دكاترة يومكم مبارك 🤍🙋‍♂️
زي ما قلتلكم دكاترة أي حد سجل معايا في المنصة في الجزئي يا ريت يتواصل معايا علشان نعوضوه عن الفيديوات

و نحب نبه كل الدكاترة
أنه حذفة الفيديوات من المنصة جت سهوا و نتيجة سوء تفاهم فقط لا غير 😂😂✌

يعني القصة مش متعمدة
ومنا هنا نعتذر لمنصة همزة وطاقمها عن كلام المنشور السابق الذي يفهم منه بأن الموضوع متعمد .

المهم حبايبنا بالله ما تنسوا أي حد سجل معايا في الجزئي خلوه يراسلني طول

و ربي يحفظكم 😁🤍

دكاترة ال48 يومكم مباركم 🤍👏🏼
لعند توا عالقناة الخاصة كملنا :-
✅ Skin
✅ CVS
✅ Renal

شرح عادي و مكثفات ، فيديوات وتسجيلات صوتية ، مع MCQs من السنوات اللي فاتن ، يعني كل الخير متوفر عليها 😂💛✌

ممكن بعد كم يوم نبدا في كورس جديد

نصيحتي :-
أي حد ما زال ما بدا ، يبدا خلاص الوقت ضاق
والجامعة قاعدة تجري

قناة الجامعة من امبدري شويا نزلوا قريب نص كورس الرينال 😅
والحمد لله أننا أوريدي شرحناه عالقناة الخاصة بالكامل

فالمهم دكاترتنا
خلاص وقت الجد حان
فشدوا الهمة
و استعينوا بالله

و ربي يفتحها في وجوهكم كلكم ❤❤✌
@Alomami977

و هكي دكاترتنا
نقولوا ألف ألف ألف مبروك 😂❤️💐💐

هذا كورس آخر كملنا بالمكثف بالشرح العادي بكل

لعند توا ، كملنا :-
✅ skin (شرح عادي ساعة و نص ، مكثف نص ساعة)
✅ Renal (شرح عادي 9 ساعات ، مكثف 4 ساعات)
✅ CVS (شرح عادي 12 ساعة ، مكثف 6 ساعات)

آخر حاجة نبي انزلها لكم هنا على CVS :-
1)- شوية ملاحظات على فتفت موجود في شيتات الجامعة
2)- خمسة وخمسون سؤالا : (55 QUESTIONS) من امتحانات السنوات السابقة حصريا للدكتورة حنان العوامي في كورس cvs ، مع الحل و الشرح ❤️❤️🔥🔥🔥

55 سؤال ينطح سؤال
يعني احتمال كبير اللي يقراهن معاش يوحل في أسئلة CVS نهائيا
فأرجوكم أقروهن لما نزلهن و فصفصوهن أرجوكم 🙌🏻🤍🤍

الجامعة كملت الرينال و نزلاته كله 🤯😶
طقوا فينا حي ها حي 😂😂😂💔

55 سؤال كاملات مكملات من أسئلة امتحانات قسم الباثو السابقة على كورس : (CVS)

كلهن أسئلة الدكتورة حنان العوامي اللي عطتكم الكورس ❤️💪🏻💪🏻

حنزلوا فويس لشرحهن بالكامل
أسألوا الدفعة 47 ، التاتوريال ديما يكون نسخ لصق من الأسئلة هذينا و الله

فرد بالكم منهن 💙🙏🏻

Valvular lesions⬆️

زميلتكم نشرت صورة توضيحية لا قوة إلا بالله ، لأمراض صمامات القلب ❤❤👏🏼👏🏼

دكاترة يومكم طيب ❤👏🏼
الخطة نزيكة وكل شيء تمام

إلا حاجة وحدة بس
المدة بين معمل الباثو معمل البارا 3 أيام
أعتقد صعب تلموا فيها معمل الباثو من الصفر

لذلك أمامكم حل من الحلين :-
✅ يا أما كل واحد فيكم يبدا في دراسة معمل الباثو من توا و يقنطه و يراجعه في هال 3 أيام

✅ يا أما اطلبوا من ادارتكم أنها تزيد المدة لمعمل الباثو

الباقي كله جميل في الخطة

شوية زيادات في شيتات الجامعة شرحتهن لكم عالقناة الخاصة دكاترتنا ❤️🙌🏻

هذا فوق PDF لأسئلة الشورت نوت في كورس الرينال ، مع الإجابات ، بالنظام هذا حنمشو في باقي الكورسات بعون الله .

ملاحظة : كورس sKIN مستحيل يجي عليه شورت نوت ، خوذوها معلومة حصرية مني 😂🤍

شورت نوت CVS كاملا 🤍💪🏻

و هكي وأخيييييييييييييييييرا
كملنا كل شيء بخصوص : (CVS)

✅ شرح عادي
✅ مكثف
✅ ام سي كيوز سنوات سابقة مع الشرح
✅ شورت نوت بالإجابات

Finally 💪🏻❤️❤️

بيان مزاط و دراه كبد 😂

توضيح مهم دكاترتنا 👏🏼🤍

إذا الـمَرءُ لــــم يَرضَ بـِما رَبُهُ وهَــــبْ
فلـنْ يُغـنِـهِ مـالٌ وإنْ زادَ مـا كـَسَـب

فكُـنْ راضِـيـاً.. تُرضِـي الإلَـهَ بـأمـرِهِ
فدربُ الرِضَى نورٌ، ونبتُ الرِضَى ذَهَب

وكُــنْ راضِـيـاً لا تَـسـخَـطَـنَّ لـشِـدةٍ
كَما الشوكُ لا يُعطِي الرَحِيقَ ولا العِنَب