مستحيل ترجع الدنيا مكانة شخص غالي
ساعة إنه طاح من عيني مثل ساعة وفاته

لا أنتهى عمر الغلا .. وأقفت عن ديارك رحالي
لك يمين بالله أني ما أتنازل بالتفاته

صدة الخذلان ما فيها غرور ولا تعالي
يتجرع مرها اللي حبك بكل إستماته

هارب من الكلمة اللي لو قدرت تقولها لي
وين بلقى كلمةٍ تبعث شعوري من رفاته

ودي أرحل بالحياة الباقية وأبقى لحالي
قبل أصير الميت اللي ما يعزى في مماته

عويد النجود

نصيبي من الحب الحقيقي قصيد وطيف
الأول بيبقى لي والآخر بيتركني
ثقيل الحزن لا صار في كل ليلة ضيف
ليا رحت أدور للفرح درب يمسكني
ومن كثر ماني فاقد الضحك مدري كيف
تمنيت لو الشر البلية يضحكني
تحلويت طعم العزلة اللي ماهي بالكيف
مشاعر قديمة بالمحبة تشككني
جديد الغلا ياليت لو تمسح الأرشيف
الأرشيف كذبة بأسم الأشواق تنهكني
الأحباب قبلك في حياتي سحابة صيف
تبريت من ماضي مع الغير يشبكني
تغانم وعطني من شعورك بكم وكيف
وفالقلب ثبتني وبالبال حركني
ولا توقف العاقل على حفة التخريف
عيونك تطمني وضحكتك تربكني
إذا كنت تجهلني فأخذ مني التعريف
أنا درب ما تقدر بوجهين تسلكني
بعيدًا عن التشبيه والكبر والتصنيف
يحق لك بأنك تفاخر يوم تملكني
أنا لك حقيقة ما هي بشك ولا زيف
ولغيرك سرابٍ يبطي فيوم يدركني
ولو غرتك نفسك وزينك .. ورحت معيف
وفي حرب جس النبض حاولت تشركني
أحط لغرورك حد، وأقولك يا حيف
هقيتك بتنجيني وأشوفك بتهلكني
تراني عزيز النفس ماني حلال ضعيف
ما ياقاف عليك العمر كانك بتتركني

عادل الحرفة

جيتك أنا بليلة شتاء
تهزني ريّح الشمال

ودعتني قبل السلام
وهذا ترى كل الكلام
اللي حصل بينك وبيني

تخيل!


اليوم

لعيوني السماء والشمس
والأرض البعيد

اليوم

ولغيرك أنا يطري على
بالي القصيد


سلم أبرد السلام
وهذا ترى كل الكلام
اللي حصل بينك وبيني

تخيل

كنت واقع كثر ما كنت وهم وخيال
‏يا رهين الضلوع اللي نفذ صبرها

‏كسرة الخاطر اللي ما عليها جدال
‏طيف ذكراك ما يقدر على جبرها

‏لو على قولك إن أحلامنا لا تزال
‏وش موقفني البارح على قبرها

‏المحبة ما كنت أشوفها راس مال
‏كنت أشوف الحياة الفانية عبرها

‏راح منها شعور وراح منها وصال
‏لين دار الزمان وراحت بكبرها

‏سهل ترجع على خبري هذيك الليال
‏البلا من يرجعني .. على خبرها

-
تنتابني لهفة تنقص وترجع تزيد
سحابةٍ كل ما طال الزمن خلّتها

طبيعية النفس عن منوالها ما تحيد
لو أني أقدر على التبديل بدلتها

كم لي وأنا أجاهد الدنيا وأهلها وحيد
ما فيه حملة تقص الظهر ما شلتها

ياراعي الصدة اللي ما سبقها وعيد
متخيلٍ كل شي وما تخيلتها

لا تحسب إن الرسايل عالقة في البريد
أنا كتبت الرسايل بس ما أرسلتها

من خوف لا يضرب الوقت بيدٍ من حديد
أمهلت روحٍ تبي شوفتك وأهملتها

أنا طموحاتي بعيدة وراسي عنيد
ما أسمح من المستحيلة .. غير لا طلتها

فرصة العمر لا مرتك ما تحتريك
كيف لا صار ضاعت وأكثر العمر ضاع

والغلا اللي بعد مالنفس طابت يجيك
يمكن تصدقه لكن بدون اقتناع

فالك الصبر يا قلبي ومافيك فيك
كان حلمك كبير أكبر من المستطاع

قال سلم علي وقلت أسلم عليك
كان قصده سلام وكان قصدي "وداع"

⁣💌 وصلتك رسالة جديدة
⏱ وقت الرسالة: 2024/11/11 - 12:01:44 AM
----
مين انت؟
----

- تبرع لإستمرار عمل بوت صارحني 🎁

أنا الله خلقني ماقبل الذِّل والتهميش
لو أخسر طموح العمر وأغلب علاقاتي

مرحبًا

بتوقف عن الكتابة هنا

حياكم قناتي الجديدة

https://t.me/+0evd-vGaUA85YzEx

للمهتمين بالشعر وما أنشر عمومًا