دكاترتنا حبايبنا يومكم طيب يا رب ❤️🙌🏻
هذينا الام سي كيوز اللي نزلتهن لكم على كورسات :
✅ CVS
✅ Renal
✅ Skin

الله الله فيهن
الله الله فيهن
لازم تشوفوهن ، لأن هذينا أسئلة القسم متاع الباثو نفسه بل أسئلة نفس الدكاترة اللي عطوكم : حنان العوامي (cvs) ، و أمل الاشيكع : (renal) و سارة اقليصه : (skin)

شفتوا الجزئي الأول كيف أن النيوبلازيا كله نسخ لصق من الأسئلة اللي كنا منزلينهن ، فاستفيدوا من التجربة فيما هو قادم 🙌🏻🤍🤍

عين ربي ترعاكم دكاترتنا 🤍🤍

دكاترتنا الأعزاء
فيه حد عنده معلومة لو يقدر يفيدنا بيها

هل مسجل كلية الطب البشري يفتح بكره و الأسبوع الجاي ؟ والساعة كم يفتحوا ؟

العلامات المميزة لكل أمراض :
✅ Nephrotic Syndromes
✅ Nephritic Syndromes

من إعداد العبد لله ، محمد العمامي 😂🤍🙌🏻

دكاترة يومكم طيب يا رب ❤️🙌🏻
فكّرت في فكرة جديدة من نوعها ، يمكن تساعدكم على مذاكرة الباثو بشكل أفضل و أبسط

إنتو فاطنين في شرحي للباثو ، ديما نحب أنكم تركزوا على : "Key Words" أو يعنى : "hall mark" بمعنى العلامة المميزة لكل مرض ، اللي بمجرد ما تسمعها ، طول تعرف التشخيص بدون ما تكمل قراية السؤال

ف توا نفكر أنه في كل كورس ، نديرلكم تجميعة العلامات المميزة لكل مرض ، علشان تراجعوا بيهن و تثبتوا بيهن

و توا وتيتلكم العلامات المميزة لكل أمراض النيفروتك و النيفريتك فوق 👆🏻

ف شن رأيكم ؟🧐

بسم الله والصلاة والسلام على رسول الله ❤️🙌🏻

فتحت قناة حنزل عليها شوي فيديوات وتسجيلات شور معمل الباثو : (https://t.me/+xrcfoZcDO444OGQ8)

حنحاولوا في القناة هذي أنه نبسطوا عليكم معمل الباثولوجي ب قدر الإمكان دكاترتنا

طبعا هذي أول مرة نشرحه معمل الباثو 😂😂
وكنت أتجنب شرحه السنوات اللي فاتن بسبب أنه العينات كثير منها تعبانة و غير واضحة ، لكن السنة هذي كثير منكم ألحّ عليّ أني نشرحه ، فقلنا يلا نحاولوا ❤️😂🙌🏻🙌🏻

نسأل الله التوفيق لنا ولكم 🙌🏻💛💛💐

واحد من جارات المعمل :-
Aortic Valve Stenosis

Hallmark :
دبلة shaped appearance 😂😂❤️❤️😋

مقدمة (سوبر مهمة عالمعمل) ❤️🙌🏻

المعمل الأول :
معمل Cell injury ❤️🙌🏻

بدينا في شرح المعمل دكاترة
اللي يبي ينضم للقناة يتفضل : (https://t.me/+xrcfoZcDO444OGQ8)

دكاترتنا يومكم طيب ❤️🙌🏻
بالله ما فيش حد حصل pdf لمعمل النيوبلاجيا اللي عطاه دكتور أحمد بن حسونة ؟
مش امنزلينه القسم على قناتهم 😅
نبوه ضروري يا دكاترة

شرحنا أول معمل باثو :
✅ 11 جار
✅ 3 سلايدات

في 40 دقيقة
بمعدل 2.5 دقيقة لكل عينة 😂🤍

خشوا للقناة هيا فيش ترجوا : (https://t.me/+xrcfoZcDO444OGQ8) 🏃🏻‍♂️🏃🏻‍♂️🏃🏻‍♂️🏃🏻‍♂️

تقبل الله منّا ومنكم الصيام والقيام
وكلّ عام وأنتم بألف خير

ينعاد عليكم بالخير والعافية يا دفعة إنتم و كل أحبابكم وأهاليكم ❤️❤️🙌🏻🙌🏻

#أسماء_الجازوي
#محمد_العمامي

انطلاقا من مبدأ : (ذكّرهم ونكّد عليهم)
#معمل_الانفلاميشن
عيدكم جارات و سلايدات 😂😂😂🤍🤍🎉

اللي ما زال ما خش لقناة المعمل يخش يا جماعة : (https://t.me/+xrcfoZcDO444OGQ8)