Assalomu alaykum. Barchamiz uchun 2024-yil tinchlik yili bo'lsin InshaAlloh.

O'zim uchun yil boshidan dizayn blog ochishga qaror qildim. Bu siz uchun ham o'zim uchun ham InshaAlloh manfaatli bo'ladi.

Ushbu blog'da men bilan yuz beradigan dizaynga aloqador barcha qiziqarli ma'lumotlar bilan tanishib chiqasiz. Alloh barchamiz uchun hayrli qilsin.

Avvalo o'zimni biroz tanishtiraman.

Ismim Asadbek. Photoshop dasturini ishga tushirganimga deyarli 2 yil bo'lib qoldi. Ilk qadamlarni YouTube'dan Photoshop bo'yicha videolar tomosha qilishdan va ularni amalda sinab ko'rishdan boshlaganman. Keyingi jarayonlar juda qiziq ularni birma bir yozib borishni reja qilganman.
Photoshop'dan tashqari Illustrator va Corel Draw dasturlaridan biroz xabarim bor. Hozirda Blenderni ham o'rganishni boshlab yubordim.

Hozircha shular sekinlik bilan dizayn olamiga sho'ng'ib boramiz InshaAlloh.

✅ ArtStation dan juda ko'plab dizayn uchun referens'lar topsa bo'ladi. Faqatgina sizdan talab etiladigan narsa kalit so'zlaridir.

Nafaqat ArtStation uchun balki boshqa biz bilgan saytlar uchun ham kalit so'zlari muhum o'rin tutadi.

Keyingi post "Kalit so'zlar" haqida bo'ladi.

Blog | Behance | Telegram

✅ Dizaynda "Kalit so'zlar" nima uchun kerak?

Sodda qilib tushuntiraman. Biz resurs topishda Yandex,Freepik yoki boshqa bir saytlarga o'zbek tilidan foydalanmasdan uni inglizchada ifodalab berishimiz kerak.

Sababi bunaqa saytlar o'zbek tilidagi so'zlarni unchalik tushunmaydi va bizga bir qator muammolarni keltirib chiqaradi. Ingliz tilidagi so'zlar esa bizni maqsadimiz tomon anniq qadamlar bilan yurishimizni taminlaydi. Qidiruv so'zlarini esa juda qisqa holatda, ammo tushunarlik holatda kiritishimiz kerak.

Referens topishda ham uzundan uzun gap emas, balki o'sha gapning orasidan bir nechta "Kalit so'z"ni topib undan foydalanish maqsadga muvofiq. Yana bir maslahatni ayta qolay.))

Behance yoki ArtStation'dagi biror postga kirishimiz bilan uning pastki qismida biz uchun maxsus "Kalit so'zlar" joylashgan bo'ladi. Ular orqali bir qancha turdagi dizaynlarni topishimiz mumkin.(Rasmda)

Blog | Behance | Telegram

✅ Bilganlarimni yozmoqdaman balki xatolar bo'lishi mumkin. Buning uchun ming bor uzur. Boshida baribir biroz qiyin kechyapti. To'g'ri tushunib, qo'llab turasizlar degan umiddaman.

Blog | Behance | Telegram

✅ Yuqoridagi dizaynda asosiy e'tiborni ranglarga qaratgan edim. Albatta ularni balansda ushlab turish mushkul ish. Ranglarni to'g'ri tanlash dizaynning negizi hisoblanadi.

YouTube'dan video darslarni yoki speedart'larni ko'rish davomida sinchkovlikni oshirishni maslahat beraman. Video darslardan o'zingizda paydo bo'lgan savollarga javob izlang: "Mana bu rang nega tanlandi?" "Nega bunaqa usul bilan davom etyapti?" va h.k.

Dizaynlarni va video darslarni diqqatni bir joyga jamlab analiz qiling. Imkoni bo'lsa yoningizdagi ortiqcha narsalarni olib qo'ying (asosan telefonni). Sizda o'z o'zidan o'zgarishlar ro'y bera boshlaydi. Va buni vaqt o'tishi bilan sezib borasiz.

Blog | Behance | Telegram

✅YouTube'da shu insonning videolarini tomosha qiladiganlar bormi oramizda?

Blog | Behance | Telegram

Nega dizaynerlarni tunda ishlashadi deb bilishadi? Yoki rostdan ham shunaqa ishlashni foydali tomonlari bormi? Men masalan bunga amal qilmayman.

Anchadan buyon meni qiynab yurgan savollardan biri. ))

@Paygamov_Blog

Yuqoridagi post izohlariga Nodirjon ismli akamiz "Tunda ilhom keladi bizga" deya yozgan ekan. Buning sababini biroz tushuntirib o'tsam xabarim boricha.

Insonga asosan yolg'iz qolganda g'oyalar kela boshlaydi. G'oya esa amalda o'zgartira oladigan narsalardir. Tunda inson yolg'iz qolishi tabiiy holat kunduzgi vaqtga qaraganda. Yolg'iz qolishni kunduzi ham uddalasa bo'ladi lekin biroz mushkul holatligi uchun asosan tunda dizaynerlar yolg'iz qolib ishlashadi. Dizaynerga esa, g'oya suv va havodek.

Menimcha oz bo'lsada nima demoqchi ekanligimni tushuntira oldim degan umiddaman.

@Paygamov_Blog

Wowmello. Bu insonning chiqaradigan video speed art'lari menga juda ko'plab narsalarni bergan. Deyarli barchasini ko'rib chiqdim va xulosa qildim.

E'tiborga oladigan birinchi jihat bu bo'yash san'ati. Brush bilan yaxshi ishlaydi. Ranglarni to'g'ri tanlaydi va yaxshigna reallikka asoslab bo'yash ishlarini bajaradi.

Ikkinchi jihati muhitni to'g'ri chiqarib berishida. Asosan tungi muhit bilan ishlaydi. Tutunlar, chiroqlar, uzoqdagi elementlar va boshqa jihatlarni me'yorida bajara oladi.

Men kichik xulosalarimni aytdim, balki kimdur videolarni tomosha qilsa boshqacha xulosa qilar. Yaxshisi o'zingiz bir qarab ko'ring.)))

@Paygamov_Blog

Dizayn tayyorlashda (asosan manipulyatsiya dizaynlarida) mavzuga mos musiqa tinglab ishlash juda foydalidir. Masalan siz "Horror" janrda dizayn qilmoqchisiz. Sizga ushbu mavzuga oid musiqa juda as qotadi. Musiqa albatta matnsiz bo'lishi kerak.

Bunaqa musiqalar dizayn tayyorlash jarayonida o'ziga xos g'oyalar oqimini ham hosil qilishi mumkin. Shunaqa bir sayt bor ko'rib baho berasiz.

Saytga o'tish 👉 bandcamp

@Paygamov_Blog

O'zbekistonda onlayn ish topish nega qiyin?

Bir qancha javoblar bor o'zimda. Sizning ham fikringiz qiziq. ))

Chunki o'zim shaxsan onlayn ish topishga juda qiynalaman.

Izohsiz ))

Alhamdulillah!!!

Bu bo'yicha menda asosiy 1 ta fikr bor. Balki noto'g'ri fikrdur bilmadim.

Masalan, biror o'quv markaz SMM menejer izlab topadi. Va jamoa albatta zarur bo'ladi. Jamoaga kerak bo'ladigan ba'zi insonlar yig'iladi, lekin dizayner ko'p hollarda jamoa qabul qilinmaydi.

Chunki, SMM menejer ozroq dizayndan xabardor bo'lib chiqadi. Uning ham ishi asosan figmadan iborat bo'ladi. Dizaynlarni SMM menejerning o'zi qila boshlaydi. Bunga sabab esa tashkilot rahbarlarining dizayndan xabari bo'lmaganida. SMM menejer esa dizaynerga mablag' ajratishni istamaginida. Tayyorlangan dizaynlar esa, ko'ngilni xira qiladi. Rahbar uchun ham dizaynda matnlar va logo katta bo'lib ko'rinsa bo'ldi.

Shunaqa holatlar ko'p deb o'ylayman. Shaxsan o'zimda bunaqa holatlar bo'lgani uchun aytyapman.

Men yuqorida qo'shtirnoq ichidagi har ishga qodir bo'lgan ayrim SMM menejerlarni nazarda tutdim. )) Fikrim shundan iborat. Xatolar bo'lsa uzur. Yana sabablar bor. Ularni ham sekin sekin yozib boramiz.

@Paygamov_Blog

Prokopjenya Blenderni o'rganishni boshlaganlar uchun ushbu akaning darslarini birga bir bajarib ko'ring. Juda foydali va tushunarli video darslar.

Oramizda Blenderni o'raganayotganlar bo'lsa va yaxshi boshlang'ich darslardan xabari bor insonlar bo'lsa, xabarini bersangiz juda a'lo ish bo'lardi. ))

@Paygamov_Blog

Bu_postning qisqacha davomi👉 epidemicsound

Foydali bo'ladi degan umiddaman.

@Paygamov_Blog

Faqat men ko'p ishlarga ulgura olmayapmanmi yoki sizda ham shunaqami? ))

Dizayner o'rganishdan to'xtamas ekan. Hali u yangilik chiqadi, hali bu yangilik chiqadi. Hammasini o'rganish kerak. Chunki qanchalik ko'p narsa o'rgansak, biz uchun shunchalik "+" bo'ladi.
O'rganish va ish davomiyligini bir xilda olib borish men uchun biroz qiyin kechyapti. ))

Frilanserlikda yaxshi daromad qilish uchun faqat SMD bilan cheklanib qolmaslik kerak ekan. Logo va packaging dizaynlaridan xabaringiz bo'lsa oshig'ingiz olcha bo'ladi. Bunda ham albatta hamma kasbda bo'lgani kabi, ishingizni ustalaridan bo'lishingiz kerak.

Xulosa shuki, hech qachon bir pog'onada to'xtab qolmang. O'zingizga yanada yuqoriga intilish uchun yana pog'onalar yaratib olish zarar qilmaydi. Va albatta o'z ishingizni ustasi bo'ling. ))

@Paygamov_Blog

Qishloqda daraxtlar kurtaklay boshladi. Yoshligimni eslayman, qishda ko'p qor yog'ardi. Sovuqni sovuq demasdan, tinmay o'ynaganmiz ko'chada.

Xatto qor ko'chalarda to'p tepardik. Yiqilsak ham zavqli bo'lardi. Eng qizig'i qo'limizga naskini qo'lqop sifatida kiyib olardik.)) Kasal bo'lib qolamiz degan hayollar umuman bo'lmagan.

Hozirda bu yaqin o'tmish yoshlarimizga armon bo'lib qolayotgandek. Albatta barchasi Allohdan. Bir esladim xolos o'sha kunlarni...

@Paygamov_Blog

Futbol olami:

Ronaldu va Messini hammamiz bilamiz va taniymiz. Xalq orasida gap bor. Messi o'z zamonasining tug'ma eng zo'r ikki futbolchisidan biri. Ronaldu esa, mehnat evaziga eng zo'r ikki futbolchidan biri. Qolganini aytmasam ham bilasiz..))

Xo'sh, nega aynan bu ikki daho haqida yozganimni tushuntirib beraman. Hozir yozadigan fikrga yaqinda keldim va buni balki noto'g'ri bo'lsa ham yozishga qaror qildim.

Dizaynerler ham tug'ma qobiliyatli bo'lishi mumkinmi? Fikrimcha bo'ladi. Rasm chiza olish, ranglar bilan ishlay olish, dizaynning har bir jihatidagi qobiliyatlar, o'zini anglagandan boshlanishi mumkin. Ular bunga kamroq mehnat bilan erisha olishadi.

Mehnat evaziga dizayner bo'la olish va dizayn qobiliyatlarini o'zida mujassamlashtirish ham mumkin. Va bunga shubha yo'q deb o'ylayman. Bu dizayner mashqlar bilan, o'zi ustida qattiq ishlash bilan, o'zida yo'q qobiliyatni bor qilish bilan dizayner bo'ladi.

Bu holatda qay bir dizayner kelajakda eng zo'rlaridan bo'lishi, tug'ma yoki qattiq mehnat asosida dizayner bo'lishiga qaramaydi albatta. Bu insonning o'ziga bog'liq holat. Buni xususan futbolda isbotlab berishgan.))

Yana bir bor aytaman, balki bu fikrlar noto'g'ridir men faqat taxminlarimni yozyapman.

@Paygamov_Blog