#ليش
#السعال

ليش من الأفضل عدم استخدام مهدئات السعال متل ديكسثروميتورفان بحالات السعال المنتج ( سعال مع بلغم ) ؟

⬅️ مهدئات السعال بتسبب احتباس البلغم في الرئتين، وإذا استخدمت بحال السعال المنتج رح تسبب زيادة فرصة حدوث خمج ( التهاب )؛ خاصة في حال كان سبب السعال المنتج التهاب قصبات

#معلومات_دوائية_صوتية
#ادوية_الجهاز_التنفسي
#دواء_ديكسثروميتورفان

هي الفترة بتكتر فيها حالات السعال، لهيك اخترت نحكي شوي بالتسجيلات الصوتية عن بعض الأدوية المستخدمة بحالات السعال ونزلات البرد:

أول دوا اخترت نحكي عنه هو :

1⃣ ديكسثروميتورفان Dexthrometorphan

واللي يعتبر من أشهر أنواع مهدئات السعال الجاف الموجودة بالسوق السوري 💊💊

💡رح نلاقي بالتسجيل الصوتي 3 معلومات هامة تضل ببالنا عن هاد الدوا:

🔹 تحت أي عمر يحذر معه استخدام دواء ديكسثروميتورفان عند الأطفال ؟

🔹 شو ممكن يسبب استخدام ديكسثروميتورفان بالجرعات العالية ؟

🔹 شو الحالات اللي بيرافقها سعال ولا يفضل استخدام دواء ديكسثروميتورفان معها ؟

✅ تفاصيل متل هي واكتر لسا منلاقيها بهاد التسجيل ⬇️

#معلومات_دوائية_صوتية
#السعال
#ادوية_الجهاز_التنفسي

1⃣ ديكسثروميتورفان Dexthrometorphan

#فقر_الدم
#الكافئين

عم تاخد قهوتك بعد وجبة الفطور أو الغداء😮

📍بدك تنتبه أنه شرب القهوة بعد الطعام اللي بيحوي على الحديد بتركيبته متل الكبدة والبيض، أو تناول مكملات الحديد بعد شرب القهوة ممكن يسبب 👈 عدم حصولك على الفائدة من الحديد 🥲

💡تذكر دائما أنه الحديد بيتأثر امتصاصه في الجسم ( استفادة جسمك منه ) لما يتم تناوله بنفس التوقيت مع المشروبات الحاوية على الكافيين وعلى رأسها فنجان قهوتك ☕

طيب شو الصح؟

✅ تاخد فنجان قهوتك بعد الفطور أو الغداء بساعة او ساعتين 🕛

🌸 هلق دوركن تخبروني ايمت بتاخدوا فنجان قهوتكن بالعادة ؟


🌸 ولا تنسوا تتابعوا صفحة pharma space على انستاغرام ⬇️

https://www.instagram.com/pharm_a_space/profilecard/?igsh=dnp0MGY1Yzd0cHc2

#ليش

ليش ننصح أي مريض كبير بالسن عم يستخدم المدر البولي فورسمايد Furosemide أنه ياخده أول ما يفيق من النوم ؟

✅ دواء لازيكس أو فورسمايد هو دواء مدر بولي؛ هاد يعني أنه رح يسبب للمريض الكبير بالعمر الازعاج بالدخول المتكرر للحمام إذا تم تناوله قبل النوم

✅ بالاضافة لتقليل احتمالية أي كسور ممكن تحدث لمريض كبير بالسن نتيجة الاستيقاظ المتكرر

#علاجات_أطفال

بيبي رضيع عطس هاد يعني أنه 👇👇

❌ ما تتصرف بطريقة عشوائية وتصرف أدوية التهاب وشرابات ونقط وتحاميل كرمال عطسة ممكن كتير يكون سببها حالة رشح بسيطة بتخف تدريجياً خلال أيام بسيطة ..

💡طيب شو العلاج الأفضل لحالة رشح عند طفل رضيع؟

✅ مسكنات الألم بشكل نقط فموية oral drops متل مستحضر Tylenol ( باراسيتامول)

✅ نقط الأنف الملحية Saline nose drops اللي بتساعد بتخفيف المخاط السميك عند الطفل الرضيع وفتح الممرات الأنفية المسدودة

✅ نصح الأهل بضرورة زيارة الطبيب المختص 👩‍⚕️ لما الحالة ما تخف خلال اسبوع من بداية الرشح

⬅️ لمزيد من هاد المحتوى تابعوا صفحة pharma space على انستاغرام ⬇️

https://www.instagram.com/pharm_a_space/profilecard/?igsh=dnp0MGY1Yzd0cHc2

#معلومات_دوائية_صوتية
#الصادات_الحيوية
#صيدلة_طب_الاسنان
#دواء_زدناد

2⃣ سيفوروكسيم Cefuroxime

واحد من أشهر وأكثر الصادات الحيوية المستخدمة لعلاج العديد من الانتانات الجرثومية، لهيك خصصت تسجيل صوتي مهم لنحكي عنه بتفاصيل مهمة وعمليّة ⬇️


💡رح نلاقي بالتسجيل الصوتي معلومات متل:

🔹 شو ممكن يسبب استخدامه لفترة علاجية طويلة ؟

🔹 شو هي الادوية المستخدمة بشكل شائع جداً وضروري نحط فترة زمنية لا تقل عن ساعتين عند استخدامها مع دوا سيفوروكسيم ؟

🔹 أي الأفضل ينعطى سيفوروكسيم قبل أو بعد الطعام ؟

✅ تفاصيل متل هي واكتر لسا منلاقيها بهاد التسجيل ⬇️

#معلومات_دوائية_صوتية
#الصادات_الحيوية
#دواء_زدناد

2⃣ سيفوروكسيم Cefuroxime

عنا #اختبار_سريع بما يتعلق بأدوية #السعال 🔥

#ينفع_نشارك؟

#ليش
#السعال

ليش الأفضل عدم مشاركة مضاد هيستامين ( خاصة المنتمية للجيل الأول مثل ديفينهدرامين ) مع مقشع مثل الامبروكسول ؟

⬅️ مضادات الهيستامين من تأثيراتها الجانبية أنها بتسبب جفاف القشع وبالمقابل بعض أنواع المقشعات متل الامبروكسول بتشتغل على زيادة لزوجة القشع لتسهيل خروجه

لهيك كان الجمع بينهما ببشبه الجمع بين 2 ضراير 😁

✅ الأفضل نحدد نوع السعال ونختار المنتج المناسب بحسب طبيعة السعال

#السعال
#علاجات_السعلة

قل لي عن سعلتك أقل لك عن علاجك😄

💡 بيختلف علاج السعلة بحسب طبيعتها ( هل هي جافة أو رطبة ) وبحسب أسبابها وبحسب كتير عوامل تانية مختلفة ..

👈 بقية الصور رح توضحلكم أكتر عن العلاج الانسب للسعلة بحسب بعض الحالات الأكثر شيوعاً ⬇️

https://www.instagram.com/p/DFvcHrwoL8b/?igsh=MWNwMGhmNTltOHRuag==

سلسلة #السعال حكينا فيها معلومات مهمة بما يخص السعال رح نلاقي تحت هاد الهاشتاغ:

⬅️ #علاجات_السعلة

⬅️ مشاركات دوائية لعلاج السعال ( #ينفع_نشارك ؟)

⬅️ دواء ديكسثروميتورفان

⬅️ #شو_تسأل_المريض عنده سعال

⬅️ #انفوغرافيك_علاجات_السعال

#ليش
#فقر_الدم

ليش ننصح الأهل قبل استخدام شراب الحديد لعلاج فقر الدم عند الطفل بضرورة تمديد شراب الحديد بمحلول مناسب ( متل أنه نحط الجرعة اليومية مع كاسة عصير 🧃 أو كاسة مي ) ؟

💡 الجواب: لنضرب عدة عصافير بحجر واحد 🌟

1⃣ نخفف من الطعم المعدني المزعج المرافق لمعظم أنواع شرابات الحديد

2⃣ نتجنب حالة اصطباغ لون الأسنان باللون الأصفر اللي ممكن يرافق شرابات الحديد

3⃣ بحال تم تمديد الحديد بالعصير ( الغني بفيتامين سي 🍊 )هاد الشي يعني تحسين امتصاص الحديد وزيادة الاستفادة منه 👌

#الصحة_و_الحمل

مرقت لعندك عالصيدلية جارتك الحامل🤰عم تسألك عن استخدام دوا لتخفيف اعراض الرشح والزكام 🤧 ولما طلعت عليه عرفت أنه ما بيلائم استخدامه في الحمل 😥

بقية القصة منلاقيها هون ⬇️

https://www.instagram.com/reel/DF5ykLMIcJv/?igsh=c2FqeG9sa2EzdGg1

#ايام_عالمية

صادف يوم الإثنين الماضي 10/2 اليوم العالمي للصرع
World epilepsy day

⬅️ لهيك حابة شارك معكن مقال كتبته سابقاً عن مرض الصرع

✅ رح نلاقي معلومات متل :

🔹 شو هو هاد المرض ؟ وشو أسبابه ؟

🔹 الصرع إله تصنيفات، بس شو هنن النوعين الرئيسيين منه ؟

🔹شو أهم علاجاته الدوائية 💊 وغير الدوائية ؟

🔹شو هيي أبرز مضاعفاته ؟

✅ متل العادة كافة التفاصيل ومعلومات اكتر منلاقيها بمقال اليوم ⬇️

يسعد اوقاتكم 💚

حابة خبركم إني هلق رح قدم خدمات الترجمة ( مقالات بحث- مشاريع تخرج أو غيرها ) مع زميلي الصيدلاني شاكر نخلة ضمن فريق
RNA Translation

💚رابط القناة على التلجرام ⬇️
https://t.me/RNATeamTranslation

#ليش
#السعال

ليش منلاقي ببعض أنواع شرابات السعلة المخصصة للأطفال ممكن ينكتب على العلب الخاصة فيها ( لا تعطى تحت 6 سنوات) علماً أنه عملياً عم تنعطى وتنكتب بالوصفات الطبية ؟

⬅️ بيرجع السبب أنه وكالة الغذاء والدواء الأمريكية FDA ما عطت توصية Recommendation لأي دوا بيحوي على ( مضاد احتقان - مضاد هستامين - مثبط سعال مركزي - بعض أنواع المقشعات) أنها تنعطى تحت عمر 6 سنوات 🧒

💡 برأيكن ليش ال FDA ما نصحت تنعطى هي الأدوية تحت 6 سنوات؟ رغم أنها على أرض الواقع عم تستخدم لهي الأعمار !!

💚 خبروني بالتعليقات من خبرتكم ⬇️⬇️