بعون الله كورس الريسبايراتوري
حنشرحه في فيديوات

من شيت الجامعة مباشرة ، لأنه الدكتورة اللي عطتكم السنة هذي غيرت في الشيت و ضافت و نقصت

و الكورس هذا حينزلن فيديواته على القناة العامة للجميع بعون الله

🤍🤲💐

دكاترة ❤️🙌🏻
خلونا نحكو ك بشر ، ونطلعوا شويا من نطاق الدراسة والقراية و همهما و ضغطها
الامتحان وسيلة تقييم "مؤقتة" مش غاية لنا
الجملة هذي حطوها قدام عيونكم ديما

يعني إنت لما تقمعز و تقرا وتدرس المرض وتفهمه وتستوعبه ، إنت هكي تكون أنجزت اللي عليك وحققت الغاية و الغرض من دخولك لكلية الطب البشري ، حتى لو خشيت وجبت صفر في الامتحان ، اي نعم حتى لو جبت صفر ، لأن غايتك هي "العلم" مش "الدرجة متاع الامتحان"


وللأسف أنه نحنا كلنا مشت فينا أننا معش قعدنا نفرحوا بالعلم نفسه ، بل نفرحوا بالدرجة ، بدليل تلقى الواحد فينا لو حل سؤال عشوائيا وهو مش فاهمه ، وبالصدفة تطلع إجابته صحيحة ، يفرح !

يفرح على درجة جابها صدفة بدون ما يكون هو مستحقها وهو مش فاهم المعلومة أصلا !

حقيقة للأسف أغلبيتنا ك طلبة بدت البوصلة تضيع عندنا في دراسة الطب و الهدف منه

فأرجوكم يا دكاترة
وهي نصيحة لكم وفائدة لكم مش لي أنا و الله
ما تخلوش الامتحان و الدرجة هي همكم
راه و الله ثم و الله ثم و الله هذينا مجرد أرقام لا يسمنن و لا يغنن من جوع

خلّوا هدفكم العلم نفسه
أنك تكسب المعلومة و تفهمها
بيش تعرف تتعامل مع المرض مستقبلا وتعرف تعلّم غيرك العلم اللي تعلّمته


في النهاية بكل ، لما يجيك مريض مستقبلا مصاب ب مرض معين ، علمك اللي في راسك و اللي درسته عن المرض هذا هو اللي حيساعدك تشخص المرض و تعالج المريض هذا ، و بعدها يدعيلك بكل الخير و برحمة الوالدين 🤍🙌🏻🙌🏻🙌🏻

أما درجتك اللي جبتها في امتحانك ما فش مريض حيهتم بيها أو يعدل عليها أصلا ،هذي حاجة لك إنت شخصيا

بجد دكاترة لازم نوعوا للحقيقة هذي كلنا
ونحاولوا نعدلوا البوصلة الضائعة لدينا
و نسأل الله كل التوفيق للجميع 🙌🏻❤️

هذا سؤال جاكم اليوم ، طبعا لقيته في النت 😂

الكيس متاع السؤال الآخير اللي سارقينها من النت 😂😂
واضح أنها Membranous Glomeurlonephritis

لأنه قالك نيفروتك + فيها (IgG + C3) ، و هذينا علامات MGN

شوفوا في الفيديو كيف شرحنا
أنه فعلا (Basement membrane) في المرض هذا ينحصر ما بين الكومبلكسس المترسبات ، و يبرز ما بينهن على هيئة spikes

✅ و هذا اللي يخلي الاختيار متاع (spkies) صحيح
✅ و الاختيار متاع : (priliferation of basement membrane between complexes) حتى هو صحيح

سخنوا سخنوا جايكم 😂💪🏻💪🏻❤️❤️

شيت الجامعة اللي حنشرح منه كورس الريسبايراتوري 🙌🏻🤍

دكاترة و لا تصغروا لو الجامعة بدت في GIT ، دزولي الشيتات بالله 🙏🏻

دكاترة حبايبنا ❤💐
يومكم مبارك يا رب

بالله اللي حصل شيت Git يصوره لنا و يبعثه لنا
وجزاكم الله كل خير

@Alomami977 💙💐

كورس الجي أي تي هذا : حاتم الطائي متاع الباثو 😂🤍🤍
كوررس جميل أنيق رائع وخلاب وأسئلته ساهلة ونزيكة و تخليك تقول يا ريتها الباثو كلها جي أي تي


أبشروا حنبدوا فيه بعون الله ❤️💪🏻💪🏻

وهذا فيديو مقدمة للكورس فيه توضيح للترتيب اللي حنمشوا بيه و كيف حنديروا فيه كان سخّر الله 🙌🏻❤️❤️

أول organ حنحكوا على الأمراض متاعه
oral Cavity
و هذي قائمة المواضيع الله فيه ❤️💪🏻