حجي فاجئتنا حقيقةً

يعني شلون اذا اجتك طلقه براسك من اليمنى لازم تفتر حتى تجيك بعد طلقة باليسرة مدافهم السيد شيحاول يوصللنه، شوف قداوي حبيبي اكل دهين من هذا مال ابو علي الشهير واشرب وراه لبن وروح نام عوف التويتر بحاله.

كم من صديق شهيد، وكم من شهيد كان يمكن ان يصبح صديق

بمثل هيچ يوم قبل سنة عديمي الشرف والأخلاق والأنسانية اغتالوا سارة وحسين بعد عودتهم من مظاهرات سلمية في البصرة..💔

هذا الكائن نائب بالبرلمان و مشرع قوانين..
تخيلوا ننتظر منه و من أمثالة تشريع قانون العنف الاسري !

هذا المخلوق الصدري اذا شفته بالتحرير واجه ضربك بدون سبب لا تقاومه وانطيه خدك الثاني حتى ما تصير فتنة بينكم.

من ذكريات ثورة تشرين، لقاء أدهم عادل مع قناة الشرقية..

"4\10" في مثل هذا اليوم قبل سنة سرق الجبناء من العراق 36 شاب من ابنائه الذين لم تتعدى مطالبهم الحياة الكريمة ومستقبل زاهر لهم و لوطنهم،
الرحمة و الخلود لشهدائنا و العار لمن قتلهم او برر لقتلهم او من بقيَ ساكتاً عن دمائهم.

كل هذا و لحد الآن الأغلبية ضد إقرار قانون العنف الأُسري ! و هواي اشوف ناس يسخفون الي يطالبون بهالقانون الي هو يعتبر حق بسيط من حقوق الإنسان الطبيعية...

صديقي مرة سولفلي، يگول
"بمنطقتي چان اكو واحد ساكن بيها دائماً يعنف بناته و يكتلهن كل مره اسمع صوت العياط بالليل، مرة امهن دگت بابنه تتوسل و تگول بس تعال خلصهن راح يموتهن، رحت ركض لگيته يدفر بنص بطنهن وخرته عنهن بعدين التمو عليه هو و ولده و رادو يضربوني گوه فلتت وشكاوي اسبوع يلا فضت و جيب عمامك ودايس حرمة بيتي و فروها عليه تالي شلت من المنطقه من وراه لأن ما أتحمل اسمع صوتهن".
كل هذا و حضرة جنابك لحد الآن ضد تشريع قانون العنف الأُسري ؟

الوباء يطبلك منين ؟
يطبلك من كل مكان سيد..

الشرطة المجتمعية تتوصل لفتاة هربت مع حبيبها إلى بغداد و تزوجوا عن طريق لعبة "ببجي".

تحياتي

زورونا في المعهد العلمي لتحليل الDNA في الحنانة مركز الكون

تطورات جديدة،
مفاوضات مطولة بين رئيس الجمهورية و السفير الاميركي و بلاسخارت و أحد قادة الفصائل، المفاوضات كانت لغرض الهدنة و التهدئة، إطلاق صواريخ البارحة أرسل رسالة مفادها "لا مفاوضات ولا هدنة"، بعدها حدث اجتماع بين السفير الاميركي و برهم صالح، السفير الاميركي أعطى لبرهم صالح اسماء جميع الفصائل المتورطة بالقصف و أخبر برهم "قرار نقل السفارة لاربيل بيد ترمب"، بعد انتهاء اجتماع برهم صالح بالسفير الاميركي، اتصل برهم بقادة الفصائل و أبلغهم بأسماء الفصائل و القيادات المتهمة بالقصف (كتحذير لهم).. و زيارة بلاسخارت للخال لم تقدم أو تؤخر شيء.

كلٌما عمّق الحزن حفرَةً في كينونتك ازدادت قُدرتك على احتواء فَرح أكثر.
- جبران خليل جبران

الشباب المتظاهرين مو ارهابيين ولا مسلحين ولا مهددين الامن المجتمعي، ماكو اي مبرر لقمعهم بالعصي الكهربائية والتواثي..
من يؤيد هذه الأفعال لا يقل اجراماً عن السلطة..

بس بالعراق، حتى الجوكر "الي هو مجرد شخصية خيالية من DC" عندة موكب و جماعة يستخدمون قوتهم البدنية حتى يدخلون للحسين

باچر نتائج السادس، يا ريت حضرة جناب الفكاهيين يبتعدون عن النكت "بيتي مفتوح لطلبة السادس" أو " ارتفاع بسعر الصوندات" لان بايخة شوفوا غيرها

هاشتاگ
#مقتدى_العار_يهدد_الثوار
صار الأول على تويتر، طشوه

انت ابو صماخ هي سيرفرات موقع النتائج ضعيفة كلش و ما تتحمل يطبلها ٣ اشخاص بنفس الوقت لذلك اطلع من الموقع اول ما تشوف نتيجتك لا تلطش وتسوي لود عليه بس علمود تشوف نتيجة گرايبك و تخابرهم تتشمت بيهم خلي الطلاب تشوف نتائجها