Bugun, 3-iyul sanasi “Pinnacle Science” MChJ tashkil etilganining 1 yilligi munosabati bilan jamoamizni ushbu muhim sana bilan samimiy muborakbod etaman.

Oʻtgan bir yil davomida kompaniyamiz ilm-fan, innovatsion gʻoyalar hamda iqtidorli yoshlarni qoʻllab-quvvatlash yoʻlida qator loyihalarni amalga oshirdi. Erishilgan har bir natija, avvalo, jamoamizning fidokorona mehnati, hamjihatligi va masʼuliyatli yondashuvi samarasidir.

Avvalo, kompaniyamiz tashkil etilishiga sababchi boʻlgan, ilk va eng katta investitsiyani kiritgan aziz ota-onamga hamda har doim meni qoʻllab-quvvatlab kelayotgan akamga chuqur minnatdorligimni bildiraman.

Shuningdek, kompaniyamiz ravnaqi yoʻlida sidqidildan mehnat qilayotgan barcha xodimlarimiz va volontyorlarimizga samimiy tashakkur izhor etaman.

Alohida minnatdorligimni quyidagi jamoamiz aʼzolariga bildiraman:
Ogʻabek Abdiyev — bosh buxgalter;
Shirin Bozorova — tahrirchi;
Rustam Boʻriyev — kompaniya faoliyatini samarali boshqarish, strategik rivojlantirishdagi katta xissasi;
Gulshoda Yusupova — administrator;

Sizlarning har biringizning masʼuliyatli mehnatingiz, tashabbuskorligingiz va sadoqatingiz kompaniyamiz taraqqiyotida muhim oʻrin tutadi.

Ishonchim komilki, “Pinnacle Science” MChJ bundan buyon ham oʻz faoliyatini izchil rivojlantirib, ilm-fan va innovatsiyalarni qoʻllab-quvvatlash, yoshlarning salohiyatini roʻyobga chiqarish hamda yangi marralarni zabt etishda yuksak natijalarga erishadi.
Barchangizga mustahkam sogʻliq, oilaviy farovonlik, masʼuliyatli faoliyatingizda ulkan muvaffaqiyatlar tilayman. Kompaniyamizga esa uzoq umr, baraka va yanada yuksak taraqqiyot tilayman.

Hurmat bilan,
Direktor: Gòzal Yusupova


Rasmiy kanalimizni: https://t.me/PinnacleScience

Assalomu alaykum tadbirga oʻzim qatnasha olmaganim tufayli yutuqlarni pochta qilib joʻnatishdi jamoaga katta rahmat barcha narsalar ajoyib, yosh avlodni qoʻllab quvattalayapsizlar, endi izlanish qilayotgan yoshlar uchun,barcha uchun ajoyib nashriyotlardan birisizlar, pochtamni qabul qilib oldim rahmat sizlarga