حلويات Blood 🔥🤍✌

25 سؤال :-
✅ MCQs
✅ True + False

من كورس البلود
من امتحانات السنوات السابقة وحينزل شرحهن بعون الله

دكاترتنا أحبائنا غوالينا
فيه كورس حسيته دايرلكم بعبع كبير بكل و هو : Blood
فأنا توا حنحاول قد ما نقدر أني نديرلكم حل فيه :-

✅ MCQs السنوات السابقة عليه مع الحل و الشرح قاعدات فوق الرسالة هذي
✅ حنزل الشورت نوت المتوقع عليه الإجابات طول مع فويس لشرح السؤال كيف يجي ، و في نفس الفويس و في نفس البي دي إف حنحط النقاط اللي فيهن زبدة الكورس بعون الله علشان تركزوا عليهن
✅ و حناقش معاكم الحاجات اللي حطتهن دكتورة جهينة في جزئية : (self study) لعلّ و عسى يجي منهن سؤال مع أني لا أظن ذلك


و الله المستعان وعليه التكلان
يا رب يا كريم 🙌🏻❤️

إنت قاري البلود ؟ مش قاريه بكل ؟ تبي الزبدة متاعه ؟ تبي تناسبه ؟
عندك دم ؟ ما عندكش دم ؟

أيا كان حالك ، الله يرحم والديك ويوسع عليه أسمع التسجيل و أفتح البي دي إف و مرّ عليه
الله يرحم بوك و أمّك أسمعه 😂🙌🏻🙌🏻🤍🤍

ركزت فيه على كل نقاط الشورت نوت المحتملة و المتكررة و مواضع الام سي كيوز و أسئلة الأورال ، و شرحت فيه نقاط self study اللي تبيهن منكم الدكتورة

الله يربحكم و يجبر بخواطركم أسمعوه 😂🙌🏻🤍🤍

السؤال هذا شورت نوت من كورس البلود جا في واحد من السنوات السابقة

جاوبته لكم في فويس التركيزات اللي نزلته توا
بكره حنجاوبه لكم كتابيا 😂🙌🏻
ذكّروني بيه 😂🙌🏻🤍

بالنسبة للكيس يا شباب :-
لما يقولك حاجة ضربت العظم و كسراته و أثرت على عضو آخر في الجسم ، و خاصة لو كان العضو هذا : (kidney) اعرفه يحكي على : Multiple Myeloma ، خاصة لما يقولك إنسان كبير في العمر و أصوله إفريقية ، يقعد التشخيص أقرب للشيء هذا .

✅ Diagnosis : (Mutliple Myeloma - Plasma Cell Malignancy)

✅ Renal Involvement :
🔺 لما السرطان يكسر العظم ، يطلع الكالسيوم ، يزيد في الدم ، يوصلى للكلى ، يدير حصوات ، فأول شيء : Renal Calicum Stones
🔺 ثاني شيء ، أنحاء الجسم المختلفة معرضة كلها أنها تتكسلف ، بما فيها الكلى ، يصيرلي Renal tissue Calcification و اللي هو شيء مختلف تماما عن الحصوة .

🔺 السرطان يفرز في أجسام مضادة بكمية كبيرة ، و كذلك أجزاء من الأجسام المضادة : light chains ، يخشن للدم بكمية كبيرة ، يتسربن في مختلف أنحاء الجسم على هيئة Amyloid ، بالذات في الكلى ، فالنقطة الثالثة : Renal Amyloidosis

🔺 النقطة الرابعة :
light chain damages both : (Renal tubules + Glomeruli)
فحيصير خلل في الفلترة متاع الدم ، و كذلك في صناعة اليورين و تفشل الكلى في النهائية

هذا اللي يصير في الكلى

✅ Bone marrow aspirate :
لما ناخذوا عينة من نخاع العظم في المرض هذا ، حنلقوا النخاع محتل من قبل الخلايا السرطانية متاع plasma cells ، بحيث أنهن شكلن أقل شيء 30% من إجمالي النخاع

و لما نكبروا الخلاياو نبحتوا فيهن من جوا ، نلقوهن مليانات بحويصلات معبية بالأجسام المضادة اللي ينتجن فيهن بكمية كبيرة جدا جدا جدا .

و هذا حد السؤال اللي أغلبكم يحسابه شور البون أو الرينال
وهو شور WBC Diseases 😂🙌🏻🤍

اخر حلويات نشاركوهن في ختام المادة النزيكة هذي 😂🤍🤍

MCQs كورس البون 💙💫🎉

من هنا تستطيعون الوصول لكل الام سي كيوز و الشورت نوت الخاص بكورسات السستمك باثولوجي بالكامل 💐💐💙💙💙💫💫

الحمد لله
الحمد لله
الحمد لله
الحمد لله حمدا كثيرا طيبا ، حتى يبلغ الحمد منتهاه ❤️💐💐
بالقائمة هذي دكاترتنا نقدر نقول أني رسميا وصلت لنهاية مشواري معاكم اللي بدأ من شهر 12 اللي فات


✅ المعمل ، بفضل الله لأول مرة في تاريخي التدريسي شرحته و نظمته لكم على قناته بالكامل
✅ الجينيرال ، شرحناه كله على قناته ، و نظمناه في قائمة خاصة بيه ، محاضراته و الشورت نوت متاعه ، و الام سي كيوز مع الشرح كذلك ❤️🙌🏻

✅ و كذلك السستمك بكل كورساته منظم على قنواته ، و الشورت نوت الخاص بكل كورس و الام سي كيوز تلقوهن عالقناة العامة من خلال القائمة اللي فوق الرسالة هذي 🙏🏻💚

حرفيّا عطيت كل ما نملك و الله 😂🙌🏻🤍🤍
حاولت أني ما نبخل عليكم بأي شيء نمتلكه
كانت رحلة جميلة ((الحق نعم متعبة)) لكن جميلة ، و تشرفت فيها بأقدع دفعة عرفتها في حياتي 😂🤍💫💫

و نعاودوا و نقولوا...
إن أحسنّا فهو بفضل الله و توفيقه
وإن أخطأنا فهو تقصير منّأ

سامحوني لو أني قصرت مع أي حد فيكم ، أو بدر منّي أي تصرف ضايق أو زعّل أي حد فيكم ، نسأل الله العليّ العظيم أنه يحميكم و يحفظكم جميعا و نشوفوكم دكاترة أدّ الدنيا كلكم 💙💙💐

ودمتم في حفظ الرحمن 🙏🏻💛

السقوط الحر 😆✌
اسمعوا الفويس حتفهموا مقصدي 🤣🤍💫

النصيحة اللي ديما نكرر فيها
يا شباب امتحان بكره مش قضية حياة أو موت
مش قضية تحديد مصير
ولا عمره حيكون بأي شكل من الأشكال عائق أمامك في بناء مستقبلك

هو مجرد ورقة تبي تاخذ عليها درجة فقط لا غير
ما تهولوش الموضوع على أنفسكم
ولا تكبروا من قيمة الامتحان
ماهوش نهاية الدنيا أبدا ، سواء حليت كويس فيه أو لا ، نجحت فيه أو لا ، ما زال الحياة ياما فيها من فرص وتجارب قادمة خاطي امتحان بكره

فما تكبروش من شأنه في قلوبكم
بيش ما يسيطرش عليكم التوتر

وإن شاء ربّي يجبر بخواطركم جميعا كيف ما كلكم حرفيا جاهدتوا في هالظروف الصعبة القاسية خلال الأسبوعين اللي فاتن

و بعون الله ما تطلعوا بكره إلا وكلكم مرسومة الفرحة على وجوهكم ❤️❤️💐💐🙏🏻

السلام عليكم حبايبنا 🤍🙏