​​⚡ДОЛЗАРБ: Бешта ОТМ танлаш тартиби қандай бўлади?

Ўтган йилдан бошлаб, қабул жараёнларига киритилган энг катта ўзгаришлардан бири, бу - абитуриентларга бир нечта ОТМларга ҳужжат топшириш имконининг яратилгани бўлди. Ўтган йили ушбу жараёнларни амалиётдан ўтказиб олишди ва анча-мунча маълумотга эга бўлишди.

Сизларга Хушнудбек Худойбердиевнинг аввалги маълумотлари асосида бешта йўналишни танлаш тартиби ҳақида қисқача маълумот бериб ўтамиз:

Абитуриентлар ҳужжат топшираётган пайтда, 5та йўналишни устувор кетма-кетликда белгилайди.

Яъни биринчи, иккинчи ва учинчи, тўртинчи ва бешинчи йўналиш сифатида қайси ОТМларни танлаганини олдиндан белгилашади.

Бундай вазиятда абитуриент устувор йўналишга кира олмаган тақдирдагина кейинги йўналишда омадини синаб кўриши мумкин. Агар хоҳ контракт, хоҳ грант бўлсин, устувор йўналишга тўплаган бали етса, унда кейинги йўналишлар учун баллари ҳисобга олинмайди ва танловда иштирок эта олмайди.

Ортиқча саволлар бўлмаслиги учун, мисол тариқасида тушунтирамиз.

Айтайлик, фарғоналик абитуриент тарих йўналиши бўйича қуйидаги кетма-кетликда ОТМларни танлади дейлик:

1-йўналиш: ЎзМУ
2-йўналиш: Шарқшунослик университети
3-йўналиш: ФарДУ
4-йўналиш: АДУ
5-йўналиш: НамДУ

Абитуриент тест синовларидан умумий 150 балл тўплади, дейлик. Бу балл ЎзМУга контракт, ТДШУ ФарДУ, АДУ ёки НамДУга эса бюджетга етарли бўлса, унда абитуриент қайси бирини танлаши мумкин? Шарқшуносликнинг бюджетини танласа бўладими?

Йўқ, бўлмайди! Бундай вазиятда абитуриентда танлов имконияти йўқ, у устувор йўналиш сифатида 1-ўринда ЎзМУни белгилагани учун, шу ернинг контрактига кирган ҳисобланади, қолган 4та йўналиш инобатга олинмайди. Қачонки у ЎзМУга етарли балл тўплай олмасагина, кейин Шарқшуносликка ўтилади. Агар абитуриент бали ЎзМУ ва Шарқшуносликка ҳам етарли бўлмаган тақдирдагина, кейин ФарДУ, АДУ ёки НамДУ инобатга олинади.

Яъни устувор ОТМга кира олмасагина, балл кейингисига ўтади. Агар устувор ОТМга етарли балл тўпладими, тамом, у хоҳ бюджет, хоҳ контрактга кирган бўлсин, кейинги ОТМларга инобатга олинмайди, шу ерда тўхтайди.

Хулласи калом, абитуриентга танлов имконияти ҳужжат топшириш вақтида берилади. Ўша пайтда у ОТМлар рўйхати ва уларнинг кетма-кетлигини тўғри танлаши керак, тест ўтгандан кейин унда танлов ёки ўзгартириш имкони бўлмайди.

Жорий йилда қабул жараёнлари онлайн бўлишини инобатга олсак, абитуриентлар йўналиш танлаётганда масъулият билан ёндошишлари керак бўлади.

1.Қабул квоталари тасдиқланди

2.Ҳужжатлар 15 июндан эмас, 20 июндан қабул қилинади

Bakalavryat uchun qabul kvotalari kunduzgi.

Хотин-қизларга қўшимча 4% давлат гранти учун квота ажратилади

Жорий йилда Маҳалла ва оилани қўллаб қувватлаш вазирлиги томонидан бериладиган тавсияномага эга бўлган хотин-қизлар учун бакалавриатнинг кундузги таълим шакли бўйича умумий белгиланган давлат гранти асосидаги қабул кўрсаткичларига нисбатан қўшимча тўрт фоизли давлат гранти асосидаги қабул кўрсаткичлари ажратилади.

❗️Эслатма-1: тавсияномаларнинг берилиш тартиби, яъни қандай тоифадаги хотин-қизларга берилади, уни олиш учун қандай ҳужжатлар керак ва ҳ.к. қоидалар ҳали маълум эмас, шу сабабли ҳозир маҳалла раисига ёки вазирликка тавсиянома сўраб боришингиздан фойда йўқ. Тартиб тасдиқлангач, расман эълон қилинади.


‼️Эслатма-2: қайси ОТМ ва қайси йўналишга хотин-қизлар учун нечта квота берилиши ҳам ҳозирча аниқ эмас, бу 20 июнга қадар Давлат қабул комиссияси томонидан эълон қилинади.

⚡️Жорий йилда қуйидаги тоифадаги абитуриентлар учун алоҳида давлат гранти асосида квота ажратилади:

Ногиронлиги бўлган шахслар учун - 2068 ўрин;

Ҳарбий қўмондонлик тавсияномаси бўлган шахслар - 928 ўрин;

Ҳарбийларнинг фарзандлари учун - 2068 ўрин;

Ички ишлар органлари ходимларининг фарзандлари учун - 551 ўрин;

Меҳрибонлик уйи тарбияланувчилари учун - 1035 ўрин;

Ижтимоий кам таъминланган тоифадаги хотин-қизлар учун - 940 ўрин;

Сўх туманида яшовчи битирувчилар - 500 ўрин.

Имтиёзли шартларда давлат гранти асосида жами 8694та ўрин ажратилмоқда (ўтган йили қарийб 5 мингта эди).

❗️Тест синовларини 1 августдан бошлаш режалаштирилмоқда.

“Дастлаб 5 августдан бошламоқчи эдик, лекин кейинчалик бор имкониятларимизни ишга солиб, тестларни 1 августдан бошлашга қарор қилдик”, - деди Бош вазир ўринбосари Беҳзод Мусаев.

🎓 Магистратура бўйича

⁃ Ҳужжатлар magistr.edu.uz портали орқали фақат онлайн қабул қилинади, ОТМга келмайди;

⁃ Ҳужжатлар қабул қилиш 1 июлдан бошланиб, 30 июлгача давом этади;

⁃ Имтиҳонлар 3-15 август кунлари ўтказилади.

Олий ҳарбий таълим муассаларига қабул жараёнларида ҳам катта ўзгаришлар кутилмоқда

Энди ҳарбий ОТМларга ҳам тест синовлари август ойида ўтказилади.

Ва ҳарбий ОТМга ҳужжат топширган абитуриентларга 5тагача йўналишни танлаш ҳуқуқи берилади.

​​⚡Тестлар таркибига ўзгартириш киритилмоқда!

“Бу йил саволлар таркибига ҳам алоҳида эътибор қаратдик. Авваллари 30 та савол қуйидагича тақсимланган:

Осон саволлар – 6 та;
Ўртача осон саволлар – 18 та;
Қийин саволлар – 6 та.

✅ Бу йилги тестларда осон саволлар 3 тага кўпайтирилди, қийин саволлар эса 3 тага камайтирилди. Яъни абитуриентга:

Осон саволлар – 9 та;
Ўртача осон саволлар – 18 та;
Қийин саволлар – 3 та

тест саволи тушади”, - деди Бош вазир ўринбосари Беҳзод Мусаев

📢📢📢Аввалги йилда битирган абитуриентлар тўлов қилиши керакми?

Ҳа, керак. Жорий йилда ҳам мактаб, коллеж ва лицейни аввалги йилларда битирган абитуриентлар тестга кириш учун тўлов қилишади.

Тўлов миқдори - 111 минг 500 сўм.

Тўловни қандай тўлаш мумкин?

- Онлайн. Пластик карталар орқали онлайн тўлаш мумкин. Бунда онлайн ҳужжат топшираётганда пластик карта маълумотларини киритиб, тўлаш тугмасини боссангиз, пластик карта уланган картага SMS келади ва шу орқали тўлайсиз;

- Банкларда. ДТМ сайтида ёки Давлат хизматлари марказида чиқариб берилган инвойс орқали исталган банк филиалларида тўлашингиз мумкин.

5 та йўналишга алоҳида тўланадими?

Йўқ, абитуриент нечта йўналишга ҳужжат топширишидан қатъи назар, фақат бир марта 111 минг 500 сўм тўлайди.

Ўқишга кира олмаса пул қайтариб бериладими?

Йўқ, бу тўлов тест жараёнларига кириш учун бериладиган тўловдир. Абитуриент ўқишга кирган ёки кирмаганидан қатъи назар, бу тўлов қайтариб берилмайди.

Абитуриент тестга келмаса пул қайтариб бериладими?

Йўқ, қайтариб берилмайди.

Фақат ижодий (касбий) имтиҳон топширадиганлар ҳам тўлов қиладими?

Йўқ, ушбу тўлов фақат тестга кириш учун тўланади. Тест мавжуд бўлмаган, фақат ижодий имтиҳонлардан иборат бўлган йўналишларга топширган абитуриентлардан тўлов ундирилмайди. Агар ижодий имтиҳонлардан иборат йўналишларни танлаган абитуриентлар адашиб тўлов қилиб қўйса, уларга пуллари қайтариб берилади.

Кимлардан пул олинмайди?

Ногиронлиги бўлган ёки тўлиқ давлат таъминотидаги шахслар тўловдан озод этилади.

⚡️16 ёшга тўлган, лекин ҳали паспорт олмаган абитуриентлар ҳужжат топшира олмайди. Улар тезроқ паспорт олиши керак!

Мазкур йилда ОТМларга ҳужжатларни қабул қилиш онлайн шаклда Давлат тест маркази ва Ягона интерактив давлат хизматлари портали орқали амалга оширилади. Ушбу онлайн қабул тизими абитуриентларнинг фуқаролик паспортидаги жисмоний шахсларнинг идентификация рақами (ПиНФЛ) билан боғланади. Шу боис, ОТМларга ҳужжат топширишда 16 ёшга тўлган битирувчилар паспорт олишлари муҳим ҳисобланади.

Юртимизда карантин чекловлари жорий этилгани сабабли паспорт ёшига (16 ёш) етган 41 000 дан ортиқ битирувчилар фуқаролик паспортини ўз вақтида олиш имкониятига эга бўлмаган.

Халқ таълими вазирлиги ушбу битирувчилар ва уларнинг ота-оналарига мурожаат билан чиқиб, тезроқ паспорт олиш масаласида Ички ишлар органларининг миграция ва фуқароликни расмийлаштириш бошқармаларига мурожаат этишларини сўрамоқда.

Эслатиб ўтамиз, онлайн қабул жараёнлари жорий йилнинг 20 июнь кунидан бошлаб 20 июль кунига қадар давом этади.

❗️Бешта йўналишни танлаш жараёнига оид айрим маълумотлар


5️⃣ Жорий йилги тест синовларида бештагача таълим йўналишини танлаш имконияти мавжуд;

✅ 5та йўналиш дегани, 5та ОТМ дегани эмас. Яъни абитуриент албатта 5та университет ёки институтни танлаши шарт эмас. Битта ОТМнинг 5та йўналишини танлаш ҳам мумкин;

❗️5та йўналиш танлаётганда энг асосий 2та шарт бор:
1) фанлар кетма-кетлиги мос келиши керак;
2) таълим шакли (кундузги, сиртқи, кечки) бир хил бўлиши керак.

❓фанлар кетма-кетлиги мос бўлсин деганда, 3.1 ва 3.2 балл бериладиган 2та фан тўғри кетма-кетликда жойлашиши керак. Масалан, битта йўналишда фанлар қуйидагича:
- математика (3.2 балл;)
- чет тили (3.1 балл).

Иккинчи йўналишда эса бошқача:
- чет тили (3.2 балл);
- математика (3.1 балл).

Гарчи тест олинадиган 2та фан бир хил бўлса ҳам, лекин уларга бериладиган баллар бошқачалиги сабабли абитуриент ушбу йўналишларга бир пайтда ҳужжат топшира олмайди.

‼️ Таълим шакли ҳам албатта мос бўлиши шарт. Яъни бир пайтнинг ўзида ҳам сиртқи, ҳам кундузги таълимни танлаш мумкин эмас. Абитуриент 1-йўналишга кундузги таълимни танладими, демак қолган 4та йўналиш ҳам албатта кундузги бўлиши шарт. Ёки 1-йўналишга сиртқини танласа, қолган йўналишлар ҳам сиртқи бўлиши керак.

⛔️ Ижодий (касбий) имтиҳон топшириладиган йўналишларда фақат битта йўналиш танлаш мумкин, 5тагача йўналиш танлаб бўлмайди. Бу чеклов ҳам ижодий, ҳам тест топшириладиган йўналишларга ҳам тааллуқли;

🎓 Магистратурада ҳам фақат 1та мутахассислик танлаш мумкин;

✅ 5та йўналишларни танлаётганингизда аҳамиятлироқ бўлинг. Чунки танланган биринчи йўналиш устунликка эга. Яъни сизнинг биринчи йўналишдаги тўплаган балларингиз контракт балларига тўғри келсаю, қолган йўналишлардаги тўпланган баллар грант балларига тўғри келса, сиз контракт асосида ўқишга қабул қилинасиз.

🔎 https://abitur.dtm.uz/ - 20 июндан бошлаб, шу сайтга кирилса, қайси фанлар мажмуаси бўйича қайси йўналишларга ҳужжат топшириш мумкинлигини кўрса бўлади.

Президент мактабларига ўқувчилар қабули келгуси ўқув йилида ўтказилади

Жорий йилда Президент мактабларига ўқувчилар қабули келгуси ўқув йилида ўтказилади. Бунга пандемия вазиятидан келиб чиқиб, карантин даврида ёш авлод соғлигини асраш, пандемия бутунлай бартараф этилмаган шароитда вояга етмаган ўқувчиларнинг катта сиғимли биноларда саралаш имтиҳонлари вақтида узоқ вақт қолиб кетишига йўл қўйиб бўлмаслиги, шунингдек, Cambridge Assessment ташкилоти вакилларининг мамлакатга карантин даврида ташрифини белгиланган саналарда ташкил этиш имкони йўқлиги сабабдир.

Бухоро, Жиззах, Қарши, Самарқанд ва Фарғона шаҳарларида очиладиган Президент мактабларига (бешинчи синфдан ўнинчи синфгача) ҳамда жорий йилда очилиши режалаштирилган Сурхондарё вилоятидаги Рўзи Чориев ва Бухоро вилоятидаги Мухтор Ашрафий номидаги ижод мактабларига (еттинчи синфдан) ўқувчилар қабули келгуси йилда ўтказилади.

Тошкент, Нукус, Наманган ва Хива шаҳарларида фаолият юритаётган Президент мактабларига 2020/2021 ўқув йилига ўқувчиларни бешинчи синфларга қабул қилиш имтиҳонлари 2021 йилга қолдирилиб, 2021/2022 ўқув йилида ўқувчилар бешинчи ва олтинчи синфларга қабул қилинади.

Ҳукумат қарорига биноан, 2020/2021 ўқув йилидан бошлаб ижод мактабларига қабул еттинчи синфдан амалга оширилади. Бугунги кунга келиб, мавжуд ижод мактабларидаги синфлар контингенти тўлиқлигини инобатга олган ҳолда, 2020/2021 ўқув йилида янги синфлар очилиши назарда тутилмаган.

Агентлик тизимидаги ихтисослаштирилган мактаблар, яъни Муҳаммад ал-Хоразмий, Мирзо Улуғбек ҳамда Абу Али ибн Сино номларидаги ихтисослаштирилган мактабларга 2020/2021 ўқув йилига ўқувчиларни қабул қилиш масаласига оид маълумот тегишли ўрганишлардан сўнг маълум қилинади.

❗️Абитуриентлар ва уларнинг ота-оналари диққатига!

Жуда кўп расмий сайтлар қабул жараёнлари бошланганини маълум қилишмоқда. Бу ўтган йилги сценарийни ёдимга солмоқда.

☝️Сизларга дўстона маслаҳатим шуки, 3-4 кун давомида сабр қилиб ҳужжат топширмай туринг. Бугун ҳужжат топширганларда эртага муаммо чиқиш эҳтимоли йўқ эмас. Бундан ташқари фанлар мажмуасию, тиллар кесимида квоталар ҳам аниқ эмас.

«Шунчаки синаш учун топшириб кўряпман, кейин таҳрирлаб оламан» дейдиганларга ҳам унча маслаҳат бермайман. Техник носозликлар бўлиб турган пайтда таваккал қилиш эртага тестга кириш пайти муаммо чиқариши мумкин. Хуллас, сабаблари кўп.

Бу шунчаки дўстона маслаҳатим. Истанг бунга амал қилинг, истанг йўқ. Барчага омад тилайман!

Online hujjat topshirish jarayoniga oid savollar

⚡️Bu yil abituriyentlar abitur.dtm.uz yoki my.gov.uz veb saytlari orqali online hujjat topshiradilar.

✅ Shuningdek, Maxsus komissiya tasdiqlab bergan hududlardagi Davlat xizmatlari markazlari orqali ham hujjat topshirish mumkin. Ya'ni DXMlar barcha joyda hujjat qabul qilmaydi, faqat ayrim hududlarda ishlaydi. Bu ko'proq yashil hududlarda bo'lsa kerak.

❌ OTMga borib hujjat topshirilmaydi.

⚡️Abituriyentlar online ro'yxatdan o'tayotganda JSHSHIR raqam kiritadilar.

📎 JSHSHIR raqam nima va uni qanday aniqlash mumkinligi bu yerdan bilib olishingiz mumkin:
https://t.me/xushnudbek/6086

⚡️Online hujjat topshirish jarayonida kerak bo'ladigan hujjatlar:

✔️ Pasport
✔️ Shahodatnoma yoki Diplom
✔️ Imtiyoz beruvchi hujjat (agar ega bo'lsangiz)

❗️Sizdan yuqoridagi hujjatlarning asli yoki skaner qilingan nusxasi talab qilinmaydi. Faqatgina hujjatlardagi ma'lumotlar tizimga kiritiladi xolos.

❗️Ammo imtiyoz beruvchi hujjatlar bundan mustasno. Ya'ni ushbu hujjatning skaner qilingan shakli ham jo'natiladi.

❌ Sizdan talab e'tilmaydi:

🔖 Rasm
🔖 MFYdan ma'lumotnoma
🔖 Tibbiy ma'lumotnoma...

❗️Sizda doimiy ishlaydigan telefon raqam bo'lishi kerak. Chunki DTM bazasidan keladigan SMS xabarni siz tasdiqlashingiz kerak bo'ladi.

⚡️Online hujjat topshirish jarayoni 20-iyulga qadar davom etadi.

(2020-yil 21-iyun 18:00 holatiga)

Jami ro‘yxatdan o‘tgan abituriyentlar soni 31 896 nafar.
Shundan joriy yil bitiruvchilari 13 431 nafar.

✅ Ta’lim shakli bo‘yicha:

👉 Kunduzgi ta’lim shakli – 19 872 nafar;
👉 Sirtqi ta’lim shakli – 11 412 nafar;
👉 Kechki ta’lim shakli – 612 nafar.

✅ OTMlar joylashgan hudud bo‘yicha:

👉 Andijon viloyati – 2 934 nafar;
👉 Buxoro viloyati – 1 261 nafar;
👉 Farg‘ona viloyati – 1 808 nafar;
👉 Jizzax viloyati – 852 nafar;
👉 Namangan viloyati – 1 642 nafar;
👉 Navoiy viloyati – 1 061 nafar;
👉 Qashqadaryo viloyati – 1 403 nafar;
👉 Qoraqalpog‘iston Respublikasi – 891 nafar;
👉 Samarqand viloyati – 3 149 nafar;
👉 Sirdaryo viloyati – 838 nafar;
👉 Surxondaryo viloyati – 1 749 nafar;
👉 Toshkent shahri – 11 747 nafar;
👉 Toshkent viloyati – 1 846 nafar;
👉 Xorazm viloyati – 715 nafar.

Қабул-2020: 63 481 нафар абитуриент рўйхатдан ўтди

2020 йил 22 июнь соат 18:00 ҳолатига республика бўйича жами 63 481 нафар (жорий йилги битирувчилар 33 167 нафар) абитуриент рўйхатдан ўтди.

✅ Шундан, таълим шакли бўйича:

👉 кундузги – 42 077 нафар;
👉 сиртқи – 20 310 нафар;
👉 кечки – 1093 нафар.

✅ Ҳудудлар миқёсида:

1️⃣ Тошкент шаҳри – 20 028 нафар;
2️⃣ Aндижон вилояти – 7176 нафар;
3️⃣ Самарқанд вилояти – 6610 нафар;
4️⃣ Наманган вилояти – 4062 нафар;
5️⃣ Сурхондарё вилояти – 3969 нафар;
6️⃣ Фарғона вилояти – 3898 нафар;
7️⃣Тошкент вилояти – 3509 нафар;
8️⃣Қашқадарё вилояти – 2807 нафар;
9️⃣Бухоро вилояти – 2180 нафар;
🔟 Сирдарё вилояти – 2090 нафар;
1️⃣1️⃣ Жиззах вилояти – 1966 нафар;
1️⃣2️⃣ Навоий вилояти – 1938 нафар;
1️⃣3️⃣ Қорақалпоғистон Республикаси – 1774 нафар;
1️⃣4️⃣ Хоразм вилояти – 1473 нафар.

✅ Тиллар кесимида:

👉 ўзбек тилида –53 780 нафар (81,6 %)
👉 рус тилида – 8691 нафар (16,9 %)
👉 қорақалпоқ тилида – 792 нафар (1,2%)
👉 бошқа тилларда – 217 нафар (0.3%).

✅ Энг кўп абитуриент рўйхатдан ўтган ОТМлар:

👉 Aндижон давлат университети – 3945 нафар;
👉 Самарқанд давлат университети – 3305 нафар;
👉 Тошкент давлат педагогика университети – 2983 нафар;
👉 Наманган давлат университети – 2730 нафар;
👉 Термиз давлат университети – 2613 нафар.


Эслатиб ўтамиз, абитуриентларни рўйхатдан ўтказиш жорий йилнинг 20 июлига қадар (шу куни ҳам) амалга оширилади.

16 ёшга тўлмаган битирувчиларга паспорт олишда енгиллик берилади
#abituriyent

Давлат комиссиясининг 1-сонли баёнига кўра:

✅ Ички ишлар вазирлиги томонидан 2020/2021 ўқув йилида мактаб, академик лицей ҳамда касб-ҳунар коллежларининг 16 ёшга тўлган битирувчилари паспорт олиш учун мурожаат қилганда, уларга навбатларсиз, белгиланган тартибда паспорт берилиши таъминланади. (абитуриентга 10 кун муддатда паспорт берилиши кўзда тутилган).

✅ Шунингдек, олий таълим муассасаларига ўқишга кириш учун имтиҳонларда иштирок этиш истагини билдирган паспорт ёшига етмаган фуқароларга амалдаги тартибга мувофиқ, қисқа муддатларда хорижга чиқиш паспорти расмийлаштириб берилади.

✅ Давлат персоналлаштириш маркази томонидан паспорт ёшига етмаган фуқароларга хорижга чиқиш паспортлари берилади ва мавжуд маълумотлар Ягона интерактив давлат хизматлари порталига ва Давлат тест марказига тақдим этилади (абитуриентга 5 кун муддатда фуқаролик паспорт олиши кўзда тутилган).