السلام عليكم ورحمة الله وبركاته
بدايةً..
ألف مبارك النجاح، ويعطيكم ألف عافية.
تعبتوا جداً خلال السنة وإن شاء الله النتيجة تكون جبرت قلبكم.

ثانياً..
بالنسبة لأي اختصاص تقني (هندسة المعلوماتية، هندسة الحواسيب، معاهد تقانية، اتصالات وميكانيك) ولأي شخص بيحب تعلم البرمجة:
فريق Pixel Programming رح يرافقكم برحلة برمجية جميلة.

رح نبدأ بالأساسيات بعدها نبلش بأول لغة برمجة رح نتعلمها يلي هي (++C).
قريباً بتعرفوا التفاصيل😁🔥

ثالثاً..
من أهم المهارات الموجودة بالعصر الحالي، هي التعلم الذاتي.
الطلاب اللي بيتعلموا ذاتياً ويعتمدوا على حالهم بيكون عندهم قدرة أكبر على تعلم الأمور الجديدة بسهولة وبإحدى الدراسات استيعاب المعلومات والتمكن منها بيوصل لـ60% مقارنةً بـ8-10% فقط بالتعلم التقليدي، إضافةً لاستمرارهم بالتعلم ومواكبة التطورات.
وبشكل خاص، منلاحظ أهمية هالمهارة بالمجال التقني والبرمجة اللي بيحتل المركز الأول كأكتر مجال في كورسات اونلاين عنه.

لهيك نحن رح نحاول نساعدكم بهي الرحلة قدر الإمكان لتكتسبوا هي المهارة، ونعمل على أن التعلم يكون ممتع وبعيد عن الملل والتكرار، مع تسليط الضوء على الأخطاء الشائعة يلي ممكن توقعوا فيها لتتفادوها وتختصروا الكثير من الوقت والجهد.

قبل ما نبدأ بالبرمجة أكيد عندكم كم سؤال ببالكم.

📍 أولاً: ما هي البرمجة؟
← ببساطة، البرمجة هي إعطاء مجموعة من التعليمات للحاسوب لتنفيذها.
• يعني البرمجة مثل الطبخة:
- الوصفة يلي عم تطبقها هي بمثابة الكود يلي بتكتبه.
- والشخص يلي عم يطبق الوصفة هو الحاسوب يلي عم ينفذ الكود.
كل ما كانت وصفتك مميزة كل ما كان شغلك أروع😁🔥

📍ثانياً: هل البرمجة هو كود منكتبه فقط؟
← لا، الكود هو "الوسيط اللغوي" للترجمة فقط، بينما البرمجة أكبر من هيك
هي منظومة فكرية وهندسية متكاملة لحل المشكلات👀

📍 ثالثاً: ما هو الكود؟
← الكود عبارة عن سلسلة من التعليمات التي يكتبها المبرمج ليقول للجهاز شو لازم يعمل
• أنت كمبرمج شو أول خطوة رح تساويها؟
- تخطط لكل شيء بدقة (تحليل المشكلة، وضع خوارزمية،...) وبعدها تبدأ بكتابة الكود.

📍رابعاً: بيلزمنا الـ AI خلال مسيرتنا بالتعلم؟
← لا، لأن إذا اعتمدنا عال AI ما لح تقدر تطور تفكيرك وطريقة حلّك للمشكلات
← إجابات الذكاء الاصطناعي بدها تدقيق، وإذا ما كنا خبيرين ما رح نفرّق بين الكود الجيد والسيئ.

وأخيراً
عند تعلم مهارة جديدة رح تواجه عقبات وتحديات كثيرة، لهيك نحن موجودين لنساعدك تتجنبها بالصورة الصحيحة.❤️‍🔥

1k 👀❤️‍🔥

السلام عليكم ورحمة الله

خطّة دراسة أساسيّات البرمجة

• تبدأ الخطة يوم السبت 22/8/2026.

• لا يشترط البدء في الموعد أو الالتزام بالأوقات المحددة ضمن الخطّة ولكن ننصح باتّباع التّسلسل لتسهيل الدّراسة وتحصيل المعلومات بشكل تراكمي.

• تنويه:
- يُقسم الأسبوع:
1. السبت والأحد والاثنين: قاعدة.
2. الثلاثاء والأربعاء والخميس: قاعدة مختلفة.
3. الجمعة: مراجعة.
- وخلال الأسبوع ستُنشر أسئلة متعلّقة بالقواعد بشكل مستمر.

𝑷𝒊𝒙𝒆𝒍 𝑷𝒓𝒐𝒈𝒓𝒂𝒎𝒎𝒊𝒏𝒈

الدرس الأول (Binary and decimal system) ❤️‍🔥

الملف يحوي على :
📌 مقدمة عن أنظمة العد
📌 النظام العشري
📌 النظام الثنائي
📌 التحويلات بين النظام الثنائي والعشري
📌 طريقة تمثيل الأعداد السالبة
📌 بعض المفاهيم المهمة

حيكون في كويزات وأمثلة ناقشونا فيهم عالمناقشة 🔥❤️

شرح الحل :

المطلوب هوي تحويل الرقم 10 من النظام العشري للنظام الثنائي
فأول شي شو منعمل ؟
منقسم 10 ع 2 ومناخد باقي القسمة
10÷2=5
←باقي القسمة 0

تمام وبعدين شو منساوي ؟ 
مناخد ناتج القسمة 5 ومنرجع منقسمه ع 2
5÷2=2
←باقي القسمة 1

منرجع مناخد ال2 ومنقسمها ع  2
2÷2=1
←باقي القسمة 0

مناخد 1 ومنقسمها ع 2
1÷2=0
←باقي القسمة 1

ما دام وصلنا للصفر فمنوقف
هلق منرجع منكتب البواقي اللي طلعو معنا
0
1
0
1
ومنكتبن من تحت لفوق فبصير 1010 هوي الجواب الصح

✅ شرح الحل

عندما نقول 4 بت في نظام الإشارة والقيمة ، يجب أن نأخذ بعين الاعتبار أن هناك 3 بتات للقيمة والبت الأيسر الأخير للإشارة (sign bit)

لذلك يوجد فعليا 3 بتات للقيمة
سأشرح أيضا طريقة حساب المدى
نعلم أن اصغر قيمة مطلقة ممكنة يمكن تمثيلها هي 0 ، ولحساب أكبر قيمة ، نملأ جميع الخانات بـ 1 ، أي :

(111)₂ = 1 + 2 + 4 = (7)₁₀
(يمكن إيجاد صيغة عامة من قانون مجموع حدود متتالية هندسية)
وبما أن البت الأخير للإشارة ، نستنتج أن المدى من -7 إلى 7 ، وكل ما خرج عن هذه الحدود هو خيار خاطئ (مثل -8)

في ملف الدرس السابق ، قلنا من عيوب هذه الطريقة هو وجود تمثيلين مختلفين للصفر ، لأن الصفر بثلاث بتات كقيمة هو 000 والبت الأيسر الأخير يمكن أن يأخذ 1 (كأشارة سالبة) و 0 (كإشارة موجبة) ، لذلك 0000 هو صفر موجب ويوجد تمثيلين للصفر

وتبقى خيار وحيد صحيح ، وهو أن أكبر عدد عشري موجب يمكن تمثيله هو 7 وهو الصحيح

شرح السؤال :
بدنا نحول الرقم
00011110
للنظام العشري
منلاحظ انو اخر 3 صفار زيادة  فما حيأثروا عالجواب

فأول شي لازم نرقم الخانات
0 0 0 1 1 1 1 0
7 6 5 4 3 2 1 0
وبعدها منجمع
2^(ترقيم الخانة)×الخانة
0×2⁰+1×2¹+1×2²+1×2³+1×2⁴
= 2+4+8+16=30
ف 30 هوي الجواب الصح

شرح السؤال :
للوهلة الأولى قد يبدو السؤال صعبا ويحتاج للوقت اذا فكرت بالطريقة العادية للتحويل
نلاحظ ان الخانة الاولى للعدد هي 0 مما يعني ان باقي قسمة العدد على 2 هو 0
يعني ان العدد زوجي فنختار الخيار الزوجي
225070
ونستبعد الخيارات الفردية

✅ شرح الحل

ارى أن هناك مشاكل في تمثيل الأعداد السالبة لأن أغلبكم يخطئ لذا سأشرح أكثر .

لتمثيل الأعداد السالبة بالنظام الثنائي ، لا يمكن أن نضيف اشارة - بجانب العدد ، لأن الكمبيوتر لا يعرف إلا لغة الـ 1 والـ 0 ، لهذا السبب، قدّم المهندسون 3 طرق ، الطريقة الأولى أن نعتبر 0 موجب والـ 1 سالب ، لذا بدل اشارة - على يسار العدد ، نضع 0,1 في بت منفصل على يسار العدد يعبر عن اشارته فقط .

الطريقة الثانية هي موضوع هذا التمرين ، بدل وضع بت منفصل يعبر القيمة ، نعتبر اشارة - أنها تعكس الرقم بأكمله ، لذلك نبدل 0 بـ 1 والعكس ...

في المثال , رقم 3 الموجب بالثنائي هو 0011 ، نبدل الـ 1 و 0 ، ليصبح 1100

وهو الجواب الصحيح

السلام عليكم

اختبار شامل على النظام الثنائي❤️‍🔥

#كويزات_برمجة