ليس بنكد بل بحلو الحديث أصفه، زيديني نكدا.

عزيزتي أنا من خلق لتلقي اللوم عليه، لتجعلي عينيك نصب عينيه وتصرخين أحبك.

أخاف من نصب عينيك وأنتي باسقه أمامي، نظراتك تصيبني برعشه من البرد.

دي وحده من اللحظات القعدة توريني إني i must try very hard to discover why am so far a way from ppl, then why all the the
اtime feel disgusting، even
انو اللحظات البكون فيعا سعيد كلها بتكون وسط الناس بس ليه ما عارف في لحظه كدا الواحد بكون فيها حاسس بي اي حاجه كذب ونفاق، وامكن دي الحاجه الممسخة علي اللحظات الحلوة، الفصله البتجي فجاءة وتخرب ام المتعه، so really it's soo hard equestion

تسلبين عقلي ببراءة عينيك، خذي روحي أن كنتي تريدين، أتخذ مجرى آخر لفرض بضع دقائق لخلق حديث، كل شي أصبح كنسيم وسط واحة تتوسط لهيب الحجيم عينك، عينك هي سر ضغفي وقوتي، لا أقدر على مقاومة نظراتك هي تخيفني وتسبب لي الشعور بالذنب لكن أريد أن أرتوي.

المشكله في الخطط والأحلام، التوقعات، طريقة التفكير، الاستعجال، النمطية المهلكة والبوح بي بوادر شبه النجاح، يعني أنت وصلت بي كلامك قبل أفعالك، الحاجه دي مهلكه شديد، وبتخليك غير قابل للإنجاز وكمان ممكن تقتل الروح المعنوية عندك، وتهد روح العزيمة الهي سبب في سعيك، حاول أتجنب تضع خطط بقدر ما تبني أحلام وتوقعات، المبالغة في الوصول ممكن توصلك لي نتيجة أشبه بالمرضيه بس شويتين ح تنتهي من نفسيتك ومعنوياتك لو مشيت اتكلمت وسوقت لي نجاحك قبل ما تبدأ أول خطوة ليك، لكن في حالة نجاحك ممكن ترضى بالقليل الما كامل ودي أمكن الفائدة الوحيدة في المبالغة .

دي يمكن وحده من الحاجات البتخليك تقيف مع نفسك كم مرة، مرة وأنت ناجح وواصل لي هدفك وتقد تفسر وتبرر انو النجاح د كان بي شي من الصدفه وفيو شويه اجتهاد عشان م تهضم حقك وسعيك في الموضوع، ومرة تانيه لمن تفشل ح تقعد تتحسر يريت م اتكلمت ويريت م سويت ويريت، بس اتزكر في الحالتين دي مشيئه ربنا يعني هو الوقفك او ما كانت متوفق.

الفترة الفاتت الهي قبل سنة وشويه كدا وبي التحديد بدايه دخولي الجامعه، ووحده من الحاجات الفي فكر اي بني آدم أنو أنت داخل مجتمع جديد،  ومجتمع ح يصنعك لقدام يعني دي بدايه حياتك الجديدة المفترض تأسسك كواحد adult يعني، فوحدة من الحاجات الكان نفسي أبدا اتعلمها عشان أكون حريص علي نفسي وما أنجرف وراء اي طريق إني أسمع الداير اسمعو وفي نفس الوقت أفهم الداير افهمو ويعين مشافت لو م دايرة تشوف، هو حرفيا م نفاق مني او استهتار بس سياسه انا شايف إنها محنكه جدا، في سبيل انو الواحد يكون عندو حدود قبل م يكون عندو مبادئ ما يكون حايم مع اي قطيع، فالموضوع في البدايه كان زي الهظار، و كأنو نكته يعني لكن خلال سنه ونص تقريبا الهظار د بقى حاله او روتين، جزء أساسي مني بقيت حرفيا بسمع الكلام البرضيني، وفي نفس الوقت بقراو بي الطريقه الأنا داير أفهم بيها، والكلام د اتجاوز حدود المطلوب، وصل مرحله negative بس إجماليا الموضوع مريح نفسيا ومرضي عقليا، حتصل لدرجة من الرضى بالنفس تقدر تقول حد حب الذات.

أنا في حاجه وحده خلتني أكتب الكلام دا وهي انو أنا فقدت الثقة في اي حاجه جديدة حتخش حياتي، او قديمة وانتهت، وقدرت اتجاوز حلاوة البدايات وكميه اللطافة البتبدا بيها وقوعك في اي فخ، يمكن الحاجه دي بقت لحدا ما، مبتبهرني زي ما كانت، وحاسس بالانتصار، العقبه الوحيدة الح تكون مصدر ازعاج لي هي ماهيه الصادقين النفسهم يكونو وأكون جزء في حياتهم، بداياتهم الح تكون صادقه تماما وحامله كل المعاني والحب الممكن يكون خالص عشان نفسهم في مقابل يكون حقيقي برضو، وفي نفس الوقت بكونو مجتهدين يوصلو كل الأحاسيس الحقيقية، بس من هنا ح تبدأ الحلقة المفرغه في الدوران.

لمن تبقى حقيقي مافي زول حيكون جنبك، ومافي زول جنبك دي ح تلخص اي حاجه ممكن تفكر فيها.

خليك عارف انو النجاح والتفوق م بجي بي الساهل، وخليك عارف تهويل الأمور مبتعمل حاجه غير تبعدك عن طريق النجاح، فخليك متوكل على ربنا .

يبقى من تاه
ويرضى من حرم
.

لنمارس رياضه الجري تحت المطر،
النوم تحت كهوف اللطف، تناول القهوة الدافئة وتمر من فوقنا غيوم سبتمبر، ايقظيني عند مغيب شمس النفاق، حيث لن أجد أحد يلاحق غير هواه، حينها يمكنني القول بأني أريد العودة للماضي، المرء إذا تخونت نفسه لن يعود كمن حرق وردة شبابه،

أنت سلعه !
المزيد من الشكوك تزدان في خاطري، أيقنت حينها أني المشكله وأنا الحل، اصتنع لسانا يحكي حالا لا وجود لها، عالم خارق لا يقبع من الأساس، جوهرية مافي الأمر أن تنصت لآخر حرف يخرج، المزيد من الاطرا يتوغل علي هيئي أشكال من الخيال يمكنها تمثيل مواقف لن تحدث أبدا، أحمل على كاهلي مزيدا من الأيام لم يكفني ألم واحد لأصنع مهربا من كل هذا، كم هو مؤلم أن تترجم شعور الأخرين عليك أن تشعر به أيضا.

فل يكن يارفيقي درسا للأخلاق، ان نفترق في بداية الطريق لكن يكمل كل منا بقلب الأخر، أنت تكمل بقلبك وأنا أكمل بقلبك أيضا فخيار ان نفترق كفيل بأن يجعل مني أصمت من خلق، كيف يمكنني أعانه نفسي وأنا كل ما في الأمر أحب الركض وممارسه التكهن في كهوف السرمديه، خيار يبقى في غايه اللا أمل ان تضع عينيك نصب القدر وتشير بكلتا يديك نحو الحياة مودعا لكل من تشعر ان قلبك مال إليه كل الميل، لا تزرع في جبينك غرسا يمكنه ان يخضر بالضحكات، أسهم الشوق بأمكانها ان تحرق جبين عشيريك بومضة عار، إليك مناي وقليلا من الشوق كبريائي لا يمنحني حقا في التعبير فكل ما يمكنني التصريح به مقيد تحت قانون ان تعتزم البقاء والكثير من اللقياء يكن لك نصيب الأسد.

حقيقي انا مبسوط من نفسي أول حاجه إني ما ضيعت ثقتي في نفسي ولا كنت بعمل في حاجه ممكن اعاقب بيها نفسي واحس بي الذنب عشان كل مرة كنت بقول ياخي والله حيحصل، وحيتعمل كدا وحيخيب ظنك، و... وكل مرة كنت فيها علي حق، حقيقي مبسوط من نفسي شديد عشان أثبت لي نفسي انو مافي حاجه بتستحق تبذل فيها طاقة أكتر من قدرتك، وبطل ترمي ثقتك في اي حد داخل ومارق، كنت بحس وقتها بشويه ذنب مفترض ادي فرص، مفترض أحاول ابذل برضو عشان ما أكون ظالم، بس الشك كان بزاول فكري طوالي، الملامح ما كانت قدر الخيال، الأفعال بتديك تكهن بالنفاق، لكن طيبة الخاطر بتمشيك في الطريق وانت مغمض عينيك، حاولت بقدر الأنا بقدر عليو إني أحافظ علي المثلث الأنا فيو وما اتأثر بفعل، بس بمشي وبجي لي نفس النقطة انو مافي ضمان حقيقي، حاول أستمتع بي اللحظات من دون تفكير، اصنع زكريات من دون أماكن او شخصيات اتزكر اللحظات الحلوة بس.

من دون دخول في الموضوع :
دي محاولات فاشلة عمرها ما ح تنجح تهز عرش الثقة الملتفه جواك، واصل من دون التفات، خليك واثق انو النجاح بي توفيق من ربنا وبي يدك انت، فعشان كدا صمودك بيعني وصلوك.

بتعرفو إحساس الأمان
البجيك وانت ماشي مع أحدهم ؟

Ppl become more brighten when they are closest to me.;)

تواسي جراحي بطلة تبعث في نفسي روحا من جديد، تربت علي كتفي وكأن جسرا من الدفء ربط على كاهلي، لم أشعر بالوجود إلا وهي لصيقة وجداني،  تحاكي كل المشاهد إيجابية الحضور الدافئ أكاد أجزم إنها خلقت لتطيب خاطري وتسعد كياني، تتورد سعادتي، يفوح المكان بهجة وهي بخاطري، علمتني المضي قدما دون الالتفات لكونها لصيقة كتفي، لم تعر إهتماما لغير موضعي، تخالها خلقت لتكمل يقيني، صدقي، مودتي، إي كان فهي زمردة علمتني كيف يمكن ان يكون المرء  حالما، يضع حلولا، يصنع فرقا وهو بين اليقظة والمنام، وضعت حروفا ونقاط يمكن لكل من ضاق به الطريق ان يرى توهجها فيضيع مرة ثانية، أين الطريق إلى عقلي فقلبي بين يديها ويأكاد الظن ان يجعلني مؤمنا بأسهم نظراتها فاتوه ثالثا، هي مؤقد إذا أقتربت منه فقدت المنطق فيصبح العالم بقعة داكنة يشوبها من تبقى على قيد الحياة يحاول جاهدا النجاة من سهام عينيها، تعطيك الحياة بزفيرها  وتصنع لك ثوبا آخر يحلوه بريق دافئ.

اللاهوية: