يعطيكم العافية طلاب بكلوريا 2024.. وبإذن الله طلاب دفعة بري 10..

هي القناة حتكون قناة اخبارية..
فيها كلشي بيلزمكم برحلتكم من هاد اليوم لتصيرو سنة تانية جامعة.. سواء قرارات متعلقة بالبكلوريا والتكميلي وشو ندرس للتكميلي وبعدا كلشي متعلق بالسنة التحضيرية 😌🔥

🛑🛑 نتائج البكالوريا بجميع فروعها ستصدر في الثلث الأول من الشهر القادم

توضيح: يعني رح تطلع النتائج قبل 11/7..

📌شارك الخبر مع اصدقائك وانضمو لقناة لخبار السنة التحضيرية ❤️:
https://t.me/Pre10Med

أهلاً فيكم بالpart 2 التكميلي 🔥🔥

انتهت أول معركة بالفوز و لكن الحـرب لسا قائمة 👌🏻

📌مين يلي بحقلو يقدم تكميلي؟

أولاً خلونا نتفق انو كل طالب بحقلو دورتين نجاح فقط، و على هذا الأساس رح نفرع الحالات التالية:

1_ طالب مستجد 2023-2024 ناجح بالتالي بحقلو يقدم تكميلي ب 3 مواد ليرفعهن
و لكن مو إجباري 3 مواد
2_ طالب مستجد و لكن رسب بأحد المواد، بحقلو يقدم على المواد يلي راسب فيها فقط
3_ طالب ناجح و يعيد و نجح هالدورة ما بحقلو يقدم تكميلي أبداََ 💔
4_ طالب ناجح و يعيد و رسب أول دورة بمواد، بحقلو يكمل هالمواد بس
5_ طالب راسب بالدورات السابقة، بحقلو يقدم تكميلي ب 3 مواد راسب فيها ك حد أقصى

💡ملاحظات مهمة كتير و بيغفلوا عنها الطلاب أحياناََ:

▪️ الوقت المطلوب للدراسة للتكميلي يشابه الدورة الأولى، لا تفكروا انو دارسين ف متذكرين، تقريبا نسينا 30 ل 40 بالمية
من تفاصيل المادة 😂❤️

▪️ الدورة بتتاخد كلها، يعني إما الدورة الأولى بكل علاماتها أو التانية بكل علاماتها

لهيك نحنا رح نكون معكم ببوست قادم عن كيفية اختيار المواد و ايمتى نبدأ دراسة

خلّو عينكن عالقناة لحتى نضل سوا من بداية التكميلي حتى نهاية التحضيري و ما بعد 🔥🔥، ولا تنسوا تحولوا الرسالة لأصدقائكن المقبلين عمعركة التكميلي معكن 😌

📌 قناة اخبار السنة التحضيرية:
Https://t.me/Pre10Med

ايمتى لازم بلش تكميلي؟ 🌚
لسا بلحق ؟🌚

اومااال 😂😂
لسا معكم وقت بحر للتكميلي

-طيب ايمتى نبلش؟

شوفوا دكاترة، الموضوع بيتعلق بكذا عامل
أولهم و الأهم هو إنت

فرشت بمادة و عرفان انو مارح تطلع منيحة؟ عندك مشكلة بهالمادة و كانت صعبة عليك طول السنة؟
ما عليك إلا تتصل على زيرو تلت تسعات 😂😂

اذا كان وضعك هيك ف النصيحة إنك تبلش أول ما تقدر، ولو قبل النتائج لا مانع، مادة منعرف انو تعبانة و لازم تدرسها لتقدم منيح، بلش فيها بسرعة 🔥

🔵 طيب أنا مو عرفان شي، شو اعمل؟ 🙂

عصير عنب، لحتى تطلع النتائج و وقتا إذا لساتك مشلوش سألني عالغروب أو عالخاص و أنا بساعدك شو تكمل 😉💙

🔴 طيب دكتور أنا هلا ضمنت التحضيري حسبت علاماتي و طلعت خارقة جايب 235.5
في داعي كمل؟

إنت خسران شي طيب؟ 🙂💙
عندك 4 شهور عطلة ما بتعمل فيهن شي، بس تطلع النتائج كمل شي مادة رايحلك فيها كتير

مارح تتعب حالك بالدراسة و بنفس الوقت هي العلامة رح ترافقك طول عمرك.
و بتفيدك بالفرز 👌🏻💙

إذا عندكم شي أسئلة نحنا هون، مجربين قبلكم و منعرف عالم مجربين كمان، ف خدوا راحتكم بأي سؤال بيخطر ع بالكم بالتعليقات 💙🌚

- محمد نجيب المحايري - سنة رابعة طب بشري دمشق

📌 مجموعة الاسئلة والنقاشات الخاصة بالسنة التحضيرية الدفعة العاشرة:
https://t.me/+9Hs4OgEHsUE1Yzg8

يلي عنده اي سؤال او بيحب يسرد عالغروب يتفضل ينضم 🌚❤️

🔴 #بكالوريا || بالتزامن مع قرب انتهاء عمليات التصحيح، نقدم لكم رابط موقع نتائج الدورة الأولى 👇
https://www.syr-edu.com/2024/06/bac-result-2024.html

منتمنالكن العلامة يلي تجبر خاطركن 😁❤️❤️

احتفظو بالرابط وشاركوه مع رفقاتكن ❤️

📌 قناة اخبار السنة التحضيرية:
Https://t.me/pre10med

على هاد البوست 👇
https://www.facebook.com/share/p/G2oTf8K6HgsKePXV/?mibextid=oFDknk
اسال اي سؤال بدك ياه عن البكلوربا او التكميلي او التحضيري ❤️🔥

كتب منهاج السنة التحضيرية ❤️👆
احتفظ فيهم رح يهموك لقدام.. وشارك الملفات مع رفقاتك 🔥

📌 القناة الرئيسية للسنة التحضيرية:
Https://t.me/pre10med

السلام عليكم
الحمدلله ع السلامة، و أهلاً بكم في الحياة 😂🔥

انتهاء البكالوريا هو أول خطوة بحياتك العملية، الحياة يلي ما حدا بيسأل فيها عنك
ما حدا راكض ورا مصلحتك، ولا حدا مهتم بوجودك أصلا، هاد الواقع 🌚💙

الشي المنيح انو معكم حاليا بحدود ال5 ل 6 سنين بتقدروا تخبصوا فيهن مهنياً لتشبعوا 😂💙

🟢 انتو من اليوم معكم بحدود ال5 اشهر أو 6 لتبدأوا جامعة، و يلي بدو يقدم تكميلي أقل بشهر و نص من هالمدة
شو بتقدروا تعملوا؟
يلي عندو تكميلي يبلش فيها هلا لحتى يقدر يحسن علامات قد ما بيقدر

🟡 يلي عرفان انو غالبا ما بدو تكميلي
بنصحكم بالتالي:

1- تعلم مهارة جديدة
و خصوصا مهارات تعتمد على التكنولوجيا و بتدر مصاري بالهبل بس تتعلمها
أفضل المهن رواتب في العالم:
برمجة
كتابة محتوى
تصميم غرافيكي

ف بنصحكم تتوجهوا و تشوفوا أحد الاختصاصات هي أو غيرها، و بلشوا تعلموا عليها

🔸 برمجة و تصميم بدهن لابتوب، كتابة المحتوى بتكفي من الجوال و فعليا نحنا عم نحكي عن رواتب بتوصل ل 50 أو 60 ألف بالسنة بخبرة سنة أو سنة و نص بس 🌚🤑


🔴 يلي حابب يحسن من معارفو بغض النظر عن المصاري
بحب قلك انو تفكيرك جدا صح، فيك تتعلم مهارات بدون ما تهتم بالمصاري نهائيا

🔹 أولا و الأهم على الإطلاق، الإنكليزي
سجل كورسات حضوري لانو غالبا مارح تلتزم لحالك، و إذا فيك تلتزم لحالك اليوتيوب و المنصات معباية كورسات مجانية

🔸 ثانيا، مهارات التواصل
بنصحكم تقرأوا الكثير و الكثير من الكتب، و خاصة كتب التنمية المالية و التواصل الاجتماعي
كل كتاب بتقرأو رح ينقلك تفكيرك نقلة نوعية، و برأيي هاد أفضل شي ممكن شخص يعملو

🔹 ثالثا تفقه بالدين
ليش حطيت هي ثالثا؟ لانو هي الأهم و أقل وحدة بتاكل وقت
ممكن درس أو درسين بالأسبوع عند أحد مشايخنا صدقا بيكفوا الدنية و الآخرة 🌚💙🌸

وكمان في قناة إسمها دقيقة واحدة مع نجيب (حرفيا كل بوست دقيقة وحدة بس 😂) بتفيدكم بهي القصة

و بالنهاية، بحب قلكم، هلا صرتوا عم تسابقوا الزمن، حاولوا تسبقوه 🌚🌚

لانو الزمن رح يمضى
ف خلوه يمضى و نحنا عم نقرأ اسمائكم عم تلمع بكافة مجالات الحياة 💙🌸
فخور فيكم جدا، و الله يوفقكم لكل خير 💙

🔴 #بكالوريا
● لا صحة لـ الشائعات التي تتحدث عن نسب نجاح منخفضة جداً، حيث لم يتم الإنتهاء من عمليات التنتيج بعد.

● عمليات التصحيح تقترب من الإنتهاء ونقترب من إعلان موعد الفرحة ورسم البسمة على وجوه طلابنا بإذن الله ..❤️

📌 القناة الرئيسية للسنة التحضيرية:
Https://t.me/pre10med

#عاجل || انتهاء عمليات تصحيح أوراق الشهادة الثانوية العامة يوم الثلاثاء في تربية اللاذقية


📌انضمو للقناة الرئيسية للسنة التحضيرية:
Https://t.me/pre10med

🔴 عاجل:
#بكالوريا: انتهت عمليات التصحيح بشكل كامل في معظم المحافظات السورية والمتبقي فقط تصحيح المادة الأخيرة ومن المتوقع الانتهاء منها خلال الـ 24 ساعة القادمة.


🚨🚨مما يعني اقتراب موعد النتائج وغالباً ستصدر هذا الاسبوع على قناتنا:
Https://t.me/pre10med

شارك الخبر مع صديقك ❤️