-﴿والذين يرمون المحصنات …. فاجلدوهم ثمانين جلدة﴾.
‏-﴿واللاتي تخافون نشوزهن …. واضربوهن فإن أطعنكم فلا تبغوا عليهن﴾.
‏-﴿الزانية والزاني فاجلدوا كل واحد منهما مائة جلدة﴾.

‏العقاب البدني جزء من العقوبات الله لبعض المخالفات، فالخالق أعلم بما يصلح عباده رغم أنف خفاف العقول.

ليس لديهم مشكلة مع العقوبات البشرية كالسجن والغرامات رغم شدّتها وقسوتها لأنهم يحترمون ويقدرون القوانين البشرية.

‏ويعلمون بأن العقوبات ضرورة لابد منها حتى تستقيم أمور الناس.

‏أما إذا تعلق الأمر بالعقوبات الله أزبد السفيه منهم وأرعد وبدأ بالتنظير على من خلقه وخلق عقله!!

بعض الشباب يبدا الصلاة في رمضان وما إن ينتهى رمضان حتى يترك الصلاة بفعل تغير جدوله واهتماماته وغالباً فقد بدأ الصلاة بفعل الفراغ لا بفعل محرك إيماني ورغبة في التوبة والاستقامة.

‏توبة الشباب في شهر رمضان شبيهة جداً بترند على مواقع التواصل يفعله الناس تقليداً لا إقتناعاً.

19 | رمضـان 🤍🌙


اللهم خير الأمور ،خير الأشخاص ،خير الأيام🤍

كالعادة فتحي القابسي واسرة شط الحرية
‏يختم الحلقات بوحدة الشرق والغرب والجنوب🔥👏 .
‏وما اعجبني ان ختم وقال :
‏" هذا اللي في جهدنا وهذا اللي في يدينا
‏ومنا الفال وعلى الله الكمال "

20 | رمـضان 🤍🌙


اللّٰهـم أسعدنا، وأسعد من يسعدنا ،وأسعد من يحب
أن يرانا سعداء 🤍

نكدبو كـل يـوم ونقولو تصبحو ع خـير لكن مانرقدوش ع طول
فيه يلي يتفرج ع المسجات ف تليفونه .
وفيه يلي يفكر بمستقبله .
وفيه يلي يحط ف راسه ع المخدة ويقعد يبكي لين يجفو دموعه .
وفيه يلي يفكر ف شنو يدير باش يفرح يلي يحبه بكلمه او موقف او اي حاجة .
وفيه يلي زعلان لان حس حبيبه مضايق من شي وهوا ماكانش فاهمه .
وفيه يلي قعد يفكر ف يومه و ع شنو ضحك وكم مرة جاته غصة وجوه تغير منها .
مافيش حد يرقد بسرعة كل حد عنده حاجة لاهي بيها ويفكر فيها وواخدة طاقته وتفكيره كله وفيه يلي يكمل بضحكة وفيه يلي دمعة وبعدها يجي النوم ❤️

صلاة الفجر يا راغبين الجنة 🤍.

بما انا خشينا ع العشر الاواخر ف أهم سؤال في بال الكل حاليا هو.... كيف نكسب ليلة القدر ؟ 🤍

أول شئ خلي نعرفو شن هي ليلة القدر أصلا ؟

هي الليلة المُباركة التي أنزل فيها القرآن و هي ليلة التدبير و القضاء و الحُكم، و هي ليلة السلام و العتق من النار و إستجابة الدعاء.

ليلة واحدة خير من 1000شهر
ليلة واحدة تساوي أجر عبادة أكثر من 83سنة و 4 شهور!!

يعني لو شاركتي المنشور لعشرة بس من صديقاتك و قامو ليلة القدر بسببك هيكون ليك أجر 830 سنة عبادة !! تخيلي بس !

و من فضلها تغفر لك كل ما تقدم من ذنبك🤍

عن النبي ﷺ قال :
"من قام ليلة القدر إيماناً واحتساباً غفر له ما تقدم من ذنبه"
متفق عليه

كيف يكون القيام ؟
▪قال العلامة ابن باز - رحمه الله - :"قيامها يكون بالصَّلاة ، والذِّكر ، والدُّعاء ، وقراءة القُرآن ، وغير ذلك من وجوه الخير ".
📙 مجموع الفتاوى (١٥/٤٢٦

بالنسبة لوقتها قصير ما يعادل العشرة ساعات بس و تكون فاتت كسبها من كسب و خسرها من خسر ..

ممكن تكون أي ليلة وترية من الليال العشر الأخيرة يعني

‏ممكن ليلة 21✅️
‏أو ليلة 23✅️
‏أو ليلة 25✅️
‏أو ليلة 27✅️
‏او ليلة 29✅️

في علامتين تعرفي بيهم ليلة القدر

الأولى: قال رسول اللهﷺ ( يطلع القمر فيها شِق جفنة )
📙رواه مسلم

(شِق جفنة) يعني نصف القمر بالشكل هذا 🌓

الثانية : قال رسول اللهﷺ (ليلة القدر ليلة سهلةُ طلقةُ ، لاحارة ولا باردة ) 📙رواه أحمد بسند حسن

يعني ليلة مريحة و ساكنة ومضيئة 🤍

توا نجو للسؤال المهم
كيف نكسب ليلة القدر ؟ 🤍

أول شئ حطي في بالك الي فات فات و لو قصرتي مافيش بأس تقدري تعوضي تقصيرك في الليالي العشرة هذي 🤍

أبدي من الليلة ✅️

١_من بعد المغرب ما تخليش لسانك يوقف على ذكر الله، حوقلي و صلي على النبي و سبحي لو كنتِ قبل تسبحي مية توا سبحي ألف ما تنسيش إن الألف هذي هتتضاعفلك كأنك سبحتي ل 83 سنة !!

٢_صلي أربع ركعات العشاء ✅️
بعدين ركعتين سنة العشاء ✅️
بعدين ثمانية ركعات التروايح ✅️
تقدري تصلي الشفع و الوتر توا و تقدري تخليهم للثلث الأخير ✅️

٣_ شدي مصحفك و حاولي تقري أكثر ما تقدري هو في كل حرفِ حسنة و الحسنة بعشر أضعافها فتخيلي لو كانت ليلة القدر قداش هيكون الأجر ؟

٤_خودي راحة لو تبي لكن مع الثلث الأخير(الساعة ٢) سيبي كل الي اديري فيه و بري ل صلايتك الثلاثة ساعات هذو ما تخسريهمش مهما كان السبب !

٥_تقدري تزيدي تصلي ركعتين او أربعة او قداش ما تبي او تصلي الشفع الوتر طول

٦_ حاليا انتِ في الثلث الأخير من الليل و ربي بجلالة قدره نازل للسماء الدنيا ف حاولي تستغفري ع قد ما تقدري مية و ميتين و ألف و ألفين و استغفري لكل المسلمين و المسلمات معاك بش تأخدي على كل واحد حسنة ..

٧_ الدعاء 🤍
تقدري تدعي بكل ما في خاطرك و خليك كلك ثقة و يقين إن دعائك راح يستجاب، ادعي ب الي تبيه
لكن ما تنسيش ( اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي )

لأن كلمة العفو في حد ذاتها تعني محو الذنب والتجاوز عنه و ترك العقوبة عليه ✅️
شن مزال نبو أكثر من هكي
يكفي إن هذا الدعاء الي الرسول ﷺ وصى السيدة عائشة به 🤍
و ما تنسيش تدعي لأهلك و أحبابك و كل صديقة تحبيها من صديقاتك في ظهر الغيب لأن في ملك يقول و لك المثل في كل دعوة 🤍

٨_ استمري في الدعاء و الإستغفار لعند الفجر و هكي ما يقعدش إلا صلاة الفجر و تكوني قمتي الليلة كاملة 🤍

و ابدي من الليلة و استمري كل ليلة و هكي تكوني كسبتي العشرة الأواخر عموما و ليلة القدر خصوصا 🤍

قال إبن باز رحمه الله: " من قام العشر الاواخر فقد أدرك ليله القدر ".🤍

إن شاء تكونو استفدتو و ما تنسونيش من دعائكم ليا و تقبل الله منكم صيامكم و قيامكم 🤍

21 | رمضان 🌙🤍

و ابتدأت الليالي العشر الأواخر وفيها ليلة خير من الف شهر وفيها انزل القران
اللهم بلغنا ليلة القدر واعتقنا من النـار 🤍

اسقاكم الله من نوياكم وضمائركم 🖤

اللهم في أخر جمعة رمضان لا تختمها إلا وقد رفعت اسمائنا في صحاف العتقا من النار اللهم واستودعتك ادعية فاضت بها قلوبنا فاستجبها ياكريم 🤍

لـيـلة القـدر 🤍


27 رمـضـان 🤍🌙

‏اللهُم إجعلني مِمن تغيّرت اقدارهم للأحَسن في ليلة القدر

ومع اذن الفجر ‏:
اللهُم كُل الأدعية العالقة ‏بين القلب و النُّطق
‏أنتَ أعلمُ بها ‏فيسِّرها ودبّرها بُحسن تيسيرك وتدبيرك 🤍

30 رمضان

وفي اخر يوم من رمضان اللهم نسألك برحمتك وعزّتك وجلال وجهك العظيم، أن تجعل سعينا في رمضان مشكورًا وأن تجعل ذنوبنا فيه مغفورا ودعاً مقبلولاً يااارب🤍🤍.

لاكن تبو الحق عيدكم جي كساد اليوم ومافيش بنة غذوا تفرجو علي عيدنا🔥🔥

كل سنة وانتم طيبيـن

مـع او ضـد الولـد يتنفـس؟ 🙂💔.

لا احد يخرج سليماً مـن الحـب ❤️‍🩹😫

تعلـم افـرح لـ غيرك تـو ربي يعـطيـك ؏ قـد قلبك ♥️