Oral Candidiasis (Thrush) associated with Asthmatic patient

Orofacial herpetic infection caused by herpes simplex virus-1

Oral pyogenic granuloma ➡️ inflamation found on gingiva of children , young, pregnant female.

Oral Fibroma➡️ painless mass due to local truma

⚪Leukoplakia➡️ Define as whit patsch or plaqu can not scraped off , has risk of progression to squamus cell carcinoma so leukoplakia it's Precancer.

تقريبا 100 سؤال حصريا ل كورسات : (GIT + LIVER + GB + Pancrease) من امتحانات السنوات السابقة لقسم الباثولوجي في جامعة بنغازي ، توا حينزل فويس الشرح

دكاترة أنا هكي بعون الله
نكون كملت معاكم أضخم كورس في الباثو
Diseases of GIT & Liver & Gall bladder & Pancrease

و نزلتلكم عليه ام سي كيوز لقسم الباثو ، و صدقوني (و جربتوني مسبقا 😂) حيتكررن منهن واجد في التاتوريال خاصة مع جزئية دكتورة عبير

وفرتلكم شرح عادي و مكثف بيش يتلايم مع الجميع
ومعمل الباثو مستمرين فيه بعون الله

توا نبي منكم تدعولي
عندي امتحان باطنة كلينك الأحد القادم ، و العملية تبيلها دعوة خمسين ألف غريب ، و رضا والدين بيش تسلك 😂😂🤍🤍

فادعولنا بالله وما تنسونا ❤️🙌🏻
و ربي يسهل علينا ما تبقى و نختتموها ب حسن الختام 💪🏻💛💛

يُروى أن أحد الحكماء سابقا قال :-

و تُهْدينا الحياةُ أضــواءً فِي آخرِ النَّفَـــق
تدعُـــــونا كَــــــــيْ نَنْســـى ألمــا عِشْنَــاهُ

نستسلم ، لَكْنَ لَا مَا دُمْنا أحياءَ نُرْزَق
ما دام الأمــــلُ طريقـــــاً فَسَنَحْيَـــــــــاهُ

❤️❤️💐

شباب
نصيحة نحب نوجهها لنفسي أولا ثم لكم كذلك

يا شباب طريق الحرام والله ما فيه أسهل منه خاصة في وقتنا الحالي
لكن والله ثم والله ثم والله لا حيرتاح بالك ولا حتتهنى بحياتك و لا حتلقى بركة في أعمالك وأيامك ما دمت تمشي في طريق الحرام

خليك إنسان شهم عفيف وعزيز نفس و ازرقتي : (على قولة خوتنا السوريين 😂❤️) ، و ما عمرك ترضى إلا بالحلال

ومهما ضاقت عليه ، ما دامك تتحرّى الحلال صدقوني حيرزقكم الله من حيث لا تحتسبوا، و من كل حدب وصوب

فالله الله يا دكاترتنا
الحرام والله ما فيه بركة و لا فيه ثمرة
والحلال ما فيه أجمل منه ولا أحلى من شعور الالتزام به

نسأل الله الهداية لنا جميعا 🤍🤍🙌🏻🙌🏻


الحاجة الأخرى ، بالله حاولوا تاخذوا شيتات الفيميل من الجامعة و تبعثوهن لنا في أقرب وقت بيش نحضروه فيسع فيسع 😂❤️❤️

خشييييييييييييي
ووووووووووه 😂😂❤️❤️🎉🎉🎉🎉🎉🎉
دزتلي وحدة من زميلاتكم توا
الفيميل طلعن شيتاته نفس السنة اللي فاتت 😂😂🤍🤍

و أنا دايرله ملخص أكثر من جميل والدفعتين اللي فاتن أغلبهم قروه منه
حنشروحه منه بعون الله بعد التأكيد على أنه ما فيش أي معلومات جديدة

اللي عنده حاجة يتفضل 😂🤝
@Alomami977

شباب
شباب
شباب

للعلم
المعمل 70 درجة
الفاينال 140 درجة
الأورال 30 درجة

يعني بعد تاتوريال بكره ، ما زال عندكم 240 درجة
درجة تنطح درجة

و تبيلكم 180 منهم بيش تصفوا

يعني خلوكم ريلاكس
و أقروا و امشوا لامتحانكم بضحكة و لعبة

😂🤍🤍

قلتها لكم من البداية 😎😂🤝❤
GIT
هو حاتم الطائي في الباثو
هو الطبطبة واليد الحنونة في الباثو

غير حل يا وليدي و خوذ درجات
و شفتوا بروحكم اليوم 😂✌

مش ديما قراية
مرة مرة اضحكوا ونفسوا على ارواحكم 😂🤍✌


لأنه اسمه أكشن في البوتينشيال 😂🔥🔥

سيداتي سادتي نعلمكم بأن السيد المدعو محمد العمامي ، قاعد مزنوق ومحبوس وسط قاعة مع بقية قطيع زملائه، في انتظار أن يأتي المعيد الشرير أو ذاك الدكتور الخطير فيختاره كضحية لامتحان الباطنة

ادعو لذلك المسكين
في هذه اللحظات الصعبة
لحظات ما قبل الكارثة

😂✌✌❤❤

جزاكم الله كل خير دكاترتنا على كلامكم الطيب 🙌🏻🤍
الحمد لله ربي يسرها
والحمد لله طلعنا مبسوطين

وتوا يلا بينا على باقي المعمل وباقي المنهج
جايينك يا طشة فيميل و CNS 🏃🏻‍♂️🏃🏻‍♂️

يا شباب الأمة ، هلمّوا هلمّوا نقوللكم على خطتنا فيما تبقّى من المنهج و إنتم طيبين

المعمل كان سهّل الله نحاول نكمله لكم الأسبوع هذا ، وقناته زي ما قلنا مفتوحة للجميع : (https://t.me/+xrcfoZcDO444OGQ8)

المنهج النظري ، خطتي وهدفي فيه ، نظرا لضيق الوقت عليكم (مش عليّا 😂) أني نحاول نخليه في أقصر وقت ممكن ، مع توضيح النقاط المهمة و لذلك هدفي حيكون :

✅ الفيميل : ما يفوت 3 ساعات
✅ البريست : ما يفوت نص ساعة
✅ البلود كله على بعضه : ما يفوت 3 ساعات
✅ الإندوكراين : ما يفوت ساعتين
✅ سي إن سي ، ما يفوت ساعة
✅ البون : ما يفوت الساعة
✅ الMale ، ما يفوت ساعة

يعني ما تبقى من المنهج النظري كله كله على بعضه ، نحاول ما يفوت شرحه 11-12 ساعة بالكثير

و بالنسبة لكورس الفيميل و البريست
حينزل عالقناة العامة كاملا للجميع ❤️❤️❤️🙌🏻🙌🏻
وكالعادة حنززلكم ملخصاتي فيه ، ضروري تقروه منهن ، حيعجبنكم واجد


و نسأل الله أنه ربي يسخرلنا نكونوا قد كلمتنا معاكم
ونسأل الله أن يحسن ختام المادة معاكم
دمتم في حفظ الله جميعا 🤍🙌🏻🙌🏻

مواضيع كورس الفيميل ، حيكونن مقسمات بناء على الأعضاء ، حنقروا بالترتيب (من تحت ل فوق) أمراض :
✅ Vulva (External Genital organ)
✅ Vagina
✅ Cervix
✅ Uterus
✅ Fallopian tube
✅ Ovary (لا يخلو امتحان من أسئلة عليه)

بعدها فيه أمراض مش حيصيرن إلا خلال الحمل حنقروهن و هن :
✅ Ectopic Prgnany
✅ Gestational Trophoblastic Diseases (لا يخلو امتحان من أسئلة عليه)
✅ Pre-Eclampsia (لا يخلو امتحان من أسئلة عليه)