
Өткен жылғы халық саны 7.36 миллион болған. Бұл әрбір 7 адамның біреуі миллионер деген сөз.

Дереккөз: http://uk.businessinsider.com/one-in-7-in-hong-kong-is-a-millionaire-2018-3?IR=T&utm_content=bufferc092d&utm_medium=social&utm_source=facebook.com&utm_campaign=buffer-biuk

Нанороботтар (микроорганизмдерден мың есе кіші) нанотехология ғылым саласындағыларға ғана мәлім, көпшілікке таныс емес ғылымның ең жаңа салаларының бірі.

Мына видеода нерв талшығын қалпына келтіретін нанороботтың концепциясы бейнеленген.

Наноробот проблемалы аумаққа микрохирургия жүргізіп, үзілген нервті қалпына келтіре алады.

Нанотехнологияның нақты қолданысқа енуі медицинаны түбегейлі өзгертуі мүмкін. Операция жасау, хирургиялық әрекеттер, екпе жасау, дәрі ішудің еш қажеті болмай қалуы мүмкін. Бірақ бұл жаңа технология қымбат болып жатса онда басқа.

Нанороботтар ДНК реттеуден бастап қатерлі ісікті жоюға, вирусты жеп қою не ыдырату, ауру аумақты өзі анықтауға программаланады.

#нанороботтар #nanorobotics #nanorobots #nanoid #nanobot #nanomashine #nanomedicine #biobot #biorobotics #biomachine

https://kk.wikipedia.org/wiki/Нанотехнология