دكاترة ، عدد العيّنات بسيط جدا، 150 عيّنة مش حاجة كبيرة و الله

حتى لو الكلام هذا واجدين منكم شايفينه "وهم" ، لكن انطلاقا من القاعدة اللي تقول : سهّلها على نفسك تسهل ، صعّبها على نفسك تصعب

و عموما ، ضروري ضروري ضروري ، عشان تتنجبوا ربكة الامتحان الحقيقي و تتجنبوا توتر الامتحان ، و عشان من توا تكتشفوا أي خلل في أي عينة عندكم ، ضروري تجربوا الاختبار العشوائي عن طريق البوت @Pathology_Lab_test_bot

على الأقل تأكدوا أنكم تتعرفوا على العينة من ناحية اسم المرض و اسم العضو (لأنه هذينا الغلطة فيهن تحرمك من درجة العيّنة كاملة) ، مشّوا عليهن ساعة ساعتين تكملوهن كلهن

و يا رب ، يا رب ، يا رب ، يجبر بخاطر كلّ حد فيكم و تطلعوا كلّكم بالفل مارك يا رب
يفرحكم كلّكم ، و يفرحني بفرحكم ، اللهم آمين اللهم آمين

محاضرة Breast Diseases كاملة ❤️‍🔥🫡💫

شيت الجامعة خذيته و فتلكته لكم ، و خلّيته لكم جميل و مرتب و يعجبكم بإذن الرحمن ❤️‍🔥👌🏻

زميلكم الدكتور أحمد القذافي ، دار حاجة سوبّر بكل
شوفوا الفيديو و شاركوه ، و ادعموا زميلكم

الله يسدد خطاكم جميعا ❤️❤️

رسالة زميلكم 👇🏻

الإعلان هذا موجّه لمسؤولي الدفعات و للدفعات عمومًا

تفريغ أسئلة الامتحانات من ملفات الـ PDF وتحويلها إلى استفتاءات يدويا يستهلك منك وقت و جهد واجد، خاصة مع وقت الامتحانات و تبي تقرا و تراجع و تفرغ الاسئلة في استفتاءات و تبي تختار الاجابة الصحيح و تتاكد منها و هذا ياخذ وقت.
هنا في حل جذري و عملي للمشكلة. تم تجهيز بوت تيليجرام ذكي يستلم ملفات الـ PDF اللي فيهن الmcq ، و يمشي فورا يحولها ل استفتاءات (MCQs) جاهزة للحل زي الي في الفيديو.
أهم ما يميز البوت هو الدقة المطلقة، يعني هو يقوم بتحديد الإجابة الصحيحة في كل استفتاء بنسبة دقة 100%، ما يوفر عناء البحث عن الحلول ويضمن للطلبة مراجعة موثوقة وسريعة بدون أي أخطاء و هذا كله في غضون دقائق.
البوت متاح الآن، وأنا مستعد حاليا لاستقبال أي طلبات لمسؤلين الدفعات للاتفاق على تفعيله والاستفادة منه في قنواتهم الخاصة بالدفعة.
اللي يبي يستفير يتواصل على الخاص @ahmadalgdafy

أبطالنا في دفعة 52 ❤️‍🔥

معاكم خوكم الدكتور محمد العمامي ، مُحاضرة لمادة الباثو ، من سنة 2019 ، شرحتها لعدة سنوات لطلبة طب كلية بنغازي و طرابلس 🫡💫

لو ربّي سهّل و سخّر ، حنشرح مادة الباثولوجي من منهج الجامعة الخاص بيكم حصريا 2026/2027

و بدون ما نطول عليكم ، النجاح في الباثو معتمد على قواعد مهمة جدا :-

✅️ الدراسة لازم حصرا تكون من محتوى يغطي منهجك في السنة الحالية

✅️ لازم تفهم ثم تفهم ثم تفهم ثم تثبت وتحفظ

✅️ لو إنت طبقت القاعدتين اللي فوق ، حتستغنى عن القاعدة التالية 👇

يا حبذا تكون مسبقا على دراية بمواضع أسئلة ال MCQs و الشورت نوت ، بإذن الله نغطوهن مع بعضنا

و يا رب تكون بداية خير عالجميع
وانتظروني بعون الله في تنزيل أول 4 محاضرات

✅️ Cell injury
✅️ Cell death
✅️ Adaptation
✅️ Accumulation

و بعون الله ، المحاضرات حيتم تجديدهن بالكامل وانزللكم محاضرات جديدة كاملة مع بداية الجامعة وحصولنا على منهج الجامعة


موفقين أبطالنا
و في حفظ الرحمن
خوكم د.محمد العمامي 🤍🫡💫

نتمنى منكم أبطالنا تشاركوا الرسالة ☝🏻
و رابط القناة مع أكبر عدد ممكن من زملائكم

الله يجزيكم الجنة 🤲🤍💫

https://t.me/Pathoo46

قبل ما نبدوا في أيّ حاجة
لازم كلّ حد فيكم يكون عارف بُنْية المادة ونظامها خلال السنة هذي

🔺 أولا :-
الباثو مقسمة إلى مجموعتين كبار من الكورسات (جينيرال و سستمك) زي ما واضح في الصورة 👆🏻

🔺 ثانيا ، الامتحانات كالتالي :

🔵 جزئي 🔵 عملي 🔵 شفهي 🔵 فاينال

النصيحة الذهبية :-
أقل الامتحانات ارهاقا في دراستهن ، وأكثرهن سهولة ، بدون أي شكّ ، الجزئي و العملي ، لازم لازم لازم لازم من توّا كلّ حد فيكم يحط في باله أنّه يجيب منهن أكبر قدر ممكن من الدرجات، و هذي هي النقطة اللي حتخلّيكم تكمّلوا المادة بسهولة كبيرة في الفاينال

شاركوا الرسالة مع زملائكم بعد إذنكم أبطالنا
حفظكم الرحمن ❤️⭐️

شفتوا المحاضرة و لا ما زال ، هيّا عاد انشطوا 😂❤️‍🔥
نبّوا الهمّة تكون في السماء يا أبطال ⭐️✌🏻

المحاضرة القادمة Cell injury
استعدوا ❤️‍🔥💫

شاركوا لتعمّ الفائدة 🤍🫡 @Pathoo46

نراهن أي حد فيكم (بعدما يشوف المحاضرة) أنه مش حيبصم بالعشرة
أن مادة الباثو هي أجمل وأمتع وأحلى مادة في هالسنة  ⭐️🔥

شعارنا : أفهم ثم أفهم ثم أفهم 👏🏻👏🏻
وأهم شيء الحركات والألوان و الرسومات والمخططات
بيش تقعد العملية التعليمية : فهم + استمتاع وانسجام ❤️👌🏻