#اليوم_العالمي_للسكري
#السكري

المتممات الغذائية المستخدمة في تدبير مرض السكري  (مكملة للعلاج الدوائي)

4- فيتامين B12

🔹 أفضل نوع من أنواع فيتامينات B لمريض السكري

🔹 يتواجد بعدة أشكال في السوق الدوائي، الشكل الفعال منه هو ميثيل كوبالامين Methylcobalamin

🔹تؤخذ بشكل حبوب فموية أو اقراص قابلة للذوبان تحت اللسان B12 sublingual او ابر للحقن العضلي

🔹 أقل تسبباً بالألم عند الحقن

🔹من الأفضل أخذه بشكل حقن عضلي عند الكبار ( مع التقدم بالعمر يقل امتصاص فيتامين B12)

#اليوم_العالمي_للسكري
#السكري

هيك منكون حكينا خلال أسبوع عن نصائح عامة للعناية بمريض السكري ☘

✍ حكينا عن :

🔹حالة هبوط سكر الدم والتعامل معها

🔹 جهاز قياس سكر الدم

🔹اختيار الأدوية OTC المناسبة عند مريض السكري

🔹محاقن الانسولين

🔹 أنواع الانسولين

🔹 أهم الفحوص المخبرية والمستلزمات الإسعافية لمريض السكري

🔹بعض انواع المتتمات الغذائية المستخدمة كمكملات علاجية عند مريض السكري

🌸 لما نكبس الهاشتاغ منلاقي كل المعلومات ضمنه مرتبه بشكل تسلسلي ⬅️ #اليوم_العالمي_للسكري

#مقابلات_تلفزيونية
#ايام_عالمية

في إطار الأسبوع العالمي للتوعية باستخدام #الصادات_الحيوية خلال الفترة بين 18-24 من الشهر الحالي

شاركت خلال مقابلتي في برنامج #صباح_الخير على الفضائية السورية معلومات في غاية الأهمية حول التوعية بمخاطر الاستخدام العشوائي للصادات الحيوية أو كما هو متعارف على تسميتها ( أدوية الالتهاب)

حكينا عن:

🔸 مخاطر استخدامها بشكل عشوائي
🔸 كيف وليش ممكن تسبب ضعف بالمناعة ؟
🔸 ليش لازم نكمل الكورس العلاجي الخاص بالصادات الحيوية متل ما تم وصفها من قبل الطبيب ؟
🔸 ايمت لازم فعلاً نستخدم الصاد الحيوي ؟ شو الحالات اللي بتستدعي استخدامه فيها ؟

#ملاحظة: في الدقيقة 1:51 في تعديل، أنا قلت الصاد الحيوي بيطور حاله هو الصحيح أنه البكتيريا بتطور لحالها لتصير مقاومة للصاد الحيوي، وجب التنويه 🌷

رابط المقابلة ⬅️ https://fb.watch/ouOi5GcASY/?mibextid=2JQ9oc

بما أنه هلق موسم يلي بتكتر فيه حالات #قشرة_الرأس Hair dandruff

🌸 حبيت أنه ارجع شارك المقالات الخاصة بالشامبوهات المخصصة لعلاج قشرة الرأس
ويلي هنن:

🔹 كيتوكونازول Ketoconazole
🔹 سيلينيوم سلفايد Selenium Sulfide

#مقالات_ادوية_السكري
#السكري
#الميتفورمين

✍أحد أهم العلاجات لمرض السكري، ويلي رح نشوفه لوحده او بمشاركة مع أدوية أخرى ضمن مستحضر واحد ..

⬅️ عن مين عم نحكي 🧐 عن الميتفورمين 💊

📍 دواء الميتفورمين له دور مهم بتنظيم مستويات سكر الدم، مقالنا اليوم رح يحكي عن هاد التأثير العلاجي، رح نعرف اكتر عن:

✅ آلية عمله

✅ جرعات استخدامه لمرضى السكري وحالات الوقاية من السكري عند الاشخاص المعرضين لخطر الإصابة بالسكري

✅ اثاره الجانبية

🌟 كمان رح نحكي بشكل بسيط عن تأثير الميتفورمين في:

☑️ علاج حالة تكيس المبايض PCOS

☑️ دوره في تدبير السمنة

☑️ إمكانية استخدامه عند الحامل 🤰

🌸 كافة التفاصيل منلاقيها بمقال اليوم ⬇️

#مقالات_ادوية_السكري
#السكري
#الميتفورمين 2⃣

✍حكينا بالمقال السابق عن دوا #الميتفورمين بتفاصيل شاملة عن الاستخدامات والجرعة والاثار الجانبية

✍ واحد من الاستخدامات يلي منسمع عنها كتير هو دور الميتفورمين بالتنحيف

⁉️ بس هل هاد الاستخدام هو لكل الناس يلي عندها وزن زائد 🤔 ولا لفئات معينة ⬇️

🔹 مقال اليوم رح يخبرنا عن:

✅ الحالات اللي يستخدم لأجلها الميتفورمين للتنحيف

✅ فوائد دواء ميتفورمين للتنحيف

✅ ايمت بيبدأ مفعول الميتفورمين لما يستخدم للتنحيف؟

✅ شو هي الحالات الممنوع استخدام الميتفورمين فيها للتنحيف

🌸 كافة التفاصيل منلاقيها بمقال اليوم ⬇️

#مقالات_ادوية_السكري
#السكري
#إبر_السكر_للتنحيف

✍ كلنا سمعنا عن تأثير بعض أنواع الأدوية المخصصة لعلاج مرض السكري بخسارة الوزن الزائد، ويلي عم ينقال عنها اختصاراً ( إبر التنحيف)

⬅️ مقال اليوم رح يعرفنا على تركيبة هي الإبر ورح نعرف أكتر عن:

🔹 آلية عملها؟
🔹أشهر أنواعها
🔹 مين الناس اللي بيناسبهن استخدامها ؟
🔹 مين يلي ممنوع عليهم استخدامها؟
🔹 اضرار استخدامها

🌸 تفاصيل كاملة واكتر منلاقيها بمقال اليوم يلي هو رح يكون المقال الأخير بسلسلة #السكري 👏 ⬇️

#علاجات_الزكام
#المكملات_الغذائية_المقوية_للمناعة

🔹من أساسيات الشفاء السريع من أي حالة رشح أو غريب او التهاب في الطرق التنفسية أنه ندعم جسمنا بالمغذيات 🥗🍋🍎 اللي بتساعد على دعم صحة الجهاز المناعي

🔹وهاد اللي رح يخبرنا عنه مقال اليوم ،رح نتعرف على أهم 5 مكملات غذائية بتساعد بتقوية الجهاز المناعي خلال فترة الإصابة بالإضافة لجرعاتها المختلفة 💊💊

#التقشير

هلق أنسب وقت لنعمل تقشير للبشرة لهيك ⬇️
جمعت تحت هاد الهاشتاغ #التقشير عدة مقالات عن تقشير البشرة وطرق التقشير المختلفة 🌸

#تداخلات_دوائية

تحت هاد الهاشتاغ رح اجمع أهم التداخلات الدوائية مع:

🔸 أدوية
🔸 أغذية
🔸مشروبات

خليكم متابعين ❤️

#تداخلات_دوائية
#الحليب

أهم الأدوية يلي المفروض نبعد تناولها عن توقيت شرب الحليب:

💊 التتراسكلينات ( مثل دوكسيسيكلين)

💊 أدوية الفلوروكينولونات ( مثل سيبروفلوكساسين)

💊 أدوية البيسفوسفونات ( مثل أليندرونات)

💊 الليفوثيروكسسن

💊 متممات الحديد

كتبولي بالتعليقات إذا بتعرفوا أي تداخل تاني للحليب مع الأدوية حتى ضيفوا لهي المجموعة ويضل مرجع إلنا كلنا ❤️

#شو_تسأل_المريض

بكتير حالات منتعرض لاسئلة من المرضى حول حالات مختلفة منقدر نقترح فيها علاجات بتحتاج وصفة طبية OTC Medications أو منقدر نساعد عالاقل بتمييز الحالة المرضية وتوجيه المريض للطبيب المختص 🧑‍⚕

وعلى هاد الأساس بهي الفقرة وتحت هاد الهاشتاغ #شو_تسأل_المريض رح نناقش شوية اسئلة لو بشكل سريع بس عالاقل نضوّي عليها حتى تتضل ببالنا لما ننسأل على أي أعراض .. خليكن متابعين ❤️

#علاجات_الزكام
#شو_تسأل_المريض
#حالات_الكريب_والزكام


كتير أسئلة رح تخطر عبالنا لما يجينا مريض مكرّب او مرشّح 🤧 فشو أهم الأسئلة يلي نسأله ياها :

👈 العمر
بيهمنا نعرف اذا المريض طفل او بالغ او كبير بالعمر، لنقدر نحدد الخيارات العلاجية المناسبة

👈 كيف بلشّت الأعراض؟
البدايات التدريجية بتدل عادة عالزكام، اما اللي بتكون شديدة من الاول فبتدل على حالة كريب او غيرها من الامراض التنفسية

👈 هل يوجد احتقان؟ سيلان ؟ انسداد أنف؟
كلها اعراض بتدل غالبا على وجود حالة زكام

👈 هل في سعال؟
وهو شائع بمعظم حالات الكريب، وبعض حالات الزكام وممكن يستمر حتى بعد شفاء الحالة

👈 هل في وهن أو تعب عام؟
التعب العام والوهن عادة بيدل على حالة كريب


👈 هل في ألم بالحلق؟
ببداية الزكام بيكون في جفاف وألم بسيط، بالكريب منلاقي الالم شديد وفيه صعوبة بالبلع

👈 هل في ألم بالوجه او حول العين؟
ممكن هي علامة تدلنا على وجود التهاب جيوب ( بحال ترافق هالشي مع أعراض تنفسية طبعا)

👈 هل في ألم بالأذن؟
بحالات الكريب أو الزكام ممكن يصير في ألم بسيط بالاذن، بس الألم المستمر والشديد رح بيدلني على وجود حالات تانية متل التهاب الأذن الوسطى

👈 هل في حمّى؟
وهو السؤال الأشهر، وكلنا منعرف انه الزكام ما بيترافق مع حمى، بينما ممكن تدلنا الحمى على وجود حالة كريب او التهاب تنفسي


وهي كانت أهم الأسئلة الشائعة بحالات الكريب والزكام 🌸