عـاشر مـن يـزيـد حيـاتـك حيـاة 💗

وتـمـت ﮼القصة لـ نحـسابوهـا مـش ح ﮼تمم 💔.

انـي نـفهم فـ تلـميـحـات
لـكـن نـحـب ﮼الصراحه 🤤🤍

عقـلي بـحر وانـت متـعرفـش تـعـوم 🤷🏼‍♀😝

هـداكـا الـمـستـقبـل لـي شـاغل بـالك و ﮼تفكر فيـه مـرات م ﮼تكونش فيـه 🖤

لا تـوجـد عبـارة تشـرح الـحـاال 🤍

مـن عُمـق التمـني " اللـهم م فـي قـلبـي "♥️🥺

واجـعلـها ربـي ايـامـاا تمـر ولا تـضر 🖤🍃

🤍🤍..

﮼عالم،مش،مؤهل،إنك،تعيش،فيه،بقلبك🤍

أنـي بنلحق بابا ، الدنيا معنديش فيها مكان 😔💔 .

ميحس باليتيم إلا اليتيم زيه 💔

بابا لو كان الدموع ترجعك فـ بكيت حتى انعميت 💔

بعــد بوك يغيب يطمـع فيك حتـﯽ لـلي ما يـعـرفك 😔💔

م تدويش ع الـحرمان وانتي مش ﮼محرومه من كـلمة بـابـاا 💔.

كانك تشـجع في الاهلي
راه بصحة بوجهك مطلع نساباتك وساكن في حوشهم😃

زمان في شاب اسمه ( علي ) في مدينة في وسط ليبيا ..

الشاب هدا بوه وامه ماتو وعاش بروحه .
وع قد ماخدم مابتش تشد معاه ..

وماعنداش في الدنيا الا 3 دينار ..

- مشي لسوق قديم متاع خضرة وقعد يلف ع التجار بلكي حد يخدمه معاه ..ماحصلش ..

وهو يلف في السوق يسمع في واحد م.خ ت.ش يدور ويقول عندي 3 وصايا اللي يبي يشريهم ..

- جاه قاله من بكري تلف وتقول عندي 3 كلمات .. شن هما ..

* قاله تشريهم مني وادفع حقهم وانا نقولهملك ..

- المهم قاله انا ماعنديش في الدنيا الا 3 دينار ..

* قاله تمام هاتهم .. خدي الراجل 3 دينار وحطهم ف الصريرة متاعه ..

وقاله .. هات ايديك يا علي ... وشد عندك ..

الوصية الاولى .. ( وين مايمسي عليك الليل بات )
الوصية التانية .. ( اللي يعزمك ماترداش ) ..
الوصية التالتة .. ( اللي يأمنك ماتخوناش ) ..

خود الكلام وامشي بيه وباذن الله ربي حيوصلك في سدينة ... ( اسم بنت ) ..

- علي طبعا حفظ الوصايا لكن مايعرفش من تكون سدينة هادي ..

- مشي روح رقد .. وتاني يوم قال بنمشي لشرق ليبيا .. لانه زمان كانت الخدمة والفلوس في الشرق اكتر من الغرب ..

ركب ع حمار ( حاشاكم ) وتوكل ع ربي وتسقد ..

ودبة دبة لين وصل في منطقة تانية نزل بيشرب اميهة وبيسقي حماره من واحد من الجوامع ع الطريق ..

تلاقى مع زوز شباب فرسان ع خيول .. وقالوله احني ماشيين للشرق وخلينا نترافقو ..

ترافقو الفرسان الزوز ومعاهم صاحبنا علي ..

مشو مسافة باهية .. لين اذن عليهم المغرب ..

نزلو صلو المغرب ودارو عشي وتعشو ...

الفرسان قالو بنكملو طريقنا ... باش نلحقو نوصلو بسرعة ..
وصاحبنا علي قاللهم كلا اني والله ماني متحرك وبنصلي العشاء وبنرقد ..

رقد صاحبنا علي .. والفرسان الزوز كملو طريقهم ..

ناض الفجر صلى وركب حماره وتوكل ...

مشي ممكن مسافة 4 كيلو ... لقي صحابه الفرسان الزوز مقتولين وخانبين فلوسهم ..

وهكي شدت معاه اول وصية (وين مايمسي عليك الليل بات)

كمل طريقه ووصل لعند مدينة في شرق ليبيا ..

قعمز ف السوق يدور ف شغل 4 ايام ماحصلش. .

خامس يوم وقف عليه راجل ع الحصان ( وواضح عليه معبي وحكايته باهية )

قاله نبيك تشتغل معاي. .

علي قاله انا نشتغل اي شي المهم نخدم ..
قاله يا ولدي انا بنمشي للعمرة ونبيك تقعد مكاني في الحوازة

تأمن على الغرس والنخيلات والزيتون ..
وعندي محجر جير نبيك تدير بالك ع العمال ..( زمان يديرو ف محاجر ف الجبل ويولعو ف نار ويذوبو فيها الحجر لين يولي جير ابيض )

وبالمرة تشوف عمتك الحاجة ف الحوش .. ولو تبي حاجة تديرهالها ..

قاله تم ..

مشي الحاج للعمرة ( طبعا يقعدو بالشهور زمان مش زي توا ) ..

وقعد صاحبنا علي .. يحوس في الحوازة ..

وشدها ف جرة العمال وشدلهم ف الصحيح ومعاش خلاهم يستهترو والجو هادا ..

مشت الايام .. العمال قلقو .. وقالو هادا زينه زيه علاش مداير جو يتمودر علينا ..

وبالمرة الحاجة ف الحوش قلقت منه لانه شدلها ف الصحيح ومعاش خلاها تنسرف ..

المهم تفاهمو الحاجة مع العمال وقالولها لما يجي راجلك .. قوليله راهو حاول يعتدي عليا وع بنتي ..

لما روح الحاج تلقاته الحاجة وقتله شن هادا اللي خليته مكانك راهو دار ودار ..

طبعا الحاج ماتسرعش وقال خلي نتاكد ..

مشي لجاره شيباني خيرة وصاحب حكمة وسأله ..وقاله شن ندير ..

الجار قال للحاج .. نعطيك خطيرة في عشيرة والعاثر يطيح ولو كان كاثر ..
عارفكم مش حتفهمو الكلام ( لكن الخلاصة قاله ديرلهم كمين واللي في قلبه شر تو يطيح فيه ) ..

المهم خدي كلام الجار .. ورح الحاج للحاجة وقاللها ديريلنا صونية رز مسقي وكبري اللحم ..

ولما يجيك علي قوليله ياخدها للعمال ..

ومشي للعمال وقاللهم .. اللي يجيبلكم صونية رز اليوم ماتناقشوشي .. شدوه ايد ورجل ولوحوه في المحجر متاع النار ..

مشي صاحبنا علي ع نيته للحاجة خدي منها قصعة الرز وعليها لحم ومن مجاميعه ..

ومشي بيها للعمال ..

ف الطريق .. تلاقى مع زوز شيابين مدايرين سلاطة وياكلو وقالوله تفضل ع ماجيت يلا مد ايدك ..

حط الصونية ع الطريق وخش للشيابين بياكل ..

الحاجة طالعة تنسرف لقت الصونية ع الطريق .. قالت هي ريت بالله .. مش قتله وصلها للعمال ..

وخدت الصونية ورفعتها للعمال .. اول ماوصلت العمال خدو منها القصعة وشدوها ايد ورجل ولوحوها ف محجر النار ..

روح الحاج لقي علي ف الحوازة .. قاله انت كيف قاعد مش مفروض رفعت القصعة ..

قاله حطيتها ع الطريق ولبيت عزومة شيابين ..

الحاج طار للعمال قاللهم من جاب الصونية قالوله الحاجة ودرنا زي ماقتلنا يا حاج .. هوينا ف المحجر وممكن ذابت .

وهنايا شدت معاه تاني حكمة ..
( اللي يعزمك ماترداش ) ..

وبعد الحاج شد العمال وطاح فيهم .. اعترفو وقالوله راهو احني متفاهمين مع الحاجة ..

بعدها الحاج .قال ل علي ..

ياولدي والله مارزقني ربي باولاد ..

لكن عطاني راس بنية ..

والعرب تخطب لاولادها ولبناتها ..

اربط عقدك في عقدنا وبنتي راهي ليك ..

وانا مازالي هالشوية بنعيشهم ورزقي ليك ولبنتي ..

تزوج علي البنت وورث الحاج بعد ماتوفى لانه بنت الحاجة ( سدينة ) هي الوريثة الوحيدة ..

وهنايا شدت معاه الحكمة التالتة ..
( اللي يأمنك ماتخوناش )

ويوو❤️‍🩹.