المفاجأة الثانية لهذا اليوم لطلاب البكالوريا وخصوصاً طلاب الإلكتروني وطلاب بكسل خصوصاً .. 💫✨

منصة هادِف جمعتلك كلشي بمكان واحد! 📚

المنصة هي عبارة عن تطبيق مخصص للكتب، يحتوي على جميع أنواع الكتب، والنوط، والملفات الدراسية والأدبية في مكان واحد .. يعني مكتبة الكترونية متنقلة

📌 كطالب ببكسل شو بتقدر تستفاد من هالحكي؟

1. كل نوط فريق بكسل موجودة على التطبيق الكترونياً وبشكل مجاني

2. يمكنك طلب النوط الورقية مباشرة من التطبيق مع إمكانية الاستلام في جميع المحافظات

3. صار عندك كل نوط وملفات وفيديوهات بكسل بمكان واحد وبدون تعقيد قنوات التلغرام وتضييع الوقت

📌 طيب شو الهدف .. ؟
على مدى السنوات الماضية كنّا كفريق بكسل عم نتعرض لسرقة المحتوى والملفات والنوط من كتير جهات ومكاتب وعم ينباع شغلنا المجّاني بأسعار عالية مالنا سيطرة عليها، لذلك قررنا التعاون مع منصة هادف لنشر المحتوى الإلكتروني المجاني متل ما تعودتوا عليه، وبنفس الوقت يكون عندكم خيار الطباعة لهي الملفات عن طريقنا حتى تطبع ملفاتك بسعر مقبول بعيداً عن الاستغلال ..

Loading.. ⏳⌛️✨✨

وصل الملف المنتظر بفضل الله.. 👀✨

العينة المجانية من نوطة الفيزياء البكسلية. 😶‍🌫❤️
والملف الأول بالهوية البصرية الجديدة لفريق بكسل 🙂‍↔️

📍تحتوي العيّنة:
❃ مراجعة مفاهيم فيزيائية.
❃ النوّاس المرن.
❃ نوّاس الفتل.

📍ميّزات النوطة:
❃ مقرر الوحدة الأولى كاملاً
❃ شرح تفصيلي باللغة العامية كافي ووافي مميز باللون الرمادي لفهم كامل أفكار الوحدة جانباً إلى المقرر المطلوب على غرار نوطة الكيمياء 😶‍🌫🔥
❃ المسائل العامة لكل درس محلولة ومشروحة تبعاً له.

📍لطلب نسخة ورقيّة من النوطة حمل تطبيق هادف!

سؤال لطلاب 26 👀✨
شو الفرق بين النواس الثقلي المركب ونواس الفتل

الفرق بين مركز عطالة الجسم ومركز عطالة النواس😶‍🌫✨
وبين الثقلي المركب والفتل

السلام عليكم ورحمة الله 😶‍🌫
الله يفتح عليكم

هاتوا لنشوف حكولنا وين صرتوا بالفيزيا
وشو الفقرات اللي عم تلاقوا فيها صعوبة؟

السلام عليكم ورحمة الله 👀✨

في حال قررنا نعمل فقرة بتحبوا تكون:

1. أتمتات.
2. على إراقة منبعت مسألة وبعدين منمشي بكل طلب بتحلوه ومنبعت الحل الصحيح ومنحكي توزيع العلامات.
3. هون عالقناة مننشر مسألة ومنحدد وقت مننشر بعده الحل الصحيح وتوزيع العلامات بالتفصيل وكل حدا بصحح وبيحكيلنا علامته.

السلام عليكم ورحمة الله.. 😶‍🌫🖤
الله يعطيكم العافية يارب ويفتح عليكم.

بعد ما طلعنا بطريقة جديدة للشرح بالنوط (الفيزياء والكيمياء) 👀

وبما أنهم صاروا متوفرين عالتطبيق وأكيد أغلبكم شافهم..☺️
وصلنا لفقرة التعبير عن الرأي وصار دوركم تحكولنا:
1. كيف لقيتوا النوط وطريقة الشرح؟
2. شو عندكم اقتراحات لنحسنها بالوحدات القادمة؟

علماً انه نوطة الفيزياء 144 صفحة، تشمل مراجعة أساسيات والوحدة الأولى كاملةً.. مشروحة جميع الفقرات بدون أي استثناء مع حل أسئلة الدرس والمسائل العامة (كافية لتختم الوحدة الأولى)..
بسعر 30 ألف..

استجابةً للشكاوي الكتيرة اللي وصلتنا أنه النوطة بس وحدة أولى وسعرها غالي!..
رح جاوبك وقلك انه السبب للزيادة بالسعر وعدد الصفحات هو وجود شرح تفصيلي ما رح تلاقيه بمكان ثاني..

وطبعاً الحكي اللي انذكر ينطبق على نوطة الكيمياء تماماً متل نوطة الفيزياء..🔥

والتأخير اللي صار بالوحدات القادمة ليكون الشرح على أكمل وجه متل ما عودناكم ويعجبكم إن شاء الله 😶‍🌫✨

فإذا حابين انه الوحدات القادمة تكون فقط نوطة عادية بدون شرح خبرونا..

عيّنة نوطة الكيمياء
https://t.me/pixel_Chemistry/388

عيّنة نوطة الفيزياء
https://t.me/Pixel_Physics/594


لطلب نسخة ورقيّة عن طريق تطبيق هادف.

السلام عليكم ورحمة الله وبركاته 😶‍🌫

وردنا أنَّ أحدهم لسا ما ختم النواس المرن 👀

لذلك وبإذن الله بكرا رح نعمل مسألة خفيفة وسريعة تشوفوا حالكم كيف دراستكم ووين ضعفكم..
يلي لسا ما راجعه من النوطة يلحق حاله 🥰✨

جهزوا أقلامكم عالساعة 9 بإذن الله 😶‍🌫✨

السّلام عليكم ورحمة الله..  😶‍🌫

المسألة من أحد نماذج مدرسة السّعادة مع بعض التعديلات.
❃ وقت الحل: 45 دقيقة...
سيتم إرسال السُّلّم الساعة 9:45...
❃ وقت التصحيح: 15 دقيقة...
سيتم فتح المناقشة الساعة 10:00

يرجى الالتزام بالكتابة الامتحانية.. 👀
أي سؤال أو نقاش عنها يؤجل لنفتح الغروب

سُلَّم التصحيح:

❃ علامة الطلبات الفرعية باللّون الأصفر على يمين كل طلب.
❃ علامة الطلبات الرئيسية (مجموع الطلبات الفرعية) باللّون الأزرق جانب رقم الطلب.
❃ يتم توزيع علامات الطلبات الفرعية على النحو الآتي:
• 3 علامات على القانون الصحيح.
• 3 علامات على التعويض الصحيح.
• 3 علامات على الناتج الصحيح.
• علامة على الواحدة الصحيحة.

❃ ملاحظات:
• عند الغلط في التحويل يخسر درجة الجواب.
• يحاسب الطالب على الغلط مرة واحدة ويتابع.
• عند استخدام رقم غير وارد في المسألة يحاسب الطالب لمرة واحدة ويتابع له.
• عند إغفال إشارة (-) يخسر الطالب درجة.

خبرونا بعلاماتكم وعطونا رأيكم 👀🔥

السلام عليكم ورحمة الله وبركاته
بعرف اشتقتوا للفيزيا صح؟👀

اليوم موعدنا عالساعة 8 مع مسألة نواس فتل
خليكم جاهزين👀🔥

السلام عليكم ورحمة الله👀

مسألة نواس فتل 🔥
★وقت الحل: 45 دقيقة
سيتم إرسال سلم الحل الساعة 8:45
★مدة التصحيح: 15 دقيقة

فتح المناقشة عالساعة 9
يرجى الإلتزام بالكتابة الإمتحانية 👀👀
موفقين يا أكابر🩶🔥

سُلَّم التصحيح:

❃ علامة الطلبات الرئيسية باللّون الأصفر جانب رقم الطلب.
❃ يتم توزيع علامات الطلبات الفرعية على النحو الآتي:
• 3 علامات على القانون الصحيح.
• 3 علامات على التعويض الصحيح.
• 3 علامات على الناتج الصحيح.
• علامة على الواحدة الصحيحة.

❃ ملاحظات:
• عند الغلط في التحويل يخسر درجة الجواب.
• يحاسب الطالب على الغلط مرة واحدة ويتابع.
• عند استخدام رقم غير وارد في المسألة يحاسب الطالب لمرة واحدة ويتابع له.
• عند إغفال إشارة (-) يخسر الطالب درجة.

خبرونا بعلاماتكم وعطونا رأيكم 👀🔥🔥

السلام عليكم ورحمة الله وبركاته
اليوم الساعة 8 مسألة ثقلي مرتبة 👀
جهزوا حالكم

السّلام عليكم ورحمة الله وبركاته😶

المسألة من دورة 2023
❃ وقت الحل: 45 دقيقة...
سيتم إرسال السُّلّم الساعة 8:45...
❃ وقت التصحيح: 15 دقيقة...
سيتم فتح المناقشة الساعة 9:00

يرجى الالتزام بالكتابة الامتحانية.. 👀
أي سؤال أو نقاش عنها يؤجل لنفتح الغروب