في محطات في حياتك بتكون فيها العنتيل بتاع البذل داك

وبتكون مستعد تبذل من جديد

وتعمل اي حاجه قصاد تعمل رليشن تاني

بكون عندك حماس اشبه بي حماس البدايات داك

بس الإختلاف انو انت اتعودت خلاص لكن في حاجه جواك بتدفعك تستمر

بتقول ليك اعمل اعمل حاول ياخ، حاول تاني

الحاجه دي مخيفه شديد حتخليك مرتبك وم عارف هل تواصل عشان تأكل مزيد من الخذلان

ولا تعمل حسابك المرة دي

وغالبا الخيار حيكون تحاول مرة تانيه عشان نفسك ضعيفه

ومستهون نفسك وعشان نفسك تعيش حاجه حقيقه

ح اتكلم عن البرود في المشاعر

المواقف البتمر علينا وبالتحديد صدمه، فقد إنسان عزيز، كسر خاطر او ما شابه اي وحده من ديل بندرجو تحت نوع معين من التأثير

ح أبدا بي نقطه كسر الخاطر :
كسر الخاطر د مهما كان ومتين تأثيرا ح يخلي الإنسان يفقد الشغف في الحاجه الهو كان ساعي يعملها.

ح تتحول من إنسان طموح لي ملاك الشفقه

بصيرتك ح تتجه اتجاه انو الناس كلها ما منها مأمن.

النقطه التانيه:
الفقد، ود أصعب نقطه تكون متعود على إنسان، روتين، بلاد او مكان معين وفب الأخير يا يتخلى عنك او تكون مجبور تغير النمط، مبدئيا كدا الموضوع د صعب في الأول وح تتعب كتير عشان تتجاوز وتتخطى الحاصل معاك، لحدي م يجي عوض ربنا .

في نقطه مشتقه من الفقد وهي نتيجه انا حاسس إني مصاب بيها وهي التأثير السلبي من الفقد، يعني بفهم أعمق إني ما قعد اتحسر على فقد الشي !
كيف يعني م عندك مشاعر؟
ليه م كان بعني ليك؟
انت ما إنسان ؟

انا إنسان واي حاجه لكن حصل في واحد جرب يعيش الفقد او الكسر قبل يحصل

بس انا كنت عايش كل حياتي في التفكير في الح يحصل لو حصل كدا

فتلقائي لقيت نفسي لمن تحصل لي المصيبه م قعد اتاثر وانكسر

مقاطع موسيقى صاخبه تعج في عقلي، أود ولو !
..