كان فيه كلمه كدا في وسط الكلام اسمها دروبات 🌝
يعني ايه دروبات بقا 👀
#Emtyaz_MW
#PostGrad_Med
#Medicine_Way
#Mansour_Algazar
@Medicine_Way2
=====================
🔸- يعني انت عندك شفت اي حاجة في اي قسم، ومش عاوز او مش قادر تروح بتنزله دروب بحيث حد يروح بدالك ويشتغل شغلك وياخد مقابل مادي.

🔸- كام يعني؟
التسعيرة المتعارف عليها واللي هتتفقوا عليها كدفعة . كل شفت وقصاده السعر بتاعه. وبتبعت للشخص فلوسه غالبا فودافون كاش.

🔸- أي شفت بيتنزل دروب؟
غالبا مفيش مشكلة الا في الاقسام اللي معروف ان مفهاش دروبات، زي الرمد مثلا في الاسبشيالات، ساعات فيه نواب بيغلسوا وبيقولوا محدش ينزل دروبات بس دي متغيرة من وقت للتاني. وساعات مثلا قسم زي الفاسكولار بيحب اللي ينزله يبقى عارف شغلهم، فلو انت منزل دروب اول اسبوع او اسبوعين في الشهرين عادي كدة كدة كل اللي في الجروب بيبقى جديد وبيتعلم الشغل، لكن لو بعد نص الشهر الاولاني نزّل حد يكون نزل قبل كدة وعارف الشغل.

🔸- كذلك في طرقة الجراحة، نزّل حد بيعرف يخيط علشان ساعات الشفت بيقلب وبيبقى فيه خياطات كتيرة.

🔸- طب لو عايز انزّل دروب انزّله ازاي؟
بتعملوا جروب لدفعتكم وتنزلوا عليه، مثلا هكتب دروب جراحة عنبر اورام لونج النهاردة، هتلاقي المتاح بيبعتلك ع الخاص، بعد ما تتفق معاه بتكتب عالجروب تيكن علشان محدش يبعتلك تاني وبتعتذر انك مقدرتش ترد على كل الناس وعطيت الدروب لأول واحد.

🔗 شوية ملحوظات صغيرة :
⚠️ ياريت لو منزل دروب متتأخرش في الدفع على صاحبه، لأن اللي بينزل بدالك ده ربنا أعلم بظروفه ممكن يكون محتاج الفلوس وانت متعرفش.

⚠️ في نفس الوقت لو انت اللي نازل الدروب، اطلب فلوسك بكل أدب وبدون الحاح، غالبا اللي بينزل دروب ده بيبقى عنده ظرف ، فأرجوك احترم ده وسيبه هو لما يكون قادر يبعتلك هيبعتلك.

⚠️ لو حد هينزّل دروب، يا ريت يتأكد ان اللي هينزله ده يكون بيشتغل علشان ميضايقش زمايله اللي معاه ع الشفت.

⚠️ انت في الاول وفي الاخر منزل الدروب علشان خاطر زمايلك اللي معاك ع الشفت ميشيلوش الشغل لوحدهم، لكن النواب كدة كدة معهمش جدولكم.
- لو فيه امضا زي الاستقبال، بينزل ولد مكان ولد وبنت مكان بنت.

- رجاء شخصي مني يعني، اللي عايز ينزّل دروب ينزله قبلها بفترة، بلاش حتة دروب "دلوقتي" ، "حالا"، "حد يكون في الميري"، "دلوقتتتتتت" وكل الكلام ده، انا عارف طبعا انه وارد يكون الواحد نازل الشفت وحصله ظرف دلوقتي فمضطر ينزّل الدروب دلوقتي، تمام .

- لكن لو فيه فرصة انك تنزل الدروب قبلها بيوم او بكام ساعة حتى يكون أفضل.

- برضه حاجة ذوقية، انه اللي عايز ينزّل دروب، ينزله ع الجروب الصغير بتاعه الاول قبل ما ينزّله ع الجروب الكبير خالص اللي فيه الدفعة كلها. منها انت بتضمن ان الشخص اللي نازل هيبقى معاك كدة كدة وبالتالي النايب مش هيعرف انك منزل دروب، ومنها انك احترمت زمايلك وعرضت عليهم الاول حد منهم ياخده، وقدرتهم وعرفتهم بالمرة انك مش جاي ومنزل دروب، بدل ما تنزل دروب ويتأخر مثلا ويقعدوا يدوروا عليك وتليفونك يبقى مفهوش شبكة والحوارات دي.

- برضه وانت منزّل دروب اتأكد انه بتاع شغل ، مش هينزل يرمي الشغل على زمايلك اللي في الشفت. أكيد طبعا انت لما تيجي تنزل حد مش هتعرف تقيم الحتة دي، بس ع الاقل قول لزمايلك بعد الشفت ها ايه الاخبار؟ الراجل كويس واشتغل والا ايه، بحيث لو قالولك انه مشتغلش او زوغ كتير وما الى ذلك تعمل حسابك متنزلوش تاني.

- الدروب بيقعد لاخر الشفت، يعني لو النايب قال حد يروح وحد يقعد، الدروب هو اللي بيقعد.

- مش معنى ان حد نازل دروب يبقى يشتغل اكتر من اللي ع الشفت اساسي، الشغل يتقسم عليكم بعدل ربنا. ولو اللي ع الشفت اساسي خدوا ريست الدروب كمان ياخد ريست زيه زيهم.

برضه هتلاقي ناس بتشيل شفتين مع بعض في نفس الوقت، انا مش ضد الموضوع provided انه الشخص هيسد في ال ٢، لو تمام ومش هيقصر في الشغل وهيشتغل زي باقي الناس اللي معاه ع الشفت اوكي، لكن لو زوغ في واحد او مشتغلش كدة حرام وزمايله اللي ع الشفت اللي زوغ منه هيبقوا متضايقين طبعا وهيشيلوا الشغل لوحدهم.

هل فيه حاجات تانية بتنزل دروب؟

- اه، زي الامضا في النسا، و المحاضرات واللوج بوك وبرضه ليهم تسعيرة اتفقوا عليها كلكم.

هل ممكن انزل الشهر كله او الشهرين دروب ؟
اه بس ساعتها التسعيرة هتختلف، لو الشهر فيه شفتات ياما وحسبتها لقيتها ان انت لما تنزله فرداني شفت شفت هيبقى فرق بسيط، ممكن ساعتها يبقى ع المرتب. أما لو كانت الشفتات عددها قليل هتحاسب على عدد الشفتات، واللي ينزل الشهر برضه ممكن يتفق مع اللي هينزل على اللوج بوك يعملهوله. أهم حاجة أهم حاجة انك تتفق مع اللي نازل قبل أي حاجة علشان ميحصلش مشاكل بعد كدة.

Done
كل الداتا الخاصه بالامتياز موجوده هنا
وهيتم تحديثها اول بأول ان شاء الله .
https://t.me/Medicine_way_bot?start=mb1024

كل اللي فات كان كلام عام عن طبيعة الامتياز واستغلال الامتياز وكل ذلك
ندخل بقا ع الاسبشيالات نفسها
نبدأ بحاجة لطيفة وهي الأطفال
=====================
✳️ ده راوند خفيف من حيث عدد الشفتات، يعني اكتر واحد هياخد ٦ او ٧ شفتات في الشهر، وده اللي جروبه يعني ناقص اقل من زمايله.
انتوا بتتوزعوا ع العمارة ، الاقسام اللي موجودة: كارديو وريسبايراتوري، وغدد، و GIT .....

✳️ وبعدين جوة القسم الواحد بتتقسموا A B C
هتكلموا النايب علشان تعرفوا هما عايزين كام واحد في اللونج وكام في النايت وهيقولكم على النظام بحيث ان كل يوم يبقى فيه ناس من جروب ع اللونج، وناس م الجروب التاني ع النايت، والتالت اوف، وهكذا بقى بتبدلوا مع بعض

✳️ الشفتات لونج ونايت فقط، ولو انت هيماتولوجي بيبقى فيه شفتات عيادة مورنينج
الكارديو والريسبايراتوري احلى اقسام، لونجاتهم مبتقعدش للاخر وكذلك النايت، بس ده على دفعتنا خلي بالك لان مود كل قسم بيتغير من وقت للتاني على حسب النواب الموجودين.

✳️ الشغل في العنبر بيور ديرتي ، بتودي تحاليل بتجيب تحاليل، اشعات بقى بالهبل، وفيتلة كتير،، ،،
الاستقبال، كل قسم بيبقى ليه يوم استقبال في الاسبوع، بتعرفوه من النايب لما تسألوه ع النظام علشان تعملوا الجدول، شفتات الاستقبال بتبقى اتقل م العنبر، برضه بوست الاستقبال تقيل، اللي هو اليوم اللي بعد يوم الاستقبال، بيبقى فيهAdmissions ياما م اليوم اللي قبله غالبا وده اللي بيخلى الشغل تقيل. انا بقولكم النقطة ده علشان وانتوا بتعملوا الجدول تبقوا عارفين اللي واخد شفتين استقبال مثلا يتشال من عليه شفت عنبر علشان ميبقاش فيه ظلم.

✳️ للاسف بقى فيه شفتات NICU ، كل اسبوع بياخدوا واحد من كل جروب من كل قسم يعملوا بيهم جروب، الجروب ده بيبقى عنده شفتات نيكيو من اليوم الفلاني لليوم الفلاني.

✳️ طب الناس دي بتتاخد ازاي؟
بترتيب الكشف، يعني لما الكشوفات تنزل اول ٨ في الكشف يعملوا حسابهم ان ليهم شفتات نيكيو خلال الشهرين بتوع الاطفال كل اسبوع واحد بيروح، وباقي زمايلهم في الكشف مالهمش.

✳️ مش هكذب عليكم، شفتات النيكيو هي اتقل شفتات في الامتياز بامتياز. هو شفت لونج او نايت عادي من ٨ ل ٨، بس الشغل فيه مبيهداش سواء في اللونج بتبقوا ٣ او ٢ في النايت. انا بقولكم كدة علشان تبقوا عارفين من قبل ما تروحوا وتعملوا حسابكم.

✳️ بتشتغلوا في النورمال تحت اللي هي طرقة الولادة، بيبقى فيه نواب مبتسرين بيستقبلوا الطفل بعد الولادة قاعدين تحت، كذلك في الCS فوق في الدور التاني، ووحدة المبتسرين نفسها في الدور الاول ع اليمين اخر الطرقة، فيها وحدات أ والاكستنشن والدرس و د، ميهمكش هتسأل عليهم اما تروح وهتعرف اماكنهم.

✳️ انتوا بتعملوا جروب والنواب اللي شغالة كلها بتدخل عليه، ولما بيعوزوا حاجة بيكتبوا عالجروب حد يطلعلهم، الشغل كله تحاليل تتودى او تتجاب، تجيب رضعات، سناسر.... بيور ديرتي.

✳️ للاسف مفيش مكان تقعدوا فيه، اللي كان بيبقى عنده نيكيو، لو ، لو عنده وقت فاضي بيقعد مع زمايله تحت في الاوضة بتاعة الامتياز اللي في طرقة الولادة.

✳️ طبعا بما ان شفتات النيكيو دي اتقل شفتات، فبتتعامل زي الاستقبال، يعني اللي بياخد شفتين نيكيو الشهر ده يتشال من عليه شفتين الاستقبال بتوع الشهر.

✳️ فيه شفتات رضاعة طبيعية كمان اتضافت مؤخرا، بس للاسف معنديش معلومات عنها لان الجروب بتاعي ماخدهاش.

🔗 طب اتعلم ازاي في الاطفال.
للاسف الاطفال هي اقل الراوندات تعليما، كلها بيور ديرتي زي ما اتفقنا،، لكن في النص ساعات بتحصل حاجات كويسة.
المرور ممكن تمر معاهم الصبح في العنبر تسمعلك كام كلمه، لكن من رأيي ده مش أحسن حاجة تعملها.

✳️ ساعات فيه نواب في بعض الاقسام بيقعدوا بعد المرور الصبح او بالليل مع الجناير يشرحولهم، ده ممكن تستفاد منه.
فيه نواب بيعملوا جروب واتس اب يشرحوا فيه، ده حلو برضه.

✳️ هتتعلم اختبار حساسية الalbumin وانت في العنبر هتعمله كتير. وهتشوف العيال اللي بيبقوا محطوطين في العناية المتوسطة وعينك تلقط امتى الولد يكون critical وامتى يكون stable
( كل دور بيبقى فيه اوضه اسمها عناية متوسطة دي من اسمها كدة مهياش عادية زي العنبر ومهياش intensive اوي زي العناية، الاوضة دي اللي لو فيها حالات عندكوا هي دي اللي بتقعدوا جمبها بالليل تفيتلوها وتobserve )

خد بالك بس وبالتوفيق ❤️

الفايدة الاكبر ع الاطلاق هي في الاستقبال تحت سواء في الin او في ال out.

بس زي ما قتلتكم غالبا مش هتعرف تتعلم م الاستقبال لو انت ع الشفت علشان خاطر الشغل اللي بيبقى مطلوب منك.

فلو عايز تتعلم بتنزل فولنتير . هتعرف مين السنيور اللي موجود في الاستقبال واقعد جمبه اتعلم منه، الاطفال فيها حاجات كتير تتعلمها بمجرد قاعدتك في الاستقبال، كمان الشاطبي الريت فيها فظيع جدا، بييجي فيها كل الحاجات النادرة اللي كنا بنشوفها في الكتب نظرا لانها بتستقبل اربع محافظات، ودي حاجة جميلة جدا هتخليك تشوف كل حاجة

الي حابب ينضم لتيم الخرجين الخاص ب MW
يبعت رساله هنا
@medicineway_admin

1 - Appendicitis & Renal Colic& Cholecystitis.mp4

Quality : 🎬 480p

2 - Acute Pancreatitis & Intestinal Obstruction (IO).mp4

Quality : 🎬 480p

3 - Hematemesism & Melena & Abg & Vbg.mp4

Quality : 🎬 480p

4 - Ischemic Stroke & Hyperglycemia & Hypoglycemic Coma.mp4

Quality : 🎬 480p

5 - Gastroenteritis & Gastritis & GERD & IBS.mp4

Quality : 🎬 480p

6 - Pneumonia & Pneumothorax.mp4

Quality : 🎬 480p

7 - BA & COPD.mp4

Quality : 🎬 480p

8 - Hypersensitivity & Hypertension & Hypotension.mp4

Quality : 🎬 480p

9 - History taking & MI & PE.mp4

Quality : 🎬 480p

خصوا إخوانكم في غزة بالدعاء، فلمّا ينقطع عنهم عدوان الكافرين، فلا تغفُلوا عنهم في ساعات الإجابة.
ولا تستقلُّنَّ الدعاء، فالدعاء سلاح المؤمن وعدو البلاء ونور السماوات والأرض.

نتكلم عن راوند النسا 👩‍🍼

- انتوا بعد ما بتتقسموا كدفعة ٦ جروبات، الجروب بتاعكم زي ما قلنا بيبقى عارف هو هيبدأ بايه والشهرين اللي بعدهم عنده ايه وهكذا لغاية اخر الامتياز.

- في النسا فيه ٦ وحدات، بتتقسموا على ال ٦ وحدات دول، وجوة كل وحدة بترجعوا تتقسموا تاني جروبات أصغر من A ل F

- مثال
انا جروب ٢ ، ده الجروب الكبير الخالص
بعدين عرفت اني هبدأ نسا، اتوزعت على وحدة ٣ جروب F يبقى انا كدة جروبي 3F والجروب بيبقى فيه في المتوسط ٦، لو اقل من كدة اطلبوا من استاذ جودة يجيبلكم حد من الوافدين علشان تعرفوا تقسموا الشفتات عليكم. كدة معناها انه جروب x هيبقى فيه ٣ وجروب y هيبقى فيه 3 .

- التقسيمة والجدول غالبا بينزلوا اول يوم في مارس، وبعد كدة بتنزل ليلتها الفجر 😂 واللي بتبعتهم دكتورة أميرة بدوي رئيسة القسم. وهتعملكم جروب تليجرام كبير للنسا وواحد تاني لبنك الدم. ونواب الكلينيكال باثولوجي هيعملوا جروب تاني واتس تسألوهم عليه.

( على أيامنا كان فيه نظام x و y بمعني ان جروبكم الصغير خالص وليكن عدده ٦ ،اول ٣ منكم هيبقوا جروب x وال٣ التانيين هيبقوا y, وبتحضروا اسبوع واسبوع، يعني اسبوع ينزل x واللي بعده y واللي بعده x وهكذا)

🔗 نظام الحضور بقى:
الجدول فيه كذا حاجة : المرور او العنبر ده فيه حضور عبارة عن مورنينج في الوحدة اللي انت فيها بتيجي فيه بدري شوية على ٨ والا حاجة، وتمضي عند السكرتيرة، بعدها النواب بقى بيبعتوك مشاوير، وساعات بيبقى فيه للاسف مشاوير للميري.

🎯 عامة شغل النسا خفيف اصلا، والشهرين دول يعتبروا دلع يعني، قبل ما يطبق نظام الx وال y ده كان الحضور مقرف وكل يوم تقريبا تيجي تمضي، فكان الناس بتاخدها في الصحة وتريح دماغها م الاول.

- الطرقة، النواب بيبقوا عايزين ٢ من الجروب اللي عنده بوست بارتم، و٢من اللي عنده حوادث، و ٢ عمليات حوادث ده سواء لونج او نايت بحيث يكون الاجمالي في الطرقة ٦، ال ٦ دول بيشيلوا الشغل في اي حته، سواء تحت او فوق في العمليات، او حتى لو طلبوا حد في الليستة، وده باتفاق الجروب كله.

- فلنفترض انه جروب 3F x عنده عمليات حوادث النهاردة لونج، ده معناه ان ال٣ هييجوا يمضوا عند السكرتيرةفي الوحدة بتاعتهم عادي، ٢ منهم هيكملوا الشفت وواحد يروح ، الشفت من ٨ ل ٨، النايت نفس الحكاية بس مبيبقاش فيه امضا.
الشغل في الطرقة كله غالبا دم، بتجيب دم، او بتجيب صفايح، ساعات بيطلبوا حد في للعمليات

خلصنا نسا وأطفال
نتكلم بقا عن التخصص الذي يحبه المعظم .. الباطنه🧑‍⚕
--------------------------------
🎯 شهرين الباطنة شغلهم وسط، لا هما خفاف ولا هما تقال، هما بس يمكن شغلهم مقرف شوية علشان الdressing والحالات اللي بتبقى محجوزة بتبقى تعبانة، وحاجة بؤس شوية، لكن عموما الدنيا مش سيئة للدرجة.

☘ الشفتات لونج ونايت ومورنينج
هتتوزعوا على عمارة الباطنة ، كل مجموعة في قسم، والشهر التاني بتبدلوا مع قسم انتوا عارفينه مسبقا

☘ يعني الانودكراين و الGIT بيبدلوا مع بعض
الرينال و الجيرياتريك بيبدلوا مع بعض
الكبد و الروماتولوجي بيبدلوا مع بعض
السكر و الدم بيبدلوا مع بعض

🎯 عدد الشفتات في حدود ١٠ في المتوسط
- الاقسام بتختلف بس فيه اقسام ممكن تروح الناس في الونج على ٦ او ٧ وفي النايت واحد يبات وواحد يمشي.
كان على دفعتنا الاندوكراين والGIT الطف الاقسام، لكن الموضوع ده مش ثابت زي ما اتفقنا، لان جم في شهر وغلسوا عليهم في الGIT فمفيش قاعدة ثابتة.

- فيه يوم طوارئ كل اسبوع للقسم بتاعك، بيحتاجوا فيه واحد لونج وواحد نايت، ده مفهوش مرواح.

🔗 طبيعة الشغل ايه؟
سحوبات ABG وتحاليل وحجز أشعة وايكو وغيارات ECG وفيتلة..الشغل العادي يعني.

☘ يوم الطوارئ انت وحظك، ممكن الدنيا تبقى هادية اوي وتقعد طول الشفت مبتعملش غير الكام حاجة البساط بتوع الصبح، لان النايب الي بيستلم الصبح بيعمل شوية حاجات كدة كروتين يعني، قياس ضغط تحاليل , abg كدة يعني.
بعدين باقي الشفت بقى انت وحظك زي ما قلتلك.

🔗 طب اتعلم ازاي في الباطنة؟
برضه للاسف التعليم مش أحسن حاجة ، ممكن تمر معاهم الصبح، هتستفيد شوية.
ممكن النايب يكون كويس ويشرحلك.

☘ ممكن انت كل شفت كدة، تاخد تذكرة من التذاكر وتقرأها شوية وتشوف خط سير العيان ده من ساعة ما دخل الطوارى مثلا وبعدين اتحول عنبر لحد النهاردة.

☘ طبعا اكيد مش هتبقى فاهم أي حاجة، اسأل نايب يكون كويس كدة وبياخد ويدي معاك، هيفهمك ويشرحلك الحالة، وممكن يستفيض معاك في الشرح كمان لو موراهوش شغل.

🎯 انزل العيادة بتاعة القسم اللي انت فيه برضه وشوف ايه طبيعة الشغل هناك، العلاجات واساميها، اقرا اشعات، شوف العيان نفسه شكله ايه وعامل ازاي، حتى لو النايب اللي في العيادة مشرحلكش، انت هتستفيد من ملاحظتك.

☘ في الطوارئ العيان ممكن يبقى قاعد كتير، لانه طوارئ الباطنة مش زي الاستقبال اللي مينفعش العيان يعدي عليه ٢٤ ساعة فيها، لا هنا عاظي هتلاقي عيانين مقيمين. شوف تذاكرهم كدة واسأل النايب لما ييجي يمر عليهم الصبح برضه هتعرف شوية معلومات.

نتكلم عن الراوند الرابع بقا
🚨 الاستقبال 🚑

🏵 ده من الشهور المتعبة الممتعة اللي هتتعلموا فيها كتير.
- انتوا بتتقسموا نصين، نصكوا بياخد تخدير ونصكم بياخد استقبال، وبعدين بتبدلوا الشهر التاني مع بعض
كان على دفعتنا لو ترتيبك قبل ال ٦٠٠ يبقى انت هتبدأ استقبال، ولو بعد ال ٦٠٠ هتبدا تخدير

🏵 التقسيمة بتنزل يوم ١ الفجر 😂 اه الفجر، بتقعدوا للاسف سهرانين علشان تعرفوا انتوا نازلين بكرة الصبح شفت والا لا
بتتقسموا ازاي ؟؟! 🤔
🏵 بتتقسموا جروبات A & B & C وجوه كل جروب من ال ٣ دول بتتقسموا تاني 1 & 2 & 3 ...... الخ، بحيث ان عددكم في الجروب الصغير بيبقى ٧ او حاجة زي كدة.

🏵 شهر الاستقبال بيبقى متقسم ٣ حاجات، ملاحظات، وريسس ، وترياج
الجدول بينزل معمول جاهز من القسم ، بحيث ان كل جروب بينزل ٢ لونج و ٢ نايت و ٢ أوف (يعني أجازة)

🏵 طب فرضا انا مثلا طلعت جروب A5 هيبقى عندي رسمي في الجدول مثلا
السبت لونج ملاحظة حريم
- الاحد لونج ترياج
- الاتنين نايت ريسس
- التلات نايت توكسو
- الاربع اوف
- الخميس أوف
- وبعدين ترجعوا بقى يوم الجمعة تبدأو من جديد
ده الرسمي
🏵 بينكم وبين بعض بقى هتقسموا، بتخلوا في الترياج والريسس ٤ والملاحظات والتوكسو ٣ ، وايام الاسعاف بتزودوا واحد على كل حاجة علشان الشغل بيبقى اتقل

🏵 ممكن بعد ما تقسموا كدة كل واحد يطلعله حسبة ١٢ شفت في الشهر تقريبا.
للاسف في بعض الجروبات كانوا بيغلسوا عليهم في الحضور وبيقولوا الجروب كله ينزل وكدة، فانتوا هاودوهم بس في الاول وغالبا هما كام يوم وبيخفوا من عليكم وترجعوا تمشوا على تقسيمتكم.
الامضا

للاسف الاستقبال من الحاجات اللي فيها امضا، بمعني انه ال ٤ ايام اللي انت فيهم رسمي لازم تمضيهم عند سكرتيرة الاستقبال بحيث تستوفي النسبة اللي هما ١٨ امضا مثلا. انتوا بتبقوا مقسمين فممكن تنزلوا يومين من ال٤ مثلا ، بس لازم اليومين التانيين تمضي برضه.

🏵 فرجاء يعني كل جروب يساعد بعضه، اللي يبقى عليه الشفت النهاردة يروح بدري شوية الساعة ٧ كدة قبل ما السكرتيرة تيجي ، هيلاقي الدفتر مع العامل فيعرف يمضي للجروب، او لو ملحقتوش تروحوا بدري ولقيتوا السكرتيرة هاتوا حد يمضي من صحابكم لباقي الجروب، بس برضه ساعات للاسف بتغلس وبتقول فين البطاقة.