دكاترتنا يومكم طيب
و إن شاء الله تكونوا توفقتم اليوم كلكم ✌❤


توا جا وقت الباثو 🥁😂🤍✌

الخطة اللي ننصح بيها بشدة

🔶️ بالنسبة لدراسة المنهج حتى اللي ما زال ما قرا (CVS / Renal) نهائيا
نقوله المكثف يكفيك ثم يكفيك ثم يكفيك
10 ساعات هنا الاثنين مع بعضهن
ساعتين كل يوم
تلم الليلة كلها ❤👏🏼✅

🔶️ والأهم من هكي ، رد بالكم رد بالكم رد بالكم تفوتوا الام سي كيوز اللي نزلتهن لكم

55 سؤال للدكتورة حنان العوامي (CVS)
21  سؤال للدكتورة أمل (Renal)

حرفيا أسئلوا دفعة  47 التاتوريال يجي نسخ لصق منهن والله

بالخطة هذي ، الفل مارك مضمونة
والضامن الله عز و جل ✌🤍

توكلوا على الله
واستعينوا به
و ما خاب من استعان به ✌❤❤🔥

وأي حد يبي يسجل و يشترك في القناة يكلمني طول وما عندش معايا أي مشكلة ، بعون الله ما نقصر مع حد دكاترتنا 🤍🤲
@Alomami977

جدول درته لكم تقدروا تنظموا بيه وقتكم الأيام الجاية بطريقة تساعدكم في التاتوريال بشكل ممتاز جدا 🤍🙌🏻

و ما زلت نبه و نكرر و نقول ، الله الله في الام سي كيوز يا دكاترة ، بعدما تقروا و تثبتوا أي موضوع ، طول الام سي كيوز متاعاته 💪🏻💚

المعمل رقم 3
هيمودينامك

قيد التنزيل على قناة المعمل : (https://t.me/+xrcfoZcDO444OGQ8)
🙌🏻🤍🤍

التفسير :-
✅ نادرا ما أن الرئة تتعرض لأي مشكلة في الروماتك فيفر (لذلك الاختيار الرابع خطأ)
✅ الكوريا ممكن تكون على جانب واحد أو على الجانبين (ذلك الاختيار الثالث خطأ)
✅ الإريثيميا متاع الروماتك فيفر لا تشمل الوجه (الإجابة الثانية خطأ)


و هكي الإجابة الوحيدة الصحيحة هي الإجابة الأولى ، أنه التهاب المفاصل غالبا يصير مع الكبار مش مع الصغار ✅

دكاترتنا الطيبين النزيكين الثمانية و الأربعين ❤️💐🙌🏻
جمعتكم طيبة و مباركة
نسأل الله لكم كل التوفيق والسداد غدا في امتحانكم

خليكم ريلاكس
وكونوا على ثقة بأنفسكم أنكم قدها و أهلها و أكثر
خشوا لامتحناكم على قناعة أنكم أهل لها 💪🏻
و أطلعوا من امتحانكم و إنتم على قناعة أنكم أهل لها مهما صار معاكم 💪🏻💪🏻❤️

ما تخلوا شيء يهز ثقتكم بأنفسكم
ربي معاكم و عين الله ترعاكم
صديقكم محمد العمامي ✌🏻

و ديما طيبين يا رب 🙌🏻🤍

بعون الله كورس الريسبايراتوري
حنشرحه في فيديوات

من شيت الجامعة مباشرة ، لأنه الدكتورة اللي عطتكم السنة هذي غيرت في الشيت و ضافت و نقصت

و الكورس هذا حينزلن فيديواته على القناة العامة للجميع بعون الله

🤍🤲💐

دكاترة ❤️🙌🏻
خلونا نحكو ك بشر ، ونطلعوا شويا من نطاق الدراسة والقراية و همهما و ضغطها
الامتحان وسيلة تقييم "مؤقتة" مش غاية لنا
الجملة هذي حطوها قدام عيونكم ديما

يعني إنت لما تقمعز و تقرا وتدرس المرض وتفهمه وتستوعبه ، إنت هكي تكون أنجزت اللي عليك وحققت الغاية و الغرض من دخولك لكلية الطب البشري ، حتى لو خشيت وجبت صفر في الامتحان ، اي نعم حتى لو جبت صفر ، لأن غايتك هي "العلم" مش "الدرجة متاع الامتحان"


وللأسف أنه نحنا كلنا مشت فينا أننا معش قعدنا نفرحوا بالعلم نفسه ، بل نفرحوا بالدرجة ، بدليل تلقى الواحد فينا لو حل سؤال عشوائيا وهو مش فاهمه ، وبالصدفة تطلع إجابته صحيحة ، يفرح !

يفرح على درجة جابها صدفة بدون ما يكون هو مستحقها وهو مش فاهم المعلومة أصلا !

حقيقة للأسف أغلبيتنا ك طلبة بدت البوصلة تضيع عندنا في دراسة الطب و الهدف منه

فأرجوكم يا دكاترة
وهي نصيحة لكم وفائدة لكم مش لي أنا و الله
ما تخلوش الامتحان و الدرجة هي همكم
راه و الله ثم و الله ثم و الله هذينا مجرد أرقام لا يسمنن و لا يغنن من جوع

خلّوا هدفكم العلم نفسه
أنك تكسب المعلومة و تفهمها
بيش تعرف تتعامل مع المرض مستقبلا وتعرف تعلّم غيرك العلم اللي تعلّمته


في النهاية بكل ، لما يجيك مريض مستقبلا مصاب ب مرض معين ، علمك اللي في راسك و اللي درسته عن المرض هذا هو اللي حيساعدك تشخص المرض و تعالج المريض هذا ، و بعدها يدعيلك بكل الخير و برحمة الوالدين 🤍🙌🏻🙌🏻🙌🏻

أما درجتك اللي جبتها في امتحانك ما فش مريض حيهتم بيها أو يعدل عليها أصلا ،هذي حاجة لك إنت شخصيا

بجد دكاترة لازم نوعوا للحقيقة هذي كلنا
ونحاولوا نعدلوا البوصلة الضائعة لدينا
و نسأل الله كل التوفيق للجميع 🙌🏻❤️

هذا سؤال جاكم اليوم ، طبعا لقيته في النت 😂

الكيس متاع السؤال الآخير اللي سارقينها من النت 😂😂
واضح أنها Membranous Glomeurlonephritis

لأنه قالك نيفروتك + فيها (IgG + C3) ، و هذينا علامات MGN

شوفوا في الفيديو كيف شرحنا
أنه فعلا (Basement membrane) في المرض هذا ينحصر ما بين الكومبلكسس المترسبات ، و يبرز ما بينهن على هيئة spikes

✅ و هذا اللي يخلي الاختيار متاع (spkies) صحيح
✅ و الاختيار متاع : (priliferation of basement membrane between complexes) حتى هو صحيح

سخنوا سخنوا جايكم 😂💪🏻💪🏻❤️❤️

شيت الجامعة اللي حنشرح منه كورس الريسبايراتوري 🙌🏻🤍