فاينل الفسلجة مالتهم اجت الاسالة مال جامعتهم من ملزمة الملخص مالتنا🤝

شنو هو الكرياتين؟

بالمختصر المفيد:
هو عبارة عن مادة تفرزها عضلات الجسم وتتخزن بيها

شنو شغلها او فائدتها؟ ✍️

تنطي طاقة للجسم وتجدد الATP مال جسم يعني اتفيد الرياضيين اثناء التمارين المكثفة والقوية يعني اتحسن ادائهم
وتقوم بتحسين وظائف الدماغ مثل الادراك وايضا الوقاية من الامراض العصبية
اتساعد في تحسين الاستشفاء العضلي ومعالجة تلف الالياف العضلية
زيادة الكتلة العضلية ويساعد في ترطيب العضلات واحتباس السوائل في العضلات

الاثار الجانبية✍️

بالمختصر المفيد الكرياتين امن جدا اذا التزمت بالجرعة الموصى بها الي هية 5g باليوم
اذا جانت عندك مشاكل بالكلى او الكبد ابتعد عن المكملات الي بيها كرياتين لان ممكن اتسببلك مشاكل

مصادر الكرياتين ✍️
مثل ما ذكرنا سابقا الكرياتين يفرزة الجسم لكن بكميات قليلة جداً
يوجد ايضا بالوجبات والاكلات مثل اللحوم وغيرها لكن ايضا بكميات قليلة جداً
يعني انت تحتاج تاكل 20kg لحم حتى اطلع غرام لو غرامين كرياتين
طبعا التعبير جان مجازي بس حتى اوضح ترة كميته قليلة جدا بالاكل والجسم يفرزة ايضا بكمية قليلة فلاعبين كمال الاجسام وغيرهم من الرياضيين وغير الرياضيين صاروا ياخذون الكرياتين على شكل مكمل غذائي
احنا اكاديمية فارماتِك واني دكتور مصطفى وهاي قناتنا✅

بما انو الربيع راح يجي وراح يجيب الحساسية مال صدر ويا فلازم نسولف على علاج لازم الكل يعرفوا🙃
طبعا علاجات الحساسية مال صدر اغلب الناس اتضوج منها والسبب لان اتسبب النعاس خاصة للي عدهم شغل الصبح او الي يسوقون سيارات وطرق خارجية مثلا.
النعاس هو من الاعراض الجانبية للعلاج و طبعا صارت اكو علاجات ما اتسبب النعاس واكو بيهن يسببن نعاس مثل (السترزين والليفوسترزين)
العلاجات الي ما اتسبب نعاس هم بيها مشكلة 🥲
لان مو كل الاجسام تتقبلها اكلك مثلا هذا العلاج ما يسبب نعاس بس اذا تشربة راسن اتنام واكو اجسامهم تتحمل وما ينعسون يعني بين قوسين العلاجات ذني ما يناسبن الكل😅
اليوم حنسولف على علاج كلش حلو الي هو ال(Montelukast)
بالمختصر المفيد تاخذ حباية وحدة قبل النوم مفعولها يبقة على مدار 24 ساعة وتاثير النعاس مالتها فقط اثناء النوم يعني من تكعد متاثر ولا تحس بشي🙃♥️
وبالنهاية احنا اكاديمية فارماتِك واني دكتور مصطفى وهاي قناتنا💙

رمضان كريم 🌙
كل عام وانتوا بالف خير يا رب ان شاء الله صحة وسلامة🤍

رأي إحدى الطالبات
بـكورس التدريب الصيفي .🌿

اليوم نسولف عن أضرار المسكنات✅

بالبداية شنو هية المسكنات؟🗿

المسكنات هي علاجات تُستخدم لتخفيف الألم، لكنها قد تسبب أضرارًا خطيرة عند الاستخدام المفرط أو الطويل الأمد. تشمل هذه الأدوية مضادات الالتهاب غير الستيرويدية، المسكنات الأفيونية، والباراسيتامول.

الأضرار💀
• الدماغ والأعصاب: قد تؤدي المسكنات الأفيونية إلى الإدمان، ضعف الذاكرة، والارتباك، بينما يمكن أن تسبب مضادات الالتهاب غير الستيرويدية الصداع المزمن.
• الكلى: الاستعمال الطويل يزيد من خطر الفشل الكلوي، خاصة مع مضادات الالتهاب غير الستيرويدية.
• المعدة: قد تسبب تقرحات، نزيفًا معويًا، واضطرابات هضمية.
• التأثير على المدى البعيد: الاستخدام المزمن قد يؤدي إلى أضرار عصبية، ضعف المناعة، والإدمان، مما يؤثر سلبًا على الصحة العامة.
واذا تستخدمها بكثرة اتصير ما اتاثر بيك ويبقة الالم قوي عندك لان الموضوع بي سوالف رسبترات ومستقبلات فما احب ادوخكم بي

نصيحة:💙
استخدمها فقط عند الحاجة يعني بس من يصير الالم قوي لا يحتمل
يعني مو بس يصير عندك الم بسيط تشرب 3 حبايات براسيتول
بالنهاية احنا اكاديمية فارماتِك وهاي قناتنا🤍.