#مقالات_ادوية_هضمية
#القولون_العصبي
#الأنزيمات_الهاضمة_و_القولون_العصبي

كتار مروا لعندك عالصيدلية وهنن عم يستخدموا الإنزيمات الهاضمة لحالة عسر هضم أو انزعاج هضمي ناتج عن صعوبة بهضم بعض أنواع الاطعمة 🥜🥙

⬅️ ولأنه واحد من الأعراض المرافقة لحالة القولون العصبي هو النفخة اللي ممكن يكون سببها صعوبة بهضم وتفكيك بعض الأطعمة

✍ كتبت مقال نعرف فيه تفاصيل أكتر عن الإنزيمات الهاضمة وإمكانية استخدامها في حالة القولون العصبي، رح نعرف بهاد المقال تفاصيل متل :

✅ تركيبة الأنزيمات الهاضمة و أهم أنواعها

✅ أفضل اوقات استخدام الإنزيمات الهاضمة؟

✅ أفضل حبوب الإنزيمات الهاضمة العالمية وفي السوق السوري

✅ تفاصيل أكتر متل العادة منلاقيها بمقال اليوم بشكل ملف pdf

#القولون_العصبي حالة بتختلف أعراضها من شخص للتاني ولهاد السبب تم تصنيفها لأنواع وفقاً للأعراض المرافقة بحسب كل حالة، تفاصيل أكتر بالمقال التالي ⬇️

#القولون_العصبي
#حمية_القولون_العصبي

بتعرفوا أنه في أطعمة مشكلجية مع القولون وبتعصبه 😡؟ طيب وليش بتعصبّه 🤔؟

⬅️ هي الأطعمة هي كربوهيدرات قابلة للتخمر،  بتبقى بدون امتصاص بدل ما يتم امتصاصها من قبل الجهاز الهضمي. لحد ما توصل لعند الفلورا ( البكتريا النافعة ) في الأمعاء اللي رح تشتغل على تخميرها وتحويلها ل غازات وحموض دهنية بتسبب بعدين الأعراض المزعجة لشخص عنده قولون عصبي ويلي هي الانتفاخ والمغص وألم البطن 😓

🔶 مو بس هيك 😰 الأمعاء حتى تحاول تهضمها بتحاول تجذب المي للأمعاء في محاولة فاشلة مارح تسبب غير أعراض مزعجة تانية وعلى رأسها الإسهال 😅

🔶 تأثير هي الأطعمة بيختلف من شخص للتاني، ومو كل الأطعمة بتسبب نفس الأعراض لكل الأشخاص، رح نلاقي أشهر هي الأطعمة اللي من المفضل التخفيف منها ضمن هي الحمية:

☑️ البقوليات
☑️ المعجنات والخبز الأبيض والكيك
☑️ منتجات الحليب
☑️ المحليات الصنعية
☑️ العصائر المركزة
☑️ بعض الخضراوات متل البروكلي والملفوف