خت فت أسرع من سرعة الضوء
دبش الكورس كله نزل عالقناة الخاصة 😂🤍💫

توا الكورس الجاي : (Accumulation)
بيش بعدها انزلوا عملاق الجيينرال باثولوجي : (كورس الانفلاميشن) 💪🏻💪🏻💪🏻💫💫💫

جمعتكم مباركة دكاترتنا في الدفعة 49

من بعدما كملنا :-
✅ Adaptation
✅ Cell injury
✅ Cell death

اليوم نبدوا في الكورس الرابع :-
✅ intra-cellular accumulation

كالعادة حيكون فيه :-
🔺 شرح عادي
🔺 شرح مكثف
🔺 شيت منظم
🔺 MCQs مع الشرح


الشرح العادي حيكون مقسم على 4 فيديوات ، أول فيديو حيكون عينة مجانية تقدروا تشوفوها كلكم عاليوتيوب :
(https://youtu.be/Jwr4f6nOLFo?si=LEwWrj83QgYiN4_I)

باقي الكورس حيكون عالقناة الخاصة
للتسجيل فيها تواصلوا معايا : @alomami977

حبايبنا دفعة 49 ❤️💐
شن هي الباثو ؟ ليش الباثو أهم مادة في ثالثة ؟ كيف نقراها ؟ شن تقسميتها ؟ كيف نظام قنواتي الخاصة فيها ؟
الكلام هذا كله جاوبت عليه في الفيديو التعريفي اللي درته خصيصا لكم على قناتي على اليوتيوب :
(https://youtu.be/vsPLpSflCvI)

حنكتبلكم الكلام في رسالة طويلة عريضة علشان اللي ما عندش وقت للفيديو يشوف الرسالة طول 🫡🤍💫

أولا الباثو (علم الأمراض) :-
🔺 هي المادة اللي حتمر فيها على أغلب و اهم الأمراض اللي يصيرن للبشر ، أسبابهن ، عوامل الخطر اللي يأدن عليهن ، كيف يصيرن ، أعراضهن و علاماتهن ، مضاعفاتهن ، و أهم نقطة : (منظر العضو أثناء المرض Morphology) يا أما المنظر بالعين المجردة (grossly) يا أما تحت الميكروسكوب ، و مرات نخطموا على طريقة التشخيص و العلاج .

يعني ببساطة إنت حتقرا فيها الحاجة اللي إنت خشيت للطب علشانها
تتعلم المرض و كيف تكتشفه من أعراضه و علاماته ، حرفيا هذا هو الطب 🫡❤️💫


ثانيا :-
المادة في منهجها مقسمة إلى :-
✅ General Pathology : (حتقرا فيهن كورسات فيهن مبادئ الأمراض خاصة الالتهابات و الأورام)
✅ Systemic Pathology : (حتقرا فيه أمراض كل جهاز بروحه ، و كلام الجينيرال حرفيا حيخطم عليك في كل سيستم)

لذلك الجينيرال هو القاعدة اللي حتبني عليها باقي الباثو
اللي يودر الجينيرال ، حيودر الباثو كلها
تنبيه من توا !!


ثالثا :-
تقسيمة درجات المادة
✅ 60 درجة : ( يا أما على امتحانين جزئيات ، يا أما على امتحان جزئي واحد و مجموعة تاتوريالات)
✅ 140 درجة : (فاينال)
✅ 70 درجة : (معمل مضموووووون الفل مارك فيه ❤️💫)
✅ 30 درجة : (أورال)


رابعا :-
معمل الباثو ، نفس النظام القديم لمعمل الهستو بالضبط
وامتحانه مضمون وأسئلته مستحيل تتغير

عندك حوالي 150 عينة لأمراض مختفلة  :-
🔺 (منهن أعضاء تشوفهن بالعين المجردة Grossly)
🔺و منهن شرائح لأمراض تشوفهن تحت الميكروسكوب

في الامتحان يجيبلك نفس الصورة اللي نازلة في المنهج بالضبط ، و يطلب منك كتابة معلومات :- (اسم العضو ، اسم المرض ، خاصيتين عليه) ، الامتحان 14  سؤال ، كل سؤال ب 5 درجات ، إجمالي الامتحان 70 درجة .


✅ مجهزلكم قناة خاصة بالمعمل حرفيا رتبت فيها المعمل ترتيب فوق من الممتاز ، مع فيديو شرح لكل عينة من عيناته ، تقدروا تسألوا عليها الدفعة 48 أغلبهم اشتركوا فيها ، و تقدروا تشوفوها في الصور اللي فوق ، منظمة تنظيم خرافي 💪🏻💫😇



🔺 خامسا شنو المصدر اللي نشرح منه أنا محمد العمامي ؟
🔺 الجواب : مبدأيا أنا مرجعي الأساسي هو منهج الجامعة متاعكم و على update مستمر مع منهج جامعة كل دفعة جديدة
       لكن لقيت أن شيتات الجامعة فيهن عيوب قاتلة و هي :-

✅ صياغة المعلومات فيهن ، صياغة بجمل طويلة و متعبة
✅ غير منظمة
✅ غير ملونة و ما فيهنش أي جو بالعربي يخليك تتحمس للقراية 🤣
✅ ما فيهنش خرائط و رسومات توضيحية للكورسات


لذلك أنا درت شيتات مصنوعات من شيتات الجامعة و عالجت فيهن المشاكل اللي ذكرتهن ، ومنهن نشرح في الفيديوات و التسجيلات متاعاتي ، يعني الأريح و الأقل تعبا لك أنك تقرا من شيتاتي ، لكن تقدرا تقرا معايا واتبع من شيتات الجامعة ، مش موضوع نهائيا 😇


سادسا : شن نظام القناة الخاصة بالمنهج النظري ؟
النظام فيها كتالي :-
كل كورس من كورسات المنهج ينزل أول بأول و لعند توا واصلين مع الجامعة و حنغلبوها 😎🫡🤍
و على كل كورس ينزل التالي :-

🔺فيديو شرح عادي ومليء بالتفاصيل
🔺 فيديو مكثف للكورس
🔺 شيتنا الأجمل من شيت الجامعة 😂🤍💪🏻
🔺مناقشة ام سي كيوز من السنوات السابقة

و القناة منظمة بقوائم وفهرس يسهل عليك توصل لأي حاجة تبيها في أي كورس
وهكي نكون يا دكاترة وضحتلكم نظام مادة الباثو ، و نظامي في الشرح فيها اللي حنستمر بيه معاكم

نسأل الله التوفيق و الإخلاص وإنجاز المهمة معكم على أكمل وجه
دمتم في حفظ الله و رعايته
ولأي استفسار تفضلو في أي وقت دكاترتنا @Alomami97

ولله الحمد والفضل والمنة
وصلنا رسميا لعند وين ما وصلت الجامعة في الباثو

على القناة الخاصة أكملنا :-
✅ Adaptation
✅ Cell injury
✅ Cell Death
✅ Acccumulation
✅ Inflammation
✅ Repair

شرح عادي + مكثف ✌💫🔥
و الشرح مواكب لمنهج الجامعة الخاص بيكم
ومعاكم أول بأول

لاي استفسار اخر :- @Alomami977

إعادة تذكير دكاترتنا 😇💫❤️
العينات المجانية لكورس الانفلاميشن ، حرفييييييييا لما تشوفوهن حتعشقوا الكورس هذا و بإذن الله حتقرروا أنكم تكملوه كله ويكون لعبة بين يديكم 🫡🤍

الفيديو الأول :-
https://youtu.be/pp9-JzDDOw0?si=ex2ALFahAIfAo22j

الفيديو الثاني :-
https://youtu.be/-Mtge8R9isw?si=YZs-4rMZGPrjb3sC

آخر كورس خذيتوه في الجامعة كورس : Repair
حنزللكم العينة المجانية متاعه هنا بعدين 🫡🤍

بإذن الله تنعجبوا بالشرح و تقرروا تستمروا معاه للنهاية 💫
للتواصل : @Alomami977

قالك العمامي لو قتله السلام عليكم 🙋‍♂️🙋‍♂️

يرد عليك :-
✅ شرح عادي
✅ مكثف
✅ ام سي كيوز مع الشرح

سامحونا عالتنفيخ 🤣🤣