#شو_تسأل_المريض
#تساقط_الشعر

بما أنه دخلنا بفصل الخريف 🍂 ورح نلاحظ ازدياد حالات تساقط الشعر، خلينا نتذكر مع بعض أهم الأسئلة اللي تضل ببالنا ونحنا عم نتعامل مع هي الحالات حتى نقدر نساعد بتحديد الأسباب ومن بعدها ⬅️ العلاجات الملائمة، لأنه متل ما بتعرفوا ورا أسباب تساقط الشعر روايات مختلفة ...


1⃣ هل شعرك عم يتساقط بكميات كبيرة خلال الفترة الأخيرة، أو هاد التساقط صرله فترة زمنية طويلة وبتلاحظ أنه التساقط بيصير بشكل تدريجي على فترات طويلة (شهور أو سنوات)؟

✅ هاد السؤال أساسي وكتير مهم لأنه رح يميزلك بين نوعين مميزين من تساقط الشعر وهنن تساقط الشعر التفاعلي Telogen Effluvium، يلي بيصير فيه تساقط للشعر بكميات كبيرة خلال فترة قصيرة جداً، ويلي وراه أسباب كتيرة متل:
🔹التوتر
🔹فقر الدم بعوز الحديد
🔹 قصور الغدة الدرقية
🔹سوء التغذية

وبين تساقط الشعر الأندروجيني يللي بيتميز بتساقط شعر بكميات أقل ولكن على فترات طويلة وغالباً السبب وراه وراثي 👴

2⃣ هل في  أماكن محددة عم يصير فيها تساقط الشعر في رأسك؟

✅ بحال الشعر بلش يتراجع من مقدمة فروة الرأس أو يصير الشعر خفيف بمنطقة فروة الرأس فهاد بيدلك على حالة تساقط شعر وراثي، أما لما يكون في بقع بالرأس خالية تماماً من الشعر فاحتمال كبير تكون ثعلبة Alopecia

3⃣ هل عم تتناول أي أدوية مؤخراً؟

في بعض الأدوية بيرافق استخدامها تساقط للشعر مثل ايزوترتينوئين و مانعات الحمل الفموية وحاجبات بيتا والألوبورينول

4⃣ هل عندك أعراض تانية مع تساقط الشعر متل الدوخة أو التعب أو تقلبات المزاج أو آلام في المفاصل أو أي أعراض جسدية تانية؟

✅ وجود أعراض تانية مع تساقط الشعر رح بتدلك على احتمالية نقص بفيتامينات ومعادن مهمة جداً لصحة الشعر وأهمها معدن الحديد وفيتامين د

5⃣ هل في أعراض تساقط شعر مرافقة لحكة واحمرار وقشرة رأس، والتساقط عم يصير ضمن بقع متقشّرة؟

✅ احتمال كبير يكون السبب هون وجود حالة التهابية أو عدوى فطرية متل سعفة الرأس

6⃣ هل غذاؤك شامل للعناصر الغذائية المهمة لصحة الشعر؟

بالإضافة للحديد وفيتامين د، كتير مهم نخبر أي شخص مهتم بصحة شعره أنه يركز على تناول الأغذية أو المكملات الغذائية الغنية بالزنك، البيوتين والأكلات الغنية بالبروتين


💡هي الاسئلة كلها توجيهية لمعرفة الأسباب اللي خلف تساقط الشعر، وكل سبب رح يكون علاجه مختلف.

✅ لهيك ضروري نعرف نحدد الأسباب لأنه علاج تساقط الشعر مو واحد بكل الحالات.

❤️ خبروني بالتعليقات كمان شو في تعليمات واسئلة عن حالة تساقط الشعر لتضل ببالنا ونحنا عم نتعامل مع أي حالة مشابهة ⬇️⬇️

سلسلة #شو_تسأل_المريض

سلسلة مهمة لنعرف شو أهم الاسئلة اللي نسألها للمرضى باختلاف حالاتهم المرضية، بهدف الوصول لعلاج محدد أفضل وأسرع ✅

🌟منلاقي بهي السلسلة حكينا لحد هلق:

⬅️ حالات الغريب والزكام

⬅️ الالتهابات النسائية

⬅️ الاسهال

⬅️ الامساك

⬅️ فقر الدم

⬅️ السعال

⬅️ القولون العصبي

⬅️ التهابات المجاري البولية

⬅️ تساقط الشعر

🧬🌿 Pharma Roots 🌿🧬
من هون بتبلّش تفهم الأدوية مو بس تحفظها 💡

📘 شرح مبسّط وواضح لكل فصول ليبنكوت – علم تأثير الأدوية
🧩 اختبارات قصيرة لتثبيت المعلومة بسهولة
⚕️ شروحات موسعة لأهم الأمراض وعلاجها حسب غايدلاين ميدسكيب
🎬 محتوى صيدلاني متنوع بيطوّر خبرتك وبيخليك جاهز لأي نقاش أو امتحان

🌟 انضم لعائلة Pharma Roots وخلي دراستك أمتع 🔗👇
https://t.me/Pharma_Roots

#النقرس
#انفوغرافيك النقرس وعلاجاته الدوائية

✅ انفوغرافيك شامل عن حالة النقرس، العلاجات الدوائية والمكملات الغذائية المناسبة خلال فترة العلاج

✅ تابعوا سلسلة #انفوغرافيك على قناة pharma space على نفس الهاشتاغ، قراءة ممتعة 🌹

#حالة_سريرية 1⃣
#النقرس

امرأة عمرها 65 عام عندها حالات متكررة من هجمات النقرس،
لما راجعت التاريخ الطبي الخاص فيها عرفت أنه عندها حالة سكري نمط ثاني بالإضافة لٱلام عصبية وارتفاع في ضغط الدم HTN.

الأدوية الخاصة فيها حالياً:
🔹اسبرين ٨١ مرة باليوم
🔹 ميتفورمين 500 ملغ/ مرتين باليوم
🔹 غليبيزيد 5 ملغ/ مرة باليوم
🔹 هيدروكلورثيازيد 50 ملغ/ مرة باليوم
🔹ألوبورينول 200 ملغ/ مرة باليوم
🔹 اندوميتاسين 50 ملغ/ ٣ مرات باليوم
🔹 دولوكسيتين 30 ملغ/ مرة باليوم

⬅️ طلب منها الطبيب أنها تعمل تحاليل لمراقبة مستويات Uric Acid حتى يعمل تقييم لفعالية دواء الوبورينول، بين أنه مستويات ال Uric Acid لسا أعلى من الحد المسموح 6 ملغ/دل


⁉️ شو الملاحظات اللي بتقترحتها بناء على أدويتها الحالية وحالتها الطبية ؟

#حالة_سريرية 1⃣
#مناقشة_حالة_النقرس

1⃣ دواء Hydrochlorothiazide ممكن يسبب زيادة بمستويات Uric Acid ⬅️ بيعاكس بهاد الشي تأثير دواء ألوبورينول لهيك من الأفضل تغييره لدواء تاني من زمرة ACEs أو ARBs

2⃣ كمان دواء Hydrochlorothiazide إله تأثير برفع سكر الدم وهي المريضة عندها حالة سكري من النمط الثاني ⬅️ هاد بيعطينا سبب تاني لضرورة تغيير دواء Hydrochlorothiazide

3⃣ كمان ممكن تغيير دواء Glipizide يللي بينتمي لزمرة سلفونيل يوريا لدواء تاني مناسب أكتر لحالة المريضة متل زمرة SGLT-2 Inhibitors على سبيل المثال: دواء #ايمباغليفلوزين ( حكينا عنه بكاروسيل سابق)

4⃣ #انفوغرافيك #النقرس رح يساعدنا كمان نعطيها النصائح غير الدوائية المناسبة لحالتها

#خشونة_المفاصل
#علاجات_خشونة_المفاصل

آخر محتوى رح يكون معنا عن حالة خشونة المفاصل هو مقال شامل ناقشت فيه العلاجات الدوائية والعلاجات المساعدة لتخفيف الألم المرافق لحالة خشونة المفاصل وتحسين وظيفة المفصل

✅ رابط المقال ⬇️

https://www.pharmaaspace.online/2025/10/Osteoarthritis%20Treatment%20Options.html

#مقالات_العناية_بالبشرة

مع بداية موسم التقشير 🍂🍃 جمعتكلم مجموعة من المقالات كتبتها بوقت سابق عن العناية بالبشرة بملف واحد ( الجزء الأول)

⬅️ رح نلاقي فيه معلومات مهمة للعناية بالبشرة وتقشيرها خلال فصل الشتاء

✍ المقالات الموجودة بهاد الملف:

🔹 أهم 5 منتجات للعناية بالبشرة في الخريف والشتاء
🔹أفضل صابون للوجه
🔹علاج كلف الحمل
🔹أنواع الزيوان وعلاجه
🔹علاج اثار حب الشباب
🔹فوائد كريم حمض الازيليك


✅ منلاقي كل هالمقالات بملف واحد بشكل pdf ⬇️

#مقالات_العناية_بالبشرة

الجزء الثاني من مقالات العناية بالبشرة خلال فصلي الخريف 🍂 والشتاء 🌨

✍ المقالات الموجودة بهاد الملف:

🔹كريم تفتيح المناطق الحساسة
🔹كريم هيدروكينون
🔹كريم يوريا
🔹طريقة استخدام كريم أكرتين
🔹استخدامات حمض الهيالورونيك التجميلية
🔹الفازلين


✅ منلاقي كل هالمقالات بملف واحد بشكل pdf ⬇️