اللاهوية:

بي حكم انو عندنا عقل وكلنا متساويين في الخلق إلى حد ما، جوانا بكون في شغف

في أحلام، وأماني نفسنا نصل ليها

اتخيل معاي في ناس م عندهم الحاجات دي؟

قادر تتخيل ممكن يكون في إنسان على الأرض دي ماشي زينا وم عندو اي هم لي مستقبل ولا عندو أفكار ولا عندو امل يعمل حاجه

ايوه هامل ساي م عندو اي أهداف م عندو اي خطط مجرد من اي تخطيط لمستقبلو او لحياتو

قادر تتخيل كيف الإنسان د ممكن يعيش وهو م فارقه معاو؟

قادر تتخيل قدر شنو هو م يعني ليو يعني شنو خطط، مستقبل، إنجاز، والحياة عندو مجردة من الروتين أساسا بس زي م تجي تجي

حقيقه انا ممكن اصنف الناس دي لي قسمين:

القسم الأول :
هم أصحاب اللا هويه المجردة من اي مسمى هم الناس الفعلا ماشين ساي من دون اي هدف ولا خطه مدروسه ولا اي أهداف في الحياة دي، عادي ممكن يستغني عن اي حاجه في حياتو لانها م فارقه معاو، ولا بتعني ليو حاجه، وم مستعد يحارب ولا مستعد يخسر ولا مستعد يعمل اي حاجه وم عندو هم من الأساس، النوعيه دي مع أنها أسوء ناس بس هم الممكن تقول عليهم قنعو من الحياة خلاص جربو حاجات كتيرة وسببت ليهم مشاكل وفشلو كتير وفي النهاية اهو استسلمو للأمر وبقت م فارقه معاهم يعني شنو حياة من الأساس؟

القسم التاني:
هم أصحاب الهويات المتعددة، يعني ناس م عندهم هويه وحده، بتلقاو بقابض في اي شئ، وكل حته حاشر فيها روحو، وفي اي مكان لازم تلقاو، حقيقي امكن عشان عندهم شرف المحاولات اندرجو فوق القسم الأول ونالو مرتبة شرف في النهاية، بس أسوء ما فيهم انو الواحد م بتفهمو داير شنو من الحياة، م بعرف مصيرو وين ولا هو مفترض يعمل شنو، عشان كدا بكون مشتت وم لاقي روحو في موضوع معين.
تحديد الهدف دائما بكون مبني على الرغبات، بس الحاجه دي ما ح تقدر تحدد إذا هي المناسبة ليك مالم تجربها، خليك واثق أنو أنت بتقدر تعمل الحاجه طالما هي موجودة جواك لكن م حاسي إنها موجودة جواك في فرق كبير بين انو الحاجه دي بتشبهك وأنك حاسي بيها، وبين أنها موجودة جواك وبتقدر عليها.

بقيت ميقن تماما بي نهاية اي علاقه جديدة، وكأني قعد أشوف النهاية في خط البدايه، قادر اشوف النفاق في بسمات وحلاوة البدايات، اللحظات الصداقه بقت م بتأثر ولا بتحرك فيني حاجه، لقيت انو معظم الوقت البكون بفكر فيو إني أدخل علاقه جديدة او اخلي زول يخش في حياتي عبارة عن استلذاذ او متعه عشان لسه خايف من الماضي فبلتقاني قاعد براي بفكر وبعيش لحظاتي الحلوة مع اي إنسان انا نفسي اكون معاو من دون م احرك ساكن، فالحاجه دي طلعت مجدية شديد وما بخسر فيها قدر البخسرو قصاد علاقات سامه ومجهدة ومتعبه ونهاياتها خسران مبين.

في وقت متأخر من الليل:
الساعة تشير إلى الثانية وخمس دقائق، أشعر بألفه دافئه إلى اللجو لمشاهدة مقلتيك، يتسارع الزمن بخطى متزايدة أشعر وكأن مهدي يتحرك، بينما تتمايل جدران الغرفه ريحه وجيه، بدأ الجو ينذر ببسيمات باردة هل تبعثين لي برساله!

وطن؟

وطن
سريري  الأبيض الدافئ يصدر موسيقى ولحنا يحكي معاناة التعب والإرهاق من يبالي  !
مقتنياتي، خزانتي الصغيرة مالت من شدة الهم، تعبت من ألم رطوبة الجو، معطفي الشتوي أصبح باليا، لكن مازال يعطيني بسخاء.
موطن؟
اتعرفون من خنقته الكلمات خوفا من ان تتحبر على السطور .
يهودي وجد حبيبات رمل فظنها موطن، فراح تائه في الصحراء

سبحان الله لمن اكون داير اتكلم عن موضوع يخطر في بالي تلقائي بلقاو اتطبق على أرض الواقع ولا انا قعد اركز اكتر من اللازم معرفش

المهم: تصيد الأخطاء.

يعني في ناس مهمتهم في الحياة دي يتصيدو اغلاط خلق الله

وحياتهم كلها تكون نكد طبعا هم المنكدين حياتهم بنفسهم

عشان بكونو بترصدو بس وناسين أنهم اتخلقو ليه

يسيد خليك في ورقك وبطل.