إنْ كان لـ قَبك عِتاب،
تَعالَ عاتبني وانا اصالحك.

وإنْ كنت هاوي العذاب؛
قصدك تعذّبني، الله يسامحك.

ماضي فِعلَك يا حَبيبي،
لو مُضارع، لو أَمر؟

لو سجيّة البيك؟ گلي!
وطبع أفعالك غَدِر.

شيرهم لطبعك وصف؟
حرف عِلّة لو عطف؟

گلبي مَجرور بغرامك،
تدري، وانت البي تْجرّ.

ترفع وتنصف وتجزم،
تكسر بروحي خطية.

تحرّك همومي علىٰ كيفك،
تشدّد گليبك عليّه.

انت تنسىٰ شما تواعد،
هذي آداب القواعد.

سيبويه يرضىٰ بأذيتي،
لو لُغتنا العربية!