#مقالات_كريمات_ومراهم

عرفنا من كاروسيل مبارح أنه التركيبة الأساسية بالكريم الساخن هو مادة الكابسيسين capsaicin الموجودة بالفلفل الاحمر 🌶️

⁉️ بس يا ترى شو الفرق بين الكريم الساخن والكريم البارد ؟

#ايام_عالمية

ليش نحتفل بالبوشار ؟

✍ اتفّق العالم على جعل البوشار سناك لا يمكن الاستغناء عنه بكتير احتفالات ومناسبات: هو بالسينما حاضر معنا، بسهرة رأس السنة، بأعياد الميلاد وأكيد بسهرات الأفلام 🎬

🌟فعلياً رح نلاحظ أنه البوشار هو شريك الحفلات والمناسبات، لهاد السبب قرّر العالم يخصّص يوم 19 كانون الثاني ليكون اليوم العالمي للبوشار 🍿

🔹البوشار من الأكلات الخفيفة اللذيذة اللي منستمتع ونحنا عم ناكلها وإليكم الخبر السعيد ⬅️ بنفس الوقت هو يعتبر من الوجبات الغنية بالمغذيّات حيث أنه:

✅ مصدر عالي جداً بالألياف ( وهاد بيساعد على تحسين صحة الجهاز الهضمي)

✅ بيعطي شعور بالشبع ( وجبة ممتازة للأشخاص اللي متبعين نظام غذائي صحي)

✅ خالٍ من السعرات الحرارية

✅ غني بمجموعة من الفيتامينات خاصة فيتامين B المركب و بعض المعادن الهامة مثل المغنزيوم والزنك

⬅️ لا عجب أنه تكون وجبة البوشار مصنفّة على أنها Weight loss friendly food لأنها الوجبة المثالية حتى تاكلها بكميات معقولة بدون ما تحس بالندم 😅

⬅️ خبروني هلق من 10 قديه بتحبوا البوشار 😍 ؟

#ليش

#الصادات_الحيوية
#صيدلة_طب_الاسنان
#دواء_أوغمنتين

ليش من الضروري الانتباه ومراقبة العلاج عند صرف #دواء_أوغمنتين عند كل من :

☑️ الأطفال تحت عمر السنة

☑️ مرضى السكري

⬅️ الجواب: استخدام دواء اوغمنتين بيترافق مع آثار جانبية ممكن تكون أكثر شدة عند كل من:

☑️ الأطفال تحت عمر السنة : خاصة بما يتعلق بحدوث الإسهال وحالات الحساسية

☑️ مرضى السكري : ممكن يسبب الاوغمنتين نمو فطور متل الكانديدا، ومتل ما منعرف مريض السكري بالاصل مؤهب لحالة ظهور الفطريات (مثل فطريات الفم، و الانتانات المهبلية الفطرية عند السيدات)

✅ المصدر في أول تعليق ⬇️

فقرة #ليش فقرة مميزة بمعلومات مهمة وعملية 👌

⬅️ اكبسوا على #ليش حتى تكملوا قراءة بقية المعلومات تحت نفس الهاشتاغ ✅

#نصائح_بالبال
#فقر_الدم

دقيقة من وقتك قبل ما تفكر تتبرع بالدم ⬇️

💡في شروط مهم جداً أنها تؤخذ بعين الاعتبار قبل التبرع بالدم:

☑️ العمر : يكون الشخص المتبرع بين 18- 65 سنة

☑️ الوزن :يكون المتبرع بوزن لا يقل عن 50 كغ

☑️ وجود حالات مرضيّة متل ، حالات الرشح أو الانفلونزا أو التهاب الحلق أو أي حالة التهابية في الجسم يعني أنه ⬅️ الشخص غير جاهز للتبرع بالدم حتى تمام الشفاء

☑️ الشخص اللي عامل وشم بجسمه ما بيقدر يتبرع حتى مرور 6 أشهر من إجراء الوشم

☑️ ممكن التبرع بعد حوالي ال 24 ساعة من زيارة طبيب الأسنان و بعد شهر على الأقل من إجراء أي عملية جراحية في الجسم

☑️ اجراء تحليل الهيموغلوبين قبل التبرع ضروري جداً؛ ويشترط لحصول التبرع يكون عند الرجل لا يقل عن 13 غ/ دل و عند النساء لا يقل عن 12 غ/ دل

☑️ الجزء المهم كصيادلة 👩‍⚕👨‍⚕عنا هون أنه ننتبه للأدوية اللي يمنع التبرع بالدم أثناء تناولها واهمها:

🔹#الريتان (Isotretinoin)
🔹المضادات الحيوية
🔹 مضادات التخثر ( الوارفارين)
🔹مضادات التكدس الصفيحية(مثل الأسبرين)
🔹الانسولين

🌸هلق دوركم تخبروني شو بتعرفوا عن شروط تانية مهمة للتبرع بالدم ⬇️

✅ المصادر في أول تعليق ⬇️

#ليش

ليش من الضروري حفظ أدوية متل نتروغليسرين Nitroglycerin أو الأسبرين Aspirin في مكان جاف وبارد ؟

⬅️ هي الأدوية بتتأثر بالرطوبة وبتتخرب بالماء، لهيك كان من الأفضل عدم حفظها بأماكن بصير فيها رطوبة عالية (مثل المطبخ أو الحمام )

#فقر_الدم
#مقالات_تحاليل_مخبرية

يا ترى شو هيي التحاليل اللي طلب الدكتور من سارة أنها تعملها ليتأكد من سبب حالة فقر الدم اللي صارت معها مؤخراً 🤔

👈 اسحبوا بقية الصور لتخبركم أكتر عن أهم التحاليل المخبرية الضرورية لتقصّي أسباب حالة فقر الدم ⬇️

✅ المصدر في أول تعليق ⬇️

https://www.instagram.com/p/DFN1fF9o8YP/?igsh=MTBwaGlrNDRubm95Zg==

سلسلة #فقر_الدم هي سلسلة غنية بمجموعة من المقالات و المعلومات اللي مهم نعرفها ونخبر فيها مريض عنده حالة #فقر_الدم 🩸

✍ منلاقي بهي السلسلة تحت هاشتاغ #فقر_الدم المواضيع بالترتيب :

☑️ حبوب فيروجلوبين

☑️ حبوب سبيرولينا

☑️ أسباب نقص فيتامين B12

☑️ حبوب الحديد للحامل

☑️ شو تسأل مريض عنده #فقر_الدم

☑️ أهم 5 معادن وفيتامينات لعلاج #فقر_الدم

☑️ نصائح قبل التبرع بالدم

☑️ أهم التحاليل المخبرية لمريض عنده #فقر_الدم

💡خبروني هلق شو في أفكار كمان نتناولها عن حالة #فقر_الدم بموضوعات قادمة ؟

عنا #اختبار_سريع بما يتعلق #فقر_الدم جاهزين 🔥

#شو_تسأل_المريض
#السعال

حالات السعال متل هالوقت من السنة حدّث ولا حرج😅

✅ السعال هو أحد الوسائل الدفاعية للجسم الهدف منه تنظيف مجرى التنفس من أي تراكمات أو مخرشات، وهو غالباً ما يدل على وجود حالة مرضية ⬅️ سببت حدوث السعال كعرض مرافق

💡لهيك كان من المهم: طرح اسئلة معينة على شخص عنده سعال لتقصّي أسباب السعال واختيار العلاج المناسب 💊💊

👈 قديه صرلها سعلتك ؟

🔹 أي سعلة ما تجاوزت فترة الاسبوعين (14 days) فهيي سعلة يمكن تدبيرها باستخدام أدوية السعال الموجودة بالصيدلية ورح تحد من نفسها خلال أيام قليلة معدودة

🔹 أما بحال تجاوزت السعلة فترة الاسبوعين ⬅️ هون كان من الضروري مراجعة الطبيب لتحرّي أسباب السعلة وعلاج السبب الرئيسي

👈 شو طبيعة السعال ؟

سعلتك ناشفة أو معها بلغم 🤔 أحد الاسئلة المهم جداً نسألها لمريض عنده سعال ⬅️ لأنه على أساسها رح يكون اختيار الدواء المخفف للسعال مختلف كليا بحسب طبيعة السعال

👈 هل عم يشتد السعال خلال الليل ؟

السعال الليلي المتكرر ولفترات زمنية طويلة ( عدة أشهر ) ممكن يشير لوجود حالة ربو، خاصة اذا كان المريض هو طفل 🧒

👈 هل السعال مترافق مع انقطاع نَفَس ؟

ضروري نتأكد بحال كان المريض عم يصير معه هي الحالة ⬅️ يراجع الطبيب 👨‍⚕ فوراً لنفي أي إصابة قلبية، خاصةً اذا كان المريض كبير بالسن 👨‍🦳 ومدخن 🚬

👈 هل السعال مترافق مع شعور بالحرقة في منطقة الحلق، وبيزيد بعد الاستلقاء ؟

هون رح يروح تفكيرنا أنه المريض عنده حالة حرقة Heartburn وعلاجها بيكون بعلاج السبب؛ أي بتناول الأدوية المخففة لحموضة المعدة، بالإضافة إلى تعديل بعض العادات المسببة لحدوث الحرقة ( متل نصح المريض بعدم الاستلقاء مباشرة بعد تناول الطعام)

👈 هل المريض اللي عم يسعل، هو بالأصل مريض سكري ؟

ضروري ننتبه لاختيار المنتجات المخففة للسعال ( متل شرابات السعلة) عند مريض السكري، بأنها تكون خالية من السكر بتركيبتها Sugar free

👈 بحال كان المريض عم يتناول أدوية ضغط ؛ هل واحد من أدويته من زمرة ACEIs مثل دواء راميبريل ؟

🔹 بيرافق هي الأدوية عند بعض المرضى حدوث سعال تخريشي بدون قشع، لهيك من الأفضل نصح المريض بمراجعة طبيبه المختص لتغيير الدواء لزمرة تانية ما بتسبب السعال ، على سبيل المثال أدوية ARBs مثل فالسارتان

❤️ خبروني بالتعليقات كمان شو في تعليمات واسئلة عن حالة السعال لتضل ببالنا ونحنا عم نتعامل مع أي حالة سعال ⬇️⬇️

#ليش
#السعال

ليش من الأفضل عدم استخدام مهدئات السعال متل ديكسثروميتورفان بحالات السعال المنتج ( سعال مع بلغم ) ؟

⬅️ مهدئات السعال بتسبب احتباس البلغم في الرئتين، وإذا استخدمت بحال السعال المنتج رح تسبب زيادة فرصة حدوث خمج ( التهاب )؛ خاصة في حال كان سبب السعال المنتج التهاب قصبات

#معلومات_دوائية_صوتية
#ادوية_الجهاز_التنفسي
#دواء_ديكسثروميتورفان

هي الفترة بتكتر فيها حالات السعال، لهيك اخترت نحكي شوي بالتسجيلات الصوتية عن بعض الأدوية المستخدمة بحالات السعال ونزلات البرد:

أول دوا اخترت نحكي عنه هو :

1⃣ ديكسثروميتورفان Dexthrometorphan

واللي يعتبر من أشهر أنواع مهدئات السعال الجاف الموجودة بالسوق السوري 💊💊

💡رح نلاقي بالتسجيل الصوتي 3 معلومات هامة تضل ببالنا عن هاد الدوا:

🔹 تحت أي عمر يحذر معه استخدام دواء ديكسثروميتورفان عند الأطفال ؟

🔹 شو ممكن يسبب استخدام ديكسثروميتورفان بالجرعات العالية ؟

🔹 شو الحالات اللي بيرافقها سعال ولا يفضل استخدام دواء ديكسثروميتورفان معها ؟

✅ تفاصيل متل هي واكتر لسا منلاقيها بهاد التسجيل ⬇️

#معلومات_دوائية_صوتية
#السعال
#ادوية_الجهاز_التنفسي

1⃣ ديكسثروميتورفان Dexthrometorphan

#فقر_الدم
#الكافئين

عم تاخد قهوتك بعد وجبة الفطور أو الغداء😮

📍بدك تنتبه أنه شرب القهوة بعد الطعام اللي بيحوي على الحديد بتركيبته متل الكبدة والبيض، أو تناول مكملات الحديد بعد شرب القهوة ممكن يسبب 👈 عدم حصولك على الفائدة من الحديد 🥲

💡تذكر دائما أنه الحديد بيتأثر امتصاصه في الجسم ( استفادة جسمك منه ) لما يتم تناوله بنفس التوقيت مع المشروبات الحاوية على الكافيين وعلى رأسها فنجان قهوتك ☕

طيب شو الصح؟

✅ تاخد فنجان قهوتك بعد الفطور أو الغداء بساعة او ساعتين 🕛

🌸 هلق دوركن تخبروني ايمت بتاخدوا فنجان قهوتكن بالعادة ؟


🌸 ولا تنسوا تتابعوا صفحة pharma space على انستاغرام ⬇️

https://www.instagram.com/pharm_a_space/profilecard/?igsh=dnp0MGY1Yzd0cHc2

#ليش

ليش ننصح أي مريض كبير بالسن عم يستخدم المدر البولي فورسمايد Furosemide أنه ياخده أول ما يفيق من النوم ؟

✅ دواء لازيكس أو فورسمايد هو دواء مدر بولي؛ هاد يعني أنه رح يسبب للمريض الكبير بالعمر الازعاج بالدخول المتكرر للحمام إذا تم تناوله قبل النوم

✅ بالاضافة لتقليل احتمالية أي كسور ممكن تحدث لمريض كبير بالسن نتيجة الاستيقاظ المتكرر

#علاجات_أطفال

بيبي رضيع عطس هاد يعني أنه 👇👇

❌ ما تتصرف بطريقة عشوائية وتصرف أدوية التهاب وشرابات ونقط وتحاميل كرمال عطسة ممكن كتير يكون سببها حالة رشح بسيطة بتخف تدريجياً خلال أيام بسيطة ..

💡طيب شو العلاج الأفضل لحالة رشح عند طفل رضيع؟

✅ مسكنات الألم بشكل نقط فموية oral drops متل مستحضر Tylenol ( باراسيتامول)

✅ نقط الأنف الملحية Saline nose drops اللي بتساعد بتخفيف المخاط السميك عند الطفل الرضيع وفتح الممرات الأنفية المسدودة

✅ نصح الأهل بضرورة زيارة الطبيب المختص 👩‍⚕️ لما الحالة ما تخف خلال اسبوع من بداية الرشح

⬅️ لمزيد من هاد المحتوى تابعوا صفحة pharma space على انستاغرام ⬇️

https://www.instagram.com/pharm_a_space/profilecard/?igsh=dnp0MGY1Yzd0cHc2