كل عام وأنتم بخير ❤️❤️
عيد فطر مبارك ❤️❤️

- @PostGrad_Med

- @PostGrad_Med

- @PostGrad_Med

- @PostGrad_Med

#من_أخطاء_الامتياز 😬😬😬

🚨🚨 طبيب امتياز يحكي:

زعلان جدا عالطفل ده ، طفل عمره 9 سنوات دخل الاستقبال يعاني من قيء وألم شديد بالبطن واسهال وبالفحص العادي كله تمام 🤷🤷

للأسف اتسرعت وقلت دي حالة عادية  التهاب معوي أو بداية نزلة معوية لأن الطفل من التاريخ المرضي والدته ذكرت إنه شرب كثير من المشروبات الغازية🤦🤦

اعطيته حقن للمعدة وللقيء وقلت لوالدته إنه هيبقي كويس ودي التهابات في المعدة  وكتبتله مسكن ودواء للمغص يمشي عليه 😕🙁

🚨 بالليل جه الطفل مع والدته شبه فاقد للوعي وقالت متحسنش والترجيع زاد جدا ...🙆🙆🙆
طلبت نايب الأطفال، وأول حاجة عملها هو تحليل سكر عشوائي وإذ المفاجئة ان الجهاز قرأ High
RBS>500🤦🤦
طلبنا تحاليل دم وبول وغازات دم ، واتضح أن الهيموجلوبين 6.5 وإن فيه حموضة بالدم Acidosis وأن الـ DKA (سبب الاغماء والام البطن)  هي السبب في كل الأعراض دي، وكمان عملت مضاعفات بسبب ارتفاع السكر اللي بقاله فترة موجود والولد مش متشخص 💔💔🤦

تم حجز الطفل في الرعاية .. للأسف توفي بعد يوم واحد 😭😭

#نستفيد :

1/ قياس العلامات الحيوية vital signs أمر بالغ الأهمية والخطورة ، ومن المفترض طبيا إنه يتعمل لكل الحالات ، على الأقل للحالات اللي يتشك فيها من خلال وجود أعراض مرضية مقلقة 😀😀

2/ التعامل مع الأطفال وخصوصا بالطوارئ يحتاج لمهارة وذكاء وسرعة بديهة ، لأن صعب ناخد منهم شكوى مظبوطة أو تاريخ مرضي مظبوط 🤷🤷

3/ نعيد ونكرر، مش عارف إسأل، واعتبر إن المريض ده أخوك أو ابنك أو قريبك ويعز عليك ، وإنك لازم تنفعه ، ولو مقدرتش تنفعه عالأقل لا تضره ..😅😅

4/ متخليش النايب يضحك عليك ويسيبك لوحدك في الطوارئ ، مهما كانت المبررات ، ومهما حسيت نفسك شخص يعتمد عليه ..هتيجي حالة ولازم هتوقعك وهيحصل منها مشاكل ..وعمر خبرتك ما هتكون زي النايب أو السنيور ..لأن في الآخر اللي هيقع عليه ضرر أكبر هو انت ..دينيا ومعنويا وقانونيا 🙆🙆
Copied

رسالة الى شباب الاطباء 💕✨

كلنا عارفين ان عيان جلطة القلب ممكن يجي بألم في فم المعدة ..

لكن بصراحة الجملة دي بيحصلها abuse لدرجة ممكن تضيع عيان !!

الطب مش جمل محفوظة وترند ..

والموقف ده حصل معايا شخصيا مرتين ..

مريض جاي بألم في فم المعدة .. بيتعرض قلب بغض النظر عن اي حاجة..

وده للأسف سوء ممارسة طبية .. انا طبعا مقدر خوفك من فكرة ان المريض يكون عنده جلطة ويموت ..

بس اللي عايزك تعرفه ان في حاجات كتير بتيجي بألم في البطن ..وبتموت برضه !!

كذا مرة حالة تتعرض قلب .. وتضيع وقت في رسم القلب والانزيمات .. وكمان الحالة تتلود اسبوسيد ..

والحالة تطلع perforated peptic ulcer مثلا !!

الحالات دي بتبقى shocked والدقيقة معاها بتفرق ..

لأ وانت كمان بتزود عليها اسبوسيد .. كأنك شايف ان ال perforation صغير .. فبتكبره 🤷‍♂️

الحالة ممكن تكون I.O او acute pancreatitis .

او اي سبب يعمل acute abdomen .

والمريض محتاج يكون NPO .. ويدخل جراحة فورا ..

في المرات دي .. كنت بشوف الحالة بعد ما تم التعامل معاها لوقت طويل بيصل لساعات على انها قلب .. وعايز اقولك مرة تانية حالة منهم خدت مذيب جلطة .. واتحولت من مستشفى لمستشفى على انها جلطة في القلب .. وهي acute abdomen و shocked وكل انواع المخدرات مش نافعة معاها لتسكين الألم .

ومرة تانية الحمدلله .. شوفتها بدري شوية وشخصتها .. ودخلت عمليات فورا .. واتلحقت ..

وحالات زي دي كتير .. وحالات ممكن تموت وانتوا فاكرين انها جلطة .. وفي الحقيقة هي حالة طوارئ جراحية باسباب مختلفة ..

طب ايه الحل ؟!

اولا الهيستوري ..لازم تاخد تاريخ مرضي كويس وتشوف العيان ده اصلا high ischemic risk ولا لأ ..

ثانيا الفحص .. لازم تفحص المريض وتشوف في أعراض acute abdomen ولا لأ .. rigidity tenderness

ثالثا حتى لو مش قادر توصل لتشخيص واضح .. متركزش في اتجاه واحد وتهمل باقي الاتجاهات .. يعني اعمل رسم قلب بسرعة واستبعد وجود stemi ودي الحالة الاخطر .. واسحب تحاليلك اللي من ضمنها التروبونين ..

وكلم حد جراحة مثلا يبص معاك ع الحالة .. يستبعد وجود مشكلة جراحة طارئة .. سونار طوارئ مثلا erect x ray .

وهكذا

يعني مثلا متكونش بنت عندها 30 سنة معندهاش امراض مزمنة .. بتاخد مسكنات كتير.. وانت مصمم انها جلطة في القلب .. لا دي الاقرب ان دي هتكون قرحة معدة مضاعفة ..

وهكذا .. فخليك دكتور بجد .. مش واحد حافظ كلمتين .. واتعامل مع الحالة كلينكال صح .. كويس جدا ان يكون في دماغك ان الم فم المعدة ممكن يكون سببه جلطة قلب .. لكن مش هو السبب الوحيد 👌
Dr Mohamed Emam

امتيازنا الجديد والقديم برضه ينفع المرة دي 😁💙
الڤيديوهات لدكتور أحمد جابر بريشة طبيب جراح صاحب قناة وكتاب الأطباء بعد البكالوريوس ( سبيل الأطباء حاليا ) وعليكم بهذه القناة 💯.

دكتور أحمد طبيب إنسان بحب أسمع له علي المستوي الشخصي وبرشحه لكل شخص بيتواصل معايا؛ لإنه ببساطة معترف بفضل الله عليه ومش عايزك تغلط غلطته ولا تحس بتوهان 🤍

الإنجاز في الانتفاع من الامتياز
https://youtu.be/jKPEQy8dgjk?si=kNnRqN784GxhpNDH

ودي الفيديوهات اللي دكتور أحمد ذكرها في الڤيديو عن اختيار التخصص والأمل والسفر والفلوس

- الاختيار 1
https://youtu.be/kO5BAuiH5cQ?si=Rl-KFrlaUhCcdJFY

- الاختيار 2
https://youtu.be/aJY3oDWo6xE?si=KeypUAfYtZpNKeoK

- لقاء الأمل ( مهم تفهم حقيقة نفسك )
https://youtu.be/S2tGpEO2ZoA?si=JJP_yd_lUaDl1hrK

- السفر 1
https://youtu.be/XOhbJgin40U?si=RX4mhwVt8iu4hiYV

- السفر 2
https://youtu.be/WvtWTRL5t6w?si=YKFVzSd3AfMvOgUD

- الفلوس 1
https://youtu.be/Not_sfvhhi4?si=E-8yb5fnuixiTdag

- الفلوس 2
https://youtu.be/OCqNlAu6qAk?si=K_hOmJ0C-mkdut-M

اعادة نشر

في طوارئ القلب (١)

واحد من الحاجات اللي هي مش أفضل حاجة في طوارئ القلب هي اعطاء مريض الازمة القلبية الحادة لزقة النيتروديرم

والأفضل من ذلك هو إعطاء أقراص الداينيترا تحت اللسان

استخدام النيترات Nitrate في الازمات القلبية مشروط بوجود الم حاد في الصدر ودا بيكون مصاحب لأغلب المرضى، اما لو مفيش الم فلا تستخدم

الينترات الموصوف في الجايدلاينز الأوربية والأمريكية هو النيتروجليسرين Nitroglycerin

النيتروجليسرين بيتصنع في خمس اشكال دوائية
وريد
بخاخ تحت اللسان
اقراص ممتدة المفعول
لزقة على الجلد
مرهم موضعي

النيتروجليسرين البخاخ تحت اللسان هو المنصوح بيه بيشتغل بعد دقيقة من اعطاءه ويصل لل peak بعد ٥ دقائق (ودي نقطة مهمة جدا لتاثيره) وبيستمر لحوالي تلت ساعة، بيستخدم ويكرر كل ٥ دقايق لتلات مرات لو مفيش استجابة يبدا وريد (دي القاعدة) لكن المشكله ان البخاخ مش متاح.

اما اللزقه بتشتغل بعد نص ساعة وتصل لل peak بعد ساعتين ودا مش انسب حاجة مع عيان فيه acute chest pain

أنسب حاجة متاحة عندنا وسهلة هي استخدام ال isosorbide dinitrate اللي هو مشهور بال Dinitra ودا هنستخدمه قرص ١٠ مج تحت اللسان يكرر كل ساعة لساعتين اذا لزم الامر.

دا مش موصوف في ايا من الارشادات الاوربية ولا الامريكية الا اننا في مصر بنستخدمه كتير وبيستخدم بنفس الطريقة في بلدان اخرى زي كندا وغيرها، مفعوله اسرع وبيشتغل فترة أقل.

💫 بسم الله

لينك قناه الانجليزي الخاصه ب MW هنجمع عليها ماتريال مجانيه ومدفوعه ☑️
⚙ سواء الطلبه او الخرجين او الناس الي بتحضر Ielts or OET

https://t.me/English4U_MW

أنا متعود لما أشك في مرض له علاقة بالتدخين عند مريضة أنثى مش بسألها بشكل مباشر بتدخني ولا لأ.. بقولها الأول هل في حد في البيت عندك بيدخن؟ لو قالت اه، ساعتها بسألها طاب وانتي؟ وأوقات كتير بيكونوا بيدخنوا فعلاً..

وبستخدم الإسلوب دا بالذات عشان غالباً البنت اللي بتدخن بيكون عندها في البيت حد مدخن.. اللي بيحصل إنها بتقعد سنين تشم سجاير فبتتعود عليها.. فـ بعد فترة ممكن تبدأ تحتاج نيكوتين وتصدع وتقريف وتبدأ تدور على سجاير زيها زي المدخن بالظبط.. عشان كدا دا اسمه تدخين سلبي..

دا غير إن السجاير بتبقى قدامها.. يعني سهل إنها تاخد من علبة أبوها/أخوها/جوزها من غير ما يعرفوا.. لكن غيرها صعب إنها تقف عند كشك تشتري علبة سجاير..

والحقيقة إن الموضوع قد يبدوا فيه قلة ذوق إني أسأل بنت أو واحدة ست على حاجه زي كدا.. لكن عايز أقولكم إن الموضوع منتشر جداً خصوصاً في البنات اللي مستواهم الإجتماعي عالي أوي، واللي مستواهم الإجتماعي قليل أوي..

فـ أنا بكتب البوست دا أولاً عشان الأهل يكونوا واعيين لبناتهم ويكلموهم عن أضرار التدخين ومايشيلوش من دماغهم فكرة إن ممكن بنتهم تكون بتدخن عشان هي بنت..

ثانياً عشان الرجالة يتقوا ربنا في بناتهم.. ويبطلوا تدخين، وإن كان ولابد هيدخنوا يبقى أي حتة برة في البيت..

وثالثاً عشان في دكاترة زمايلنا بيستبعدوا موضوع التدخين تماماً ومش بيجيبوا سيرته لو المريضة أنثى.. مع إنه موجود وبكثرة.. فـ ابقوا اسألوا عنه ولو بشكل غير مباشر لو شكيتوا في مرض مرتبط بالتدخين.. وشكراً..

د. محمد فهيم

صبحكم الله بالخير

موقع بيرشح لك تخصصك الطبي حسب تحديد ميولك واحتياجك
جرب يمكن تعمل شفت للطب كله وترتاح 😅

1️⃣ الانجليزي
https://www.studentdoctor.net/schools/selector

2️⃣ العربي
https://www.medic-student.com/2021/08/medical-specialty-test.html?m=1