السلام عليكم و رحمة الله دفعة 46 ❤️🙌🏻

هي الأولى إن شاء الله ربي يوفق كل حد فيكم وينوله مراده ويفرحه بنتائج الامتحانات اللي درتوهن الفترة اللي فاتت ، وإن شاء الله ربي يسهل عليكم اللي جاي و يكون أفضل 🙌🏻💚

توا بما أنكم كملتوا الامتحانات الجزئية تريّحوا كم يوم وخوذوا فيهن نفس، واستمتعوا بوقتكم بعيدا عن المنهج وعن القراية 😂❤️👌🏻

لكن حبّيت من توا نوضحلكم على موضوع باقي منهج الباثولوجي (Systemic Pathology) كيف وشن نبوا نديروا فيه بالضبط بعون الله

بإذن الله بإذن واحد أحد كان سخر الله ، الأسبوع الجاي حنبدا معاكم سستمك باثولوجي في مركز ليبيا ، بعدد إجمالي 32 محاضرة ناخذوا فيهن جميع كورسات السستمك بالكامل (و تقسيمة عدد المحاضرات تلقوه في الصورة)

نظامنا طبعا حيكون كالتالي :-
🔸المحاضرة الوحدة ما بين ساعتين إلى ساعتين و معاها
🔸حنقعد نشرحلكم من شيتات السنة اللي فاتت (و اللي هنا في الأغلب مش حيتغيرن نفس ما صار في أغلب شيتات الجنرال)
🔸حنقعد نرسم ونوتي صبوراتي بالكامل ك باور بوينت ونقعد نعرض بالداتا على صبورة ، و صبورة أخرى إن شاء الله نكتبوا عليها و نرسموا عليها (لا حنستغنوا عن الداتا شو و لا عن الخطاط 👌🏻😂❤️)
🔸 كل كورس في السستمك حنوتوا عليه مجموعة ام سي كيوز و شورت نوت و كيسس ، زي ما درنالكم في الجنرال بالضبط ، و في نهاية كل محاضرة حنحلوا مجموعة منهن بعون الله
🔸 كل شيت بعون الله من السستمك حنحاول نديرلكم فيه ملخص مطبوع ومنظم يكونن فيه أغلب وأهم أفكار الكورس (لمن يحب يقرا من الملخصات وما يحبش شيتات الجامعة)
🔸 و في حالة أن أي شيت عطيته لكم ، ونزلت الجامعة شيت مختلف فيه، أنا شخصيا حناخذ الشيت الجديد ، و نشوف لو فيه أي كلام جديد مختلف عن اللي عطيته لكم ، و لو فيه أي فروقات ، حنجمعهن لكم ، و نعطيهن لكم بإذن واحد أحد 👌🏻


حبّيت أني نحكيلكم عن الخطة هذي كلها من توا ، و بعون الله عزّ وجلّ بعد كم يوم حنزل موعد البداية وأمتى حيكونن المحاضرات، و لعند وقتها لو أي حد فيكم عنده أي استفسار ولا أي سؤال يتفضل : @Alomami97 ✌🏻💚

دمتم في أمان الله جميعا
و #نسأل_الله_التوفيق_لنا_و_لكم 🙌🏻❤️

#Refresh_General_Pathology
إليكم آخر جزء من الجينيرال باثولوجي :
(Neoplasia and Carcinogenesis) 💚🙏

🔸 الكورس شرحناه لكم بالكمال على 3 أجزاء في 3 فيديوات عالية الجودة 🎥🎥

روابط الفيديو ات لشرح الكورس بالكامل عاليوتيوب :

الجزء الأول :
(https://www.youtube.com/watch?v=MK5GUtgpSmg&t=6s) 💜🙏
الجزء الثاني :
(https://www.youtube.com/watch?v=hijJZsAm3ZU) 💜🙏
الجزء الثالث :
(https://www.youtube.com/watch?v=7Rh5xkR_Wf0) 💜🙏

👇🏻 البي دي إف اللي منظمين فيه كل شيء من شيتات الجامعة 💚🙏🏻

ملخص Neoplasia part 1 🙏🏻❤️

Neoplasia Part 2 ملخص 🙏🏻❤️

كيف ما إنتم عارفين ، فيه كورس واحد فقط من الجنرال ما خشش للامتحان الجزئي وهو الNeoplasia ، لازم تبدوا بيه و تقروه هو الأول قبل ما نبدوا Systemic لأن حيختصر عليكم كلام واجد بعدين في الTumors متاع كل سستم

شرحته لكم في 3 فيديوهات بالتفصيل 👌
والكلام كله من شيتات الجامعة
(شيت الدكتور بن حسونة Neoplasia وشيت الدكتورة شريفة Carcinogenesis)

ملخصاتي في كورس النيوبلازيا + الكارسينوجينسس ، تلقوهن في مصوراتي مركز ليبيا بعون الله 💚🙌

اللي ما عنداش نت للفيديوات ويبي النسخة الصوتية لفيديوات النيوبلازيا ☝️

بعون الله بكره نزللكم الموعد الأكيد للمحاضرات في مركز ليبيا

لكن أنا نقوللكم أنهن حيكونن بإذن الله من الساعة 12:00 ل 2:00 قبل محاضرات الفارما للدكتور أيمن الدقوالي ، بإذن الله

بكره نزللكم الأكيدة بعون الله

توا كيف كنت في مركز ليبيا يا دفعة
وبعون الله اتفقنا وحددنا المواعيد

محاضرات الSystemic Pathology
حتكون يومين في الأسبوع الأحد و الأربعاء

من الساعة 12:00 للساعة 2:00
ثم محاضرات الفارما للدكتور أيمن الدقوالي من الساعة 2:00 للساعة 4:00

البداية بعون الله حتكون يوم الأحد الجاي
وأي حد فيكم يرغب في التسجيل ، يتصل بالمعهد و يسجل بشكل عادي جدا 0924518335

إن شاء الله ربي يسهللنا ويسهللكم
و #نسأل_الله_التوفيق_لنا_و_لكم 🙌❤

يا دفعة ، لو فيه أي فيكم يبي يحضر معايا لكن الموعد أو الأيام ما يناسبناش ، يراسلني : t.me/alomami97 و يقولي شن المواعيد والأيام اللي يناسبنه، وبإذن الله نديروا حل اخر لهم ❤🙌